مهمات بنات 😏😎

مصاااااايب 😱😱

الحلقة ١١
كل اتنين وقعو ف مشكلة هيتصرفو ازاي وهيعملو ايه ويا تري هيوصلو للفيلا ولا لأ
تعالو نشووووف................
عند اسراء وزين
زين شاف الليزر علي اسراء شدها ع الأرض.
زين: اسرااااااء حاااااسبي.
وفجأة صوت الرصاص يكسر الازاز........
اسراء: ايه ده ايه اللي بيحصل.
زين: مش عارف بس خليكي كدة اءمن لينا.
اسراء وقامت تفتح الباب : اخليني كدة ايه اوعي.
زين وشاف الليزر تاني عليها وشدها تاني والطلقة جات ف الباب.
اسراء: هوه الرصاص ده جاي منين.
زين: اقعدي بقه بدل ماتخدي طلقه ف دماغك ولا حاجة.
زين وبدأ يزحف ع الأرض واسراء وراه وفتح الباب.......
زين وبيبص لإسراء: ازحفي كدة لحد ما نطلع اوعي تقومي فاهمة.
اسراء: ماشي انجز.
زين واسراء زحفو لحد ما طلعو م الأوضة وبعد كدة قامو وجريو ع الأسانسير بس مشغول.
زين: الظاهر في حد فاتح باب الاسانسير.
اسراء وبدأت تخبط ع الاسانسير: انتو يا جماعة يا اللي تحت في ناس بتموت هنا.
زين: انتي بتعملي ايه الله يخربيتك.
زين مسك ايدها وبدأ يجري وراح ناحية السلم بس كان في ناس طالعة ع السلم وشافوهم.
زين: احيه
اسراء: يا زين بيه😱
زين واسراء بدأو يجرو ع السلالم علي فوق لحد ما وصلو السطح وقفلو الباب بسلسلة حديد عشان محدش يدخل..............
وفجأة.................
_______________________
عند خلود وادهم...........
خلود: حود شمال بقولك.
ادهم: لأ وعلي الله تلمسي الدريكسيون.
وفجأة صوت ضرب النار اشتغل عليهم.
خلود: حود شمال.
ادهم: من عندك ولا من عندي
خلود: مش هتفرق ياابن الغبية حود في اي اتجاه واخلص.
ادهم بدأ يسوق بأقصي سرعة والعربية وراهم وصوت الرصاص شغال عليهم.............
خلود وطلعت م الشباك ليهم: علفكرة اللي انتو بتعملوه ده مش رجوله ودي مش اصول ولا اخلاق ولاد بلد.
ادهم وشدها دخلها: انتي بتعملي ايه كدة هيسمعو كلامك يعني واخلاق ايه واصول ايه انتي بتتخانقي ف اوتوبيس ده احنا بنمووووت.
خلود: يمكن يحسو بالانتماء للوطن وميضربوش علينا.
ادهم: ومين قالك انهم مصريين اصلا.
ادهم وطلع مسدس واداه لخلود
ادهم: امسكي ده.
خلود: ايه ده مسدس.
ادهم: لأ زمارة يا رب ارحمني يا رب.
خلود: طب هوه متعمر.
ادهم: ابعديه عن وشي انتي هتضربيني انا اضربي فيهم هما.
خلود وطلعت بالمسدس م الشباك وبدأت تضرب فيهم
ادهم: يا رب تاخدي طلقة ف دماغك خليني ارتاح منك بقه.
خلود: سمعتك ع فكرة هخلص معاهم وابقي اشوفك.
وفجأة...........................
__________________________
عند سلمي وفارس
فارس بيسوق العربية وسلمي جمبه والراجل طلع وراهم بعربيته ومعاه رجالته وأسلحة كمان.............
سلمي: سوق بسرعة سوق بسرعاااااااا.
فارس: اسكتي بقه متوترنييييييش.
سلمي: ده بيجري ورانا
فارس: عارف
سلمي: معاه رجالته.
فارس: عارف.
سلمي: معاه مسدس.
فارس: عارف
سلمي: معاه...
فارس: معانا ربنا اخرسي بقه.
سلمي: انت بتهدي السرعة ليه يا فااااارس
فارس: ودني حرام عليكي انا بسمع والله مش اطرش.
سلمي: انت بتهدي السرعة ليه هنموت.
