دخيلتي فصليتي ( نهوة)

بارت (٤٧)

نهاد :اخذت لارين وطلعت وي حسين وأمير وسليمان للمستشفى
ودخلنة للمستشفى سأل حسين الاستعلامات ودخلونة من وصلت لكيت الكل واكف برة بصاله الانتضار بس وجوههم حزينه ومقهورين وعمتي وعمي بس يبجون
بس دخلت كبل نزلت لارين ورحت حضنت عمو الي من شافني فتح حضنة الي

نهاد :😭عمووو كلي قسر بي شي والله اموت إذا يصيرلة سي
عدي :اووف يا نهاد قسر بين الحياه والموت والله هاي حوبتج من جنتي تتوسلين وتطلبين الرحمة منة ميرحمج هسة طلعت بي سامحي يا عمو
نهاد :عمو شنو هالحجي اني مسامحتة
أم قسر :تعاي يمة فدوة لطولج

نهاد :رحت لحضن عمتي بوستها وحضنتها ولارين عافت ايد حسين. وراحت يم عمو عدي حضنها وبوسها
نهاد :رحت سلمت على الكل واشوف كلهم مالهم خلك شي وضايجين

صادق :اني من دريت قسر بالمستشفى تشمتت بي ويستاهل
واني من قبل فترة اراسل اختة لين واحجي وياها وصرنه أصدقاء وتحجيلي وهي اصلا كيفت من حاجيتها وعبالهم اني مسامحهم هههه بس اني الي بالي اكبر من انو اسامحهم دمرو حياتنه
جنت اريد اخليها تحبني واعذبها مثل ماقسر الحقير عذب نهاد خلص مو يكولون وبشر القاتل بالقتل يعني شسوالي اسويلة نفس الطعم اذوكة
ومن طلعو نهاد وأمير وسليمان اني كلت ليش ماروح واخليها تحبني بالزايد
وفعلا اخذت سيارتي وطلعت للرمادي لمستشفى قسر مو حبا بقسر لا اريد انتقم منة عن طريق اختة

نهاد: ضلينة النهار كلة احنة كاعدين كبال غرفة العنايه المشددة بالانتظار
ولارين كل شوي تبجي وتريد ابوها واسكتها ومحمد يلعبها ومازلت من حضن عمو عدي

حيل ضوجتني احنة بيا حال وهي تتنعوص على راسي

الدكتور كال العصر يطلعن التقارير والي صدمني صادق ب٤ اجة للمستشفى وسلم على عمي وعمتي ويواسيهم
صادق: السلام عليكم عمو وحضنة وبوسة عمو لتخاف قسر سبع يطلع منها ليش هيج خايفين
عدي :اووف ياصادق الله يسمع منك ويكوم
صادق: اي عمي لتخاف
ورحت لعمتي ام قسر هم حضنتها وسلمت عليها وعلى الكل ورحت ل لين الي كاعده وتقرة ادعيه كعدت بصفها
:هلو يا حلو تقبل الله
لين :تقبل الله طاعتكم
صادق :تقربت بستها من راسها لتخافين لين قسر سبع ويكوم ان شاء الله
لين :خليت راسي على جتف صادق :الله يسمع منك
نهاد :انصدمت من تصرف صادق بس اكيد اخوي كلبة طيب ومانطاه يشوف
قسر بهالحاله وميجيه
نهاد: هنة ساعات بس احس وكفت ميمشن
واجة الدكتور هو وأمير يمشي ويا
د. السلام عليكم
الكل :وعليكم السلام بشر دكتور
د. اولا منو ولي أمر المريض
عدي: دكتور كلنة ويا اخوتة وأخواته واني ابو وأمة وجدة احجي
د. اولا ماعرف شون اكللكم بس 😔المريض دخل بغيبوبة ومندري شوكت يكعد ويستعيد وعية ويمكن بس كلشي بيد الله بعد يم ربنا الي علينه سويناه

واذا صحة راح يواجة مشكلة وهي ايدة اليسرة مراح يكدر يرجع يستخدمها لان اعصابها من الطلقه تلفت