وَتين

بارت "٢٣"

مَسقط رأسي ( البَصرة )
ومسقط قَلبِي .. أنت💙
____________________________________

البيت صـايـر هوسه مـن المعازيم الي يطلع عددهم هوايـة الشباب واكفين برا بالحديقة والنسوان ديطبون

بعدها مادخلت وتين ودك فونها شافتها رسل دتتصل ابتسمت وهيا تجاوبها چان واضح على صوتها التوتر والارتباك وهيا دكوللها تريدها تجي يمها
سدت الفون منها وراحت دخلت وياهم بعد ماسلمت على امها وعمتها ام اية وشافت ايات هَـم موجودة
صعدت الرسل
فتحت الباب وهيا تشوفها .. ملاك نازل مـن السما بملامحها البريئة وفستانها الازرق الي متوالم ويـا لون عيونـها مسوية شعرها ويڤي ومرجعه خصل للخلف بتسريحة بسيطة جداً ومكياجها الهادء الي بازر لون عيونـها
راحت حضنتها وسملت عليها
"شطالعه يـولي ، حتخبلينه لوليد اليوم " ارتبكت اكثر وكالت "لچ سكتي وتين تـرآ كوة واكفه على حيلي جسمي كله يرجف"
ردت وتين وهيا تبتسم بخبث "خــلي هالارتباك كله ليوم العرس حـبيبتي هسـه مـا الا داعي "

شافتها شـون انكلب وجهها احمر كالت "ولي عابتلج عود صحتج علمود تخففين مـن التوتر اجيتي لصتيها بالزايد "

ضحكت وتين على منظرها وكالت"اتشاقة وياج حـبيبتي والـلّٰه لتخافين ولتتوترين مـاكـو داعي والـلّٰه هيـا خطوبة ،بعدين يـلا كملتي تـرآ الكل منتظريج تنزلين "

مشت بأتجاه المرايا وهيا تعدل شعرها
"كملت ماضلي شـي بـس شوفي شعري عَـدل ولـا ارجعه بعد " تقربت منها وهيا تعدله مـن ورا كالت "هاهيا كُلشي مابي يخبل يـلا خــلي ننزل "
وكفت رسل وهيا دكول بأعجاب وعينها تمشي على وتين مـن فوك لي جوا "لچ شنّي هـاي كسرتي سوگي شنو هالجمال " ابتسمت وتين وكالت بتكبر مصطنع "وشنو الجديد مـن يومي اجنن "
ردت رسل بضحكة"وجع عود كبر راسچ مـو شكول أحـد يتغزل بيج امشي فتحيلي الباب ، تدرين عروسه وانتي شغلتج تسمعين كلامي اليوم "