مهمات بنات 😏😎

تدبييييييسة😱😱

  الحلقة ٩
  * بعد ما عدي اسبوعين التمرين..........
الكل جهز عشان السفر بعد ما خدو التعليمات وكل اتنين مع بعض كأنهم عروسين وهيقضو شهر العسل..................
في المطار طبعا كلهم بيتعاملو بسماعات كل واحد معاه واحدة، وكل اتنين قاعدين جمب بعض مستنيين معاد الطيارة............
زين واسراء
زين: افردي وشك ده شويه في اتنين طالعين شهر العسل بمنظرك دة.
اسراء: انت هتستظرف بروح امك اومال لو مكنتش عارف اللي فيها
زين: صوتك ميعلاش عليا احسن لك.
اسراء: ولا تقدر تعمل حاجة اصلا.
زين: يا بت لمي نفسك بدل مالمك
اسراء: لأ مش هتلم هتبعتر 😍
زين: احنا هنقعد مع بعض لوحدنا انتي حرة خافي علي نفسك.
اسراء: واخاف علي نفسي ليه اصلا.
زين: يعني هيكون معاكي راجل في نفس الاوضة 😉
اسراء: وهو فين الراجل دة وعمالة تبص يمين وشمال.
زين: وحياة امك طب اسكتي، والله لاندمك ع الكلمة دي.
اسراء: هه ولا يهزني😏
_____________________
عند عمر وايمان
عمر: ايه الاسود اللي انتي لابساه ده انتي راحة تعزي.
ايمان: وانت مالك اصلا.
عمر: بقه انا مش عجبك انتي تطولي اصلا يا بت واحد زيي.
ايمان: ليه ان شاء الله هتجوز احمد عز ولا كريم عبد العزيز.
عمر: ده انا احلي منهم😎.
ايمان: طب بس وانت شبه سبونج بوب كدة
عمر: ده انا قمر
ايمان: قمر بالستر بلا وكسه.
وفجأة جيه شخص بس بيتكلم عربي مكسر .........
الشخص: لو سمحتي مدام ممكن آخد معاكي
صورة
ايمان: لأ مدام ايه بس انا مدموزيل يا عنيا
الشخص: اووووه لقد فكرت انك متزوجة من هذا الشخص.
عمر: لأ يا راجل خد راحتك خالص
ايمان: لأ طبعا مش متجوزة ده انا حتي معرفوش
عمر: وحياة امك، طب اتفضل يلا امشي من هنا انجز بدل مااعملك مساحة للمطار.
الشخص: ولكني اود التقاط صورة معها.
عمر: بقولك غور من قدامي احسن لك.
ايمان: انت ازاي تمشي معجبيني من هنا.
عمر وبدأ يتعصب اكتر: اقعدي احسن لك بدل مااقعدك عمرك كله قال معجبين قال فاكرة نفسك مين ابو زيد الهلالي.
ايمان وعماله تضحك: انت لسه شوفت حاجة.
___________________________
عند سلمي وفارس
فارس: بقولك ايه.......
سلمي وقاطعته: بقولك انت ايه انا مش عايزة اسمع صوتك خالص يا ريت يعني لو تكرمت لحد مانوصل ولا اقولك لحد ما نرجع.
فارس: ايه ده هوه انا لسه قولت حاجة
سلمي: ماانا مش عايزاك تقول حاجة اصلا.
فارس: جرا ايه يابت ماتلمي نفسك هوه انا عشان ساكتلك.
سلمي: بت اما تبتك علي قرعة ستك ستك قارعة بتلعب مصارعة.
فارس: ستي انا بتلعب مصارعة يا حيوانة يا بيئة.
سلمي وصوتها بدأ يعلي اكتر والمطار كله بيتفرج عليهم: انا بيئة يا معفن.
فارس: معفن يا كلبة البحر
سلمي: لأاااااااا ده انا ممكن اردحلك بكل اللغات هنا
فارس: ايوة طلعي اصلك.
سلمي: اصلي مالو ياابو اصلي، الله يرحم ابوك كان فاكر الشاور لبن بموز
فارس: انا ابويا كان بيشرب الشاور يا قيحه يا تلقيحه.
سلمي: انا ده علي رأي اسراء يلا يا عربية من غير مراية يا مايه من غير كوباية.
فارس: ايوة قولي كمان قولي بيئة
سلمي: بيئة مين ياابن المصدية ده اللي زيك مينضفشي ولو اتحط في مايه مغليه يا دكر درفيل في تلات برامييل يتجر بخمسة مراكبية وهخلي اللي ميشتري يتفرج يا عمر ياابن ام زكييييييية وبس بقة خليني ساكته عشان لو فتحت بقي هزعلك.
وفجأة صوت في السماعات.....
اسراء: صوتك عالي يا بنت الجزمة انتي وهوه المطار كله بيتفرج عليكم اقعدي يا ناديه يا جندي واهدي.
