الحلــقة18اكسجيني
للكــاتبـةة✒عــيوشــةة ناصر
فوزيه: ناضو عصافير اللحب
وتين من الحشمه عش عرفت تتكلم
مهند: اي نضنا وانتي ي عصفورتي وتي الفطور
وتين: حح حاضر😅
طق طق
مها ناضت فتحت الباب:😳😳
نجمة"أمها": شن مدايره ي كلبه ها؟
مها: ها خيرك شن درت؟
نجمه : قولي ل روحك ! محمد بعثلك ورقة الطلاق
مها انصدمت
فوزيه: مها من فيه ع الباب؟
نجمه:هادو من جايه عندهم ها؟
مها: هادو اءء هادو
نجمه: تكلمي😒
مها: عم محمد
نجمه: هي معاي لمي روحك وروحي معاي
مها:ببه
دخلت ل دار وخذت هاتفها وحاجتها وطلعت
وتين: وين ماشيه
مها: لي حوش اهلي
وتين: واقعدي معانا؟
مها: اصلا مفروض مشيت ل اهلي من الاول😊
فوزيه: شن فيه؟
مها بصوت مخنوق: محمد طلقني
وتين&فوزيه: 😱😱😳
مها: سامحوني ثقلت عليكم
فوزيه: لاثقلتي لاشي والله جوم حلو وغيرتيلنا جونا
ابتسمت وسلمت عليهم وطلعت
مهند: خيركم؟
فوزيه: اء مفيه شي
مهند: تييي قولو
وتين: محمد طلق مها🥺💔
مهند: كيف وهوا ف الحبس؟
فوزيه: والله هكي قالتنا ومشت
طلع طول ركب السياره ومشي ل الياس
الياس: خيره شن فيه؟
مهند: محمد شكله طلع من الحبس
الياس: توا انشوفه
مهند: تمام
الياس: العرس مش الاسبوع هدا؟
مهند: ايي🤦♂️الدنيا خاشه بعضها عندي
الياس: مدور شي غالي ومحمد موضوعه عندي
مهند: منور برو
وطلع مهند
اتصل ب وتين
مهند: الو
وتين: ايوه
مهند: شديري
وتين: شي مقعمزه
مهند: فاضيه؟
وتين: اي
مهند: نرفعك ناخذو اثاث الحوش؟
وتين:به
مهند: وتي روحك هيا
وتين : حاضر هي
وسكرت الخط وناضت تلبس
____________________________
عند سحر
امل: قالتلي شافتك
سحر: تي منهيا؟
امل: جارتناا هاكي
سحر" واكك اعطاها فقصه ف عيونها": اي حق😶
امل: حيي عليك ياامل حي
سحر: غير اسمعيني
امل: شن بنسمعك ها؟؟ راكبتلي مع ولد
سحر: مره هيه رفعني ل وتين
امل: وقولتي ل بوك يرفعك؟
سحر: كنتو طالعين وقتها وانا لازم نمشي
امل: اتصلتي مشيتي ع رجليك
سحر: كيف بنمشي ع رجليا بشناطيا هادو؟
امل: اي وماشاء الله جيش شناطي بتقعدي عمرك كله غادي ولاكيف؟
سحر:ماه كل شويه لبسه🙂
شويه للنن رن هاتف سحر
امل: منو؟
سحر: صاحبتي
امل: نشوف
مدتلها الهاتف وهي متردده لقاته الياس
امل: ماشاء الله وكاتبته حبيبي وكاتبته بكل عين وقحه
سحر: تي لا
امل: تي شن لا وخذت منها الهاتف
وردت!
