رواية #بنت_السفير🔥
( خيال ممزوج بلواقع )
للكاتبة : #حنو
الرواية بلهجة الليبية
حلقة 15 🔥 "
.
.
.
حـسـيـن عـيط فـي الحـوش بصـوت عـالي..شـنووو قـلللللت انـييييي قـللللت مـعش تخـلوههاااا تمـس شـيييي والاااا مـرااااام اليـوم لـمااا نقـتلّگ اطلللـعي انـتِ مّن المـطبـخ
طلّعت انـي وجـيت وراه
وجـو سـعاد ومنـير و مـرام
مـرام..انـت شـنوووو تقـووول احـني عـلااااش جـايبـينهاااا اااه عـلااااش مـش بـااااش نـاخـدوو حقـنااا مـنهااا
سـعاد..سـحراااته يـا للاااا
حـسيـن..انـي خـلااااص مـعش نبـيييي هكـي تغيـر كككللللل شـييي خـلاااص بـوها وقـتلنااااه وخـدينااا حقـناااا منـه هـدي عـلااااش نعـذبو فـيهااا!!؟؟انـي مـن يـوم خـشت غيـبوبـة وانـي ظمـيري يـأنـب فـياااا ومـع هـدااا ولـتلـي وسـاااامحـتننني فـ مـعناااها انـ انـي حيـوااان بـعد كـللل شـي درتـه مـعاها مـزال عـاطيـتننني فـرصة تـانيـة وتلـبي فـي طلبـاااتكـممم شـن تبـووو تـاااانـييييي وااااحـد منـكممم يـممممس شـعععرة مـن مـرتتتي يحـسب روحـه ميـت
انـي كـنت وراه وكـنت مـبتسـمة بـشماتـه الله يـاربـي كـيف غيـرت الأحـوااال❤
بـعد مـاهددهـم طـلع وانـي ركـبت للـدار سكـرتهـا عليـا وقـعمـزت فـتحـت شفـرتـي تـانيـة واتصـلت بـ سـخاء
سـخاء..ايواا ويـنگ مـغيـبة مـن لمـا مـشيتي مـعش سـمعنا صـوتگ
انـي..تـي كـاااان تعـررررفـي شـنووو صـاااار😂😂
سـخاء..شنـووو احككـييي
انـي..مـعش مـد حـد يـده علـيا ومـدايرة روحـي نسـمع فـي الكـلام وخـايفـة نـقلب حـسين علـيهم وبـدي يخـاف علـيا ودايـر روحـه يحـبنـي ونـزيدگ تعـارگ مـع اخـته علـى خـاطري وكـلهم قـاللهـم ولا واحـد يـمسهـا تخـااايـلي مـش قـادرررة نـصدددق
سـخاء..هـدا يـابنتـي طـاح فـيك واهـو بـنقولگ يـديـر هكـي قـدامگ بـاش يخـليك تحبـيه يحـسابهـا هكـي هيـا😂
انـي..والله كـرت وربـحته حـسـين لـما نبـهدلـه فـي حيـاته
سـخاء..غيـر توا فـهميني بـاه شـن بـديري
انـي..تـوا نبـي نـتلاقـى مـعاك بـاش تجـيبيلي حبـوب منـومـات نـبي نـدير بـيهم اخـررر حـاااجـة
سـخاء..وويـن مـروة مـختفـية
انـي..تمـشي مـرض الحـيوانـة تخـايلي يـومـها بصـدفة هـيا حطـت تلفـونهـا ومشـت اني خـديته قـبل لا ينطـفى قـعدت نبـربـش فـيه بنـت الكـلب بـاعتـة لـطلال لـكن مـدايرلهـا بلـوك😂
سـخاء..حييييي نهـارهـا مسـود شـن الفـرخة هـدي
انـي..تحساب روحـها بطـيحه 😂
سـخاء..مـش طبـيعية هـدي
انـي..مـريضة
سـخاء..بـاه يـاحنة شـن بـديري عمـي منصـور يكـلم فـيا ديمـا ويقـولـي شـن صـار مـعاها ومـعش متحمـل السكـوت بكـل
انـي..قـولـيله قـربت عـلى مشـارف الإنتـهاء انـتِ قـوليلي طـلال رفـع عيـلته والا لا!؟؟
سـخاء..سمـعت انـ رفـعهم طلـعهم فـي نفـس الأسـبوع
انـي..ميـة مـية اسـمعي
سـخاء..وي
انـي..الحـبوب لازم يكـونو عنـدي فـي الأيـام هـدي
سـخاء..غـدوا ديـري روحـك بـتطلـعي والا بـعد غـدوا ونتلاقـو نـعطيـهملك
انـي..اكيـد يـراقـب فـيا حسـين
سـخاء..عنـدي فـكرة نبـعت صـاحبـتي ع اسـاس خـدمة تـوصيـل وتعـطيك هيـا داروحـها لبـسة وانتِ خـودي منـها
انـي..بـاهي تمـام ملـيح
سـخاء..اوگ خـلي نكـلمهالك
انـي..خلـيها تجـي غـدوا صـبح
سـخاء..تمام
سكـرت منـها وانـي مـطمنة شـوية مـامـا وسـافرت وعيـلة طـلال وسـافرو يبـقى مـزال نخلـي حـسين ومنـير يـوقـعـو ع الأوراق اللـي عنـدي ونفـر منـهم
جـي اللـيل وحـسين زي عـادتـه مـاروحـش بـس كـانت نهـايتـه مـقربـة خـصوصـا انـهم يـراقـبو فـيه واول مـانطـلع منـهم حـيشدوه👌🏻
.
