رواية #بنت_السفير🔥
( خيال ممزوج بلواقع )
للكاتبة : #حنو
الرواية بلهجة الليبية
حلقة 8🔥 "
.
.
فـتحت القـجر ع سـريع طلـعته مـنه وخليـته فـي يـدي وبـديت نجـري حـتى انـي ونجـتاز لـعنـد مـاغلـبو اللـي حـاطهـم بـابـا وراي وجـو جنـبي ويضـايقـو فـيا ويـقولـولـي اوقـفـي
انـي..فكـري يـاسـلـسبيـل فككككري شـن نـديرررلهم😤 خلاص فـات وقـت الـذل والخـوف تـوا لازم مـا نقـوي روحـي يـاااارب انـت مـعاااي يـاااارب شـديت سـلاحي بيـدي التـانيـة وقّعدت نشـوفلـهم ونسـوق نـبي نقـنص علـى عجـل السيـارة بـأي طـريـقة طـلعت سلاح وضـربـت العـجلـة مـتعـهـم نـشوف فـيهم مـن المـراية وقـفو وقـعدو يضـربو بـالرصـاص وانـي نجـري وخـايفة يـكونو وراي مـن جـديـد شـوية ووصـلت شـارعنـا سـطربت وخشـيت نـزلت وانـي نبـكي قـعمـزت ع الـدرجـة وضـميت رجليـا ليـا ونبـكي كـان واحـد مـن الحـرس خـش يـجري وطـلع هـوا وبـابـا وطـارق
بـابـا طـول جـي ضـمني ليـه..بنتـي خـلاص حبـيبتي خـلاص مـعش تبـكي الحـق عليـا مفـروض مـاخليـتكش بـروحـك
انـي..😭😭😭يـابـابـا كـانـو حيـخطفـوني كيـف تبـيني مـانبكـيش لـولا السـلاح هـدا مـاكنتـش نقـدر نهـرب مـنهم😭😭
بـابـا..اشششش خـلاص
طـلعت مـامـا ع صـوت بكـاي شهـقت وخـافت لـما شـافت سـلاحـ فـي يـدي..بـنتتتتي شـن صـاااار
انـي وقـفت طـول وتغمـرتهـا..مـامـااااا😭😭كـانو حـياخـدونـي منكـم
طـارق وقـف جـنب بـابـا وشـوشـله..حسـين!
بـابـا هـز بـراسـه..ايـه مـنـو غيـره!
طـارق..لازم تـشكي فـيه وتـوقفـه عنـد حـده
بـابـا..عـندك دلـيل؟
طـارق..مـشكلة حـتى هـيا مشـافـتاش كـنهدا راهـي قـالت عليـه
خـششتـني مـامـا غسـلتلـي وجهـي وشـربتنـي اميـا وهـدتنـي
مـامـا..كـيف صـار وسيـارة اللـي وراك وينـها
انـي..مـانـعرفـش ويـنهـا وهمـا قـعدو يضـايقـو فـيهم هلبـا ليـن مـعش قـدروهـم وانـي بـعد مـاسـكرت مـنك بـس سـؤال بـابـا السـلاح انـي مـاعنـديش قـصدي نـذكر ان يـومهـا مـابـيتش نـاخده كـيف جـي فـي سيـارتي
بـابـا..انـي حـطيتـه قـبل مـانطـلع اليـوم كـنت مـتوقع ان يصـير شـي
انـي ابتـسمت..قـلب الأب😂
طـارق..مـاشفـتيش وجـوههم
انـي..لا مـلتميـن كـل اللـي شـفته بـعد مـا رمـيت عليـهم ان سيـارتهـم تمـشي يـميـن ويسـار ووقـفت ونـزلو مـنهـا يضـربو فـي رصـاص وواحـد كـان طـويل وعـريض هكـي يـخبـط ع السـيارة ويـعيط
طـارق خبـط ع رجـلي..بـنت عمـك انـتِ😂
