طبيبة قلبي «قيد التعديل»

الفصل الخامس..

نكمل روايتنا(طبيبة قلبي)بقلم سلسبيل كوبك..
الفصل الخامس..
اخر حاجة وقفنا عندها في الفصل الرابع..
ليث شد حياة معاه غصب عنها و راح علي اوضة مكتبه...
حياة(بحدة):ابعد عني انت اتجننت ازاي ماسكني كدة؟؟
ليث قفل باب مكتبه بالمفتاح و ساب ايد حياة..
حياة:و ده ايه ده ان شاء الله؟؟
ليث:ممكن افهم كنتي هتعملي ايه؟؟
حياة(بعصبية):و لا اي حاجة كنت همشي و مش هشتغل عندك تاني..
ليث قعد يضحك بصوت عالي كنوع من انواع الاستفزاز..
حياة:بطل ضحك..و افتح الباب..
ليث:انا هفتح الباب بس لما تعقلي كدة و تخرجي من هنا علي اوضة مدام صفاء..
حياة(بسخرية):و انا همسع كلامك..
ليث:للاسف معندكيش خيار تاني..
حياة:انت لسة متعرفنيش..
ليث:انتي اللي لسة متعرفيش مني هو الليث يا حياة..
ليث:بس لانك فاشلة في دراسة كل الصفقات من حواليكي مقرأتيش في العقد انه في حالة انك تسيبيي حالة مدام صفاء عليكي دفع مبلغ قدره مليون جنيه....
ليث(بببرود):يعني واحد و جمبه ست اصفار..
-حياة فتحت عنيها علي آخرهم و هي مصدومة من كلام ليث..
حياة(بصدمة):بس بس ازاي؟؟
ليث:زي الناس...قرري بسرعة..
حياة:انت مش بني آدم..
ليث(ببرود):بلاش فقرة عياط التماسيح بحسها فقرة مملة..
حياة(بعصبية):انت معندكش رحمة..انت بتستغل ان حالتي المادية متوسطة او بمعني اصح ضئيلة بالنسبة لثروتك يا ليث..
حياة(بسخرية):ليث بيه..
ليث(ببرود):دي تاني فقرة و مملة يا حياة شوفي حاجة تسليني..
حياة سابته و راحت عند الباب..
حياة:افتح الباب..
ليث:قررتي ايه؟؟
حياة:افتح الباب..
-ليث قام من علي مكتبه و فتح الباب..لقي حياة خرجت بسرعة و طلعت علي الدور التاني...
حياة راحت لاوضة صفاء..
تالا:حياة انتي رجعتي؟؟
فهد:ممكن تفهمينا حصل ايه؟؟.
محمد:ليث عملك حاجة؟؟
صفاء:ايه يا بنتي مالك ساكتة ليه؟؟
حياة(و هي بتجمع الكلام):انا و ليث بيه وصلنا لحل متوسط..و يلا يا مدام صفاء ميعاد دؤاكي..
حياة راحت و جابت الدؤاء و ماية و ودتهم لصفاء..
حياة:عن اذنك هخش الحمام..
حياة نزلت و دخلت الحمام العام اللي في القصر...
تالا:طب ليث ممكن يكون عملها ايه؟؟
فهد:ده مجنون و ممكن يعمل اي حاجة..
محمد:بس حياة صعبت عليا..
صفاء:خلاص يا ولاد كله يشوف وراه ايه..
و كل واحد راح يشوف وراه ايه..
..................................................
-في مكان تاني...
_عند نازلي..
نازلي كانت في الجامعة و خلاص هتمشي..
شاب:نازلي..
نازلي:نعم..
شاب:هاي مش عرفاني؟؟
نازلي:لا الصراحة مش فاكرة الاسم..
شاب:انا ايهاب..
نازلي:اه ازيك يا ايهاب..خير في حاجة؟؟
ايهاب:انا كنت عايز اعزمك علي حاجة نشربها سواء..
نازلي:و اشمعنا اختارتني انا؟؟
ايهاب قرب من نازلي و كانت المسافة اللي بينهم بسيطة جدا..
ايهاب:لانك جميلة و محترمة و شيك و عسولة و شاطرة و مش طمعانة في فلوسي..
نازلي:اه فهمتك...بس اسفة روح شوف حد غيري..
نازلي:عن اذنك..
نازلي لسة هتمشي ايهاب مسك دراعها و قربها منه..
