بنت السفير ( روايات ليبية )

حلقة 4🔥

رواية #بنت_السفير🔥
( خيال ممزوج بلواقع )
للكاتبة : #حنو
الرواية بلهجة الليبية
حلقة  4🔥 "

.
.
عنـدي انـي قـعد يـقولي طـلال..شـرينـي ومـاتبـطليش لـين يفـتحو
انـي..تي كـيف مـني فـيه اهنـي
اسـراء..طـلال كنتنـا قصـقاصـة هلبـا واعتقـد امـي مـش حـتوافق علـيها كـانها بتقـعد بالعـناد هـدا😂
انـي تحّشمت وقعـدت نـشريـن وجـي فـي بـالي ان يكـون طـلال دايـرلي مـفاجأة بعيـدميلادي اليـوم واكيـد امـه داخـل😅 لعنـد مـانفـتح البـاب وكـان راجـل شـباني نعـطيه عمـره فـي الخمسـينات كـان شـعره ابـيض ولحـيته بيـضاء ولابـس جيـنز وتيـشرت هـو صـح رجـل خمـسيني لـكن قـيافتـه واهتمـامه بنفـسه تعـطيه اصـغر مـن هـكي جـت عيـني فـي عيـنه قـلبي دق ابتـسمتـله وهـو رد الإبتـسامه وشـاف لـ الـولد اللـي مـعانا طـول
محمد..أيـمن خيـر ان شاءالله
أيـمن انصـدم انـ طلـع يـعرف حـتى اسـمه..ءءء
طـلال..لو ممـكن شـوية مـن وقـتك ياعمـي محمـد
أيـمن..حنـحكولـك مـوضوع ولازم تـسمعنـا فـيه
أحمـد..قـد مـاحـاولـنا نـوصلـولك لـكن عبـس الـيوم هـو يـوم الفـرح بـالنسـبة ليـنا ان قـدرنا نـوصلـولك فـيه
طـلال..وان شاءالله ماتـردنـاش بـس
مـحمد بـعد تفـكير حـول مـن قـدام البـاب..تفـضلو
خشـينا وكـان كـل شـي حـلو بـكل كـنت مـش فـاهمة شـن اللي قـاعد يصـير مـعناها اللـي فـكرت فـيه غلـط يـاربي شـنو صـاير
طـلعت مراء كبيـرة فـي السـن لابسـة تـوب الصـلاة..مـنو يـا محمد
محمـد..حنفـهـمو تـوا دخـلي البـنات وانـي حنفـهم مـن الشـباب
خششـتنا الـمراء وكـانت تشـبحلي بنـظـرات حـب واعـجاب قـعمـزنا وضـيفتنا عـصير وشكـلاطة
آمـنـة..منـو اننتـم يـابنيـاتي ومنـو الشبـاب اللـي انتـم معـاهم الوقـت تـوا مـعش يـطمن كـيف جـايين مـعاهم💔
اسـراء..احنـي جيـنا مـع خـوي وصحـابه وحتفـهمي بـعد شـوية مـن نكـونو حـني ياخـويلة
خـافت آمـنة شـوية بـس كـل مـاتشوفلـي كـان قـلبهـا يـدق بـقوة..كـم عمـرك؟ وشـن اسـمك؟
انـي شـفتلـها وابتـسمت..عمـري 22 سنـة واسـمي سـلسـبيـل❤ والـيوم سـكرت 22 وخشـيت فـي الـ23
آمـنة قـامـت راسـها بصـدمـة وقـعدت تشـوفلـي نـفس اسـم بـنتهـا المـرحـومة ونـفس عمـرهـا حـتـى انـها نفـس عيـدميلادها!!!!!؟؟؟ حبـت تـستفـسر..ءءالعممر كـله يـااارب ءء انننتم خـوات!!؟
اسـراء..لااا سـلـسبيل صـاحبتـي
انـي ابتسـمت بـوجع..لا مـش خـوات
آمـنـة..اااه ببباه عنـدك خـوات اكيـد يشـبهولـك❤
انـي دمـعو عيـوني..لاا للأسف انـي مـن دار الأيـتاام لا اب ولا أم💔اللي نعـرفه ان بابا وماما ميتين بـس سـمعت انـهم يكـذبو عليـا وعـايشـين ربـي يجـمعنـي بيـهم ادعيـلي خـويلة❤
آمنـة دمـعت عيـنها فـي لـحظة تـمنت انـهـا تكـون بـنتها عـايشة
اسـراء..وانـتِ خـويلة البـاين مـاعندكمـش صـغار
آمـنة..بـنتي مـاتت فـي يوم ولادتـي ليـها الله يـرحمها ومنـها ربـي مـعش رزقـنا بـصغار
انـي لمـعت فـي راسـي الفـكرة وحسيت انـ جيـتي هنـي لـأمـي وبـوي قـمت راسـي بصـدمة وقـت سـمعتها قالت انـ بنتـها مـاتت فـي يوم ولادتـها فـهمت كـل شي فـي لحـظة شـفت لإسـراء وعيـوني مـدمـعات وهـي هزتـلي راسـها بمعنـى ايـه شـفتلـها طـول وشـديت يـديها..انـتِ...
