طبيبة قلبي «قيد التعديل»

الفصل الثاني..

نكمل روايتنا(طبيبة قلبي)بقلم سلسبيل كوبك..
الفصل الثاني..
اخر حاجة وقفنا عندها في الفصل الاول..
تليفون حياة رن..
الخط اتفتح..
حياة:خير يا جلابة المصايب...
نازلي(بصريخ):الحقيني يا حياة...
حياة(بخضة):انتي فين؟؟
نازلي:في المول يا حياة..
حياة:تعالي معايا بسرعة يا نعمان..
نعمان:في ايه يا حياة مالها نازلي؟؟
حياة:معرفش..
حياة هي و نعمان ركبوا عربية و وصلوا للمول..
حياة طلعت تليفونها اتصلت بنازلي..
الخط اتفتح..
حياة:انتي فين يا نازلي؟؟
نازلي(بعياط):في مكتب المدير..
حياة:طيب جيالك..
حياة و نعمان راحوا لمدير المول...
الباب خبط..
المدير:ادخل..
حياة:احم لو سمحت ممكن ادخل..
المدير:اتفضلي..
حياة اول ما دخلت نازلي جريت عليها حضنتها و هي بتعيط..
نعمان:حصل ايه؟؟
حياة:بس بس اهدي علشان خاطري كل حاجة هتبقي تمام..
بنت:لا اختك هتروح السجن يا اختي..
حياة(بفزع):نعم!!سجن ليه حضرتك؟؟
المدير:اتفضلي شوفي..
-حياة و نعمان بصوا في شاشة اللاب لقوا مقطع لنازلي و هي بتسرق البنت...
حياة:نعمان خد نازلي و اخرجوا بره..
بنت:تأخدوها فين؟؟
حياة:هتكلم مع حضرتك متخافيش..
نعمان خد نازلي و طلعوا بره..
حياة:انا اسفة جدا و الله علي اللي حصل هتلاقي غصب عنها..اسفة لو سمحت دي لسة بنت في عز شبابها يعني ليه نضيع مستقبلها...
المدير:بس..
حياة(بدموع):ارجوكم..و اوعدكوا انها مش هتيجي هنا تاني و مش هتعمل اي حاجة...اسفة جدا بعد اذنك..
البنت:طيب...بس المرة الجاية فيها حبس..
حياة:شكرا جدا ليكوا شكرا..
حياة خرجت و لقت نازلي بتعيط و هي جمب نعمان..
حياة:نعمان خد اختك و روحوا البيت..يلا..
نعمان:طب و انتي؟؟
حياة:ورايا شغل..علشان اختك ما..
حياة(بسخرية):متسرقش تاني..و قال بتقول علي اختها الصغيرة حرامية..
حياة(بحدة):يلا امشوا من قدامي..
نازلي(بعياط):حياة..
حياة ضربتها قلم علي وشها..
حياة:متنسيش اصلك انتي بنت مين متنسيش انتي اتربيتي علي ايه..و لو نسيتي افكرك يا نازلي..
حياة:يلا علي البيت..
حياة سابتهم و مشيت..نعمان خد نازلي و روحوا علي البيت...
حور(بفرحة):جيتوا؟؟
فردوس:في ايه مالكوا؟؟
نعمان:الانسة راحت تسرق...
فردوس(بصدمة):الكلام ده حقيقي؟!
نازلي(بعياط و صريخ):اعملكوا ايه يعني؟؟ها ردوا؟؟ انا مش غلطانة ينعل ابو الفقر يا شيخة..
فرودس:علشان تعرفي انها مش دايمة يا نازلي..احنا عملنا ليكي ايه ها؟؟احنا بنحاول علي قد ما نقدر نخليكي مبسوطة...و اكتر واحدة بتعمل كدة حياة بتصرف علي البيت كله مش مخليه حد يشتغل..مصاريف كليتك هي اللي بتدفعها..فلوس الدروس هي اللي بتدفعها مصاريف البيت هي اللي بتدفعها..تعليم كل واحد كان علي حسابها..ردوا جميل واحد بس...
