مهمات بنات 😏😎

حييييييرة 🙄🙄

الحلقة ١٠
الشباب نامو كل واحد نايم في حته.....
*****
زين نام ع الأرض وساب السرير لإسراء
وعمر نام ع الكنبة وايمان ع السرير
سلمي طبعا ع السرير وحبست فارس في الحمام.
خلود حبست ادهم في البلكونة.
اما البنات طلعو موبايلتهم واتجمعو ع الجروب بتاعهم وبدأو يتكلمو..........
ع الجروب
اسراء: اهلا يا بنات اخباركم
ايمان: تمام اوووووووي
سلمي: ومالك يا ختي بتقوليها كدة ليه
خلود: طبعا تلاقي سي عمر منيمها ع السرير واحنا اللي مش عارفين ننام.
اسراء: هما الشباب فين صحيح
ايمان: عمر نايم ع الكنبة والنبي صعبان عليا ضهره.
اسراء: النبي ايييييه🤨🤨، انا زين مرمي ع الأرض مافيش كنبة هنا.
خلود: ادهم حبسته في البلكونة عشان اعرف انام.
سلمي: وفارس في الحمام.
ايمان: بيعمل ايه في الحمام.
سلمي: لأ فارس هينام في الحمام انا حبسته جوه
اسراء: حرام عليكي يا سلمي
سلمي: عمال يغيظ فيه وقال ايه عايز ينام ع السرير وانا انام فين انام علي نفسي.
اسراء: انتو لابسين ايه
ايمان: انا لابسة عباية
اسراء: محترمة
ايمان: بنص كوم🙂🙂
سلمي: يا ريتك ماتكلمتي،
انا بقه لابسه بيجامة
اسراء: وحياة امك
سلمي: عليها جاكيت بكوم.
ايمان: وانتي ياخلود.
خلود: خدي عندك، ٨ بناطيل ٥ تشيرتات ٤ جواكيت وبالطو
الكل وضحك:🤣🤣🤣🤣🤣🤣
ايمان: انا لو مكانك البس الدولاب كله.
سلمي: طبعا الواد ابو غمازات ده ميضمنش😉
خلود: بس بقه انا هولع م الحر هنا.
اسراء: معلشي استحملو الليلة دي بس وبكرة هحلها
ايمان: ناوية علي ايه يا وحش
سلمي: مش عاوزين حاجة تبوظ المهمة
خلود: او تأثر عليها
اسراء: لأ متقلقوش سلام بقه عشان عندي مشوار مهم بكرة تصبحو علي خير.
خلود: رايحة فين ها ها ها ها ها
سلمي: موتي بفضولك مش تقوليلها حاجة.
ايمان: يلا تصبحو علي خير عايزة انام.
الكل: وانتي من اهله
______________________
الصبح الكل صحي...............
عند زين واسراء
زين صحي من النوم وبص ع السرير ملقاش اسراء فضل يدور عليها وينده عليها بس برضو ملهاش أثر
مسك السماعة واتصل ع الشباب
ملحوظة*( السماعة اول مابتشتغل بتنور فكدة بيعرفو انه في حد هيتكلم)
*في المكالمة
زين: شباب حد سامعني
عمر: معاك يا زين
ادهم: ايوة خير في ايه
زين: اسراء عند حد فيكم.
الكل ساكت ومحدش بيرد...........
ايمان: زين اسراء ماجتش هنا.
خلود: هتكون فين دي
سلمي: زين اسراء فين
زين: دقيقة واحدة والكل يكون عندي دلوقتي حالا.
وشال السماعة ورماها.........
بعد شوية الكل طلع عند زين..........
سلمي وزقت الباب ودخلت: اسراء فين يا زين ودتها فين.
فارس: يعني ايه وداها فين هيكون خطفها يعني.
خلود: ايوة زين اصلا بيكره اسراء وكان عاوز يطلعها من المهمة دي.
ادهم: خلود احترمي نفسك واتكلمي كويس.
خلود وبدأت تزعق في ادهم: انا محترمة غصبن عن عينك وعين اللي خلفوك.
عمر: باااااااس، في ايه احنا ف ايه ولا ف ايه.
ايمان: دي طالعة من الصبح والساعة دلوقتي داخلة علي اتنين الضهر.
زين: انا هنزل ادور عليها.
عمر ومسك زين: هدور عليها فين بس.