وقـطع علـينا اصـوات الشبـاب العـالية نـاضت آمـنة تجـري ومشـينا وراهـا
.
.
نـجو عنـد طـلال مـن اللـحظة اللـي خشـينا فـيها مـع آمـنة
خـشينا للصـالون وكـان العم محمد عنـده نـوع مـن التـوتـر حـقه لانـة الفتـرة اللـي فـاتت حـاولـو يغتـالوه شـفت لأيـمن انـ يتـكلم بـعد مـاقعمـزنا
أيـمن..حنـي ياعمـي محمد جـاييـنك فـي مـوضوع خـااص جـدا ويـخصك انـت بـذات
محمد..تفضـلو ان شـاءالله خيـر بـس عـرفني عـلى الشـباب هـدم
أيـمن..هـدا احمـد وهـدا طـلال والـموضوع بيـحكيه طـلال انـي مجـرد انـ سـاعدتهم بـاش يـوصلـوك فقـط
مـحمد شـافلـي..تفـضل يا اسـتاذ طـلال كـيف نقـدر نخـدمك
توتـرت ومـعش عـرفت كـيف نبـداله وبعـدها تشـجعت وبـديتله بـي خـوه منـير..انت يـاعمـي عنـدك خـوت صـح؟
مـحمد..ايـه اكـيد
انـي..خـوك منـير؟
مـحمد..ايـه تفـضل خيـره مـاتقـولش تبـي منـه فلـوس وهـو مـش مـخلي واحـد فـي حـاله لعنـد امبـارح جـاني واحـد نفـس المـوضوع😤
انـي..لا مـش مـوضوع فـلوس بـكل
مـحمد..امـالا شنـو شغلـتني يـاولدي
انـي..انت زي مـانعـرفو انـ عنـدك بـنت ومتـوفية مـن يـوم ولادتـها وهـوا اليـوم!!
مـحمد نـزل راسـه..ايه الله يـرحمها
انـي..عـلاش تقـول هـكي بـنتك مـزال عـاايشـة
مـحمد قـام راسـه بصـدمة..كيييف
انـي..والله بـنتك مـزال عـايشـة
مـحمد..تعـرفو ان المـوضوع هـدا مـش سـاهل صـح وتعـرفو ان بإمـكانـي نمحـيكم عـلى وجه الارض لـو طلـعتو تـلعبو بيـا
انـي..خالق الراس قـاطعـه وانـي جـاي بنـساعدك مـانبيـش نـظرك وخلـيني نـكملك وبـعدها لـو اقتنـعت تـمام ولـو ماقتنـعتش تمام
مـحمد..ادوي
انـي..يـاعمـي بيـوم ولادة بـنتك تـم خـطفها وحـطو بـدالها بـنت تـانية مـيتة وخـديتوها انـتم ودفنـتوها واللـي قـام بالعمـلية هـدي كـلها خـوك نـوري ولـو مـش مصـدق هـدا حـقك عنـدنـا دلائـل تخـليك تقـتله فـي مكـانه وتشـرب من دمـه لانـه باعـد علـيك كبـدك
وانـي نحكـي كـان احمـد فـاتح اللاب تـوب وفـاتح الفـيديـو اللـي اسـتلمت فـي المـديرة سلسبيل وكـانت المـديرة باعتاته ع الـواتس بـاش تهدد بيـه نـوري سكتت انـي وفـتح احمـد الفـيديو وقـعد العم محمد منتـبه مع الفيـديـو وعـيونه مفـتوحـات ع الآخـر مـن الصـدمة بـعد تم الفـيديو شـافـلي