نازلي سابتهم و دخلت اوضتها..و نعمان راح اوضته..
حور:هو حصل ايه؟؟
فردوس:مفيش يا حبيبتي..
حور:انا مش عيلة صغيرة متخبيش عليا حاجة..
فردوس:تعالي بقي يا كبيرة نعمل اكل علشان خاطر حياة..
حور(بفرحة):ماشي..يلا..
حور و فردوس راحوا يحضروا الغداء..
...........................................
-في مكان تاني..
_عند حياة..
حياة راحت علي المستشفي و اول ما دخلت..
فتون(بقلق):مالك يا حياة؟؟و ايه اللي خلاكي تمشي حصل ايه احكي؟؟
حياة(بتعب):فتون سيبيني في حالي ارجوكي..
فتون:ابدا حصل ايه؟؟
حياة:مفيش..
فتون:طيب..
فتون مسكت حياة من ايديها و خرجت للجنينة و قعدت فتون علي الكرسي اللي موجود في الجنينة..
فتون:و انا مش هسيبك الا لما تحكي...زنانة بقي..
-حياة حكت كل حاجة حصلت من ساعة ما مشيت لغاية ما جت..
فتون:معلش يا حبيبتي..معلش استحملي..
حياة(بدموع):اول مرة احس بالذل كدة يا فتون..
فتون:يا حبيبتي هي دي الدنيا..
حياة(بدموع):بس انا اتذليت و بسبب مين بسبب اختي...ربنا يأخدني علشان ارتاح..
فتون:هرجع اعيد كلامك..انتي مستعدة تقابلي ربنا؟لا يا حبيبتي استغفري ربك كدة و اغسلي وشك..ده انتي احسن دكتورة في الكون كله..
حياة:تسلمي يا فتون..بحبك اوي..
فتون:لا رقم بابا مش معايا..بس ممكن نرتبط عادي كدة..
احمد:يا بت يا بايرة..
فتون:يا اقرع يا تخين..
احمد:يا بت ده كان زمان دلوقتي مش شايفة الوسامة بتاعتي و لا ايه؟؟
فتون:لا انا شايفة الزبالة..
احمد:يا بت هضربك..
حياة:بسسس..مش بتسكتوا ايه ده؟؟انا راحة شغلي احسن..
حياة:اولعوا في بعض..
احمد:لا جاي معاكي دي مجنونة..
فتون:و انت سيد العاقلين..يلا يا بنتي..
و كل واحد راح علي شغله...
...................................................
-في مكان تاني..
_في قصر ليث..
تالا(بصوت عالي):هاي انا رجعت..يا ناس يا بشر..
خدامة1:نورتي يا هانم..
تالا:شكرا فين صفصف؟؟
خدامة1:في اوضتها يا هانم..
تالا:طيب..
تالا طلعت علي اوضة مامتها و خبطت الباب و دخلت....
تالا:هاي صفصف..
صفاء:خير؟؟
تالا:مالك يا جميل كدة؟؟
صفاء:حال ليث مش عاجبني...
تالا:انتي اللي غلطانة..
صفاء:انا؟!
تالا:اه...انتي حد قالك تتجوزي بابا...
صفاء:عندك حق و الله..بس برضو برجع افكر الحمد لله ربنا رزقني باربع شباب زي الفل و الورد....
تالا:طيب براحتك..
صفاء:طب يلا روحي خدي دوش و اخرجي يكون محمد جه و تتغدوا..
تالا(بضحك):انا طالعة البس علشان اشوف العروسة الجديدة..بيصعبوا عليا و الله...
صفاء:الصبر يا رب...و انا كمان و الله بيصعبوا عليا جدا...بس نقول ايه بقي اخوكي..
تالا:يلا باي..
تالا طلعت علي اوضتها خدت دوش و غيرت هدومها و نزلت لاوضة مامتها....