زين: معرفش اي حته وخلاص المهم مش هقعد كدة
فارس: انا من رأيي نستني شوية كمان ولو مظهرتش ننزل كلنا ندور عليها.
سلمي: ايوا ونبلغ البوليس كمان.
ادهم: مش هينفع نبلغ.
خلود وبتبص بغضب لأدهم: طبعا هيه مش فارقه معاك لكن لو حد يهمك كان زمانك قالب الدنيا.
ادهم: يا بت اسكتي انتي ايه شعلة انا مش عاوز امد ايديكي عليكي
سلمي: تمد ايدك علي مين ياعمررر.
ايمان: طب اعملها كدة واحنا نقطعهالك
زين: بااااااااس، انا ابن جزمة اني قولتلكو تعالو يلا كل واحد علي اوضته يلااااااا.
وفجأة...................
_____________^^_________
في روما الشخصين قاعدين بيتكلمو........
الشخص١: ها ايه الأخبار
الشخص٢: عرفتلك عنهم كل حاجة
الشخص١: طب ايه مش هنعمل معاهم الواجب ولا ايه دول مهما كان ضيوف ف بلدنا برضو😉😈
الشخص٢: قولي بس انت عاوز تعمل ايه وانا هظبطك.
الشخص١: تجهز الرجالة وتبلغهم بالتعليمات لازم نقدملهم هدية فرحهم.
الشخص٢: ايوا بالظبط والهدية التانية😉😈
الشخص١: لأ دي تبعي هظبطلها خطة كدة، بس المهم مش عاوزين غلطة
الشخص٢: عيب عليك هيه اول مرة ولا ايه.
الشخص١: تمام اجهز يلا.
________________________
الكل قاعدين..............
وفجأة تدخل اسراء ومنشكحة   
( هتتنفخي يا اسراء😬😬)
زين قام ومسك ايد اسراء بعصبية: كنتي فين
اسراء: زين في ايه سيب ايدي
زين: كنتي فين ولما اسألك تردي عليا.
اسراء: وانت مالك اصلا، ويخصك ف ايه.
زين واتعصب اكتر وبدأ يضغط علي ايدها جامد: لأ يخصني انتي مش عارفه انا حسيت بإيه ولا فكرت ف ايه، وسيادتك نازلة تعملي شوبينج، وكنت بفكر انه ممكن تكوني اتخطفتي ولا حد عملك حاجة انتي ايه مبتحسيش.
اسراء: زين ايدي وجعتني اوعي كدة.
خلود: سيب ايديها هوه تحقيق ولا ايه.
سلمي: خلاص رجعت والحمد لله.
اسراء: ايوة وياريت بقه ملكش دعوة بيا تاني اوكي، انا كنت ف مشوار مهم وخلاص جيت يعني مافيش داعي لده كله.
ايمان: اسراء احنا كنا خايفين عليكي فعلا
اسراء: ليه صغننة مش هعرف امشي لوحدي.
زين: انتي ايه يا شيخة جبلة مبتحسيش مش مقدرة حاجة خالص، قلبك ده ايه حجر لأ ده حتي الحجر بيلين انتي معندكيش قلب خالص.
اسراء وسكتت ومردتش: خلصت كلامك، يلا كل واحد يجهز حاجته عشان هنمشي انا لقيت فيلا صغيرة كدة لينا عشان كل واحد يقعد براحته، كل اتنين هيتحركو مع بعض وفي عربيات تحت مستنياكو وفيها Gps هتوصلكو لمكان الفيلا.
ادهم: طب واللوا
اسراء: اللوا عارف كل حاجة انا اكيد بلغته قبل ما اعمل حاجة.
وسابتهم ودخلت البلكونة.
البنات بصو لزين ونزلو كل واحدة اوضتها والشباب مع زين...........
عمر: زين انت اتعصبت عليها جامد.
فارس: مكنش ينفع تقولها كدة.
ادهم: بقة دي جبلة اومال انا ابقي ايه دي البت قمر حرام عليك كدة صالحها.
زين: امشي يا ادهم
ادهم ورايح ناحية البلكونة......
زين: انت رايح فين
ادهم: هصالحها🙂
عمر مسك ادهم من قفاه: يلا دايما جايبلي الكلام، سلام يا زين.
زين: سلام.
