اختيار خاطئ

بارت ١

الحياة لاتعطي دروسا مجانيه فـ حين اقول الحياة علمتني تأكدوا انني دفعت الثمن 💔

مرحبا اول شي اسمي ريتاج عمري ١٩ سنهه من چان عمري سنتين اهلي متوفين يعنيي مااعرفهم ولا اتذكرهم وعشت بالميتم سنوات هواي
خليني ارجعلكم من جان عمري ١٤ سنه
جنت بوكتها نايمه بالميتم كالعاده لازم نكعد ساعه ٧ الصبح نسوي اكل للاصغر مناا
ونروح للمدرسه طبعاا بالميتم احنا اعمارنا مختلفه فماكو هواي بنات بكدي بس ثنين صديقاتي اسمائهن مريم وعذراء
المهم كعدت وجهزنا الاكل اني والبنات وگعدنا الاطفال لموجودين وبدلنا الهم ملابسهم اكلنا وطلعنا للمدرسه واحنا من نروح للمدرسه توگف مجموعة ولد گباال المدرسه ويضلون يتحرشون بالرايحه والجايه واذا جانت وحده محلوه يتنمرون ع شكلها
نسيت اوصفلكم شكلي اني متوسطة الطول عيوني سود وكبار بس مو كلش شعري كولش طويل واي احد يشوفه ينعجب بي وناعم حيل وشفايفي ممتلئه وخشمي كولش صغير شعري اسود طبعا واني بيضه ورشيقه ويسموني الصاكه مال الميتم😹💔
نرجع للسالفه فـ من وصلنا للمدرسه ضلو يشمرون حچي يعني فدوه لله شنو هالجمال اوف باع الثگل اني طبعا اللسان ومااتحمل ف رديت عليهم وغلطت واحد منهم گال هاااي لا اهل ولاشي عايشه بميتم طبعا مامتربيه اني نقهرت وردت اضربه بس مريم گلتلي عوفي
دخلنا للمدرسه كالعاده خلصنا ورجعنا وشفناهم نفسهم بس هالمره محد حچه ويانه
رجعنا للميتم سوينا اكل ودرسنا وباوعنا ع التلفزيون وبعدين نمت وثاني يوم هم نفس الشي ورحت للمدرسه
مريم : اهووو هذوليج واكفين فدوه ريتاج لتحاجيهم
ريتاج: مااحجي بس اذا گالو كلمه اضربهم😒
عذراء : عوفيهم ترا كلشي يسسوون
ريتاج :شنو خايفه منهم شبيج انتي
وصلنا يمهم فواحد فات مني وضرب چتفي ووگع الكتب من ايدي باوعتله صفح وگلت استغفر الله
هو گال ترا انتي لغلطانه
ريتاج: ولي مناا لا اذب حرگتي بيك
گال تعرفين منو اني لو لا
ريتاج : ع روححك مو علينا
عفته ومشييت طبعا هو جان كولش حلوو طويل وعيونه عسلي وشعره بلون عيونه ولابس زي مدرسي ومبين طالب اعداديه واني جنت ثاني متوسط
خلصت يومي مثل كل مره وطلعت من المدرسه هو جان واكف نفسه ف ضل يباوع اني گتله اكو شي بوجهي حتى تباوع گال لا بس داافكر شلون انتقم منج
ماهتميت الكلامه وعفته ونتضرت البنات طلعن ورجعناا للميتم
وثاني يوم هم رحنا للمدرسه ونفس الشي بس بهذا اليوم محد من هذول الولد موجودين وحتى الحلو هم ماكو😹
وتقريباً مرر شهر كامل همه ماكو وطبعا احنا مرتاحات نروح ونجي بدون منسمع كلامهم المقزز

...... يتبع