اختيار خاطئ

بارت ٢

وره ما فات الشهر بدت الامتحانات واحنا بده الضغوطات علينه ومنلحگ لان بالميتم هم يخلونا نشتغل
اني جنت شاطره بدرساتي واحبها وجان طموحي اني اوصل طب او صيدله
ف راحت الايام واجت ايام اجو عائله حتى تتبنه عذراء يعني ياخذوها يمهم بعد منشوفها طبعا اني ومريم متنا بچي عليها وهي هم جانت هواي تبجي ف حضرنا غراضها وياها وودعناها وراحت وانتقلت المدرسه ثانيه واحنا فرحنالها بنفس الوقت لان خلصت من حياة الميتم وصار عدها عائله اني ومريم بقينا نروح للمدرسه سوه بس كولش مفتقدين عذراء
فبيوم من الايام گعدت مريم علمود نروح للمدرسه بس جانت مصخنه حيل ومبين متكدر تتحرك اجيت يمها حاولت اسويلها كمادات واخذتها للحمام حته تسبح وتروح لصخوننه واني رحت ابدل حتى اروح للمدرسه المهم طمأنيت ع مريم ووصيت الموجودين عليها ورحت للمدرسه وبالطريق شفت الولد نفسهم واكفين وفات الولد نفسه ورجع ضربني بچتفي محجيت شي لان بالي يم مريم اخذت الكتب ومشيت اجه يمي گال اليوم عاقله گتله مالي خلگ ضل يمشي وياي باوعتله وگتله ترا عيب عليك وخر مناا
گلي اني لهسه مناسي من غلطتي عليه وراح اخذ حقي منج بطريقتي وغمزلي وراح ماهتميت ولا حجيت شي وصلت لمدرستي ورحت للقاعه درست وخلصت دروسي وطلعت من المدرسه هم كلهم واكفين وهو واكف وياهم يباوعون عليه ويضحكون عفتهم اريد بس اوصل حتى اشوف مريم شصار عليها واني امشي همه يمشون ورايه درت وجهي عليهم وگلت : ترا بعدكم متعرفوني زين رحوا منا احسن هو تقرب عليه گلي معرفنا اسمج
گتله معليك كال امممم اني اسمي سيف دفعته حيل ووگع بالگاع عفته وركضت وصلت للميتم ورحت گبل لمريم شفتها ماموجوده سالت عليها كالو راحت للمستشفى لان كلش تعبانه واخذوهاا اني ضل بالي يمها بس ماكدر اسوي شي ولا ادري همه يا مستشفى وضليت بلا اكل وبلا شرب وحيل قلقت عليها
اجت مديرة الميتم وسالتها كالت راح تبقى يومين بالمستشفى لان حالتها تعبانه ومتكدر تطلع لازم تبقى تحت عنايه رحت بفراشي حاولت انام بس مكدرت بالي كله يم مريم
گعدت الصبح هم نفس الشي اكل وبدلت ورحت للمدرسه وحدي جنت امشي ومدنگه راسي لان ماريد اشوفهم واتعارك مره ثانيه لان مبيه حيل واني امشي حسيت احد يمشي وراي باوعت شفته سيف گلي ماريد شي بس اريد اسمج گتله اسمي ريتاج يلا اتارحيت روح مناا
سيف: اوف اسمج يجنن
ريتاج : مو كتلي اريد اسمج واروح يلا روح
سيف: اريد اكولج شغله ثانيه
مجاوبت
سيف: ترا اني من شفتج لهسه اننتي مرايحه من بالي والله تخبلت بيج
ريتاج: يعني شنو شتريد هسه
سيف: يعني حبيتج (وغمز )
ريتاج ؛ ياحب بابا روح منا
وصلت للمدرسه عفته وفتت صااح ريتاج باوعتله گال احبج
اني حسيت جسمي يرجف مدري شعور اول مره احس بي عفته وفتت وبيومها حتى مانتبهت ع الدروس وصافنه طول اليوم تمنيت يخلص اليوم حتى اطلع اشوفه🙄
صارت ب١ ساعه وطلعت من المدرسه هو واكف ويمه الولد اني حاولت اغير طريقي وفتت من غير شارع هو لحگني گال ليش اليوم منا
ريتاج : تندل مستشفى .....
سيف : اي اندلها تردين ترحين بيج شي
ريتاج : لا مبيه شي بس صديقتي هناك مريضه وبالي يمها
سيف: اوك اني اوديج بس اجيب السياره
ريتاج يا سياره مستحيل اصعد وياك
سيف : بس بعيده مو مال مشي
ريتاج : گولي وين مكانها واني اروح
سيف : ترحين مشي،؟؟؟ ترا بعيده
ريتاج : لا اروح تكسي
سيف: عندج فلوس

باوعت عليه وگتله معليك اذا متريد تگول وين مكانها روح منا
گلي مكانها .....
ريتاج : اوك شكرا وهسه روح
سيف :ترا بيتي من هذا الطريق وين اروح
ضلينه نمشي بدون صوت وگال هذا بيتنا يلا اني رايح واذا تردين اوصلج كولي
ريتاج: لاشكرا
طبعا باوعت للبيت قصر مو بيت يموووت كلش حلو ما شاء الله
رحت كملت طريقي ورحت مشي للمستشفى طبعا امشي واسال لان مااندل ومطالعه قبل ووكعت رجلي من المشي فعلا بعيده ياريت لو مخليته يوصلني
وصلت ودخلت سالت ع مكانها گالو بغرفه١٣
رحتت ركض اريد بس اشوفها مشتاقتلها وصلت للغرفه فتحت الباب شفتها وشفت يمها ولد كاعد ع كرسي من باوعت بشكله عرفت انو هو واحد من الي يوكفون گبال المدرسه بقيت صافنه
مريم: ريتااجج!! شلون اجيتي
ريتاج: منو هذا وششنوو شجابه
مريم : ريتاج هذا حبيبي
ريتاج :😳😳😳😳 شنووو منووو ليش وشوكت
مريم : هذا علي اكيد عرفتي
علي: اي شلون متعرفني
ريتاج شوكت وليش مكلتيلي وشلون صار هالشي احنا نروح سوه ونجي سوه
مريم : تعالي اسولفلج ... اني جنت معجبه بي وهو هم يباوع عليه ومره رحنا للمدرسه واني كتلج راح اروح اجيب ملزمه من المكتبه وانتي رحتي قبلي وهاك شفته وحجه وياي وكال احبج
ريتاج: وانتي صدگتي لج بابا هذول جذابين يلعبون ع البنات .. زين هو شلون عرف انتي هنا
مريم : اني خابرته من التليفون مال المستشفى
ريتاج : صدمتيني صراحه وينج وين الحب ترا عمرج ١٤ شهالسوالف هااي مو عيب
علي : هه تردين تسوين روحج شريفه كدامي ترا مبينه من جوه لجوه

اني هجمت عليه وماتحملت اجت الممرضات ومريم كالتلهن طلعوها بره
صفنت ع مريم وگلت حسافه اني الاطلع نوب يصير خير

......يتبع