فارس واتوتر: سلمي مش قادر اسوق.
سلمي: اييييه😱
فارس: بتوتر م ضرب النار ومش بعرف اسوق.
سلمي: قوم قوم تعالي مكاني.
فارس وسلمي بدلو الأماكن مع بعض وسلمي هيه اللي تولت مسؤلية القيادة............
وووو.................
_________________________
عند ايمان وعمر
محبوسين ف الأوضة ومش عارفين يعملو ايه.................
عمر: انا هكلم زين كدة
    * المكالمة
عمر: ايوا يا زين.
زين وبينهج: في ايه.... يا عمر.
عمر: انت بتنهج كدة ليه.
زين: فرحان من كتر الفرحة بتتنط فنهجت، انجز عاوز ايه.
عمر: زين احنا محبوسين ف الأوضة تعالي ساعدنا.
زين: كان علي عيني انا عاوز اللي يساعدني اكتر منك في رجالة بتجري ورانا.
عمر: يا زين محبوس احنا ف الدور ٢٠ بس خلي بالك عشان ف رجالة ع الباب ومعاهم أسلحة.
زين: والنبي لو ف الدور اللي تحتي ع طول انا مهقدر اساعدك انا ع السطح اصلا.
عمر: ع السطح ....... بتعمل ايه🤨
زين: بنلعب خلاويص انا واسراء واستخبيت ع السطح اشتمك، بقولك ف رجالة بيجرو ورانا ومعاهم اسلحة.
عمر: طب الباب مقفول من برة اعمل ايه.
زين: اتصرف يا عمر ....... عندك البلكونة اتصرف منها.
عمر: هوه انا بقولك مزنوق والحمام مشغول اتصرف م البلكونة ايه بس.
زين: عمر بقولك ايه سيبني في اللي انا فيه دلوقتي وحاول كدة يا عمر فكر يا اخي.
عمر: حاضر يا زين خلي بالك من نفسك.
زين: لو عليا انا مش مشكلة انما اسراء هيه ......
عمر: ان شاء الله تبقو كويسين، نتقابل ف الفيلا سلاااام
زين: سلام وقفل...
    * خلصت المكالمة.
عمر وبيبص لايمان وطلع ف البلكونة وايمان وراه...........
ايمان: في ايه ياعمر هييجي مش كدة.
عمر: ده عايز اللي يساعده.
ايمان: يا صلاة النبي.
عمر: ايمان ركزي معايا كدة احنا هنطلع ع السور ده ونعدي الناحية التانية ومن هناك نعرف نخرج تمام
ايمان بغباء: مين اللي يعدي
عمر: مش وقت غباء والمصحف دلوقتي ركزي معايا كدة ابوس ايدك.
ايمان وكان هيغمي عليها لما بصت م البلكونة وشافت الارتفاع.
عمر: اقسم بالله لو وقعتي لماشي وسيبك.
ايمان: حرام عليك يا عمر انت مش شايف الارتفاع عامل ازاي، طب هنطلع ازاي.
عمر: انا هطلع الأول وهمسكك تمام.
ايمان: افرض انت وقعت
عمر: ما........
ايمان: افرض موت يا عمر.
عمر: ان.......
ايمان: افرض حد جه وضربنا بالنار وانت خدت رصاصة في دماغك اعمل ايه.
عمر: مت.........
ايمان: افرض....
عمر وقاطعها: ايه قنبلة التفائل اللي ضربت ف وشي دي تصدقي انا شخصيا خوفت.
ايمان: يا عمر......
عمر: ايمااااان، اتفضلي اطلعي يلا.
ايمان: حسبي الله ونعم الوكيل.
__________________________
عند حازم#
حمدي قاعد بيكلم حازم وحازم سرحان..........
Flash back
في مكتب اللوا زين وفريقه واللوا وحازم.....
حازم: ممكن افهم في ايه وجايبني هنا ليه
اللوا: هي ايه يا زين.
زين: اهدي يا حازم وهتعرف كل حاجة.
عمر: ايه يا حضرة المقدم العملية فشلت ولا ايه.
فارس: ده انت حتي متستهلش اللقب ده.
حازم: انا مش فاهم انتو بتكلمو عن ايه اصلا.
ادهم: يا فندم دي اوراق بتثبت اتهام المقدم حازم وعمليات رشاوي حصلت.