انـي..لالا بـنت بـوي
شـفـشـفلي شـعري..ياقـردة جـوعتيـنا هـيا نـوضي نـاكلـو الحمدلله ع سـلامـتك ومـصارلك شـي هـدا اهـم شـي
كـلنـا..الحمدلله💗
نـضنـا تغـدينا وكـنت قـدامـهم نضـحك ونبـصر واول مـاكـملنا نـضت ركـبت لـداري كـنت مضـايقة ومـشعارفة كـيف نـدير اليـوم ربـي نقـذنـي وسـلمني غـدوا شنـو؟💔
وانـي نفـكر اتـصل بيـا طـلال..حبيبي وصلتـي؟
انـي..ايـه يـاروحـي
طـلال..باه ياعمـري قـلت نـطمن عـليك بـالـي قـعد عنـدك اتصـلت مبـكري مـارديتيـش
انـي..ااه ايه كـنت جنـب بـابـا
طـلال..حبيبي خيـره صـوتك
انـي..خيـره عـادي غيـر نـايضـة بكـري وتـعبانـة
طـلال..مـتاكـدة؟
انـي..ايه مـتأكـدة
طـلال..تمـام امـالا احنـي كـيف روحـنا للـحوش وامـي عـازمـة العـيلة والحـوش مـعبي نـكلمـك بعـدين
انـي..تمـام حبـيبي
طـلال..هـي نحـبك
انـي..نمـوت فـيك
سـكرت مـنه وقـعدت نفـكر..الحمدلله مـاقتلاش خـلي فـرحـته تمـشي عـلى خيـر❤
بـدلت حـوايـجي وسـرحـت شـعري واتكـيت رقـدت لـعند العـشية نسـمع فـي فـونـي يتـصل نـضت وانـي راسـي بـيتكـسر ورديـت طـول..الـو
سـخـاء..سـالللي شـن جـو
انـي..الحمدلله تمـاام وانـتِ
سـخاء..الحمدلله شـن امالا راقـدة
انـي..ايه تعـرفي
سـخاء..تعـرفـي تـوا تـوا بي بـدجـامـتك تهـشكي فـوقها عبـايتك وتجـي لعـندنا
انـي ضـحكت..شن العـزومـة الحمـارة هـدي
سـخاء..ياكلـبة نـوضـي هيـا
انـي..بـاااهي
سـخاء..نراجـو فـيك راهو
انـي..مـع مـنو
سـخاء..البـنات كـلهـم جـاييـن ديـري حـسابك بـتبـاتي عنـدنا
انـي..اوووه فـيها حـتى بيـتان قصـدك
سـخاء..وفـيهـا حـتى مـوفـي نـايت❤
انـي..تمـام شـن نـاقصـكم بـاش نجـيبه؟
سـخاء..انـتِ بـس نـاقصـتنا
خـدت نـور مـنها تلفـون..بـري يـاكـدابة نـاقصـنا تـشيبس وشـكاليـط وتـو كـان اتـذكـرت حـاجـة نـكلمك
انـي..😂😂تـمـام
سـكرت مـنهم وقـعـدت مبـتسمة الف الحمدلله عـلى بـنات عـم هـكي❤اتـصلت بـطلال سـكر عليـا عـرفته مـش فـاضـي بـعتتلـه مسـج ان انـي طـالعـة ومـاشـية لـحوش عمـي وبـايتـة عنـدهم ونـضت طلـعت لقـيتهم بـابـا ومـامـا فـي جنـان يـشربـو فـي القـهوة ويـهدرزو
انـي..انـ شـاءالله ديـما اللمـة💗
مـامـا وبـابـا..بـوجـودكك يارب
انـي..مـامـا بـابـا حبـيبـاتي انـتم
بـابـا..شـن تبـي فلـوس؟
انـي ضحـكت..😂😂لالا حـاجـة احـلا مـن الفـلوس😌
مـامـا..شنـو
انـي..نبـي نمـشـي لـحوش عمـي أسـامة