انـي..ومـن بـعدها البـنت عـاشت فـي دار الأيـتام وكـانت المـديرة ولـعند الآن تعـامل فـيها فـي معـاملة بـشعة ولقـينا تسـجيل آخـر تسـئل المـديرة فـي منـير وفتـح احـمد التسـجيل وكـانت صـدمة عمـره صـوت خـوه فـعلا وكـانت تقـوله
المـديرة..علاش حـطيتو بـنوتة زي هـدي فـي دار الأيـتام يـامنير حـرام عليكم
منـير..امـالا تبـيني نشـوف خـوي عنـده صـغار يـورتو فـيه وانـي نطلـع يـيدي عـ راسـي لا والله😏
المـديرة..حرام عليـك
منيـر..اني عـارفك عـلاش تقـولي هكـي تبـي فلـوش تـو يـوصلك غـدوا مبـلغ تم هكـي؟؟
المـديرة..اوك
وتسّكر التسـجيل
وقـعدت نـوريله فـي هلبـا فـيديـوات ومقـابلات واصـوات لـعند مـاوصـلت
انـي..وفـي يـوم تقـابلت مـعاها فـي الكلـية وطـاحت صـاخت ورفعتـها للـمستشفـى وقالـولي سوء تغـذية وانـها مـاتاكلـش
دمـعو عيـونه الـعم محمد..يـعني فـي الـوقت اللـي اني مسـتريـح فـيـه ونـاكل فـي كل مـالذ وطـاب وبـنتي تعـاني مـن سوء التغـذية حسـبي الله ونـعم الوكـيل فـيك يـامنـيير
انـي فـرحت بـإنـه صـدقنـي وشـفت للـشباب وابـتسمت..وبـعدها وصـلتها بـنفسي لدار الأيـتام مشت خـشت بنتـك نسـت شـنطتها فـي سـيارتي خـشيت بـاش نعـطيهالـها مـاقدرتش فـ خشـيت للـمديرة وسمـعتها تقـول
فتـح احمد التـسجيـل وسـمعه العـم محّمد وخـلاص مـعش قـدر يـتحمل اكـتر
مـحمد وقـف..وينهااااا وينـهاااا بنتـي😭الله لا تربـحهممم الله لا تختتتم عليييهم حسـبي الله ونعم الوكيييل شـن درتـلهم انـي شنووو
نـضت اني وشـديته ونهـدي فـيه
مـحمد..بـيديا هـدم نـوكل فـي صـغارهم بيـديا هـدم مـاخليـتش ولا شـي ينـقصصصهم فـلووس سـفررر حـوايج مـاااكلة حـياش اسـتراااحااات تـي كيـف هككككي خـوووي هـداااا خـوووي هـكككي يـديير فـياااا
اني..غيـر اسـتهدى بـالله يـاعمي
وشـفت لقـيت آمنة وسلسبيل واسراء
آمنـة..شننن فـيييي شـننن درتـووو لـراااجلي خـيره هكككي
انـي..اهـدي بـس يـاخالتـي
مـحمد شـاف للـبنات وشـافلـي..اي وحـدة منـهم!؟؟؟
انـي..سلـسبـيل تعـالي
جـت سلسـبيل وهـي مـش فـاهمـة شـي او بالأحـرى تحـاول تفـهم
.
.
