دورات الوكت مايشبع من دموعك
ونوبات تشعر باله يم موضوعك
عفيه. الدنيا لو لفت بني ادم
توكعلك هطر حد كسرت ضلوعك
اسينات- بقيت هالفتره ماانزل رغم تصيخ عليه بس مردت امسر حجايه حمزه وخفت لتوكع شي لخ براسي وتورطني. بس تالي من خوفي منها ضعفت ومن صاحت رديت
نعم خاله
متنزلين تنضفين حتضلين مقنزعه فوك
اي خاله
نزلت نضفت وملعبت بغرفتها
وكلسا تبسمر
شوفي الدنيا شون تفتر وتطلع الحوبه.
باع امج لفت على ابوج حد مااخذته من بيته وجهاله تالي هسه صرتي بيدي خدامه
مدرتلها بال
وردت كالت
شطلعتي
ناجحه خاله
وشنو تردين تكملين بطلي بطلي ابقي بالبيت اولتج وتاليتج لخدمه البيوت
خاله اذا اشتغلت بيت ابويه هذذا مو عيب بس مستقبلي محد يتدخل بي وبابا وحمزه يردوني اوصل
شتوصلين جهاا يا الله بابا انتي غبيه مثل امج رقيه الذكيه عافت دراستها وبطلت وتزوجت فدوه لعينها انتي هم يمه بطلي العالم من تشوف البنيه تروح وتجي بالشارع العين تصير عليها يكولون اخوتها هاديها
خاله اني مامسويه شي غلط حتى يخجلون مني اخوتي
اوووي دكومي حتصير دكتوره براسي كملتي
اي خاله
زين تحين ويايه بيت اخويه مو اخويه ومرته مسافرين وكايله لرقيه تعزل البيت كتلها اجيبلج اختج واجي
بقيت صافنه عليها
خاف بابا يجي لا مااكدر
حتلو اجه هذا غده جاهز مسويه اني ومن يجي يصب وياكل ها تجين مو هاي خطيه متكدر وحدها
ماشي
صعدت بدلت ونزلت جنت مادير بال ما اتعب من الشغل بس كون تهده ويايه هي ورقيه والله ماعدي شي وياهم
وطلعت وي خاله
وصلنا بيت رقيه البيت يخبل فد حلو وجبير نفس بيوت الديوانيه بس حديث كلش
وجبير وبيت صغير ببطنه بس الصغير هذا يطلع ب٢٠٠ متر
لكينا قاسم نايم هناك بغرفه من الغرف تعجبت منهاي ميعجبهم يجون عدنا
كعد من النوم يفرك بعينه
هايمه جيتي
اي يمه تاكل يله اسينات كومي عالبيت
شنو اسونه وياج
ابتسم من مد راسه واني انزع الحجاب ابتسم عاكد حاجبه. هاي شعجب جيتي هنا
خخاله كلتلي
ابتسم شال ايده اشولي تعاي
يابه كلبي شكبره صار تقربت منه باسني من راسي صار شهرين مشايفته
شونج ولج كبرانه
اي هه ونصيت خجلانه شنو جايه تساعدين رقيه
اي
يا الله الله يهديكم
نزلت رقيه جانت توها كاعده ساعه١٢ الضهر لابسه تراكسود حصر والبدي اسقيات فد يفشل شكله كدام الولد
بوست امها وباوعتلي بملل
زين سويتي حبتيها مبي حيل وحدي ماما هاي مرت اخوج حاجيها بطلت الخدامه بقت بس وحده اني بيه حييل
اي يمه غير انتي بعد ويا الخدامه الثانيه تساعديها
اهووو اني بيه حيل