بـابـا..تعـرفيـه ويـن؟
مـامـا..مـافيـش مـشي بـروحك فـي سيـارة
انـي..بـاه حـاضر
عـ طـلعـة عمـي طـارق جـي وقـف خـدي قـهوة
انـي..شـن قـلت بـابـا
بـابـا..باهـي بـري
انـي..بـنبـات راهـو تـوا كلـمونـي يـبونـي نجـي وقـالولـي بـتبـاتي والبـنات كلـهم بـايتـين😢
بـابـا..باه بـاتـي اللـي تبـيه الـمهم مـرتـاحـة وفـرحانة
انـي..بـاه عمـو طـارق تـرفعنـي
طـارق..ويـن
انـي..لـحوش عمـي أسـامة البـنات كـلهم مـلتمـين غـادي
طـارق..بنـطـلع تـوا اني راااه فـرارة تبـدلي وتنـزلي
رـكبت نـجري قّبل لايـكمل كـلامـه لقـيت تلفـون يـشرين رديت واني نطـلع فـي حـوايجي..ايوا
طـلال..وين وين علـى خـير
انـي..حبيبي وراس حـبيبي مـاتعارضـليش وبيـرفعني طـارق مـش بروحي هيا عـاد
طـلال..كـم ولـد عنـدهم
انـي حـاولت نـذكر ان عـندهم ولاد او لا لـكن مـاذكـرتش😅..ءءء مـاعنـدهمش
طـلال..تمـام نـكلمك بـعدين
انـي..اوك
سكـرت بـدلت وطـلعت جـري لقـيته بيـطلـع وبيـفوتنـي شـديت سـبيدرو فـي يديـا وقـعدت نجـري ونـعيط وراه وبابا وماما يـضحكو عليـا وقـفلـي هـوا فـي اخر لـحـظة ركـبت وطـلعنا
انـي..خـزييي عليـكك خـليتهم كـلهم يـضحكو عليا😐
طـارق يضـحك..مـنظرك كـيف تجـري يضـحك😂😂😂
انـي..مبـردك اسـمع قـبل مـاننسـى نـبي تشـيبس وشـكلاطات وكل شـييي
طـارق..بـتعطلـيني انـتِ
انـي..عـادي فـداي😌
وولـعت الأغـانـي وقـويتـهم
ومشيـنا خـدينا شـن نبي وطلـعنا وصلـني لحوش عمي ومشـي
انـي..هلااااو انـييي جـيييت
لقـيت البـنات واصلـين قبـلي خـدو منـي الحجـات وسلـمنا علـى بـعضنـا وقعـمزنا نهـدرزو وغيـرنا جـونـا مـع بعـض
انـي..حـلا شـن صـار مـعاك
حـلا..مـية ميـة الامـور تـحت السـيطرة
سـخاء..اصـلا مـعاي انـي حـتكون الأمـور تحـت السـيطرة بـالسيـف عليـها😂
حـلا..سلـم بـنيات عمـي يـاربببي
انـي..وسـلمك ليـنا يـاربي😂
جـت نـور..عـود البـناااات عـاااالـي شـقلبـلي انـاااا حـاااالـي يـرخصـلككك الغـاااالـي يـلي سـحرـتتتيني😂😂😂👏🏻👏🏻هـيااااا صفـقووو
انـي..وخـدااااانـي ع الـهـادي وكـلامـها مـشش عـادي لمـا بـتيجي قـصاااادي بـموت ملـيووون مـرةة👏🏻👏🏻
سـخاء..افتحـي يـابيـسان المـنـظومـة نبـي نـرقصـو👏🏻👏🏻
انـي..في هـالليـل🙂
سـخاء..ايه عـادي فكـيني مـن همـك تـراه بـنهيـجو تـعرفـي تنقصـي نقـتلك
وفـتحـنا الأغـانـي وبـدينـا نهيـجو👏🏻
وفـاتت أيـااام وليـااالـي وسنـتيـن مـشو طـارو زي سـرعـة البـرق
.
