أثار الصبر..

بارت اول

#أثار الصبر

بارت اول

*بقلمي اوجاع *
..................................
صَرَخْتُ : لا
من ِشدَّةِ الاٌلَمْ
لكنْ صدى صوتي
خافَ منَ الموتِ
فارتدَّ لي :نَعَمْ !
..............................
عام ١٩٩٩م
شهر ٣
ساعه ٦:٠٠

بجي واصريخ وناس ملتمه يم الباب
واسمع صوت واحد اول مره اسمعه
يخوف وكلش عالي يحجي ويصرخ ويريد يدخل للغرفه
خفت رعشه سرت بكل انحاه جسمي
بس وجهه مامبين ماكدر اشوفه عيوني مغوشه
بس اسمع من يكول
لازم نقتلها هاي عار  وماسك المسدس بيده
لازم تموت ماتبقه حيه اليوم ينكتب موتها بيدي هل عار
وحده مثلها تنزل راسنه بالكاع ماتبقى عايشه

اباوع اله بخوف واتمنى تصير معجزه وينقذوني
من هل مجرم ماعرف شلون طلع صوتي وظليت اصرخ

واحجي والله موو انا انا مالي ذنب لا تكتلني والله ماسويت شي شنو ذنبي اموت بلا ذنب حجيت اخر كلمه
فجاه صار صوت اطلاق نار

فزيت من نومي
واباوع وادور براسي اشوف انا وين
خفت مايكون حلم احس جنه حقيقه اديني يرجفن
جني معركه مو حلم
اوففف كمت وانا اتعوذ من الشيطان
نفس الحلم كل مره
حجيت وانا اكول يالله متى اتخلص من هل كابوس وليش هيج ومنو هذه الي يريد يقتلني وشسويت اني
شنو الذنب الي ارتكبته الي صرت من وراه مجرد عار
وينكتب علي الموت
تنهدت وانا امسح دموعي
وانفتح الباب اباوع منو هذه
اكيد ليلى ماكو غيرها
دخلت واجت يمي تريد تحاجيني
سبقتها وانا احجي برود
اللهم طولج ياروح الناس تصبح بجهره حلوه وانا اصبح بجهره خايسه

اجت بتجاهي وتريد تضربني وخرت بسرعه
شذره : والله اذا تقدمتي خطوه لكلب البيت عليج كلاب
ليلى : والله وطالعلج السان وصايره تهددين
وتهز بيدها
تجاهلتها وانا اتجاه للكنتور اطلع ملابسي
خليتها تحجي الحالها نفس كل يوم نفس الاسطوانه

ليلى:لا تشوفين نفسج عود كبرتي وصرتي مره
وتحجين هيج وياي وترفعين صوتج
وربي ادعسج دعس تحت رجلي انا ليلى خاف ماتعرفيني

سكرت باب كنتور حيلل وانا اصرخ
شذره: كاافيييييي انتي شنو ماتملين كل يوم كركركركر
كافييي لعبتيها النفسي شتردين جايتني من هل صباحيات
ليلى : ولججج لا ترفعين صوتج انا امج نسيتي لو شنو
لا تخليني احطج براسي واخليج تعضين اصابعج ندم

باوعتلها وعيوني كلهن حقد وكرهه وشمئزاز وحجيت
اكو ام هيج تسوي
شذزه: خلصتي هل تمسلت يالله طلعي وسكري الباب وراج
روحي لقذارتج اكيد كاعد ينتضروج لا تتاخرين عليهم
ظلت تباوعلي واحس تريد تهجم علي عيونها يطلعن منهن نار ظلن
وانا اباوعلها برود
كالت
ليلى: بسيطه انا اعلمج يا ست شذره
حجيت وانا احاول ابين انو ماخف منها
الله يستر ماعرف شنو ضامتلي هل مره من مكيده ولا جني بتها
شذره : شتردين سوي مايهمني
ليلى : خوش انشوف
تباوعلي بضحكه خبيثه وعيد