.
.
عـند طـلال كـان فـي الحـوش مـع عيـلته اللـي كـيف واصـلين وهمـا يحكـو ويـهدرزو طـق عليـهم البـاب
طـلال..ايـوا جـيت
امـنانـي..مـني وليـدي جـاي!؟
طـلال..مـشعاارف تـو نجـي هي
فـتح طـلال البـاب ولقـي مـامـا قـدامـه
طـلال..اههلااا خـالتـي آمـنة
مـامـا ابّتسمت..كيـف حـالك طـلال كـويس!؟
طـلال..الحمدلله بخـير كـيف حـالك انتِ ومـن امـتى جـيتي؟؟؟
مـامـا..مـن أيـام بـس خـديت عنـوان حـوشك مـن أسيـاء وجـيتگ بـنحكي مـعاك فـي مـوضوع
طـلال..تمـا تفضـلي
مـامـا..صـوت دوشـة عيـلتك جـو؟؟
طـلال..منـيني عـرفـتي !!
مـامـا..خلي نخـش ونـقولـگ مـوضوع لازم نحكـيه مـع عيـلتگ
خشـو مـامـا وطـلال سـلمت مـامـا عـلى عيـلتـه وهـدرزو وبـدت تحكـيلهم مـامـا فـي كـل شـي صـار مـعاي مـن الاول لـلأخـيرر
طـلال كـان بيـهبل وشـاد يـديه بـراسـه وبيـتفجـر مـن كـل شـي سمـعه عيـلته انصـدمـو مـن اللـي سـمعـوه
طـلال..انـي حنـروح مسـتيحل نقـعد اهنـي تـانـية
مـامـا..طـلال مـاتقـدر اديـر شـي كـل اللـي بـديره انگ تلـتزم بـالصـمت
طـلال..كـيييف بنلـتزم بـالصـممت كيـفف فـهميـنـي
بـوه..خـطر عليـگ تمـشي ومـش حتقـدر اديـر شـي للـبنت
مـامـا..هـيا تعـرف تتصـرف وفـي خـلال الأيـام هـدم حـتطـلع مـن البـلاد
طـلع طـلال مـن الحـوش وهـو مـدمر نـادم انـه سيبـني ونـادم عـلى كـل كـلمة قـالهـالـي قـعد يبـكي ويعـيط بأعـلا صـوت عنـده وخصـوصـا ان حـس انـ يـديـه مـربطـين 💔
.
.
.