.
فـي السـنتيـن هـدم كـانو ديـما يجـونـي تهـديدات ومـضايقـات بـس كـنت فـايتتـهم ومـش مـدورتهـم لانـي شـفت كـلام بـس ومـاشفتـش أي فـعل بـكل سـافـر طـلال لـي لـندن ولـلأسـف بـابـا كـان مـدايرلـه مـفـاجـأة بـابـا كـان مـعتبـرها حـلوة بـس عليـا انـي ويـاه مـش حلـوة بـكككل لانـه تبـاعد عليـا هـو فـي مكـان وانـي فـي مكـان💔كـان بـابـا بيـفتـح مشـروع جـديد فـي لنـدن وكـان يـفكر مـن يـشده بـس مـاعرفـش منـي واول مـاتخـرج طـلال حـس ان هـوا الـوحيـد اللـي يقـدر المـسؤليـة هـدي وسلـمهالـه تفـاجأ طـلال بـيه وحـس انـه حـيتبـاعد علـى عيـلته بـس اهلـه شـجعـوه وخـلوه يقـعد امـا انـي كـنت نـشجع فـيه ونفـس الـوقت مـحروقة علـى ان مـش حنشـوفه قـدامـي زيـ كـل مـرة💔 سـافـرنا بـعد سـنة مـن مـشيـت طـلال لي لـنـدن وكـانت حـلوة💗اول مـرة فـي حـياتـي نسـافـر غـيرنـا جـونـا اسـبوعيـن وكـان فـي كـل طلـعة ليـنا طـلال مـعانا بحـكم انـ قـعد سـنة فـيها وعـرف كـل شـي فـيها كـان بـابـا معـجب بـي طـلال هلبـاااااا وكـان متمـنيه يكـون ولـده وفـي الاسـبـوعيـن هـدم شـاف بـابـا شـغلـه وكـل شـي عـزمـونـا عيـلة صـاحب بـابـا علـى الغـدي ومشـينالهـم بـاش نتـعرفـ عليـهم ويتعـرفو عليـا
عيـلة صـاحب بـابـا
.
.
عـمـر يـكون صـاحب بـابـا ومـن صـغرهـم مـع بعـضهم
نـاديـة تكـون مـرته
أسيـاء95م تكـون بـنته وهـيا عـايشـة هـيا وأهـلها فـي لنـدن حيـاتهـا وجـوهـا فـري مـش مـتحجـبة لبـسها مـحترم وأنـيق وشـخصيـتها جـذابـة وإنـيقـة💗
مـحمـد 98م يكـون ولـده شـاب عـايش حيـاته ومـش هـامه شـي وجـوه هيـاجة وضـحك
.
.