صفاء:مش وراكي غيري..
تالا:ما هو انا قاعدة في البيت اهو اعمل ايه يعني..
صفاء:طيب..
الباب خبط..
صفاء:اتفضل..
محمد:اهلا يا ست الكل..
صفاء:اخبارك يا محمد؟؟
محمد:الحمد لله..بس مالك بتقوليها كدة ليه؟؟
صفاء:اخوك عرف انك مبتحضرش و لا محاضرة يا اخويا و قالي اقولك ان المرة الجاية رفض رسمي..
محمد(بخوف):و ده عرف منين ده؟؟
صفاء:اسأل نفسك..
تالا:كتكوت مبلول واقف قدامي..
محمد:اخرسي يا بت انتي...يا ربي اعمل ايه دلوقتي؟؟
صفاء:احضر يا اخويا محاضراتك احضر...
محمد:حاضر...الله يسامحك يا تيتة كان لازم تتجوزي جدي علشان تخلفي ابويا علشان يخلف ليث ايه ده؟؟..يا رب الصبر..
صفاء:لولا ستك كان زمانك اسمك صقر..
محمد:اه ما انا عايش مع حيوانات...واحد اسمه ليث و التاني اسمه فهد..
تالا(بضحك):و انا كان هيبقي اسمي لبؤة...
محمد:ابوكي ده غريب..ليكون كان من سلالة الحيوانات و احنا معرفش..
صفاء:اخرس ياض..
صفاء:ربنا يرحمه بقي..
محمد:انا طالع اخد دوش انزل الاقي الغداء..
تالا:انا اسااسا مستنياك..
محمد:و مين قالك اني هأكل معاكي...انتي مين انتي؟؟
تالا:بكرة تندم يا جميل..
محمد:غوري..
محمد خرج و طلع علي اوضته خد دوش و غير هدومه و نزل لقي صفاء و تالا علي السفرة...
محمد:عاملين غداء ايه بقي؟؟
تالا:تعالي و انت تشوف..
محمد قعد و بدأوا يأكلوا...
ليث:فهد لو زودت او جودت من عندك انت حر..
فهد:خلاص طيب فهمت..
صفاء:اهلا يا حبايبي تعالوا كلوا..
محمد اول ما عرف ان ليث هنا اتوتر و ارتبك..
ليث:حد اذن ليك انك تقعد مكاني؟؟
محمد(بخوف):و الله كنت بجرب بس الكرسي...
ليث(ببرود):لما اموت انا و اخوك ابقي جربه براحتك...تعرف مش بتهاون في الغلطة التانية..
محمد:آسف...
محمد قام من علي كرسي ليث و راح قعد جمب فهد..
ليث:اخبار صحتك ايه دلوقتي؟؟
صفاء:بخير يا ابني..
ليث:تمام...
تالا(بارتباك):ليث..
ليث:ايه؟؟
تالا:هو احنا مش هنشوف...
ليث:كملي اكلك يا تالا..
تالا:بس..
ليث(بحدة و بنظرة حادة):كملي اكلك يا تالا...مبحبش اعيد كلامي مرتين..
صفاء(بتوتر):ها يا ابني نحهز الاوضة..
ليث:مش لازم..
فهد:اصل الليث قال مش هيتجوز النهاردة..
ليث(ببرود):و اعتقد اني مأذنتش ليك انك تتكلم..
صفاء:يا حبيبي ده اخوك..
ليث(ببرود):مش مهم...الكل عندي واحد..
ليث قام و سابهم و طلع علي الدور بتاعه..
فهد(بصوت واطي):شايفة ابنك..
صفاء:معلش يا حبيبي..ده كدة نعمة بالنسبة لابوك..
محمد(بهمس):تعالي هروقك..
فهد(بهمس):يا رب بس ميعرفش..
تالا:انا طالعة انام باي..
محمد:يلا اشوفك بليل..
فهد:طيب..
محمد طلع علي اوضته هو و تالا...