عمر: ده غير الحاجات الممنوعة اللي بيدخلها البلد م الميناء باسمه طبعا.
فارس: وغير تجارة الأعضاء البشرية اللي متعاون فيها.
حازم: كل ده كدب محصلش انا مستحيل اعمل كدة.
زين: الانكار مش هيفيدك يا حازم الناس اعترفت عليك بكل حاجة.
حازم: متصدقهوش يا سيادة اللوا محصلش ده كدب انت عاوز الترقية عشان كدة بتلبسني قضية.
زين: عيب عليك انت تعرف برضو عن زين كدة انه بيلبس قضايا محصلتش للناس.
عمر: ليه انت فاكره زيك يا حازم.
اللوا: انت تعمل كدة يا حازم دي خيانه للبلد والقسم اللي انت اقسمته وانت عارف الخاين عقابه ايه.
حازم: يا فندم محصلش.
اللوا: الأوراق صحيحة يا حازم وبتثبت اتهامك فعلا، يحول الي المحاكمة العسكرية.
Back
حمدي: حااااااااازم.
حازم: ايه في ايه.
حمدي: بقالي ساعة بكلمك وانت ولا هنا، انسي بقه يا حازم انسي.
حازم: انسي ايه انهم دمرو حياتي انت عارف اني عمري ما هنسي ولازم انتقم منهم كلهم ده لولاك كان زماني ميت .
حمدي: ما انت انتقمت من زين خلاص.
حازم: ومين قالك ده زين ده لسه الانتقام جي، انا لازم اخد منه كل حاجة حلوة ف حياته وبعد كدة هقتله😈.
( فششششر اللي هيقرب من زين علي جثتي)
حمدي: انت عارف انه انا معاك في اي حاجة انت بس تؤمر.
حازم: تمام مستني الاخبار الحلوة دلوقتي تيجي عن زين وفريقه😈.
حمدي: متقلقش رجالتنا حديد وهينفذو😈، انت هتقابل البوس امته كدة.
حازم: بعد بكرة بس مش هروح ايدي فاضية كدة لازم اخد هدية كويسة😈😉
حمدي: هتاخد ايه.
حازم: مرات زين😈😈
_____________________________
نرجع لأبطالنا...........
    * عند زين واسراء
زين بيدور علي طريق عشان يخرجو منه وشاف حبل متوصل بين الاوتيل وعمارة قصاده............
زين: اسراء احنا هنعدي من ع الحبل ده للعمارة دي ومن هناك نقدر نهرب.
اسراء: حبل ايه انت متخيل انه الحبل ده ممكن يشيل عضلاتك دى اصلا.
زين: قل اعوذ برب الفلق ، ايه في ايه........... عندك حل تاني.
اسراء بصت ع الارتفاع وخافت بس قررت هتستسلم مافيش حل غير كدة
اسراء: اشهد ان لا اله الا الله، ماشي موافقة.
زين وفك الحزام بتاعه وحطه ع الحبل ومسكه يايده.
اسراء: اييييه...... انت رايح فين وسايبني معييش حزام اعمل ايه.
زين وبصلها🤨: امسكي فيا.
اسراء: نعم يا عنيا ، امسك فين.
زين: امسكي فيا هنعمل ايه يعني، فين يا ربي اللوا دلوقتي يشوف انا مكنتش عاوزه اخدها معايا ليه.
اسراء: خلاااااص.
زين: انجزي بدل مانموت.
اسراء وطلعت ع السور عند زين وحضنته وكانت بتترعش زين حس بخوفها وافتكر فرح لما كانت بتبقي خايفة كانت بتحضنه، زين ضمها جاامد لحضنه واسراء هديت شوية.
زين في سره:
زين: متخافيش طول ما انا معاكي، محدش هيقدر يأذيكي.
اسراء: مش خايفة بس البنات....... وسكتت
زين: انتي ناسية مين اللي مدرباهم ولا ايه.
اسراء وضحكت: ماشي مش هنتحرك بقه ولا ايه 😋😂😂
زين وسابها ومسك ف الحزام : امممم....انا آسف بس .... اصل ...
اسراء: طب يلا نتحرك عشان لو مسكونا هيخلوك تتكلم بالمقلوب.
زين: لا والله ، انا هعد ٣ وبعد كدة هتحرك.
اسراء: لأ انا اللي هعد.
زين: ماشي اتفضلي.