عنـدي انـي بـعد سـمعنا صـوت عيـاطهم خشـينا وشـفت حـالة الراجـل بالـويل تسـخفي علـيه قـالي طـلال تعـالي جيـت جنبـه وانـي خـايفة
شـدنـي الـراجـل واضـبطنـي بقـوة
شـفت لطـلال بـصدمة ومـشعارفة شـن نقـول
قـعد حـاضنـي ويبـكي ويقـول حسبي الله ونعم الوكيل
آمـنة..شن فـي قـولولـي😭
طـلال شـد يـديـها قـاللهـا..هـدي تـكون بـنتك كـدبو علـيكم وقـالولـكم انـ بنتـكم مـتوفـية بـس المـوضوع كـدبـة وتلفـيق مـن سـلفك منـير هـدي هيـا بـنتك يـا خالتـي
آمـنة داخـت مـن الصـدمة شـدوها طـلال وأيـمن وقـامـوها ع الكنـبة مشـت اسـراء تجـري جـابت اميـا
انـي..خلللـيني نننفـههم
مـحمد حـاط يـديـه ع خـدودي ويـشبحلـي بنـظرات حب وكـل شـي ريـته فـي عيـونه..انـتِ بـنتـي❤سـلـسبـيل انتِ مـش ميـتة😢انـي بـوك يـابنتـي خـانونـي طعنـوني فـي ظهـري وحـطك فـي دار الرعـاية وربـي العـزة يابـنتي وربـي الكـون يابـنتي حـنـاخـد حقـگ👌🏻وحـناخد حـقي منـهم حـرمـونا منـك ومـن ريـحتك 22سـنة والله لمـا نـوريـهم نـجوم اللـيل فـي عـز الـقااايلة👌🏻
قـعدت نشـوفـله ودمـوعي مـعش بـو يـوقفو احمـد يـشوف ومتأثـر بالـموقف اسـراء فيـقت آمنـة وقـعدت تـبكي وتضحـك تخـلطت عـليها معـش عـرفت تبـكي ع السـنين اللـي فاتت وبنتـها بعـيدة عليـها والا تفـرح انـ بنتـها حـية 💔
حضـنتـه وحـطيت راسـي ع صـدره قعـدت نبـكي شـعوري كـان متلـخبط مـانقـدرش نـوصـفه بـككككل بـس اللـي نبـيه ان نقـعد فـي حـضنه ضمنـي هـوا بـكل قـوته
نـاضت آمنـة تجـري وشـدتنـي فـكتني مـنه وقـعدت تحـضن فـيا وتبـوس فـيا وتبـكي..😭😭بنـتتتي والله مـن وقـت مـاشفـتك وانـي حسـيت بـشي داخـلي ااااه يـابنتـي بـعدوك عليـنا ااااه يابـنيتي الله لا تـربحـهم الله لا تـختم علـيهم😭😭
قـعدنا نبـكو ونتغمـرو فـي بـعض بّعد سـاعة هـدينا وقـعمـزنا نـهدرزو
طـلال شـد يـدي..وفـيتلك بـوعـدي وكـنت قـد كلـمتي مـعاك وان شـاءالله تـكونـي فـرحـانة وراضـية❤
انـي ابتـسمتلـه وكـنت نتـمنى انـوض ونـحضنه💔
احـمد..احممم كح كح
نحـى طـلال يـده وضـحك
محمـد ابـتسم..ايـه تـوا نبـي نفـهم شـي مـنو انـت وليـش سـاعدت بـنتي!!؟
طـلال..نـكون مـعاك واضـح وصـريح يـاعمـي بـنتك مـن يـوم مـاريـتها مـعش طلـعت مـن دمـاغي ومـن يـوم مـاسمـعت المـديرة قـررت انـ نـطلـعها مـن المـكان المـظلم هـدا ومـن ظلـمهم وكـذلك انـسانـيتي مـاتسـمحليـش نسـكت ع الظـلـم اللـي هيـا فـيه وبـما انِّـ تـوا سـلمتـها لـبوهـا وأمـها هـكي تـوا نـرتاح ونـطلـب يـدهـا مـنك ونـاوي الحـلال❣