صفاء:معلش يا حبيبي اخوك...
فهد:ماشي يا امي..حد قالك تتجوزي ابويا ايه ده؟؟
فهد سابها و مشي...
صفاء(لنفسها):الله يسامحك يا ابو ليث..
صفاء:دادة نور..دادة نور..
نور:نعم يا ست هانم..
صفاء:شيلي الاكل..
نور:حاضر..
صفاء طلعت قعدت تريح اعصابها في اوضتها...
................................................
-في مكان تاني..
_عند حياة و فتون...
فتون:يلا يا حياة..
حياة:لا النهاردة هروح الصيدلية..
فتون:اه نسيت..طيب يا حبيبتي خلي بالك من نفسك..
حياة:طيب..
فتون:تحبي استناكي؟؟
حياة:لا عمو هيقلق يلا روحي..
فتون(بدموع):انا بحبك اوي..
حياة:ايه يا بت نكدية كدة ليه؟؟
فتون:انتي عظيمة اوي..
حياة:طيب..سيبيني بقي هتأخر و الدكتور ما بيصدق يمسك عليا حاجة...يلا..
فتون:طيب ابقي طمنيني عليكي..
حياة:طيب..
-حياة راحت الصيدلية اللي بتشتغل فيها بعد المستشفي...
حياة:اهلا دكتور صابر..
صابر:اهلا يا حياة..اتفضلي..
حياة:تمام شكرا..
حياة حطت شنطتها و البالطو بتاعها علي جمب...
حياة:اتفضل حضرتك اشرب سيجارتك بره عقبال ما اروق الصيدلية..
صابر:تمام..
صابر طلع شرب سيجارة بره الصيدلية..
حياة(لنفسها):روح يا شيخ ايه ده ازاي بطيق ريحتها..ده انا بشمها بس بتخنق انت لما بتشربها بيحصلك ايه..
حياة بدأت تلمع الصيدلية و تمسحها و تنضف الصيدلية و رجعت كل حاجة مكانها..و قعدت مستنية اي حد يجي..
صابر:انتي شاطرة اوي يا حياة...
حياة:شكرا..
صابر:تعرفي يا حياة؟؟
حياة:لو هعرف كنت هقولك اتفضل كمل..
صابر:لمضة..
حياة:تمام شكرا..
صابر:انا عمري ما شوفت حد عيونه سوداء..
حياة:اديك شوفت..شوف ازاي؟؟
صابر:انتي بنت بنوت و محترمة و مؤدبة و تستاهلي انك تقعدي في بيتك معززة مكرمة..
حياة:انا بحب المرمطة و بحب اشتغل مش عايزة اقعد في بيتي معززة مكرمة..تمام؟؟
شخص:لو سمحت..
حياة:اتفضل..
شخص:عايز اصرف الروشتة دي..
حياة:تمام..
حياة مسكت الروشتة و بدأت تطلع اللي مكتوب..
حياة:طريقة الاستخدام اكتبها لحضرتك في ورقة و لا علي العلب ذات نفسها؟؟
شخص:في اي حتة براحتك..
حياة:طيب..
-حياة بدأت تحسب الفلوس و هي بتتلغبط لانها بتكره الرياضة...
حياة:كدة الحساب حضرتك 127 جنيه..
شخص:طب خليها عليكي الاتنين جنيه...
صابر:ليه حد قالك اننا قاعدين علي كنز؟؟
شخص:خلاص يا عم براحتك...
الشخص دفع الفلوس و مشي...
حياة:مكنتش حضرتك هتخسر حاجة لو كنت شلت الاتنين جنيه..
صابر:علشان عيونك بس المرة الجاية..
حياة(لنفسها):يا رب الوقت يخلص هموت و امشي..
و بعد فترة حياة خلصت شغلها...
حياة:عن اذنك..كدة خلصت شغلي..
صابر:يعني هشوفك بعد يومين..
حياة:عن اذنك..