ايهاب:ليه بس يا نازلي؟؟احنا هنبقي مجرد اصدقاء..
نازلي:لو سمحت سيب ايدي..
ايهاب خد نازلي و مشي بيها و راح ناحية عربيته..
ايهاب:اركبي بس ده احنا هنشرب عصير مع بعض..
نازلي بصتله و بعدين بصت لعربيته و ركبت..ايهاب لف و ركب..
نازلي:انا ركبت بس علشان مكسفكش..
ايهاب:تسلمي يا ستي..
ايهاب خد نازلي لكافيه..
ايهاب:تشربي ايه؟؟
نازلي:عصير مانجا..
ايهاب:قد ايه انتي رقيقة..
نازلي(باحراج):شكرا..
ايهاب طلب اتنين عصير مانجا..و قعد هو و نازلي اتكلموا و يهزروا و يضحكوا...
.................................................
-في مكان تاني..
_عند فتون..
فتون كانت واقفة عند الاستقبال..
شخص:لو سمحت عايز دكتور؟؟
فتون:حاضر..
فتون لفت علشان تشوفه لقته فريد..
فتون(بصدمة):انت؟!
فريد:ايه ده هو انتي بتعملي ايه هنا؟؟
فتون:مال ايدك؟؟
فريد:اتفتحت مش شايفة الدم و لا ايه؟؟
فتون:طب تعالي معايا..
فريد:لفين بس بالظبط؟؟
فتون:تصدق انك عيل رزل..
فريد(بحدة):اظبطي كدة..
فتون:تعالي ورايا حضرتك..
فتون مشيت و فريد ماشي وراها و دخلت اوضة الطؤاري..
فتون:اتفضل اقعد..
فريد قعد..و فتون بدأت تطهر ليه جرحه..
فريد:اسف لاني اتعصبت..
فتون:لا رد..
فريد:عارف انك زعلتي..اسف خلاص..
فتون:لا رد..
فريد:طيب يا ستي انا مبحبش حد يشتمني او يهزأني فاهمة..
فتون:ميهمنيش حضرتك...تمام الجرح كان عميق خيطته لحضرتك..عن اذنك..
فتون لسة هتمشي لقت فريد مسكها من ايديها..
فريد:و الله ما اسيبك تمشي الا لما تضحكي..
فريد بصلها بعيونه الرصاصي و فتون كانت بتموت من كتر الاحراج..
فتون:خلاص يا استاذ فريد..
و بعدين لقوا الباب بيتفتح..
احمد:فتون انتي هنا؟؟
فتون:شايف ايه؟؟
احمد:طيب يا اختي تعالي في اجتماع للدكاترة..
فتون:طيب..
فريد:باي..
فتون:باي..
احمد:بااااي...
احمد شد فتون من ايديها و خرجوا و فريد خرج وراهم..
احمد(بخفوت):مين البيه يا بت؟؟
فتون(بضحك):بتغيري يا بيضة..
احمد:امشي يا بايرة قدامي..
فتون:امرك يا بيبي..
احمد:الصبر يا رب...قدامي يا اختي قدامي..
احمد و فتون راحوا يحضروا الاجتماع..
............................................
-في مكان تاني..
_في بيت ليث..
الكل كان قاعد علي السفرة و اصروا علي حياة تقعد تأكل معاهم و في الاخر هي وافقت..
محمد:كلي يا حياة..
حياة:بأكل اهو...شكرا ليك..
حياة طلعت تليفونها و اتصلت بنعمان..الخط اتفتح..
حياة:الو يا نعمان..
شخص:الو..
حياة:مين معايا فين نعمان؟؟
شخص:طب ما تنسي نعمان و خليكي في هيما...
حياة(بصدمة):هيما!!! فين نعمان؟؟
هيما:معايا متخافيش يا ابلة..
حياة(بتوتر):عايز ايه انجز؟؟
هيما:مفيش..ده كان ماشي قولنا نأخده يقعد معانا..
حياة:طب ودهولي بعد اذنك..
هيما:واد يا نعمان خد كلم الابلة..
نعمان:الو يا حياة..
حياة:كلمة واحدة تكون في البيت حالا..اخرتها تمشي مع ناس بتحشش..
نعمان:يا حياة دول ناس محترمة..
حياة:تصدق يا حرام ظلماهم..روح البيت يا نعمان..
نعمان:حاضر..
حياة:هتصل بفردوس تقولي انك رجعت البيت..
نعمان:طيب..