مـشينـالهم واستـقبلـونا الاب والام وشـوية وجـت بنتـهم
نـاديـة..مـاشاءالله علـيها بنـيتكم ربـي يحـفظهـا عـسل😍
مـامـا..سـلمك يـاربي
انـي ابتـسمت..تسـلمي
خـشت عليـنا بـنت كـانت جميـلة وريحـتها سـابقتـها وكـان واضـح علـيها التكـبر مـن خشـتها ولـقطـاتها
نـادية..وهـدي بـنتي أسـياء
أسـياء..اوووه عمـو محمـد عنـدنـا وخـويلة آمـنة😍
سـلمت عليـهم ووقـفت قـدامـي..منـو هـدي يـاعمـو؟
بـابـا..هـدي بـنتي سـلـسبيل
عمـر..اللـي حكيـتلك علـيها امـس
أسـياء..اااه ايـه اتـذكـرتـها😒
قـعمزت أسـياء وداروحـها تهـدرز وتتضـحك وانـي كـلها عـ بعـضها مـاخشـتش دمـاغـي تعـشينا عنـدهم و روحنـا وكـان جـوي اخي بـكل خـشينا للفـندق كـنت مضـايقة اننـا حنـروحو فـ ركـبت داري عـلى طـول وهمـا ركـبو لـي دارهم رقـدو بـاش انـوضـو بكـري
انـي فـي دار كـنت نـشوف لـصورنـا ونبـكي مـزال مـاشـبعتـش مـنه💔 ومـن صـوته وحـركـاته وكـل شـي فـيه😭
اتـصل طـلاال بـيا رديـت عليـه..ايـوا
طـلال..حبـيبـي خيـره زعلان
انـي..مـانبـيش نـروح😭نـبي نـقعد مـعاااك
طـلال..يـاعمـري بـاه اسـمعيني امـسحي دمـوعك تـوا والبـسي وانـزلـي عنـدنـا مشـوار
انـي..مـشوار شـنو
طـلال..انـزلـي قـلت
انـي..اوك هـي شـوية نـلبس وننـزل
لبـست ونـزلت عـ السـريع
طـلال شـد يـدي وطـلع بيـا بـرا
انـي..تـي غيـر ويـن رافـعـنني
طـلال..خـاطفـك سـاعـة بـس😂
انـي.. وكـان يشـوفونـا مـامـا وبـابـا😲😱
طـلال..ركـبو مـن بـكري ورقـدو
ركبـنا فـي السيـارة ومشـينا وكـان مـعلي الأغـاني ع الأخيـر وكـان الجـو مـش عـادي وكـان طـلال يـغـني مـع الأغنـية
طـلال..لـيه بـيلـومووونـي لـيه اااه لـو يـجو يـشـوفوه لـون السـماء فـعيـنيـه امـا القـمر دا خـوووه دا مـلاااگ ومكـانـش بيـننا بـالصـدفة نـزلـوه واعممممّل ايـه اااه اعـمممل ايـه
انـي..😂😂نحـبببببببببكگ ❤❤
طـلال..نمـوووت فـييييگ يـا بـنت قـلـبـي
وصـلنا لـمديـنة الـملاهي
انـي..حييييييي طـلاااال جـددددياااات😍😍😍
طـلال ضـحك..لالا نبـصر امـالا شنـو يـاهبـلة مـستحيـل نخـلي قـطوسـتي زعـلانة هـيا خـشي
خشـينا وكـانت مديـنة مـلاهـي ولا فـي الخيـااال❤❤❤❤لعبـنا فـي كـل الألـعاب حـتى ألعـاب الصـغار لـعبـنـا فـيهم❤ خـدينا سـبول وقـعمـزنا نتفـرجو ونـهدرزو
انـي..بجـد بـجد غيـيرتلـي جـووي😍
طـلال..ربـي يحـفظگ لـيا يـااااارب المـهـم تكـونـي فـرحـانة
انـي..ويـحفـظگ لـيـا😍
وبـعد لعبـنا وهيـاجـتـنا كـلها روح بـيا للفـندق ركـبت خشيـت لـداري كـانت السـاعة 1 رقـدت طـول وروح طـلال لشـقـته
تـاني يـوم نـضنا الصبـح طلـعنا حجـاتنا نـزلنا لقـينا طـلال يسـتنى فـينا ركبـنا مـعاه ومشـينا للـمطار سـلمنا علـيه وانـي كـنت عـلى شـوي ونبـكي💔الله أعـلم امـتى بنـشوفه تـاني💔
وركبنـا الطيـارة وروحـنا💔
.
.
عنـد طـلال
بـعد مـاروحنـا مشـي لشـقته مضـايق لانة معـش قـادر يـعيش بـعيد علـى سـلسـبيل طلـبها مـن بـوها مـن جـديد وكـان رده بـي الـرفـض الـى عنـد مـاتم قـرايـتها فـكان مـاعلـيه الا بـالصبـر
نـضت مـشيـت للـشركـة خـشيت لمـكتبـي وبـدت السـكراتيـرة تـدوي ع المـواعيـد كـان يـوم مـعبي ومـافـيش وقـت نفـكر فـيـه خـشت أسـياء وصـبحت كـ العـادة كـانت شـريكـة مـعانا وهـي تكـون بـنت صـاحب مـحمـد بـو سـلسـبيل
.
