دخيلتي فصليتي ( نهوة)

البارت (١٢)

نحن نشرب السم الذي تصبه لنا افعالنا ثم نتسائل ، يا ترى لماذا نحن لانصحه من االمرض.

يسر :بعد مادخل للملهي توجة لمدير المكان يعرفة كلش زين وسأله
يسر :اكلك انت تعرف بنية اسمها نهاد
المدير :نهاد يمكن ليش 😏
يسر :اسئلك جاوب وانجب
المدير: شبيك استاذ يسر ماتذكر وحدة ثنين تريدني شمدريني يجوز وحدة منهن
يسر :بنية حنطاوية عيونها عسلي وحلوة حيل
المدير :بطمع اي اكيد اعرفها هاي وحدة من البنات بس وين لكيتها
يسر :ليش وينها هسة
المدير :دكلي وين عرفتها واكلك
يسر 😒:منهزمة
المدير: اييي صحيح هاي انهزمت وياها كم بنية لزمنه البقية وهي ماكو بس ان شاء الله نلكاها
يسر :بعصبية وهو يضرب الميز ويطلع
ويرجع بعصبية اسمع لك جلب دزلي وحدة للغرفة لا انعل والديك
المدير تدلل عيوني

طبعا مدير الملهى انسان طماع وكلشي يستغل ويسر يعرفة كلش زين

حسن :شبيك متكلي يا علي (على نفسة بالبارتات القديمة صديق سالم وسليمان) يعني ولد منطقة

علي :والله ضايج من هذا صديقي وعلى سليمان صديقي
حسن :دحجيلي والله عرفتك ضايج احجي فضفض لاخوك
علي :وهو يبجي حسن تتوقع الله يسامحني
حسن :شبيك علي احجي شمسوية حتى الله ميسامحك
علي :تذكر سليمان ابن عماد مرة حجيتلك علي صديقي ونعم الصديق من كتلك جاب اخته ويا وشفت الصورة مالتنه وهي جانت مبينه شوي
حسن :ماذكر بس كمل
علي :لك اخته جان سالم
حسن :سالم ابن خالد نفسة
علي😭:اي اي الله ياخذهم جان مخيل على البنية ومن هي بالمتوسطة يريدها والبنية تريد تكمل هذا الكلب سالم من سمع خطبوها وتوفقت بحياتها ودكتور خوش ادمي ما بطل منها دمر حياتها راح هددها البنيه رزلته وماقبلت اكثر من مرة ومابطل منها وجان يسوي مكسورته قنع هذا صديقي الاغم كريم اذا تعرفة وراحو خطفو البنية واني ماكدر احجي لان هذا صديقي وهذا صديقي وسليمان صديقي عبالي يستفزها ويخليها توافق بس الحقير مدري شسوة والبنية هسة مهزومة من أهلها واني الافتهمته من سليمان انو هي ضايعه ومن كريم سالم ماخذلها صور
حسن :وهو يسنسن شنو هالصور هاي
علي :مادري والله محد شافهم بس اكيد صور خلاعيه لان ماممكن بنت تنهزم علمود هددها بصورة ويا
حسن :وهو يلزم علي ويضربة بوكسات انت حقير وصاحبك أحقر منك
علي :هو يبجي😭اضرب اضرب موتني بلكي ارتاح
حسن :وهو يؤخر منه انت لازم تصلح غلطك
علي :مستعد كلشي اسوي بس كلي
حسن: اول شي لازم نعرف البنية وين راحت
علي :مانكدر قبلك اخوتها بكل مكان دورو عليها حتى ملاهي ومالكوها
حسن :زين عندك صورتها شي
علي: اي اكو
حسن: شمتاني جيب
علي :وهو يفتح جهازة ويطلع صوره نهاد لحسن
حسن :هاي شنو
علي :هاي نهاد اخت سليمان
حسن :شنو نهاد😳
وهو يكوم بسرعه مصدوم
علي وين رايح حسن اوكف حسن
حسن: بدون ميرد وهو يروح
علي :يركب سيارته ويروح ورة حسن وقططع على الطريق
وين رايح انت شبيك