اسراء: بسم الله الرحمن الرحيم.
زين: اخلصي.
اسراء: حاضر ، لا اله الا الله.
زين: انجزى 😠
اسراء: حاااضر، وسبحان الله والله اكبر.
زين: انتي جايه تتوبي هنا انجزي يا حجة هنتسوح كدة.
اسراء وف سرها: ١- ٢- تلااااااااته.
وشدت زين ومشيين ع الحبل.
زين: يا بنت المجنونة انا مش قولتلك عدي ابت.
اسراء: اومال انا كنت بعمل ايه🤨🤨.
زين: بتعدي ف سرك صبرني يا رب.
اسراء ما خلاص بقه هعمل ايه
وفجأة......................
________________________
عند عمر وايمان
عمر طلع ع البلكونة وايمان وراه وماسكه فيه................
عمر: مش كنتي جيتي انتي الأول.
ايمان: اااه يا خويا امشي انا الأول عشان لو حد جه من هنا يديني رصاصة اموت انا صح.
عمر: خلاص انا ابن جزمة اني اتكلمت
وفجأة ايمان وقفت مكانها وعمر بيشد فيها وهيه مش راضية تمشي.
عمر وبيشد ف ايمان: ايه ابت مالك انتي موتي ولا ايه.
ايمان ومبتردش: .................
عمر: انتي ابت طب لو موتي قولي طيب عشان امشي انا.
ايمان : لأ.
عمر: ايمان وريني ايدك كدة.
ايمان: ما انت ماسكها.
عمر: ايدك التانية يا اختي.
ايمان: لأ مش هقدر.
عمر وبيبص ع ايد ايمان ولقاها ماسكة ف الحيطة.
عمر: شيلي ايدك.
ايمان: لأ
عمر وبدأ يفكر عشان يخليها تسيب ايدها.
عمر: ايمان الحقي.
ايمان: ايه ف ايه.
عمر: في واحد جاي علينا من عندك وف ايده مسدس هيموتنااااا.
ايمان وسابت ايدها وبدأت تزق ف عمر.
ايمان وبتزق ف عمر: اخلص امششششي
عمر: اهدي ابت هنموت.
ايمان: يالهووووي هيموتنيييي
عمر: هنقع يخربيتك.
ايمان: انا ماليش دعوة اقتل عمر هوه رئيس العصابة.
عمر: يخربيتك انتي بتبعيني يا حيوانه.
ايمان: امشي الله يخربيتك هيموووتني.
عمر: هتوقعينا ابت هنموووت.
ايمان وبتزق ف عمر: امشي.. بسرعة.. اخلص.. بسرعاااااااا.
ايمان فضلت تزق ف عمر لحد ما وصلت البلكونة التانية ونزلت.
ايمان: الحمد لله كنا هنموووت.
عمر: احنا كنا هنموت بسببك ع فكرة😠😠
ايمان وافتكرت الراجل وبصت للبلكونة التانية ملاقتش حد.
ايمان: انت كنت بتضحك عليا 😠😠.
عمر وبيضحك: بصراحة شكلك كان مسخرة وبيقلد ايمان ( امشيييي هيقتلنيييي الحقووووني ) هههههه كان نفسي اصورك.
ايمان: طب يلا امشي من وشي 😠😠.
عمر: اتفصلي.
عمر جه يفتح ازاز البلكونة مبيفتحش بدأ يخبط ع الازاز وايمان معاه.
عمر وبيخبط: يا جماعة افتحو.
ايمان: انتو يا ناس ياللي نايمين في ناس بتموت هنا.
عمر: حد سامعنا يفتحلنا.
وبعدها بنت اجنبية فتحت
عمر وواقف مبلم 😄: هاي.
البنت: ?Hay , what do you do
ايمان وبتبص لعمر🤨 : ايه عجبتك!
عمر: يوووه تصدقي انا نسيتك اصلا.
ايمان: لا يا راجل طب هليك معاها بقه
ايمان سابته ومشيت وعمر طلع يجري وراها
عمر: ايمان استني انتي يا بت هنتسوح كدة .
ايمان طلعت بره الاوضه ووقفت تزعق
ايمان: كلكم عنيكم زايغة ما كنت خليك معاها يا استاذ ايه اللي جابك.
عمر: كان علي عيني بس جوزها جوه.
ايمان: لييه كنت طلعه م الأوضة😬.