فارس مصدوم وقاعد مش عارف يرد عليها بس حلف ليربيها علي كلامها ده لما يوصلو اما سلمي قعدت ومبصتشي ناحيته خالص واقسمت لتربيه وحمدت ربنا انه اسراء ادخلت في الوقت المناسب قبل ما فارس يضربها..........
___________________________
اما عند خلود وادهم
ادهم قاعد وقدامه بنت اجنبية وكل شوية يغمز للبنت دي ويضحكلها ويشاورلها ويعدل هدومه وشعره وخلود قاعدة واخدة بالها منهم وهتطق وهيه قاعدة........
خلود: ما تقوم تبوسها احسن
ادهم: نعم
خلود: قوم بوسها ولا تحب اجبلك رقمها
ادهم: يا ريت، قصدددي هوه انتى واخدة بالك.
خلود: ده المطار كله واخد باله.
ادهم: خلاص ركزي في اللي انتي فيه وبيبص للبنت وسبيني اركز في اللي انا فيه😍😍
خلود: والله اقوم اجبهالك من شعرها
ادهم: لأ كله الا شعرها سيبيه حراام عليكي ده حلو اوي😍
خلود: بقه كدة طيب
وخلود لسه هتقوم وفجأة البنت دي جايه ناحية ادهم وميلة عليه
ايزابيلا: انا ايزابيلا واحب مصر كتييير
ادهم: ومصر بتحبك اكتر😍😍
خلود: لأ يا ختي كدة ماينفعش اقعدي علي رجلة يا بت😠😬
ايزابيلا: اوووه ماي جاد سوفاج
ادهم: لأ سوهاج ايه انا من القاهرة واسمي ادهم جاد مين ده.
خلود: الله يرحم ابت ابوكي معرفش الشوكة اما غزته
ادهم: غزته فين ها ها فين
خلود بايدها وفي وش ادهم : يا شيخ غور انت كمان.
ايزابيلا: اوووه، ادهم خبيبي انت كويس.
خلود: خبك برص، خبك قطر.
اسراء وبتكلم في السماعة: اقعدي يا بنت الجزمة انتي التانية انا ناقصة هلاقيها منك ولا منها
زين: لم نفسك ياادهم بدل مااجي المك.
ادهم قعد وكان متضايق من تصرف خلود بس فرح انه عصبها ونرفزها وخلاها تغير عليه، وقرر انه يدايقها اكتر....، اما خلود كانت نفسها تضرب ادهم بوكس بس مسكت اعصابها وحاولت متتكلمش معاه وحلفت لتربيه بمساعدة اسراء............
________________________
الشنط بتتفتش وبتمر ع السير بتاع التفتيش بس الجهاز زمر عند الشنطة بتاعت خلود والأمن كله اتقلب واحنا واقفين مش فاهمين في ايه......
خلود: شنطتي ايه فيها مخدرات دي بتاعت ادهم هوه اللي قالي احطها معايا عشان منتكشفشي
ادهم: يا بنت الجزمة ايه ده متصدقهاش يا باشا دى بتاجر في المخدرات اصلا وفي فرشين حشيش في الشقه هروح اجبهم واجيلك
الظابط: اثبت مكانك.
خلود: صدقني يا حضرة الظابط طب ده منظر تاجرة مخدرات برضو ده ادهم وبيوزع علي تجار في مصر ياباشا وانا عارفه اساميهم واحد واحد وهجبهوملك هنا.
الفريق كله واقف يضحك علي منظر ادهم وخلود وبعدين الظتبط فتح الشنطة وطلع منها كيس
الظابط: ايه ده
خلود: يا شيخ خضتني هو ده اللي انت بتدور عليه
الظابط: انا بسألك ايه ده.
خلود: دي مخلل
الكل: مخلل
خلود: ماهو مافيش مخلل في ايطاليا.
ادهم: مخلل ليه هو انتي طالعة رحلة للقناطر خللوكي في برطمنات يا بعيدة، اوعي تكوني نسيتي الرنجة
سلمي: اهيييه ودي حاجة تفوتني برضو خليتها تحطها لو دورت شوية هتلاقيها.
فارس: يا مصيبتي رنجة ومخلل يا تري في ايه تاني اوكي تكونو نسيتو البصل.
ايمان: لأ الحمد لله في بصل هناك في ايطاليا احنا سألنا
عمر: لأ ذكية اوي يا بت
ايمان: اومال، ده انا كنت هجيب جبنة حدقة بس مرضتش
عمر: مرضتيش ليه يا ايمان🤔
ايمان: قولت هتعمل ريحة وحشه بقه فمرضتش
عمر: كويس والله يا ايمان جبنة حدقه اهو ده اللي كان ناقص.
زين وبيبص لاسراء اللي ميته من الضحك: وانتي محطتيش حاجة نفسك فيها عشان تكمل.
اسراء وهيه بتضحك: يلا يا بنات اوعو تكونو نسيتو الملوخية
زين: ملوخية 😧😧
البنات: لأ طبعا ودي تتنسي دي متخرطة كمان
زين: خرطوكي للبط يا بعيدة ملوخية🤔
واتحركو البنات والشباب مصدومين منهم والظابط فصل ضحك...........