حياة خدت البالطو و شنطتها و هي بتحمد ربها انها مشيت...
حياة بعد فترة وصلت البيت و فتحت بالمفتاح و دخلت..
حور(بفرحة):حياة جت حياة جت..
حياة(بابتسامة):قلب حياة من جوا..
حياة حضنت حور و باستها...
حياة:عارفة جيبالك ايه؟؟
حور:ايه؟؟
حياة:البيتزا اللي حبيبتي بتحبها...
حور(بفرحة):الله..هنأكل بيتزا..
حياة(بحزن):اه يا روحي هنأكل بيتزا...و مش هحرمك منها وقت بس ما تعوزي تأكلي بيتزا قوليلي..
حور:يبقي نأكل بيتزا علطول..
حياة(بضحك):انتي عايزة تخربي البيت بقي..
حور:انا بحبك اوي..
حياة:و انا اكتر...خدي بقي جهزي السفرة الصغننة بتاعتنا و حطي الاطباق و روحي نادي اخواتك..و انا هخش اغير..
حور:مش هنادي نازلي..
حياة:ليه؟؟
حور:لانها مزعلاكي..
حياة:يا قلبي انا و نازلي مش زعلانين من بعض..و مهما حصل احنا اخوات و مينفعش الاخوات يزعلوا من بعض..
حور:طيب...بحبك..
حور باست حياة و راحت بدأت تجهز السفرة..
حياة غسلت وشها و دخلت علي اوضتها غيرت هدومها..
حياة:نادتيهم يا حور..
حور:لا لسة..
حياة:طيب روحي نادي نعمان..
حياة خبطت علي اوضة نازلي و فردوس..
فرودس:ادخل..
حياة:مساء النور فردوس..
فرودس:مساء الخير يا حبيبتي..
حياة:روحي شوفي البت حور زمانها بتخلص علي طورشي البيتزا...
فرودس:جبتي بيتزا؟؟
حياة:اه يلا روحي..و انا جاية وراكي..
فردوس:ليه المصاريف دي كلها؟؟
حياة:كدة يلا روحي..
فرودس:طيب..
فرودس راحت تساعد حور في تحضير السفرة...و حياة قربت من سرير نازلي و قعدت جمبها..
حياة:نازلي بصي ليا..
نازلي فضلت باصة للسرير و مش بتبص لحياة..
حياة:انتي عارفة انك غلط و لا لا؟؟.
نازلي(بدموع):بس..
حياة:نازلي احمدي ربنا علطول في السراء و الضراء..احمدي ربنا ربنا مش هيسبنا في الفقر كتير..هيعوضنا اكيد ان شاء الله...
نازلي(بدموع):انا كنت محتاجة بلوزة و عجباني اوي و مش معايا فلوس...
حياة:نازلي احنا عندنا هدوم احسن من غيرنا..وبنلبس حاجات نضيفة و انتي عارفة كدة..
نازلي:عارفة بس ناقصنا الراحة...
حياة:ما احنا كنا في راحة عادي مجرد اختبار لازم نستحمل و نعدي الاختبار ده متماسكين و كل واحد بيساند التاني علشان نقف كلنا علي رجلينا...لازم نبقي ايد واحدة يا نازلي..
نازلي(بدموع):اسفة..
حياة خدتها في حضنها و طبطبت عليها..
حياة:انا اللي اسفة اني ضربتك بالقلم..اسفة جدا يا روحي..
نازلي:و لا يهمك..
حياة:طب يلا زمان العيال كلوا البيتزا و انا جيباها علشان خاطرك يلا..
نازلي:طيب..
و حياة و نازلي خرجوا..
نعمان:ايه اللي جابكوا الله؟؟
نازلي:اسكت يا رزل..انا جعانة..
نعمان:اه طب ما انا و فردوس اتحايلنا عليكي تأكلي مكلتيش..
نازلي:كنت زعلانة الله..
فردوس:طيب..
نازلي:حبايبي..