عمر: حاولت ومرضيش والله😄.
ايمان: لاوالنبي 😠😠.
عمر: فقولت فرصة تانية بقه😄.
وفجأة.................
__________________________
عند خلود وادهم
خلود بتضرب نار ع العربية اللي وراهم وادهم بيسوق ، بس جه مطب وادهم اكل المطب ده والمسدس وقع خلود ودخلت م الشباك لأدهم.
ادهم: ايه اللي دخلك الرصاص خلص ولا ايه.
خلود وهيه مبتسمة😄😄😄: ادهم.... معاك واحد تاني.
ادهم: وقعتيه 😱
خلود: ده هوه اللي فلت من ايدي.
ادهم: وقعتيه الله يخربيتك يا شيخة 😱
خلود: الله فداني ميت مسدس😄
ادهم: ١٠٠ ايه الله يخربيتك ، منك لله .
خلود: ما خلاص بقه.
ادهم: يا رب يجيلك طلقة في دماغك .
خلود: بعد الشر عني.
ادهم: والله اسلمك ليهم.
ادهم فضل يسوق بالعربية وخلود عمالة تديله اوامر وفاضله شوية وهيشتمها......
ادهم ساق لحد ما دخل بالعربية في غابة والعربية عطلت...................
ادهم وبيدور العربية: ياختااااااااي ، كانت ناقصة اووووي.
خلود: في ايه.
ادهم: العربية عطلت.
خلود: طب ما تصلحها.
ادهم: حد قالك عني انه انا ميكانيكي.
خلود: ماتتصرف مش انت الراجل.
ادهم: بقولك ايه عدي ليلتك علي خير وانكتمي احنا ف غابة ومش عايز اعمل تصرف يعاقبني عليه القانون بعد كدة.
خلود: هوه انت تقدر اصلا تعمل حاجة😠
ادهم: يا بت اتلمي ، انا اصلا مرضاش ابصلك.
خلود: حوش حوش لأ انا اللي بمسك فيك والنبي خليك معايا.
ادهم: استغفر الله العظيم .
خلود وبصت للناحية التانية: واحد حلوف اووووي 😬.
ادهم: سمعتك ع فكرة.
خلود: ما تسمع هخاف يعني.
ادهم: طب اسكتي بقه اما اتصل كدة ع زين اخليه يساعدني.
.................
___________________________
عند فارس وسلمي ....
سلمي سايقة العربية وعمالة تدخل في طريق وتطلع من طريق تاني عشان تشتت العربية اللي وراهم وفارس جمبها..........
سلمي: عااااااا يالهوووي يا رب يا رب احمينا.
فارس: مش قادر متوتر .
سلمي: اخرس بقه منك لله .
فارس: هيقتلونا.
سلمي: اخرس يلا
فارس: هيقتلونا يا سلمي خلاص هنمووت.
سلمي وبتضرب فيه: يخربيتك اخرس بقه انا خايفة اصلا مش ناقصة.
فارس: خلاص هنموت بصي انتي خشي ف اي عربية وكدة نموت احسن ما ناخد طلقة كدة ولا حاجة.
سلمي: يخربيييييتك اسكت حرااام عليك.
فارس: اصلهم لو مسكونا هي......
سلمي وبتضرب فيه: اخرس بقه ، اسكت ، اخررررررس.
فارس: هنموت خلاص اتشهدي يلا.
سلمي: لأ لأ ، اسكت اسكت.
فارس: انا خلاص هموت اشهد ان لا اله الا الله وان محمدا رسول الله.
سلمي وعمالة تضرب فيه عشان يسكت
سلمي: اسكت والنبي هعيط والله.
فارس: الوداع يا سلمي.
سلمي: اسكت.
فارس: الوداع.
سلمي: اخرررررس
فارس: الوداع.
سلمي: بس بقه ، بس بقة عاااااااا.
فارس: اصل......
سلمي وادته برجلها ف وشه وفارس اغمي عليه: اصل وسخ اخرس.
سلمي بدأت تسوق بأقصي سرعة لحد ما دخلت ف غابة .................
_____________________
عند حازم وحمدي ...........
حازم ومتعصب وبيكسر ف الأوضة: يعني ايه محدش قدر عليهم يعني اييييه.
حمدي: اهدي يا حازم مش كدة.
