حين تدق في القلب
أجراس الكرامة
كل المشاعر مجبوره
ان تموت .........
أثار الصبر
بقلمي اوجاع
____________
____________
شذره رنين المنبهه كعدني
من وسط احلامي ونومي
كعدت اباوع ساعه سته نفس وقت كل يوم
على ماجهز نفسي واصلي شويه وتصير بالسبعه
خلصت
واني بالي يم امي لحد الان ماكو
اليوم الثالث ليش مختفيه
اكيد اكو شي شصاير يالله
اعيني على مابتلاني
وعطيني صبر
طلعت من البيت قفلته وراي
بقيت امشي لحد ماوصلت لمكان الي يوكف يمه الباص
بقيت انتظر شويه واجاا الباص ركبت وعطيت الكروه خاف انساها
نزلني يم الشارع الي يوصل البيت الحجيه
بقيت اني امشي اكمل طريقي لان مايصير ادخل
وصلت وضليت ادك الباب انتظر ام احمد تفتحه
ومثل كل يوم فتحته الي سلمت عليها ودخلت بسرعه
واني انزع الحذاء والبس
مال البيت مريح ويساعدني اتحرك بسرعه بدون
مايزعجني
رحت للمطبخ وساعدة ام احمد بشغل
خلصت من المطبخ
جنت ناويه اصعد فوك انضفه البيت هدواء بس صوت الحجيه وهيه تقراء قران
الكل نايم ولدها وبناتهه ضاهر باقين
واليوم كرايبهم هم يجون الحجيه تحب الجمعات كلش
وهمه هواي عوائل دائما يجتمعون بهيج جمعات
وتكعد نهاد خانو تتفيك عليهم
ماعرف ليش تكرهني
وكفت يم باي الحجيه واني اسمع وهي تقراء القران بصوت عذب ويدخل للكلب مريح
دائما ابقى اسمعها لحد ماتخلص
بقيت واكفه يم الباب
فجاه اسمع صوت وراي ويكولي
شسوين هنا
ماعرف من كثر مانزيت
واني احاول اتحرك زلكت
وطحت بالكاع
وهذا كله هو يباوعلي ومخنزر علي وينتضر اجابه مني
احجي شعندج هنا واكفه يم الباب
هو كال هيج واني لحد الان باقيه صافنه
ماعرف شنو الي صار من كثر صدمتي ماكدر افتح حلكي
بقيت امتمت
ماكدر احجي
هو من شافني هيج اجاا بسرعه قرب مني
وكضني من متني وكومني
اني صرت ارجف
وحجيت بسرعه
والله والله ماسويت شي
بس جنت اسمع الحميه من تقراء
والله
بجيت ماتحملت الي يصير من كثر خوفي
هدني ودزني من طريقه طحت يم باب الحجيه
احس من كثر مادزته جانت قويه جسمي تكسر
ومشه بساطه
منو هذه شلون يتصرف هيج بعجرفه
نظراته من يباوعلي كأن اني زباله او شي قذر
عرفته ابن الحجيه الي اجاا من سفر شكد كرهته
انسان سطحي ومو محترم
مسحت دموعي وكمت
من الكاع حاولت اجمع شتات نفسي ومابين شي على وجهي
رحت للحمام
اغسل وجهي لان كلما امسح الدموع ينزل غيرهن
شكد اكرهه نفسي من اصير بهاي الحاله
دائما هيج اني
باوعت للمرايه وجهي شاحب صاير اصفر
ظليت اتلمس بوجهي واباوع النفسي للمرايه
حسيت بذل
وتذكرت منو السبب وليش هيج اخدم بالبيوت والي
يجي يذلني
كله بسببها هي
صرت ابجي اكثر واني اذكر
ابوي الي مات وخلاني بين هل وحوش
ابوي الي مات
ومانعرف شنو السبب
اخذتني ومشت بليله ظلمه
حتى ماخلتني اشوف فاتحت ابوي والى احظنه لاخر مره
جان عمري خمس سنين
جنت ضعيفه مامدر اسوي شي
ولا امنعها
بس اذكر كل شي كإن هل حادثه هسه
مانسه شي ابد
جابتني لمكان مو بيتنا ولا محافظتنه
مكان يسكنه القذرين
عباره عن وساخه وبس
نزيت من تفكيري علئ الباب وهو يندك
وصوت ام احمد وهي تكول يمه شذره
انتي هنا
شذره: هاا خاله اني هنا موجوده بس اوكفي شويه
غسلت وجهي ومسحته
فتحت
الباب واني اخفي وجهي منها
اكيد راح تسال
واني ماليه خلك لاي شي
ام احمد : يمه وين جنتي ليش بعدج مامخلصه
وراح يجون كرايب الحجيه
شذره : اسفه خاله بس شوي يمكن صار عندي هبوط
ام احمد : بيج شي هسه
شذره : لا خاله مابيني شي
رايحه اكمل
مشيت عنها ورحت كملت شغل
صارت ساعه تسعه ونص
وتوهم يكعدون
ولد الحجيه
بسرعه جهزنا ريوك وام احمد اخذته الهم
واسمع سوالفهم وضحكهم
وصوت هذه المغرور يحجي عالي
جنت كاعده اسوي الخضراء
ودخلت نهاد
وهيه تضحك وياه اختها
ويسولفن على جامعه
بقت بالمطبخ تسولف وتذب نغزات
اعرفها انسانه حيوانه بمعنى الكلمه شايفه نفسها بفلوسها وجامعتها
كملت شغلي وسويت نفسي ماسمعها
واني من داخلي احترك ماتحمل بس
مجبوره
احس الدمعه بطرف عيني
قاومت ماطيحه وتفشلني
خلصت من الخضراء ومركت من يمها
علت صوتها
وهي تحجي على الخدم
وتضحك
كملت طريقي سويت نفسي مامهتمه
وهي طلعت من المطبخ بعد ماسمعت سواليفها الي تغث
هديت نفسي
وبقيت اكمل
فجاه اسمع صوت نسوان وزلم
وسلام عرفت هذولا ولد عمهم مدري قرايبهم
اجوا
كملت السبحه
هسه وحده تتفيك على وحده
جنهن هنا الي ماشايفت
أنت تقرأ
أثار الصبر..
Randomعندما تُلامسُ قسوةُ الرّجُل قلبَ أنثى فتُمزقُه تموتُ عآطفةُ الأنثى ..فتولد أنثى أخرى .. ولكن بقسوةِ رجُل .. !*