حياة:ماشي..اتغديت؟؟
نعمان:يا ام قلب حنين انتي..
حياة:و الله غلطانة اني سألتك..عنك ما كلت مش فارق معاايا اساسا...
نعمان:طيب..انا مكلتش...
حياة:ليه مكلتش؟؟هو مش انا قولتلك لازم تأكل علشان تعرف تركز و لا هو قلة سمع و خلاص..
نعمان(بضحك):بهزر بهزر..
حياة:طيب يا نعمان..و الله لما ارجعلك..طب اقولك علي حاجة بقي مش هعملك المفأجاة اللي قولتلك عليها..
نعمان:لا و النبي خلاص ما بصدق تعملي مفأجات..
حياة:عيل مصلحة و الله..روح علي البيت و سيبك من الواد الفاشل الضايع ده..
نعمان:بحبك..
حياة:و انا كمان يلا باي..خلي بالك من نفسك..
محمد:هو في سنة كام؟؟
حياة:اولي ثانوي..
محمد:ربنا معاه..
حياة:شكرا..
تالا:ما تسبيه يخرج ما اصحابه..
حياة:لا انا عارفة مصلحته كويس..و مش دول الاصحاب اللي يشرفوا اي حد..
حياة:عن اذنكوا..بعد ما تخلصي يا مدام صفاء في دؤاء لازم تأخديه عن اذنكوا...
-حياة خرجت للجنينة و هي بتفكر تعمل ايه مع ليث...
و بعد فترة لقت ليث و فهد خارجين من البيت..
فهد:حياة ماما بتناديكي..
حياة:تمام..
حياة مشيت و دخلت القصر و فهد و ليث خرجوا..
حياة قعدت تتكلم و مبسوطة من محمد و صفاء و تالا...و عدي وقت كبير عليهم..
محمد:انا نفسي اساسا اكون دكتور..
حياة:طيب كويس شد حيلك..
محمد:بس الدكاترة ناس رزلة اوي..
حياة:طيب شوف لو في اي حاجة واقفة قدامك تعالي و انا هفهمك..
محمد:طيب..شكرا...انا عندي كتير..
حياة(بضحك):هتأخدني بقي تمرمطني..
محمد:انا اقدر..
تالا(بهمس):محمد الحق..
حياة و محمد بصوا وراهم لقوا ليث داخل و في ايده بنت..
ليث(ببرود):ورايا..
ليث طلع الدور بتاعه و البنت وراه..
حياة:مين دي؟؟
تالا:دي الضحية الجديدة..
حياة:مش فاهمة..
محمد:دي مرات ليث الجديدة..
حياة:طيب بس هو ازاي اتجوز من غير زفة و لا فرح ده رجل اعمال كبير يعني..
محمد:ليث عدي الرقم القياسي للجواز..ده اتجوز الف مرة..
حياة(بصدمة):طب ليه ده كله؟؟ما يتجوز واحدة و يكمل بقية حياته معاها..
تالا:لا طبعا ده الليث..
حياة:اخوكوا مجنون..
محمد:عندك حق..
صفاء:حياة تعالي عايزاكي..
حياة:حاضر..
حياة قامت و مشيت ورا صفاء و دخلت اوضة صفاء..
صفاء:انا عارفة ان في حاجة حصلت بينك و بين ليث...صح؟؟
حياة:لا يا مدام صفاء محصلش حاجة..حلينا سوء التفاهم اللي بينا...
صفاء:معلش يا حبيبتي هو ليث كدة..
حياة:انا هشتغل عند حضرتك لغاية ما حضرتك تستعيدي عافيتك و بعدها همشي..انا مع حضرتك بس علشان لو حصل ازمة تاني او اي حاجة و انا شايفة ان حالتك قربت تتحسن..و بعد كدة انا همشي و هو يبقي يجيب ممرضة..
صفاء:تعرفي انا اتعودت عليكي اوي..
حياة:تسلمي يا مدام صفاء..
صفاء:قوليلي صفصف زي الباقي..
حياة:مينفعش حضرتك كبيرة و ليكي وقار..
صفاء:لا عايزاكي تقولي صفصف هرتاح اكتر..
حياة:حاضر يا مدام صفصف..
صفاء:من غير القاب بقي يا بنتي..
حياة:حاضر..عن اذنك خدي الدؤاء قبل ما امشي..
صفاء:طيب..
حياة ودت لصفاء الدؤاء و نيمتها..و خرجت لقت الكل نام..