حازم: اهدي ايه وزفت ايه ، انا مشغل معايا ايه شوية حريم ده البنات اللي معاهم ارجل من رجالتك.
حمدي: اهدي بس وانا هتصرف.
حازم: اخرررس، انا اعتمدت عليك كتير المرادي بقه لازم انا اللي اتصرف.
حمدي: هتعمل ايه
حازم: هتعرف كل حاجة ف وقتها 😈😈.
حمدي: طيب في خبر كدة.
حازم: خييير قول اللي عندك.
حمدي: زين وفريقه والبنات اللي معاهم جايين هنا عشان مهمة، البنات اللي مع زين دول اصلا ظباط .
حازم: ايييييه.
حمدي: انا جبتلك كل المعلومات عنهم من اول ما اتولدوا.
حازم: يعني مرات زين ظابط.
حمدي: مش مراته يا حازم جايين هنا عشان ينفذو مهمة.
حازم: يقبضوا ع البوس طبعا مش كدة.
حمدي: اكييييد.
حازم: يبقي كدة الخطة لازم تتغير.
حمدي: يعني هتسيبها.
حازم: ومين قالك كدة انا هاخد البنات كلهم واولهم القائد بتاعتهم 😈😈.
حمدي: تعجبني 😉
________________________
عند فادي.........
فادي: ايه اللي حصل.
=: رجالة حازم حاولو يقتلوهم .
فادي: واسراء
=: متقلقش حضرتك كويسة والبنات كمان كويسين احنا حددنا امكانهم وهنروح نساعدهم.
فادي: تمام بس قولهم انه دي مساعدة من اسراء سيرتي متجيش في الموضوع.
=: تمام يا باشا.
فادي ف سره: ماشي يا حازم الكلب وديني لاربيك واعرفك مين هوه فادي وبيعمل ايه لما حد يقرب من حاجة تخصه😠😠
_______________________
نرجع لابطالنا .........
عند زين واسراء متشعلقين ع الحبل واسراء ماسكة في زين........
زين: بقالنا نص ساعة طيرين في الهوا انتي كلتي ايه النهاردة.
اسراء: انا برضو ولا عضلاتك دي اللي مش راضية تمشي .
زين: انا حاسس اني جالي شد عضل من كنر القر بتاعك.
اسراء: ده انا حتي مفطرتش النهاردة اتغديت بس.
زين: كان لازم يعني تطفحي ، استغفر الله العظيم اعمل ايه يا رب.
وسكتو شوية.......... وبعدين
اسراء: زين هوه انت بتغير .
زين: نعم يعمي ايه.
اسراء: هوه انا لو زغزغتك كدة هتغير.
زين : اعمل ايه يا ربي هم يضحك وهم يبكي صحيح انتي بتفكري ف ايه.
اسراء: انا بسأل بس.
زين: طب اخرسي بقة عشان اتصرف .
اسراء: انت هتتصرف قدامي كدة عادي .
زين: وفيها ايه.
اسراء: ايه قلة الادب دي لاحظ انه انا متشعلقة معاك.
زين: انتي دماغك راحت لفين ، انا قصدي افكر مش اللي ف دماغك.
اسراء: اااااه كدة فهمت.
زين: وانتي من امته بتفهمي اصلا.
اسراء: لاحظ انه انت بتهزقني وانا ساكته.
زين: هتعملي ايه يعني 🤨
اسراء ف سرها: ماشي يا زين انا هوريك.
اسراء: انا ايدي وجعتني.
زين: هوه انتي اللي ماسكة ولا انا ، انتي مش حاسة باللي انا حاسه اسكتتتتي.
اسراء: ما انا برضو ماسكة فيك اهو ومتشعلقة معاك وايدي وجعتني برضو.
زين: يا بت اخرسي يا ريتك ما مسكتي فيا كدة ، انا لازم اتصرف بسرعة واتحرك من هنا
اسراء: تتصرف تاني.
زين: افكر افكر افكككككككر ، ارتحتي كدة.
اسراء: ايييه ودني يخربيتك
وفجأة موبايل زين يرن........
زين: هوه انا ناقص ده مين الحيوان اللي بيرن ده ارد ازاي بالشعلقة دي.
اسراء: انا هرد.
اسراء حطت ايدها ف جيب زين وطلعت الفون شافت ادهم بيتصل و .........
___________________________.
عند ايمان وعمر...........
