وصلني لباب بيت خليل ونزلت ركض صعدت درجهم بس ٣ درجات
كلبي وجعني حيل
ارتجيت عالباب دكيتها
وكعدت بالكع
فتح الباب تفاجا بيه
اسوني
صفن بهت كعدت بالكع بموازاتي
شبيج كلبي منو وياج
شهكت وطلعت كل حركتي بقهر
بلع ريك وكفني وهز راسه
حضنني بقوت ويهدي
اريد اجر نفس اريد اهونها على روخي مداكدر
جرتي للشقه وسد الباب يهمس
على كيفج عمري انت على كيفج
صوت البجي صار بصياح مدري منين ابدي اهونها وتهون
من الكلام مالته. وشفقته
من معرفتي بانه اني ماصير ام
من حاجتي لحمزه
اريد اصيح. مداكدر بس ابجي بقهر
سمعت صيحه زمرد
شبييها سونه شبيها
ششششماكو شي جيبيلها مي. بسرعه
اريد اوكف مداكدر
كافي ابويه انتي كافي عيني
كل الكدرت احجي ليش
جر حسره وشدد حضنه دفعته. بغضب وتلزمني دوخه تفر راسي فر
جرني بقلق
فدوه لكلبج حتموتيها لنفسج
عوفني خليل
بس فهميني شتريدين هسه اسري وروح ابويه
صيحت
عووووفووني
تركني راسن اشر لزمرد طلعي طلعها منزالغرفه وبقه كاعد تمددت مغمضه قوايه راحت
كاعد ورايه عالقنفه واني متمدده. ببالي يترتب حجي. وصياح ويتخربط من اتذكر كلامه
تلفوني بالجنطه يدك
فتح الجنطه خليل همس
ها سلام يمي بمي ليضل. بالك بعدين هسه روح
سده واني مغمضه
همست
خابرلي قاسم
همس
خابرته جاي غمضت يي اخس بهزه رجله ورايه ونفسه العصبي كلسا وهمس
استغفر الله ربي واتوب اليه
حسيت روحي هديت بس روحي سايحه
همس
اسونه
مجاوبته
سمعت صوت قاسم
وطب اجه ركض عليه باوعتله فكيت عيني كعدت عدل وعدلت زيكي
اباوعله يباوع بقلق
همس
اسونه اذكري الله
محد اله علاقه بيه. بعد
ولاواحد منكم اريد اشوفه بحيااتيي
خليل فك عينه
اسونه شنو هالحجي
لللليش هيجي سويتووو فهموني ليييش
ابويه احنا خايفين عليج.
هزيت راسي بالرفض انتوووتعاجزتو من لكمتي.
حريت الشال بعصبيه. من نار. انفل شعري
صيحت بعلو حسي قاسم فك عينه تقرب دفعته
ليش بس فهموووني ليييييش. شمسويتلكممممم ليييش.