نور:حياة يا بنتي..
حياة:نعم يا دادة..
نور:تعالي اوصلك..
حياة:تمام شكرا..
نور و حياة مشيوا لغاية بوابة القصر...
حياة:شكرا لحضرتك جدا..
نور:علي ايه؟؟يلا خلي بالك من نفسك..
السواق:اتفضلي يا انسه..
حياة ركبت العربية و سندت علي الازاز و بدأت تعيط بصمت..و بعد فترة...
السواق:وصلنا..
حياة(بصوت واطي):تمام شكرا..
حياة نزلت و مسحت دموعها و طلعت الشقة لقت الكل نايم..غيرت هدومها و نامت...
....................................................
-في الصباح الباكر...
نعمان:ايه ده محدش صحي ليه؟؟
نعمان:يا جدعان يا ناس يا عيال..
فردوس(بنوم):صباح الخير..
نعمان:صباح الورد...في ايه الكل نايم ليه كدة؟؟
فردوس:معرفش انا تعبانة شوية هخش اكمل نوم..صحي حياة الفطار في التلاجة..باي..
نعمان:باي..
فردوس دخلت كملت نومها..نعمان قام يشوف حياة..
نعمان(بخفوت):حياة حياة..
نعمان راح عندها و بدأ يهزها براحة..
حياة(بنوم):خير؟؟
نعمان:الساعة 6 و نص..انجزي يلا قومي..
حياة:طيب..حضر بقي الفطار..
نعمان:افندم؟؟
حياة:ايه مسمعتش حضر الفطار..يلا يا شاطر..
نعمان:بايخة..
حياة:شكرا..
-نعمان خرج و بدأ يجهز السفرة و هو بيقول كلام مش مفهوم...
حياة قامت و كانت راحة الحمام بس لقت نعمان بيتكلم..
حياة:افندم؟؟
نعمان:اخرسي خالص..انا راجل يعني ازاي احضر اكل..
حياة:تمام و احنا ستات ليه نحضر اكل ما نعمل الشوبينج و مانكير و باديكير و نغير تسريحة شعرنا و لونه ما نعيش حياتنا..و ننفض ليكوا خالص..
نعمان:خلاص خلاص..
حياة:طيب..
حياة دخلت غسلت وشها و خرجت تغير هدومها..
"حياة لبست بنطلون جينز و تي شيرت اسود قصير و كوتشي ابيض و لمت شعرها علي شكل كحكة و اختارت شنطة باللون الاسود في ابيض"..
حياة خرجت لقت نازلي صحيت..
حياة:اهو و النجمة صحيت اهو..
نازلي:شكرا..
نازلي:يا بنتي ما تسيبي شعرك الله..
حياة:عاجبني و هو ملموم..
نازلي:اه الناس هتقول لمت شعرها علشان اكيد وحش..
حياة:طول ما انتي بتبصي لكلام الناس مش هتتقدمي خطوة واحدة في حياتك..و يلا روحي البسي..
نازلي:براحتك..
نازلي دخلت لبست"فستان قصير عند الركبة و لونه اخضر و بنص كم و صندل اسود و سيبت شعرها و حطت روچ احمر"..
نعمان:الاكل جاهز سيداتي..
حياة:طيب..
و بدأوا التلاتة يأكلوا..
حياة:نازلي مش شايفة انك مبالغة شوية..
نازلي:ايه؟؟لا خالص..
حياة:طيب براحتك..
نازلي:هدخل اجهز شنطتي و جاية..
نعمان:حياة فاضية؟؟
حياة:افضالك مخصوص سيدي..
نعمان:و ربنا بحبك..
حياة:عايز ايه؟
نعمان:تشرحيلي كام حاجة..
حياة:تمام..تعالي اشرحلك جزء دلوقتي و جزء بكرة..
حياة بدأت تشرح لنعمان لغاية ما الساعة جت 7 و نص..
نازلي:باي انا نازلة..
نازلي نزلت و راحت للجامعة..
حياة:كدة انا هنزل دقيقة و فتون هتيجي ليا..
نعمان:تمام تسلمي..
حياة كانت هتقوم بس نعمان مسك ايديها..
نعمان:ممكن اطلب طلب؟؟
حياة:تؤمر يا حبيبي..
نعمان(بدموع):عايز حضن..
حياة:اكيد يا حبيبي..
حياة حضنت نعمان جامد و نعمان مسك فيها جامد..