مـحمد عـجبه كـلام طـلال الـموزون..جبـتهالنـا وبـتاخدها مننـا😂فـي نفـس الـوقت
قـعدنا نضـحكو وكـنت بنطـير مـن الفـرحة
بـابـا..شـن تـخدم انت يـا طـلال
طـلال..والله حـاليا لاهـي فـي مـواد قـاعديلي والمـشروع خـلاص عـلى مـشارف الانتـهاء والخـدمة كـل مـاتجي حـاجة تصـليح والا مـحل نشـده يعنـي كـل مـرة شـي مـش تابـت
مـحمد..ماشاءالله شـن تـخصصك؟؟
طـلال شـافلـي وابـتسم وشـافـله..ادارة اعـمال انـي وسـلسـبيل نـفس تخـصص
مـحـمد شـافلـنا..ماشاءالله❤بـاه يـا أيـمن
أيـمن..نعـم
مـحمد..مـش كـنا نـدورو فـي شـخص خـريج ادارة أعمـال وغمـزله
أيـمن..اااه ايـه صـح
مـحمد..تـمام مـعناها انـت ديـر الإجرآت ويـوم السـبت جـيب مـعاك طـلال ويـبـاشر فـي الخـدمة عنـدنا💙
طـلال انصـدم..عممي صـحيت بـارك الله فـيك لـكن سـامحـني مـانقدرش واصلا انـي مـزال ماتخـرجتش
مـحمد..هـدي هـديتي لـيك لانـك درت المـستحيـل بـاش تـوصلـي وتـسـلملي بنتـي خلـيني نـشكرك عـلى طـريقـتي❣
شـفت لسـلسـبيل ابتـسمتلـي وهـزت راسـها بـمعنـى ايـه شـفتلـه..اوك مـوافق
مـحمد..هكـي الصـح وامـا مـوضوع اللـي قلـتلـي علـيه بـنتـي هيـا لـيگ غيـر خلـيني نـشبـع مـنها😂وبـعدها يـتفضـلو اهلـك امـتى مـايـبو💙
كـان وجهـي أحمـر ومـش مصـدقـة اللـي قـاعـد يـصير كـأنـي فـي حـلم
أحمد ابـتسم ونـاض وقـف..نسـتأذنكـم انـي
مـحمد شـافـلـه..لا والله مـاتعـرفنـاش علـيك
آمـنة شـافتـله بتـمعـن وشـافت لـمعة حـزن فـي عيـونه
أحمـد..والله يـاعمـي لازم نـطلـع امـي مخلـيها بـروحها
مـحمد..غيـر قـعمـز اكـيد مـعاها حـد مـن خـوتك
أيـمن وقـف..احمد راس ولـد وامـه مقـعدة وهـو اللـي يـعانـي فـيها فـ لازم نـروحو
محمد..سـامحنـي يـاولـدي عـطلتكـ
أحمـد..لا عـادي اهـم شـي اللـي جـينا ع خـاطـره تم😌
مـحمد..وانت شـن تخـدم يـا احـمد
أحمـد..والله اهـو نـخـدم فـي محـل تلفـونات وميـسورة الحمدلله
مـحمد..شـن شهـادتك انت
أحمد..بـرمجـة لـكن اهـو زي قلـتها داسـها فـي دولاب
مـحمد شـاف لـأيمن..مـحتاجيـنه حـتى هـدا جيـبه
أحمـد..صـحيت يـاعمـي لـكن والله مـاشيـة امـوري الحمدلله
مـحمد..سـمعتـو حـد يـدوي تـوا ؟
كلـنا..لالا
مـحمد..ايـه كـلامي بـيمشـي ومـهما نـديرلـكم مسـتحيل نـوفيـكم دينـكم ويـالله بـرا لأمـك والسـبت نبـي نشـوفك عندي
وتـلاقـو عيـوننـا فـي عيـون بعـض انـي وطـلال وحـسيته حـزيـن شـوية مـفهمتـش عـلاش!!
مـحمد..يـاناس والله مـامصـدق بـنتي جـنبـي!!
