#دخيلتي فصليتي نهوة
قسر :كعدت الصبح لكيت نهاد بحضني فدوة لله احلا نومة الزنود طالعات والثوب. مرفوع وصاير جنة بلوز بوست راسها وكصتها سحبت نفسي حتى اكوم وهي حست تململت رجعت انمطلت والعب شوي بشعرها
نهاد :حسيت يريد يكوم تحركت بس هو رجع انمطل وماتحرك والنوم بعيني رجعت نمت
قسر :حسيتها نامت كمت على كيف بوست بناتي وبوستها ولبست وطلعت برة يم سيارتي خابرت محمد
محمد :نايم ودك جهازي مرة مرتين ثالثه رديت قسر بس سمعت صوتة كمت
قسر :الو محمد تعال بدل وانزل اريدك وياي بشغله
محمد :قسر بيك شي ساعه ب٧ الصبح واليوم سبت حتى دوام ماكو
قسر :محمد تجي وياي لو اروح حبيبي
محمد: استغفر الله جاي ابدل واجي
عرفته علمود شغله سالم
قسر :خابرت جمال واتفقت على كلشي اليوم لو اني لو سالم الكلب
اجة محمد وحجيتلة كلشي.....
محمد :تمام قسر وياك ومستحيل اعوفك خطوة
قسر :اريدك تصير ايدي مو بس اخوي
محمد :لك اني مو بس ايدك اني سندك
قسر :والنعم منك حبيبي ابو علي
محمد :يالله اني اسوق
قسر :لعد اني متشوف جتفي رايح وتك ايد وعلى يا ساعه اوكع
محمد :لا عمي جبل ميهزك ريح هههه
وراحو للمصنع لكو جمال وسالم بالكاع مكوم مثل الجلب
قسر :من دخلت سالم يباوعلي بخبث
اني جيت يا سالم شنو معقولة ماشتاقيتلي لعد شكد خاين
سالم :الله لا يردك ياكلب ياحقير عبالك اخضعلك
قسر :ههههههاي غصبن عنك لو تريد اقتلك وترتاح.
سالم :شتريد اختصر
قسر :هسة اخذك يا حيوان وتحجي كلشي انت ليش خايف حبيبي انت كرايبي مااكتلك
سالم :تمام بس تعوفني بعدها
قسر: افكر
محمد :ضربت سالم علي بطنة برجلي حقيرر بسببك جان اخوي مااات ياعارر
قسر :عوفة خلي نخلص شغلنه وناخذة
قسر :طلعت جهازي اتصلت بحيدر يجي
( مصدومين حيدر شعندة لا لتنصدمون هسة تعرفون)
قسر :للعصر ضليت كملت اتصالاتي ومحمد تاكلي كلشي ماشي صح
نهاد :كعدت ب١٠ قسر ماكو كمت دورت المطبخ الحمام يالله مختفي طلعت بالحديقة بالبيت هم ماكو وين راح هذا اتصلت علية ينطي رفض كلش قلقت اتصلت بمحمد
محمد ؛من حاجتني نهاد كتلها
نهاد: عدنه شغل ولتخافين اني وي قسر موجود نخلص ونرجع
نهاد :اوك دير بالك علية خوش محمد فدوة ادري بي خبل ميهتم
محمد :ههههه ادري يالله باي
نهاد :رجعت لكيت لارين كاعدة
يمة هلا يمة صباح الفل والياسمين وكمت ابوس بيها 😂ياله تنكرط تنفوشة
وهي تضحك مكيفة اما وأما واني العب وياها وكلتها وسبحنة سوة طلعت لكيت سيرين كاعده هم غسلتلها وكلتها وبدلتلها واخذتهن ورحت للبيت الكبير
عمو سألني على قسر وعمة
كتلهم طلع هو ومحمد ضلو يحجون
نهاد :عمو هو طلع وحتى ماحاجاني ومن حاجيت محمد كال اني وياه لتخافون هسة يجي
عدي :استغفر الله يعني البارحة طلع من المستشفى اليوم رايح يفتر
أم قسر :علكيفك وي الولد مو ويا اخو بعد أن شاء الله خير
نهاد :تغدينه والكل. قلقان على محمد وقسر ميردون على اتصالاتنة واشو لل٣ اجوي حسين واني وأهلي كلهم حتى ابوي يعمري باباتي متحسن كايم يحجي بس ميتحرك
وسلمت علية
وعمو عدي سلم على بابا طبعا بابا على كرسي لان اطرافه بعدها متاذية بس ان شاء الله تتعالج
عماد :باباتي نهاد قسر وين لعد مو البارحة طلع من المستشفى
نهاد :مادري بابا بس هو ميرد على اتصالاتي هسة يجي ان شاء الله ورحت اتصل بس ماكو ميرد استغفر الله كلش كلبي يلعب.
أنت تقرأ
دخيلتي فصليتي ( نهوة)
Roman d'amourقصة بين اولاد العم🔞 لاتتسرع بالظلم ربك بلمرصاد تضلم شخص رح تنظلم