حياة:ايه يا ابني انا مش ههرب..و مالك كدة مش عاجبني..
نعمان:مش قادر اتكلم..
حياة:و انا هستني تيجي تتكلم..
نعمان:انا بحبك اوي..
حياة:ايتا ايتا قالي بيحبني..
نعمان ضحك علي كلام اخته..
حياة:قلبي انت يا نعمان..
فتون(بصوت عالي):انتي يا ست ياللي فوق..
حياة:مهدمة اللذات..يلا باي..
نعمان:تمام..
حياة:سبتلك فلوس علي اللاب بتاعك..
نعمان:تمام شكرا..
حياة خدت شنطتها و نزلت..
حياة:ايه يا بت؟؟
فتون:هحكيلك هحكيلك..
حياة:قولي..
حياة لقت السواق مستنيها ركبت هي و فتون..
فتون:اخيرا مواصلة مريحة..
حياة:المواصلات احسن..يلا احكي..
فتون حكت اللي حصل بينها و بين فريد في المستشفي..
حياة:طيب ايه بقي؟؟
فتون:يفرق معاه زعلي..
حياة:انتي مين انتي يا بت؟؟
فتون:حيوانة..
حياة:بتنقطي عسل..
فتون:طيب..
السواق:وصلنا يا بنات..
حياة:شكرا...يلا..
حياة و فتون نزلوا لقوا نهلة قدامهم..
نهلة(بسخرية):عربية جديدة..
حياة:عن اذنك يا نهلة..
نهلة:استني هنا...ايه اللي بينك و بين ليث بيه؟؟
حياة:مفيش حاجة...شغل و بس..
نهلة:انتي مين انتي علشان يشتغل معاكي..
فتون:ما تبعدي عننا يا نهلة مش فايقين..
نهلة:مكلمتكيش يا بت انتي..
حياة قربت من نهلة اوي..
حياة:نهلة ابعدي عني ميغركيش اني دكتورة و بفهم في الرقي و الاحترام...انا عايشة في منطة عارفة يعني ايه منطقة يعني يعتبر عشوائيات يعني علي بعد بسيط من بيتي في سوق خضار عارفاه و سوق سمك بتحبي السمك..
حياة:شكلها بتحبه يا فتون..
حياة سابت نهلة و مشيت..
فتون:ابعدي عنها..
فتون لحقت حياة و دخلوا هما الاتنين للمستشفي..
احمد:عندي ليكوا خبر..
فتون:خير يا اقرع؟؟
احمد:يا بت هزعلك..
حياة:بس ايه ده؟؟قول يا احمد..
احمد:انا قررت اخطب..
حياة(بفرحة):الف مبروك...فرحتلك جدا يا حبيبي..
احمد:خدي قلبي يا بت انتي..
فتون(بفرحة):مبروك يا عم..مين العروسة؟؟
احمد:ياسمين بنت عمتي..
حياة:اينعم مبحبش جواز القرايب بس يلا..مبروك يا عم...
احمد:انتوا اخواتي لازم تبقوا موجودين..
فتون:اكيد..
احمد:ايه يا حياة؟؟
حياة:هحاول حاضر..
احمد:و الله ما اعمل خطوبة بس..
حياة:خلاص جاية...
احمد:خدي قلوب..
حياة:يلا كله علي شغله..
و كل واحد راح علي شغله..
......................................................
-في مكان تاني..
_عند نازلي في الجامعة...
ايهاب:هاي..
نازلي:هاي..
ايهاب:يلا بينا..
نازلي:طب نحضر اي محاضرة طيب..
ايهاب:فكك تعالي..
ايهاب مسك ايد نازلي و خرجوا ركبها العربية و مشي بيها..
نازلي:يا مجنون هنروح علي فين؟؟
ايهاب:مكان هتحبيه..
و بعد فترة ايهاب وصل لمكان..
نازلي:ايه ده؟؟
ايهاب:ايه؟؟مكان نقعد فيه لوحدينا..
نازلي:بس الجنينة مفهاش حد..
ايهاب:علشان اعرف اتكلم..
نازلي و ايهاب نزلوا و قعدوا في الجنينة الفاضية..
ايهاب:انا انا..
نازلي:انت ايه؟؟
ايهاب:انا بحبك يا نازلي..
نازلي(بصدمة):انا؟!و و ليه؟؟
ايهاب:معرفش..بس كل اللي اعرفه اني بحبك اوي..