انـي ابتـسمتـ..الله قـداش مـحتـاجـة هـالكلـمة يـاربـي حـتى لـو حـلم مـانبـيش انـوض مـنه❤
ضـمتني امـنة فـي حضـنها وكأنـي بنـطير منـها
أحمـد..هـي آنـستو بـعضكم
أيـمن..هي تصـبحو عـلى خيـر
طـلال نـاض واسـراء وقفـت مـعاه..وحـتى احنـي هـي نسـتأذنو
مـحمـد..سـامحـوني ياولادي والله المـفروض مـانرخيـكم الا مـاتكون متعـشييـن
طـلال..صحيت بارك الله فيك ياعمـي
اسـراء..احنـي المهم انـ عطيـناكم الأمـانة هـدي ولـينا عـودة ان شاءالله😉
محمد وآمنة..تشرفونا وتآنسـونا
انـي دمـعو عيـوني حسـيت كـأنه اخر مـرة نشـوفه بـوضوح
طـلعت وراهـم بـاش نسقـدهم
طـلعو أحمـد وأيـمن وقـعدو يـراجـو فـي طـلال واسـراء بـاش يـطلعـو وراء بعـض
سـلمت اسـراء عليـا وطلـعت ركبـت السيـارة وقـعدنا انـي وطـلال جبـدني طـلال لـيه وحضـني بقـوة ولفـيت انـي يـديا علـيه وحضـنته
طـلال..وفـيت بـوعـدي لـيك ورجـعتك مـن ويـن مـاخـدوك ردي بـالك تتـخلي عـليا وتسـيبـيني
انـي..نتخـلـى على روحـي ولا نتخـلى عليـك
طـلال..يعنـي نمـشي وقلـبي مـرتاح
انـي..يـس
طـلال..نحـبك يـاطشـتي
انـي..نمـوت فـيكك
طـلع طـلال وانـي قـعمـزت ع الكـرسي فـي جـنان وقـعدت نشـوف للـسمي مـش مصـدقة اللـي قـاعد يـصيـر💗فـجأة اذكـرت حـلا اتصـلت بيـها طـول
حـلا..وييييينك وييينك ياكداااابة وينكك
انـي..مش كـدابة حـقك يـوصلك لانكـ سـاعدتيـني هلـبا فـوق ممـا تتخـيلي بـس خلـي غـدوا نـجي ونفـهمك كـل شـي
حـلا..المـيتم مقـلوب عليـك
انـي شفت لبابا وماما جاييـن بتجـاهي..معـش يـهمنـي لقـيت عيـلتي
حـلا..تـي ويـن انتِ؟؟
انـي..قتلـك غـدوا نجـي وتفهمـي كـل شـي
حـلا..تمام تشـاو
سـكرت منـها وابـتسمـتلهم ونضـت حضـنتهم همـا الـزوز..مـش مصـدددددقة
آمنـة..ولا انـي مصـدقة يابـنيتي
قـعمـزنا فـي جنـان مـع بـعض
مـحمـد..معقـولة معقـولة خـوي هكـي يـدير فـيا
انـي نـزلت راسـي..لـو مـش مصـدقيـن خلـي نـديرو تحـليل DNA
مـحمد ضـحك..تحليـل شنـو يـابنتـي وانتِ نسـخة امـك المـصغـرة
آمـنة..اصـلا مسـتحيل مـزال نـفرط فـيك
قـعد تـلفونـي يـرن شـفتـه لقـيته المـديرة نطـيت مـن مكـاني وخـفت
مـحمد..شن في!!؟
آمـنة..منو يـابنتـي؟؟
انـي..مـديرة المـيتم اكـيد بتـبهدلـني☹
خـدت آمـنة الفـون وسكـراتـه مـرة وحـدة..خلاص فـوتيـها غـدوا نمـشولهـا ونتـفاهـمو مـعاها
مـحمد..مافـيش تفـاهم معـاها انـي نعـرف كـيف نتـصرف
انـي ابتـسمت..بجـد حـلمـي تحـقق❤مـعش نبـي شـي😌
آمـنة..اي احكـيلنا ع حـياتك كـيف مـاشيـة!؟
انـي..شـي يا مـامـا حـياتي مـش زي حيـاتكـم بـكككل لا فلوس عندي ولا شـي حلـو عنـدي وكـل شـي نمـلكه مـن تصـديق النـاس عليـنا يـعني حيـاة بسيييـطة ومـختلفـة كـل الإخـتلا علـيكم بـاص يجـي يـرفعنـي تخلص فـيه الـدولة هـدا شـي الوحـيد اللي مسـتفيدة مـنه يـرفعني للكـلية ويـروح بيـا صـاحبـات مـاعنـديش لانـي فتـرة وقـت كـنت صـغيرة كـل مانتصـاحب انـي وبنـية يجـو يـتبنوها نـاس ونقـعد بـروح فـ معـش حبيـت نصـاحب حـد اممممم وبـس يعنـي مـاكلة فـي السـكن ولـو اتأخـرتي ضـاع عليـك💔وهـوا هـدا
آمـنة شـدت يـدي..حبيـبتي كـل هـدي المـعاناء تمـت تـوا حيـاة جـديدة وكـل شـي جـديد
انـي..الحمدلله يـارب
مـحـمـد..حـيكون عنـدك صـاحبـات وتعـزميهم امـتى مـاتبي وحيـكون عنـدك سيـارة وحيـكون عنـدك حـوش تـرقدي وتـرتاحـي فـيه وتـنوضـي وتـاكلـي امـتى مـاتبـي وكـيف مـاتـبي حـيكون عنـدك مـلابـس ومـن افخـم المـاركـات دار مـلابـس كـامـلة حـتكـون حيـاتك احـلا مـن كـل شـي
انـي شـديت يـديهم الـزوز..مـانبـيش غيـر انـكم تكـونو جنبـي ومـاتسيبونـيش بـسس💙
مـحمد وآمنـة ابتـسمو..مـستحيل يـاخدك حـد مننـا مـن جـديد
انـي..خـاطري نعـرف كـيف خـداني منـير!!؟
مـحمد..بـعد مـاربطت الأحـداث فـهمت تـذكـري يـا آمـنة وقـت روحـت بيـك
.
