رواية حلم المراهقه🔥

الحلقه 7

حلم المراهقه
🔥روايـــٰـــــات هــــٰـــاررلــــٖــي🔥
حلقه7

_________

أصيل: شنى صار ف موضوع البنت ي عاصم؟.
عاصم: والله يا أصيل منكدبش عليك !الحق مقلتلهاش عليه مش عارف كيف بنفتحه معاها الموضوع !!
اصيل: شهد لازم تعرف يا عاصم وهذا من حقهـا كـ أي بنت جاها عريس!!
"( والكلمه هاذي طاحت ف وذن شهد 🔥)"
شهد شهقت وحطت ايدهاا ع فمها بصدمــه كـبيـره ......
تابته ف مكانهـا تحاول تستوعب الكلمه يلي سمعتهاا 🔥!
فتحي: بالظبط البنت لازم تعرف وبأقرب وقت
وف اللحظه هاذي دخلت شهد عليهم والصدمه واضحه ع ملامحهاا 🔥"

كلهم شبحوا جيهت الباب وتوترو لما لقوها شهد لانن مش الوقت المناسب علشان تعرف فيه!

عاصم: شهد بابا! في حاجه ؟!
شهد قاعده مش مستوعبة: باباا شني الكلام يلي سمعته ؟ كيف هكي اني مش مستوعبة!!!؟
عاصم وقف ومشالها : اهدي يابابا تو بعدين نتفاهموو !
شهد فقدت اعصابها: مفيش بعدين نتفاهموو اديروا ما اديروا اني مش موافقه والموضوع يتسكر هنايا قبل ما ينفتح حتى !!!🔥
عاصم بهداوه: تمام تمام انتي بس اهدي
شهد اول مره ترفع صوتها قدام عمامها وحتى بوها: لاا باباا متسايرنيش وتمشيني ! الموضوع ينتهيي حتى ماماا مفيش داعي تخبرها ب شئ ! وبعدين انتهبت وبشك: ولا حتى هياا تعرف ؟
عاصم: لاا كنت ناوي نخبركم جميع
وتمام فوتيه الموضوع متشغليش بالك فيه !♥
شهد شبحتلهمم وطلعت 🔥
عاصم التفت لخوته وتنهد
اصيل: يعني خلاص مش حيصير منه نخبره ســنــــد بالرفض ؟🔥
عاصم: لا اصبر هيا توا مش ع عقلها تو بعدين نخبرها بالهداوه ونفهمها
اصيل: تمام

شهد خشتلهم داخل ومزاجهاا مش تمام لقتهاا امهاا قتلها ناديتهم يجو يرفعوا السفره
شهد وراح عن بالها: اشبح من معاهم قولي لفرخ صغير يمشي ينادي.!
امها: باهي
مشت شهد قعمزت فجنب نهان وبدوا يهدرزوا وهيا موضوع الخطوبه شاغل بالها مش قادره تنساه !
نهان جت قعمزت فجنبها: خيرك حسيتك اشبح شن في ؟
شهد بتنهيده: لالا مافي شي 💔🔥
نهان: لا بجد شغلتيلي بالي شن في شهد ؟؟؟!!!
شهد شبحتلها: تو نقولك بعدين 🔥
نهان: تمام

من جهه اخرى

محمد يتكلم بالهاتف في السوور
محمد: الاوراق والمستندات عندي اني فالمكتب حاطهمم ومنبه عليهم محد يمسهم
يزن: الاحد الجاى بتجئ لشركه انت؟؟ 🔥
محمد: اي اكيد جاي بنوقع عقد شراكه مع شركة ضمان خاصة بصناعه والتصدير وانت لازم تكون حاضر
يزن: تم ميه ميه ياتشم لكن ضامن انهم ميرخوش بيك ف نص المشوار 🔥؟
محمد: واخد احتياطاتي عندي سي دي وتسجيلات تثبت عقد الشراكه
يزن: ميه ميه معناها
محمد:بعدين تعاالالي في الحوش
يزن: تم نشرينلك اطلع
محمد: تم تم في امان الله
وتم الاتصال

وفي جهه اخرى

نور: وربي لما تقوليي مركززه معاكم من البداية الموضوع فيه إنَّ
ملاك: تتخيلي مفيش بيني وبينه شئ أمتي تتوهمي
نور: اي اي ديري الحولة توا لكن وراكمم وراكمم لين نعرف شن فيي 😉
ملاك تغير فالموضوع: بعدين بتمشي حوش خوالك؟
نور: اي اكييد وتقريبا بنباتوا
ملاك: ههففف اجليها لغضوا به
نور: والله مش عارفه تو نشوف