ايمان وعمر واقفين يتخنقو مع بعض والرجالة قدام الاوضة وواحد شافهم........
احد الرجال: here,here !
عمر وبيبص وراه: ينهار اسود.
ايمان: اجررررري يامجددددددي.
ايمان وعمر جريو كل واحد راح اتجاه ايمان لاقت سلم الطوارئ نزلت من عليه وعمر عمال يجري في الممر بتاع الاوض والرجالة وراه.
- ايمان نزلت جري ع السلم مش عارفة تروح فين : اروح فين اعمل ايه استخبي فيييييييييين اعمل...
لحد ما لقت اوضة تغيير ملابس استخبت فيها.
عمر فضل يجري والرجالة وراه: منك لله يا ايمان كله بسببك وديني لما اشوفك.
عمر جري كتييير لحد ما وصل للممر اللي فيه اوضة التغيير، ودخل الاوضة يستخبي فيها وايمان كانت مستخبية في صندوق وحطه علي نفسها الهدوم.
ايمان وشافت عمر: عمر
عمر وبيتلفت حواليه مش لاقي حد.
ايمان تطلع م الصندوق تنده عليه وتستخبي تاني
ايمان : يا واد يا عمر.
عمر: بسم الله الرحمن الرحيم ، مين.
ايمان: وطي صوتك يلا هتفصحنا.
عمر: الصوت ده مش غريب عليا في ايه.
ايمان: عمر.
عمر عمال يبص حواليه ومش لاقي اي حاجة فصل يقرأ قرآن وهدي شوية لما الثوت اختفي.
ايمان: عمر انت يا واد.
عمر: انا خلصت كل اللي حافظة ودخلت ع التوشيح انت لسه منصرفتش ليه.
ايمان: واد يا عمر .
عمر: انتي بتحفظي اسمي ولا ايه ، بقولك لو انتي عفريته خرجيني م المصيبة دي وانا هتجوزك وخليهم يمسكو البت اللي معايا دي كمان .
ايمان: يا عمر.
عمر: لأ بقه هيه دي الشفرة بتاعتك ولا ايه.
ايمان: واد ياعمر.
عمر: يخربيت عمر انا طالع من هنا.
ايمان: عمر.
عمر ولسه هيطلع م الأوضة ايمان مسكت فيه وعمر بدأ يصرخ.
عمر: عاااااااااا ، لا تؤذيني ولا نؤذيكي ، بسم الله الرحمن الرحيم.
ايمان: ده انا ي اهبل.
عمر: كمان بتقلدي صوت ايمان عاااااا عفريته.
ايمان: اقسم بالله لو مسكت لدفنك هنا هتفضحنا.
عمر: حاااضر حاضر طب سبيني طيب.
كل ده وعمر لسه مشافش ايمان ، ايمان سابته وهو التفت عشان يشوفها لقاها متغطية كلها بشال ابيض ، طلع يجري م الأوضة ويصرخ وايمان تجري وراه.
عمر: عاااااااا يلهووووي عفريييته كانت عاوزة تقتلني يا بختك المنيل يا عمر.
ايمان: عمر استني يلا نفسي اتقطع يخربيتك.
عمر فضل يجري وايمان وقفت وشالت الملايا من عليها لقت المطبخ بتاع الاوتيل ف وشها دخلت وبدأت تاكل.
عمر عمال يجري ويدور علي ايمان وفجأة لقاها ف المطبخ.
عمر وراح عندها: انتي بتعملي ايه.
ايمان وبتاكل: امم عمر الاكل هنا تحفة هات كرسي وتعالي هات كرسي.
عمر: كرسب تقعدي عليه ما تقومي يا بعيدة بقه انا شغال لف عليكي ف الأوتيل وانتي قاعدة هنا بتاكلي.
ايمان: جعانه الله مفطرتش اعمل ايه يعني.
عمر: قومي قامت قيامتك قوووومي.
ايمان قامت وخدت الطبق ف ايدها وطلعو ركبو العربية وراحو ناحية الفيلا.
_________________________
عند ادهم وخلود
ادهم بيتصل علي زين عشان يساعده ..........
ادهم: الو ايوة يا زين.
اسراء: ايوة يا ادهم انا اسراء.
ادهم: ايه ده اومال زين فين.
اسراء: مشغول مش فاضي مش هيعرف يكلمك.
ادهم: مشغول هوه انتو فين بالظبط.
