وحدة طلبت مني نصائح شلون اتعامل وي خطيبي
اليسمعها يگول اني مخطوبة وفاصخة تلث مرات 😂😒
المهم حكتب الها نصائح اللي اعرفهم واجن ابالي
والباقي خل تروح تقرة بالنت لو تشوف مقاطع فيديو ع يوتيوب وتتعلم وهيج
أول شي لتخلين خطيبج يتقرب منج
ليبوسج ليحظنج حتى ليلمسج اصلاً
ورة هل شي يصير شغلتين يا اما يتجاوز حدودة وياج ويسوي شي مو زين
لو ورة الزواج يعيرج
لو بيج خير مخليتني هيج اسوي لو بيج خير
مصار هيج وهيج ويضل يحجي ويعير بيج
اكيد مو كلهم سوة ومو كلهم حيسوون هيج
بس انتي متعرفي هو شنو واطباعه شنو
ثاني شي الافضل لتطلعين گدامة بدون حجاب احسن
لبسي حجاب او حتى لو متلبسين حجاب بس البسي لبس مستور مو لبس فاضح وضيگ وگصير
شسالفة بعدة رجال غريب عليج شوي شوي يلا تتعودي عليه مو من البداية تطلعين گدامة هيج
وثاني شي لتدزيلة صورج
انتي متعرفين باجر عگبة شيصير يجوز لا سمح الله تنفصلون حطي ابالج أي شي
ف لا تدزين صورج اله لو شي مشتاقلج ويريد يشوفج يجيج للبيت ويشوفج
خطيبة اخوية جانت تطلعلة بدون حجاب وملابس ممستورة ودزتلة ميت الف صورة وبالتالي نفصلو!
شغلة بعد
هي انو تطلعين ويا
طلعي لفد مكان شوفي هو شنو يجوز بخيل يجوز من النوع الغيور بشكل مبالغ بي
من ذول اللي لترفعين راسج هذا باوعلج
هذا ركز عليج وماعرف شنو لو يمشي ويتعارك وي الناس جيف يباوعولج
وهواي اطباع بعد يجوز انتي متحبيها ومتعجبج
ف من البداية اطلعي ويا واعرفي اطباعه
ميصير تطلعين بدون علمة لازم من تطلعين تگليلة
لان حرام اذا تطلعين بدون ميدري
وبنفس الوقت لتخلي يسيطر عليج
ويتحكم بيج ويفرض شخصيتة عليج
لا خلي الج رأي والج حرية مو تخلي يصيطر ع حريتج
اكو بيهم يحبون يسيطرون ع مرة ويتحكمون بيها
وهيج تالي يتعبج
الزلم انواع اكو بيهم يحب وحدة تدللة ميحبها تهملة ومتهتم بي
واكو بيهم ميحب وحدة تكتل نفسها عليه وبس ييشوفها تحبه وتدلله وتركض وراه
يذلها يصير يتجاهلها ويعاملهة مو زين
ف انتي لازم تعرفين خطيبج من يانوع حتى تعرفين شلون تتعاملين ويا
لتبادرين ويا هواية لا خليج ثگيلة ويا
هو يبادر وهو يراسل ويحجي لان هو الرجال
مو تصيرين نكدية وتتعاركين ويا ع كلشي وتخربين عيشتة
بالعركات مو تصيرين انانية ومتقبلين تعتذرين وتبادرين ولا تصيرين طيبة زايد وتعتذرين
تنتبهين منو الغلطان اذا انتي ف روحي اعتذري
واذا هو انتظري يعتذر
عودي ع انو اذا انتي غلطانة تعتذرين
حتى من تتعاركون ومتعتذرين يعرف نفسة هو الغلطان ويجي يعتذر
لتحجيلة ماضيج كُله وحياتج كلها وسوالف البيت واسرارة خليها بعيدة عنة
اذا يسئلج ع اي شخص من الاشخاص البحياتج
گليلة مادري..ماعرف ..ماحب ادخل نفسي ..
گليلة خلينا مهتمين بس بحياتنا معلينا بالباقين
ويدربالج تحجيلة اشياء مو زينة عنج لو مواقف محرجة صارت وياج لو تحجيلة اخوج تعارك وياج لو ابوج
يجوز يعيرج بعدين ويتشمت بيج
تذكري انتي متعرفي زين
من تشترون اثاث واشياء تخص البيت او الغرفة
واشياء مشتركة بينكم
لتحاولين تفرضين رأيج وتگولين اريد كلشي ع ذوقي وع مرامي
لا گليلة حبيبي هل اشياء تخصنا ثنينا ولازم نشتريها ونختارها احنة ثنينا
ديربالج ديربالج تحجين خصوصياتكم لأي احد
اخت صديقة ام لتحجين سوالفكم الها
لتحجين مشاكلكم وكلشي لتحجين
اليسئلج شلونكم گليلة بخير وهاي هية
خلي الكم خصوصية واشياء محد يعرفها غيركم
بكل مرة يجيكم بيها لازم انتي نضيفة وعطرج يفوح
ولازم ملابس مختلفة وتسريحة او لفة حجاب مرتبة
من يگلج ع شغلة مو كلشي تسويلة
مثلا يگلج حذفي فلان برنامج تكليلة حاضر
وتحذفين وهيج
لا گليلة ماعندي بي شي وبرنامج متونسة بي خلي مااحذفة وحتى لو تريدي تحذفي بالبداية عاندي ويا
ك مثال هذا انطيتة
لتخلي يفرض شخصيتة عليج
شغلة بعد
لتسئلين خطيبج ع ماضيه وشنو جانت عندة من علاقات وشنو صار بحياتة قبل
يعني واذا عرفتي شكم مرة حب او شكم مرة ارتبط
شحتستفادين
امشي بمقولة "مايهمني ماضية دام اني حاضرة ومستقبلة"