جـي تـانـي يـوم ولا يخـلو الجـو مـن منـاوشـات مـرام وكـنت فـايتتها نـضت ع اتـصال مـن سـخاء
سـخاء..هيـا نـوضـي صـاحـبتي فـي طـريق
انـي..تمام
نـضت طـول لبـست وصلـيت وطلـعت وقـت لقـيتها تتـصل
انـي..هيـا طـالعتـلك
مـرام..ويـن يـا روحـي ويـن؟
انـي شـفتـلها مـن فـوق للـوطة..شورا مـاعنـدك مـاتصـنعي بـري صـليلگ ركـعتيـن وانـتِ حـتى القـبلة مـاتعـرفـيهاش
مشـيت وخـليتها تفـتفـت وطـلعت فـتحت البـوابة للـبنت وخشـت
انـي..صحـيتي بـارك الله فيگ
البـنية..سـلمگ
خشـيت بالكـيسة اللـي كـانت فـيها لبسـة خديت الحبوب حـطيتهم فـي جـيبي وخـشيت للدار
حـطيت كـيسة اللبـسة وقـعدت واقـفة قـدام روشـن نسـتنى فـي حسـين يجـي فكـرت انـ نتـصل بـيه
اتصـلت وعـلى طـول رد
انـي..الو
حـسين..ايـوا
انـي..شـن جـو
حسـين..تمـام شـن فـي حـاجة!؟؟
انـي..لا بـس نبـيك فـي مـوضوع ضـروري هلبـا وانـت مـعش روحـت
حسـين..اهـوا انـي كيـف بنخـش للحـوش
انـي..اوك خـليگ فـي جنـان نـازلتـلگ
حسـين..تـم هـي
نـزلت طـول وقـلت للـخدامـة تـوتيـلنا فطـور فـي جـنان وطلـعت
حـسيـن..شن فـي انـ شـاءالله خيـر!!؟
انـي..قـعمـز بنحـكي مـعاك
قـعمـز حسـين وهـو مسـتغرب
انـي..انـي قـررت نسـامحگ عـلى كـل شـي ونـعطيـگ فـرصـة تـانية حسـيتگ حبـيتني وعجـبني مـوقفگ لمـا
دافعت علـيا قـدامهم وقـلت لازم نعـطيگ فـرصـة تـانيـة وانـي مسـامحـاتگ
حـسين ابـتسم وشـد يـدي..والله حبـيتگ بكـل شـي فـيك وسـامحـيني علـى اللـي درتـه فـيگ كـنت مـش بـوعيي وكـانو مـسيطـرين عليـا عـبولـي راسـي وخلـوني مـعش نشـوف شـي
انـي ابتـسمت..خـلاص قـتلگ سـامحـتگ
حـسين..شـن رايـك نّطلعـو نفـطرو بـرا
انـي..لالا اهـو بيـجيبـو الفـطور
حسـين..لالا فـوتيـهم هيـا نـوضـي
انـي..نلبـس ونـطلعو
مشـيت لبـست وانـي طالعـة مـن داري تلاقـيني سـعاد..ويـن بيـها مـن سـمحلـك انـتِ تطلـعي
انـي..طـالعـة مـع راااجـللي😌
سـعاد..راجـل القـهرة والعـازة
انـي..مـش قلـتي وقـت خـطبتيـني ولـدي صـقر وغـزال وبمـية راجـل🤣 تـوا شـن صـارلگ
سـعاد..انـتلفـي مـن قـداااامـي
انـي..باااااي😂
طـلعت وانـي مبـتسمـة لانـي اسـتفـزيتـها مـشيت طـلعت مـن الحـوش وركـبت السيـارة
حـسيـن..مـانسـيتي شـي
انـي..لالا
حـسيـن..تـمام
طـلعنا ومـشيـنا فـطرنا مـع بعـض
انـي..ياريـت نطّلعو ونخـلولـهم الحـوش💔
حـسيـن..تحسـابيـه بـإسـم بـوي بـاش نخلـيهولهـم
انـي..امـالا شـني!؟؟
حـسيـن..كـل شـي بإسـمي
انـي..اهـااا لـكن مفـروض نـطلعو ونسـتقـلو بـروحـنا
حسـين..تـو نفـكر قـبل
انـي..باه
وقـعدنا نـدهورو مـشينا لـي المـحلات خـدينا حـوايج وحجـات ومـن مكـان لـمكان لـين روحـنا للحـوش مّع المـغرب
انـي..بتقـعد ولـه!؟ مـش بـايت بـرا
حـسيـن..حـاضر
انـي ابـتسـمتلـه..هـيا نـنـزلو
حـسيـن..هي
نـزلنـا وخـشيـنا للـحوش
منـير..بـتو بـرا وخـلاص
حـسيـن..ايّاح بـتقعّدولـي هكـي انتـم؟
