هـلي :
والمـوت لاحكني اعلة عشريني !
هـلي :
لـو بيدي ما اگبـر !
هـلي :
منگم صرت محراب
صـلت بيه نـاس هواي
بـس محد أمصلينـي !
هـلي :
المـاله عرف بلگاع ، يضل ياهو اليجي أيشربه !
هلي والموت لاحگني اعلى عشريني
هلي والما حچيته الكم يأذيني
هلي والدنيا وتعبها وناسنه التركض
هلي يم المغيسل كلشي راح يفض
هلي وجفني اليغمض بيه صور الكم
هلي مروني ما بيه و افارگكم
هلي هوَ انه من كلشي شبعت افراگ
هلي دلوه عليه ولفي من يشتاگ
هلي گلوله ما فارگگ بس فارگك مجبور
هلي گلوله مات وخاطره مكسور
هلي وما اوصي من اموت اهواي افگدوني
هلي وحشه المگابر لا تخلوني