زين لإسراء: ده ايه الشعلقة دي يا ربي .
ادهم: شعلقة انتو بتعملو ايه بالظبط.
اسراء: يا اخي ابعد كدة شوية انت لازق فيه كدة ليه.
ادهم: لازق 🤨
خلود: مين اللي لزق .
زين: انا برضو انتي اللي ماسكة فيه ازاي ومش عاوزة تبعدي عني.
ادهم: مش راضية تبعد انتو بتعملو ايه.
اسراء: يا راجل وانا كنت لاقيت غيرك .
ادهم: مش لاقية غيره اومال انا روحت فين.
خلود: هوه في ايه.
اسراء وبدأت تصرخ: عااااااااااا
ادهم: عيب كدة يا زين انت بتعمل ايه .
زين: بتصرخي ليه في ايه هو انا عملت حاجة 🤨.
ادهم: كل ده ومعملتش اومال انا اللي عملت
خلود: عملت ايه يا ادهم في ايه 🤔.
زين وبيحاول يمشي ع الحبل .......
زين: انا هحاول اتحرك كدة امسكي جامد.
اسراء: براحة يا زين.
ادهم: براحة ويتحرك ، لأااااااا ، زين انت بتعمل ايه .
اسراء: ادهم خليك معانا بس شوية، لاحسن  كدة هنقع
ادهم: ده انا اللي هقع من طولي.
اسراء: تفتكر يا زين هنعرف نعدي.
ادهم: هتولعو باللي بتعملوه دة، استغفر الله العظيم يا رب.
زين: بحاول والله.
ادهم: حاول يا خويا حاول، الله يخربيتك هوه ده وقته.
زين وعدي من ع الحبل هو واسراء......
اسراء: عااااا، الحمد لله عدينا كنت عارفة.
ادهم: ومالك ياختي فرحانه كدة ليه، خدتي جايزة نوبل.
زين ومسك الفون: ايوة يا ادهم انت فين.
ادهم: انا فين، انا ف مهمة يا استاذ .
زين: متتكلم عدل يلا ف ايه.
ادهم: انت كنت بتعمل ايه انت وهيه.
زين: اسكت يا ادهم ده احنا كنا هنموت خلاص بس لولا ستر ربنا، يا ريتك كنت هنا.
ادهم: لأ يابابا..... انا ماليش انا ف كدة ولا هحاول وبراحة ها وهعدي.
زين: في ايه يلا ماتتظبط كدة🤨
ادهم: خلاص بس الحاجات دي المفروض تتعمل بالليل مش ف وضح النهار.
زين: حاجات ايه ، احنا ع السطح يا غبي.
ادهم: وكمان واخدها ع السطح، انا ليا كلام مع الهانم التانية دي.
زين: انت شارب حاجة يلا.
ادهم: مش عاوز ياخويا اشرب انت.
زين: انت عاوز ايه عشان مش ناقصك.
ادهم: طبعا ماانت مش فاضي، تعالي ساعدني.
زين: انت فين 🤔
ادهم: ف........غ...اب...ة
زين: ادهم انت فين سامعني.
ادهم: غاااااااابة غاااااااابة.
زين: ادهم مش سامعك الظاهر مافيش شبكة، انت فين.
ادهم: هوه مبيسمعش ده ولا ايه، غاااااااابة غااااااابة انا ف غاااااااااااابة.
وبعدها الخط فصل........
ادهم: زين زين الو فصل، طبعا مش فاضيلي.
خلود: مش هييجي.
ادهم: لأ.
خلود: ليه🤔
ادهم: مش فاضي بي...... بيعدي.
خلود: بيعدي ايه مش فاهمة🤨
ادهم: اسكتي بقه خليني اتصرف بنفسي عشان زين بيه مش فاضي😠.
________________________.
كل اتنين وقعو ف مشكلة وعرفو يتصرفو مع بعض لكن لما كل واحد يقع في مشكلة لوحدة هيعرف يتصرف ولا لأ ؟
سلمي وايمان وخلود فريق كويس ومدرب ، لكن لما يقابلو الشخص الغلط في الوقت الغلط ، هيقعو في مصيبة كبيرة؟
فادي جنانه هيخليه يكشف نفسه هيعمل ايه؟
واخيرا:ايه هيه خطة حازم الجديدة وهينفذها ازاي ؟
توقعاتكم............😍😍