بعد م الشباب مشيو زين حس انه زودها اوي مع اسراء وانه هيه اكيد زعلانه ومرضتش تبين قدام حد م الفريق وقرر يدخل يصالحها
زين ووقف جمب اسراء: اسراء
اسراء: يلا عشان نجهز الشنط عشان هنتحرك دلوقتي.        وسابته ودخلت الاوضة
زين: استغفر الله العظيم دماغ صعيدي فعلا زي ما اللوا قال هعمل ايه معاها دي يا ربي.
زين ودخل الأوضة لقاها بتجهز شنطتها خلصت وبدأت تجهز شنطته هوه كمان. 
زين: علفكرة انا ممكن اجهز شنطتي لوحدي
اسراء سابت الشنطة ومتكلمتش
زين: ايه ده انا بهزر علفكرة كملي يا ختي
اسراء ابتسمت وبدأت تكمل تجهيز الشنطةوزين قاعد ع السرير وشاف السماعة اخدها ..............
زين: علي فكرة انتي طيبة اوي.
اسراء واتعصبت ورمت الهدوم ع الأرض: هو ايه اللي طيبة هو شوية مبحسش ومعنديش دم وشوية طيبة انت عندك انفصام في الشخصية ولا ايه.
زين: باااااس، اهدي في ايه انا اسف والله مكان قصدي انه اقول الكلام ده انا بس خوفت عليكي خوفت اخسرك زي فرح و.....
اسراء: فرح مين.
زين وسكت: ايه ده انا قولت فرح انا مقولتش حاجة ده انتي اللي سمعتي غلط.
اسراء: يمكن ورجعت تكمل تجهيز الشنطة بس جواها عاوزه تعرف مين فرح دي اللي زين نطق بإسمها...........
وفجأة زين شاف ليزر ع الحيطة وجه علي اسراء زين شد اسراء ع الأرض.
زين: اسرااااااء حاااااسبي
وصوت طلقه كسر الإزاز................
______________________
عند خلود وادهم
اتحركو بالعربية وماشيين وادهم سايق وفجأة خلود حست بحد وراهم..........
خلود: ادهم العربية دي ماشية ورانا من ساعة ما طلعنا م الأوتيل
ادهم: عربية ايه بس نامي يا خلود واما نوصل ابقي اصحيكي
خلود: هوه انت ليه بتاخد كلامي بتريقه
ادهم: عشان مينفعشي اخده جد اصلا
خلود واتعصبت: طب حود يمين.
ادهم: احود يمين ايه ده مش طريقنا اصلا
خلود: خش يمين بس يا ادهم العربية ماشية ورانا والله.
ادهم: بطلي تتفرجي ع افلام كتيير انتي والقائد بتاعتك دي
خلود واتنرفزت اكتر وشدت الدريكسيون وحودت في الطريق.
ادهم: يا بنت المجنونة هتموتينا الله يخربيتك اطلع ازاي انا دلوقتي.
خلود: اهو شوفت العربية دخلت ورانا عشان تصدقني.
ادهم وبيبص ع العربية م المراية: مش عارف ليه حاسس انه انا شوفت العربية دي قبل كدة.
خلود: ايه بتشبه عليها اااه ما هو ده خالك وعاوز يسلم عليك.
ادهم: ممكن تبطلي تريقه ممكن اصلا تكون العربية ده طريقها
خلود: طب خش شمال كدة
ادهم: ايه ده لأ طبعا اخرسي وسيبيني اركز في السواقه بقه
وفجأة صوت رصاص طلع من العربية علي عربية ادهم..................
______________________
* عند عمر وايمان
جهزو الشنط وخلاص هينزلو ايمان بتفتح الباب ومبيفتحش..........
ايمان: عمر افتح الباب ده😠😠
عمر: انتي عامية مش شايفاني شايل الشنط افتحو ازاي.
ايمان وبدأت تتعصب: افتح الباب يا عمر انجز مش وقته هزار😬😬.
عمر: هزار ايه ابت هو انا فاهم حاجة ماله الباب يا ختي
ايمان: يا عمر افتح الباب عاوزين نمشي بقه انجز والنبي الباب مبيفتحش
عمر: مببفتحش ازاي تلاقيكي مفطرتيش عشان كدة مش عارفه تفتحية وسعي كدة😏
ايمان: اتفضل وريني.