نازلي:مش هنكر اعجابي بيك..
ايهاب:خلينا نأخد فرصتنا..
ايهاب حاوط وش نازلي بايديه..
ايهاب:انا مش عايز غيرك..
نازلي(باحراج):طب خلينا نروح دلوقتي..
ايهاب:زي ما تحبي يا حبيبتي..
ايهاب خد نازلي و خرجوا و اتفسحوا طول اليوم...
................................................
-في مكان تاني..
_في بيت ليث..
ليث قام من علي سريره و دخل خد شاور و خرج لاوضة الملابس اختار بدلة و لسة هيلبس لقي حد بيحضنه من ورا..
بنت:حبيبي صباح الخير..
ليث نزل ايديها بعيد عنه و لف ليها و حاوط وشها بايديه..
ليث:انتي طالق..
ليث:بره..
بنت بصتله بصدمة..
بنت(بصدمة):انا عملت ايه؟؟انا معملتش حاجة..
ليث(ببرود):و انا مش عايزك بره..عايز البس..
البنت خرجت و هي مصدومة و بتعيط..
"ليث لبس بدلة باللون الرصاصي و القميص الاسود و لبس الجذمة السوداء و لبس ساعته و و حط البرفيوم بتاعه"..
ليث خرج بكل برود و قرب منها..
ليث(ببرود):شكرا علي ليلتك..باي..
ليث خرج و نزل للدور الاول..
ليث:صباح الخير...
الكل:صباح النور...
ليث:فهد..
فهد:نعم؟؟
ليث:النهاردة انا مش رايح الشركة روح انت و فريد..
فهد:تمام..
محمد:هو فريد بقي يختفي فين؟؟
فهد:و حياتك منعرفش..
ليث:لما يجي..
فريد:صباح الفل..
فهد:بقيت تختفي فين؟؟
فريد:مفيش انا موجود..
فهد:واضح..يلا علي الشغل..
فريد:يلا يا ليث..
ليث:لا مش النهاردة..
فهد و فريد راحوا للشركة..و ليث دخل لمكتبه..
و عدي وقت كبير..و حياة جت علي القصر..
حياة كانت طالعة لاوضة صفاء بس لقت البنت نازلة بتعيط..
حياة:مالك؟؟فيكي ايه؟؟
بنت(بعياط):سيبيني في حالي..
حياة:مالك ممكن اساعدك..
بنت(بعياط):ليث بيه طلقني..
حياة:ده انتوا متجوزين امبارح..
بنت(بعياط):ده خد عذريتي امبارح و طلقني..
حياة اتعصبت و مسكت البنت من ايديها..
حياة(بعصبية):دادة نور..
نور:في ايه يا بنتي؟؟
حياة:فين ليث بيه؟؟
نور:في اوضة المكتب..
حياة مشيت بعصبية ناحية المكتب و نسيت انها شغالة عند ليث..و فتحت الباب بعنف..
ليث(بعصبية):ازاي تخشي كدة؟؟
حياة:انت ازاي يا حيوان انت تتجوز البنت ليوم واحد و تأخد عذريتها و بعدين تطلقها..
ليث:بره اطلعي بره..
البنت سابت حياة و جريت..و ليث قام من علي الكرسي بكل برود و قرب من حياة..
ليث:واضح نسيتي انتي مين..بس انا ممكن افكرك..
-حياة ركزت في كل اللي حصل غضبها و عصبيتها هما اللي خلوها تتصرف...
حياة(لنفسها):اللعنة عليا و علي غضبي..
حياة غمضت عنيها و فتحتهم..و بصت ل ليث و كانت هتمشي...بس في اقل من لحظة كانت شبه في حضن ليث..
ليث(بهمس):شكلك غيرانة لانك لسة متجوزتيش لغاية دلوقتي..بس لو عايزة معنديش مانع..
حياة(بحدة):انت شخص سافل..
ليث(بهمس و تحدي):اوعدك اني هتجوزك و هخليكي انتي اللي تطلبي مني كدة و تقولي انك موافقة..
حياة زقت ليث بعنف..و بعدت عنه و راحت عند الباب..
حياة(ببرود):يوم ما هتجوز هتجوز راجل...
ليث ابتسم بسخرية علي كلامها..و هي سابته و مشيت...
.........................................................
يتبع::🌍💜..
بحبكوا🌍💜..
يا رب الرواية تنال إعجابكم😘🖤..
رأيكوا يهمني😍💙..