رواية حلم المراهقه🔥

الحلقه 12

الحلقه :- "12"اضافيه
الكاتبه:🔥 هــــٰـــاررلــــٖــي 🔥
🔥روايـــٰـــــات هــــٰـــاررلــــٖــي🔥

لايك قبل كل شئ 💙

ريم مشت مع عمها صبري بيروحوا بالشغالات
روحوا بيهم وهماا راجعين فالطريق وقفتت بيهم السياره !🔥والطريق فاضيه ولييلل🔥
ريم بخوف: خيرهااا وقفتت؟؟؟
صبرري يحاول يطمنهاا وهوا بروحهه مشغوول: لالا بسيطه بسيطه اكيده نقصتهاا اميه
وفتح الباب ونززل بيشوفهاا وريمم فالسياره تدعيي وخايفهه
صبري جيي فتح الباب وركب ويحاول يشغل السياره: الميه تمامم خيررهاا زعماا ؟؟
ريمم بخووفف: ككيف يعني؟؟؟؟
صبري انتبه للبنزينهه فاضيه
صبري شافلهاا: ياوالله مالك عمله البنزينه تمت!
ريم: لاالااا؟؟؟.....كيف منتبهتش اول ماطلعت بيهاا ياعمي!
صبري: والله ماركززت واخدني النووم مانتبهتلهاش!
ريم بخووف : وبه شنوو بدير توا؟ كيف الحل!!
صبرريي خدي تاليفونه واتصل ع محمد
شرين المره الاولى رن رن مردش شرين مره تانيه قعد يرن شويه ورد

في مكان تاني:—
معاد راقد فالمربوعه: تي تعالى لتالفونك ياراجلل يشرين من بكري النمم نفخهممم راا!
محمد فالحمام يدوش: ردد عليهه تشبح فيااا مش فااضي
معاد غم روحه بالبطانيه ورقد وهوا يتمتم: والنبي فكوو اميي ترا لانررد لانزمرر
سكت التاليفون شويه وعاود يشرين من جديد ناض معاد من مكانه: اييي هاذا وين تزمررت بالرسمي هياا !
مشي لتاليفون لقاه ع الطاولة خداه وشافه لقاه خاله صبري يتصل استغرب
معاد: خيره خالي يتصلل الساعه 1 الليل شنو فيه زعمااا؟؟
رد عليه: ايوه نعم خالي صبري
صبري: اه معاد وين محمد؟
معاد: محمد يدوش مش فاضي....انشالله خير شنو صاير؟
صبري : والله يامعاد وقفت بيا السياره فالطريق تمت النزيناا ومعاي بنت عاصم ريم مبيتش نتصل بحد غريبب ومعاي البنت .... كان فيهاا كيف تجيناا ولا تكلم محمد يجينا توا!
معاد: لالا تمم ياخالي تو نجيكم دقايق بس... لكن قولي وين انتم بالزبط؟
صبري: تزبطهاا طريق******؟؟!
معاد: اي انعم!
صبري : خلاص غادي فالاربعه شوارع القدام جنب محل قطع الغيار!
معاد:ميه ميه دقايق ونكوون عندك غير دير بالك من الطريق بس
صبري : ماشي هي ..... وسكر الخط
صبري شبح لريم: اهوو كلمت معاد جايناا
ريم: تمام
وفخاطرهاا تقول: ملقيتت ماتكلمم حتى انت يعمي""

معاد حط التالفون ع الطاولة وخدي مفاتيح السيااره وطلعع طوول ركب السياره ومشالهم دقاايق محدوده وكان عندهمم بيب لخاله وصبري لما سمع التبيبه نزل من السياره وسلم عليه
معاد: تو انت بتخليهاا السياره الليله هنايا ولا بتروح بيها!..؟
صبري: لالا هوا هداكا الصباح رباح فياا ما روحت بيهاا تو غضوا الصبح نرجعلهاا نعبيلها بنزينه ونروح بيها!
معاد: تمام هي اركبوا نتوكلوا
ريم كانت تتفرج ع معاد من الروشن ووين شبحت عمها صبري جاي جيهتهاا دارت روحهاا لاهيه ف حاجة تانية زعميتاا مش منتبهاا معاهم فتح صبري الباب وقاللها انزلي
ريم: تمام ....خدت شنطتهاا وفتحت الباب ونزلت تحت عيون عمها صبري
مشت جنب معاد وركبت السياره وهيا ضاربه الحوله ع معاد وهوا كذالك مش معدل
ركبوا السياره وتوكلوا
"معاد يسوق وصبري جنبه وريم من الخلف"
وصلوا الحوش درس معاد سيارته
وصبري مباش ينزل لين خلا ريم تنزل قبله🔥