سـعـاد..خـاطري نفـهم شـن درتـي لـولـدي خلـيتيه يـجري جـرتك جـري
انـي..سـحرتـه بـجمالـي😂
وركـبت وخلـيتهم يسـحنو
قـعد حسـين مـعاهم ومـاقـدرش يـركب ويخـليهـم وهمـا طـول الـوقـت يسحنو علـيا
امـا انـي فـتحت شـنطـه اللـي ديـما يحـط فـيها فـي اوراقـه ولقـيت حجـة الحـوش ودسيـتها مـع الاوراق الاولات
فـاات الـوقت وجـت سـاعـة واحـد خـش حـسيـن للـدار لقـانـي راقـدة جـي ورقـد جـنبي
تـانـي يـوم فـي العـشية
انـي..حـسيـن بنمـشي لـحوش عمـي اسـامة بـالله علـيك ضروري لـسخاء
حسـينن قـعد يفـكر..بـاه بـري مـاتعـطليش سـاعتـين ونلقـاك فـي الحـوش
انـي..اوك
طـلعت ركـبت سيـارة كـانو طـالعـين ومـافيـش حـد
مشـيت لحـوش عمـي
سـخاء..شـن صـار
انـي..جبـت مـعاي الاوراق كـلهم
سـخاء..هـي خشـي مـافـي حـد غيـر عمـي منصـور وبابا
انـي..هي
خـشيت للصـالون وسلـمت عليـهم
انـي..مـاعنـديش هلبـا وقـت ساعتـين بـسس
منصـور..اعـطينـي الأوراق هـي
أسـامـة..هكـي يـابنتـي لـو قـلتيلّنا كـنا حـنرخـو بيـك انـتِ وامـك؟؟
انـي..خـفت كـان مـحاوطـني مـن كـل جـيهات💔😔
منـصور..تـوا اللـي صـار صـاار هـي انـي مـانعطـلش بنمـشي نجـهزلك الأوراق ونجـي
انـي تمـام
طـلع عمـي واسـتغرق سـاعة وبـعدها جـي جـاب الاوراق وكـان نـاقصـهم تـوقـيع حـسين ويـتم المـوضوع
منصـور..هـي بـسرعة اطلـعي وقـوليلي شـن يصيـر
انـي..الليـلة حـنتم المـوضوع
أسـامـة..حـنستنـوك مـن البـاب الخـلفـي مـن الحـوش
انـي..تمـام
روحـت للـحوش وزي كـل مـرة تنـقنـيق وهـم زايـد كـنت مـش فـاضيـتلهم ومـاعنـديش جـو نـرد عـلى حـد ركـبت طـول لـداري
وقـعدت نسـتنى فـي حسـين يـروح
فـات الـوقت بطـيييييء وروح حسـين مـع سـاعة 12 خـش طـول حضـنتـه
حسـين..شـن تطـورات هـدي😅
انـي..حـسيـن فـرحت انكـ روحـت
حسـين..امممم وانـي فـرحت انك اسـتقبلّتيني هكـي
انـي..ربـي يخليگ ويحـظگ لـيا لـولاگ راهـو مـرام مـدايرة فـيا الويـل
حـسـين..مـافـيش حـد يقـدر يـمس شـعرة مـنك
انـي..بـاه بمـا انگ جـيت وجـو سـخون بـكل حسـيته نجيـب شـي نـروقو بـيه
حسـين..تمـام
انـي..اوكك
طـلعت وكـنت حـاطـة الحـبوب فـي جيـبي
خـديت طـواسـي عـصير مـصقـع وصـبيته وحـطيت شـكلاطـة وحـطيت فـي طـاستـه حـبة قـعدت شـويـة وركـبت
انـي..انـي جييييـت😍
حـسيـن..نـورتي
انـي..وهـدا العصـير والشـكلاطـة❤
قـعمـزت جـنبه وعطـيته طـاسته
حسـين..### #يـتبـع
.
.
.
انـ شـاءالله تكـون نـالت إعـجابـكم حـبايـبي ومـن بكـري نكـتب يـديا ليـن طـاحو🤣 هيـاااا تفـااااعـل قـوي نبـيه😍❤ #حـنو
أنت تقرأ
بنت السفير ( روايات ليبية )
Romanceللكاتبة : حنو ، رواية الاكتر تداولا علي مواقع التواصل الاجتماعي وقت طرحها ، تدور الاحدات حول بنت احد السفراء الليبين ، التي خطفها عمها و لكن تجد من ساعدها في الهروب و الانتقام ، رواية ليبية رومانسية من داخل المجتمع الليبي 🔥 . حصريآ MBC LIBYA 🇱🇾