.
نـجو قـبل 23 سنـة شـن كـان صـاير
آمـنة وهمـا فـي المسـتشفى..مـحمممممد قـولي يامحمد وينـها بنتـنا😭😭😭
مـحمد شـد يـدها..انتِ مـؤمنة بـقضـاء الله وقـذره
آمـنة شـافتـله..كـيف شـن صـار
مـحمد..للأسف بنتـنا عـطاتك عمـرها
آمـنة..لاااااااا😭😭😭بنتتتتتتي اننننت شنننن تقوووول يا محممممد اننننت ععععااااااارف انننن بعععد البننننت هددددي انننني ممعععشششش نققققددددر نجييييب علااااااش علاااااش يااااااربي😭😭😭😭😭😭 وقلـبت آمنة المستشفى ع راسها بالبكي
طـلع محمد يـبي يكـمل الاجرآت وخلا الممرضات يهدو فيها جـي منـير وهو وجهه مايتفسـرش..حميدا وخييي وين ماشي
محمد..ماشي بنـشوف البنية وبندير اجرآت
منيـر..والله ماصارت اني كل شي نتمهولك انت اقعد جنب مرتك بس
محمد..نبي نشوفها بس
منير..نصورهالك اني توا خليك جنب مرتك بسسس
محمد وهو خانقاته العبرة..شن كان صار لو قعدت بنتي عايشة وتمت فرحتي ياوخيي
منـير..اششش خلااص ربي يعوضك خير ان شاءالله خلي نمشي نشوفهم
ومـشي منـير بـدلنـي ببـنت تـانـية مـيتة وعطـي اهلهـا فلـوس بـاش يسـكتو و عـطانـي لممـرضـة متفقـة مـعاه استناتـه لـين جـاها ورفـعني لـدار الأيـتام وكـان متفـق هـوا والـمديرة
روحـت ماما وبابا حزينيـن ع اللـي صـار ودارو عـزي 3 أيـام وماما تبـكي وتنـوح وكـأنـي بـنت كـبيرة
.
.
نـرجعـو للـوقت الحـالي
انـي دمـعو عيـوني وقـت شـفت مـامـا تبـكي ومقـهورة نضت حضنتها..ياحبـيبتي اششش خـلاص اهـو انـي مـعاك خـلاص المـفروض تـوا ننـسو المـاضـي ونعيـشو الحـاضر مـع بـعض
مـامـا..ربي يـاخد فـيه الحـق يـاااااارب ربـي يـردهـوله فـي بـنااته يـاااارب
مـحمد..البـنات مـاليـهمش عـلاقة مـاتدعـيش عليـهم
مـامـا..اسـمع يـامحمد نقـولك مـن تـوا لا مـرته ولا بـناته مـزال نبـي نشـوفـهم عنـدي خـلاص ارجـوك انـت مـش فـاهم انـ الكـل عـارف والا شـنو؟؟
انـي..مـامـا كـلام بـابـا صـح مـاتشـمليش الكـل ليـن نفـهمو ومـاتحمـليهمـش غلـطة بـوهم
مـحمـد حـط يـده ع كـتف مـاما..ايـه خـلاص تـوا هـدي روحـك تمـام!!؟ غـدوا زي كـل جـمعة نـروحو الصبـح تمـام؟ و وهمـا يـجو يـتغدو مـعانا وقـتها حـنعرفو كـل شـي
مـامـا..تمـام
محمد..هـي نخـشو نـرقدو
انـي..هي
نـضنا احنـي3
مـامـا..ارقدي مـعانا نبـي نشـبع منـك❤
انـي ضـحكت..حـاضر