نازلي ضمت كل اخواتها بايديها..
حياة:يا بت هنفطس..
نازلي:كدة طب انا زعلانة..
نعمان:اولعي..
حور:شكرا يا حياة علي الاكل..
حياة:يا روحي علي ايه بس؟؟.
فردوس:اكل النهاردة هشيله لبكرة..
الكل:تمام...
حياة:يلا هخش انا انام انا مرهقة...بعد ما تخلصي يا حور تعالي جمبي..
حور:حاضر..
حياة:نعمان مذاكرة ثم مذاكرة علشان اجبلك التليفون اللي وعدتك بيه..
نعمان:حاضر يا روحي...
-حياة راحت علي اوضتها و اترمت علي السرير نامت فورا لانها كانت تعبانة اوي....
نازلي:يا عيني شكلها تعبان اوي..
فردوس:ربنا معاها...
حور:باي هنام جمب حياة...
حور راحت نامت جمب حياة و حضنتها و مسكت فيها جامد..حياة شددت عليها و هي في حضنها..
حياة(بنوم):متخافيش مفيش عفاريت تحت السرير..
حور:طول ما انتي جمبي انا مش خايفة..
حياة و حور ناموا...
فردوس:هغسل الاطباق و هخش انام..
نعمان:ماشي و انا رايح انام بكرة اجازة يلا باي..
نازلي:اساعدك؟؟
فرودس:لا حاجات بسيطة..
نازلي:خلاص هستناكي..
بعد فترة فردوس خلصت غسلت الاطباق و نازلي جففتهم..و كل واحدة راحت لسريرها نامت...
.....................................................
-في الصباح الباكر...
_في قصر ليث بيه..
فهد:انجزوا بسرعة...
محمد:في ايه؟؟.
فهد:اخوك ليث طلع من بدري و عايزني في الشركة ضروري..
محمد:ربنا معاك..
فهد:طيب يلا...انا ماشي..
فهد جري بسرعة و ركب عربيته و ساق بسرعة و وصل للشركة...
محمد:يا رب ايه البيت ده؟؟
تالا:بخ..
محمد:خير؟؟.
تالا:بهزر معاك..
محمد:طيب..
صفاء:صباح الخير يا ولاد..
محمد:صباح النور...في محاضرة لازم احضرها يلا باي..
تالا:طب و انا اعمل ايه بقي؟؟
صفاء:تعالي انا و انتي نروح النادي..
تالا:لا صحابك الكبار دول مبحبهمش..
صفاء:تعالي معايا و انتي روحي اقعدي مع صحابك..
تالا:طيب هطلع البس..
صفاء:و انا كمان..
و بعد فترة تالا و صفاء لبسوا هدومهم و خرجوا ركبوا العربية و وراهم حراسة كبيرة..
و وصلوا للنادي...
تالا:انا راحة اجري شوية..
صفاء:طيب..
صفاء راحت قعدت مع صحابها و كانوا بيتكلموا و فجأة صفاء اغمي عليها...
ست:نادوا علي تالا...
حارس:تالا هانم..
تالا(و هي بتنهج):خير؟؟
حارس:الهانم الكبيرة اغمي عليها..
تالا(بصدمة):ايه؟؟
تالا جريت علي مكان مامتها...
تالا(بعياط):ماما ماما ردي عليا...
ست:شمميها البرفيوم دي..
تالا حاولت مرة اتنين بس صفاء مفاقتش..
تالا(بعياط):الازمة تاني..
تالا طلعت تليفونها بسرعة و اتصلت ب ليث..
الخط اتفتح..
ليث:خير يا تالا؟؟انجزي مشغول..
تالا(بعياط):ليث ماما اغمي عليها و مش عايزة تفوق..
ليث(بقلق):طيب اهدي جايلك حالا...
.....................................................
يتبع::🌍💜..
بحبكوا🌍💜..
يا رب الرواية تنال إعجابكم😘🖤..
رأيكوا يهمني😍🖤..