.
أسـياء 95م تكـون بـنت صـاحب السـفير مـحمـد وهـيا عـايشـة هـيا وأهـلها فـي لنـدن حيـاتهـا وجـوهـا فـري مـش مـتحجـبة لبـسها مـحترم وأنـيق وشـخصيـتها جـذابـة وإنـيقـة💗 ولأنـها راس بـنت عـند أهلـها وهـيا الـكبيرة فـي خـوتها فـ استـلمت الشـراكة بـدل بـوهـا وبـدت تـشتغـل مـع طـلال مـن سـنة ومـن البـدايـة هـيا مـعاه
.
.
أسـياء..صبـااااحـو
انـي تأففت..صبـاح الخـير
أسـياء..خيـره الحـلو متـعفلق
انـي..أسـياء فكـيني مـن همـك مـش نـاقصگ وربـي
أسـياء..اوك يا سنـفور غـضبان غيـر جيـت نصـبح علـيك ونقـولك انـي جيـت😒
انـي..لا اصـلا عـرفتكـ جـيتي مـن دوشـتك اللـي بـرا هـي تـرا وسـعي عنـدي اجتـماع
أسـياء..نفـسية وربـي🙂
انـي..مريـضة🙄
وطـلعت وخليـتها وخشيت للإجـتماع
أسـياء..افففف مبـرده مسـتفزززز لكـن طـرف😢 لازم مـانطـيحه لااااااازم🙂
طـلعت أسـياء وخـشت لمـكتبـها وقـعمـزت تفـكر فـي طـلال وكـيف لازم اتخلـيه يسـيب سـلسـبيل ويقـعد مـعاها هـيا
امـا طـلال فـ كمـل اجتـماعاتـه وروح للـحوش كـان مـتهتـك وتـاعب لأبـعد الحـدود رقـد طـول
.
.
.
امـا عنـدنا فـي ليـبـيـا بـعد مـاروحنا ووصـلنا عـلى خيـر لقـينا طـارق يسـتنى فـينا وفـرحان ان روحـنا روح بـينا للحـوش وانـي خـشيت رقـدت علـى طـول مـن تعـب💔
.
.
حـسـين..انـعم!
...روحـو الـيوم
حـسـيـن..بـروحـهم والا مـعاهم شـخص تـانـي!!؟
...بـروحـهم
حـسيـن..مـية مـية خـليـكم اسـتنـو مـني اشـارة
...احـني تـحت امـرك حسـونة
حـسيـن..تـشاو
سكـر حسـين وهـو يغـلي مـن داخـل ويـستنى يـدير فـي اللـي مخـططلـه حـتى لـو فـاتـت سـنة كـانت مـهمتـه انـ يخـليـهم فـي رعـب حـتى لـو دام المـوضوع بـعد سـنتيـن تـانـينن👌🏻
.
.
.
#يـتـبع
انـ شـاءالله تكـون نـالت إعـجـابـگم😍❤ويـلااا رايـكم فـي حـلقة اليـوم نبـيه فـي تعليـقات👏🏻👏🏻 #حـنـو
أنت تقرأ
بنت السفير ( روايات ليبية )
Lãng mạnللكاتبة : حنو ، رواية الاكتر تداولا علي مواقع التواصل الاجتماعي وقت طرحها ، تدور الاحدات حول بنت احد السفراء الليبين ، التي خطفها عمها و لكن تجد من ساعدها في الهروب و الانتقام ، رواية ليبية رومانسية من داخل المجتمع الليبي 🔥 . حصريآ MBC LIBYA 🇱🇾