خـشيت الحمـام حشـاكم فـتحت فـوني تحشـمت نفـتحه قـدامهم بـعتت مسـج لـطـلال (حـبيبي الليلة مـش حنهدرزو لانـة مـامـا تبـيني نـرقد جنبـها نحبـك انـي وكـل اللـي انـي فـيه توا بـسببك ربـي يحـفظك ليـا❤وتصـبح علـى الـف خيـر )
استنـيت شـوية وجـانـي مسـج منـه(حبـيبـتي عـادي يـاروحـي اصـلا مـادورتكـش قلـت خلـيها مـعاهم ويـحفـظك لـيا يـاروحـي وانتِ مـن أهـلي💘)
سكـرت فـوني وخـشيت للـدار لقـيت مـامـا مفـرشتلـنا احنـي 3 مـع بعـض نقـزت ع سـرير وانـي فـرحـانة وحضـنتهم الـزوز مـش مصـدقـة بـدي عنـدي ماما وبابا الحمدلله يـاربـي❤
مـشت اللـيلة كـلها تهـدريـز ع بـعـض ومـارقدنـاش للفـجر صـلينا ورقـدنـا وانـي كـنت كـل شـوية نـرقد وانـوض نـشوفـلهم ونـولي نـرقد وانـي شـادة فـي يـديهم💗
نـضت مـع سـاعة 10 عـلـى صـوت مـامـا❤😍
مـامـا..سـاسـو حبـيبتـي هيـا نـوضـي بنتـي❤
وقـف بـابـا قـدام البـاب ويـشوفلنـا
دمـعـو عيـونـها مـامـا..قـداش مـاحلـمت بـاللحـظة هـدي يـامحـمد💔الحـمدلله يـارب ربـي حققـلي امنـيتي❤
انـي فـتـحت عيـونـي فـرحت انـهم جنبـي حـطيت راسـي ع ركبـتها..مـامـا ديـريلـي شعـري
حـطت مـامـا يـدهـا علـى شعـري وقـعدت تمسـحلي عليـه ودمـوعهـا ينـزلو
امـا بـابـا فكـان واخـد فـونـه ويصـور فـينا وهـو فـرحـان ويفكـر كـيف حيـعلن ان بـنته حيـة ويفكـر انـ يـديـرلـي حفـلة اسـتقبال ليـا وكـان فـرحـان بيـا وفـرحته مـش سـايعـاتـه💗
نـضت دوشـت وبـدلت وطلـعت
انـي..منـين لبـسة هـدي😅طلعتـو شـريتو امـالا؟؟
بـابـا..هـدم البـنات يـجو مـرات يتـزردو اهنـي ويقعـد لبـسهم
انـي تعفـلقت..بنـات منـير!!؟!
مـامـا شـافتـلي..بفـلوس بـوك يـابنتـي يـامـا حـتشوفـي مـن حـجات حـتقهـرك وبعدين مش بـنات منـير بـس عنـدنـا!
انـي قعمـزت..يـعنـي فـي الـوقت اللـي انـي فـي الميـتم همـا عـايشـين فـي خـير بـوي😢ومـش هكـي وبـس بـوهـم هـو اللـي ملـوحنـي فـي المكـان هـدا ومخلـيني وبنـاته واخـدين مكـانـي!! حسـبي الله ونعـم الوكـيل💔
مـامـا..حسـبي الله ونـعم الوكـيل حيـاخـدو جـزاتـهم يـابـنتي مـاتخـافيش
بـابـا كـمل مـاكـلته ونـاض.. ####
مـامـا..😳😳
انـي..؟؟؟؟؟
#يـتبـع
.
.
انـ شـاءالله تنـال اعـجابـكم يـاااارب حـبايـبي زعـما شـن قـال مـحـمـد!!!؟ وشـن حـيصيـر فـي منـير اللـي انفـضح قـدام خـوه!!؟؟ وشـن حـيكون مصـيره!!؟ بـنات العـم حيـتقـبلو سـلـسبيل!!؟ والا لا؟؟ كـل شـي حـنعرفـوه فـي الحـلقة الـخامـسة❤🕊 #حـنـو