عمر: اتفرجي وشوفي 😏😏
ايمان: يا مسهل 🤲
وعمر ساب الشنط وراح عشان يفتح الباب بس الباب مبيفتحش
عمر ف سره: يا خرااابي، ده الباب مبيفتحش اعمل ايه يالهوي يا عمر البت تقول عليا ايه دلوقتي، طب افتح بس دلوقتي واقفل تاني ابوس ترابيسك 😬😬😬😬
عمر: ده مقفول
ايمان: لأ يا راجل ودي عرفتها لوحدك ولا حد قالك اومال انا بقالي ساعة بقول ايه😒.
عمر: مقفول من برة ابت
ايمان: يعني ايه يمكن حد قفله من غير ما يقصد
عمر: لا والنبي ده علي اساس انه مافيش بني ادمين قاعدين هنا.
وفجأة سمعو صوت قدام الباب...............
__________________^^^^^______
عند فارس وسلمي
جهزو شنطهم ونزلو عشان يحاسبو ويمشو فارس واقف يحاسب وسلمي جمبه وفجأة سلمي اخدت بالها انه في راجل واقف قصادهم وبيبصلهم حست انه في حاجة غلط
سلمي: فارس
فارس: نعم
سلمي: خليك واقف متتحركش
فارس: ايه انا مش فاهم حاجة واقف ليه
سلمي: بقولك اقف مكانك لو اتحركت هنموت
فارس: في ايه يا سلمي
سلمي: مش وقتك اتكلم مع الكاشير في اي حاجة المهم متتحركش.
فارس مش فاهم حاجة بس حس انه في حاجة غلط وقرر يقف يتكلم مع الكاشير اما سلمي كانت مركزة مع الراجل ونظراته ليهم لحد ما لمحت مسدس ف جمب الراجل.
فارس وبيبص لسلمي: انا خلصت كل الانجليزي اللي اعرفه يلا بقه نمشي
سلمي: فارس هعد لحد ٣ توطي مفهوم
فارس: هو ايه اللي مفهوم اوطي ايه انا فارس ااه لكن راجل اووي
سلمي: ايه اللي انت بتقوله ده وطي يا حيوان والا هنموت.
فارس: يعني انا لما اوطي هنقذ حياتنا😒، ما توطي انتي.
سلمي مسكت الفازة اللي جمبها وعدت: ١- ٢- ٣ وطييييييي
فارس وطي وسلمي حدفت الراجل بالفازة: اجرررررررري بسرعاااااااااا😱😱
فارس وهو بيجري: انتي عملتي ايه يخربيتك طب نطمن ع الراجل زمانه مات.
سلمي: تطمن علي ايه هوه خالك اجري يا حيوان هيموتنا😱😱
الراجل قام وبدأ يجري وراهم سلمي وفارس ركبو العربية ومشيو بأقصي سرعة والراجل ركب عربية ومشي وراهم هوه ورجالته........
__________________________
في الغرفة الكبيرة قاعد الشخص ده وبيتكلم في الفون.....
الشخص: يعني ايه طب حياتهم ف خطر.
*****:..................
الشخص: ما فيش غيره هوه اللي عملها حازم الكلب عاوز ينتقم من زين في اسراء هو فاكر انها تبقي مراته عاوز يقتلها زي فرح.
****: ..................
الشخص: اسمعني عاوزك تساعدهم بس من بعيد وتشوف الفريق كله كمان.
****: ..............
الشخص: مينفعش اظهر يا بني ادم انت بس بلغ اسراء اني هشوفها قريب اووي وزي ما قولتلك من بعيييد.
وخلصت المكالمة.
الشخص: ماشي يا حازم اما اشوف هتقدر تيجي جمبها ازاي انا وانت والزمن طويل ومبقاش انا فادي.
_______________________
ويخلص البارت علي كدة......
الفريقين في خطر هيتصرفو ازاي......
*زين مش هيكون عنده غير وسيلة واحدة تنقذ حياة شخص واحد يا تري هيعمل ايه عشان يحافظ علي حياة اسراء؟
*ايمان بتخاف م المرتفعات وبتدوخ لو طلعت الدور الأول لكن لو عشان تنقذ حياتها مطلوب منها تنط ٢٠ دور هتوافق ولا .....؟
*ادهم بيعاند في خلود يا تري هيسمع كلامها ولا العند ده هيوقعه في مصيبة؟
*فارس بيتوتر من صوت ضرب النار توترة ده هيعمله ايه؟
واخيرا: مين حازم وياتري ايه علاقته بزين وليه عاوز ينتقم منه ؟
توقعاتكم......................😍😍😍😍
ومين احلي كابل لحد دلوقتي ❤❤😍😍😍😍😍