سحر: حي عليا😱💔
الياس: اه حبي
امل ساكته وعاضه فمها : حليلك توا تشوفي
الياس: خيرك حبي؟
امل: تفضل
الياس: سحر؟؟
امل: لالا امها
الياس: اءء وين سحر؟
امل: سحر ممن اليوم انساها
الياس: علاش
امل: من اليوم معش تكلمها امحيها من حياتك وتوا واخذه منها الهاتف وهكي معش تقدرو تتواصلو
الياس: بس انا
وسكرت ف وجهه
امل: هي نوضي للكوجينه
سحر: رديلي الهاتف نمشي
امل: مصحك الهاتف كان مزال شوفتيهه
سحر بدت تبكي ودخلت ل دارها
الياس: لازم اندير حل مستحيل نقعدو هكي🤦♂️
واتصلت وتين ب سحر
سمعت صوته هاتفها مشتله لقاته ع الطاوله
ردت علاها
وتين: وينك ي كلبه العرس بيبدا وانتي مهناش
سحر: خليني ساكته انفضحت
وتين:حي عليك
سحر: المهم توا نجيك بعدين
وتين: به تم
وسكرت الخط
سحر استغلت الفرصه وخذت الشفره وردت الهاتف
جتها امها شن درتي بيه؟
سحر: اتصلت وتين رديت علاها
روايــــ💓ــــات عــــيــوشـّةة نــــاصـــر
امل خذت الهاتف ودساته ف الدار
سحر دخلت ل دارها تفتش لقت هاتف جايبهولها بلال قبل
سحر:جيفه ! كان مش بالسيف راه مخديتاش😒
وركبت فيه الشفره وكلمت الياس
سحر: الو
الياس: اه وينك
سحر: ماما كشفتني وخذت مني الهاتف
الياس: وتوا باش تكلمي فيا؟
سحر: تي خنب شفرتي المهم
الياس: اه نعم
سحر: نبيك ترفعني ل وتين
الياس: سواق بوك😒
سحر:مش وقت زعل تا كان زعلت معش بتحصلني😒💔 يعني مش ح تراضيني وبنطربق ومش ح يراضيني حد ووتين عرسها الاسبوع هدا يعني مش فاضيه تسمع لي خراريفي وتاليفي وسباني عليك ! يعني مش ح نزعل منك🙂 ف لهذا زما قوتلك
الياس: هههه😂 ياسحر نرفعك عادي انا لكن امك؟
سحر: ماه يابيبي🙂 ماما قتلي عرس وتين لا وهي البست فرند يعني عيب نفوته🙂 ونا ضميري اصلا ميرتاحش🙂ومنقدرش نمشي ع رجليا لانه عندي كدس شناطي ورايي فهمت ولالا؟
الياس: حلوه يابييي اايهه🙂😂 به امتي نجيك
سحر: ف اليل وتعالا ف سياره كحله
الياس: به
سحر: والبس اكحل🙂وغطي شعراتك الملوناتت به
الياس: كيف بنغطيهمم 🙂😂
سحر: البس طاقيه
الياس: ببه به
سحر: المهم كلك اسود
الياس: بنعزي امك فيك ولا كيف؟
سحر: حاجه زي هكيي
الياس: به تم
سحر: وجهك توا هي
الياس: باي
سكرت الخط ودست الفون
امل: سحر
سحر: نعم
امل: تعالي
سحر" ربي يستر وخلاص😐": هي جايه ومشتلها
امل: افتحي هاتفك
سحر" حي عليا كان فتحته بتعرف انه بدون شفره": اءء به
امل: ماشيه ل خوك ونجي نلقاك فاتحته
سحر: به
وطلعت امها
حطت الهاتف ف االاميه
: اه ي قلبي عليك😭😭💔توقعتش يجي يوم ونا لي نفسدك بي ايدياء
وطلعاته ونشفاته باش تحسش امها انه مبلول
طت امها
امل: هييي
سحر: يبيش يفتح
جت شافته لقاته ميبيش يفتح حق!
سحر: عندي قرايه توا باي
ومشت ل دارها
وفتحت نت
وقعدت تهدرز ع الياس
__________________________
عند وتين
العرس الاسبوع هدا والعيله كلها عندهم
وزحمه هلباااا
مهند: شن واتيه؟
وتين: اي شويه بس وطلعتله
وركبت ومشوءء
اختارو محل ودخلوله
وتين: اهيهه حلوه
مهند: تيي تع صغار مش لينا
وتين: حلو وربي🥺 حتي لينا
مهند: شوفي علاها روسمات
وتين: لكن حلوه كيوت
مهند: لا ياوتين
وتين: ببه😒
وقعدو يدورو واختارو دار نوم❣
وكملو الاثاث
وتين: مزال نبي تحف
مهند: به هيي! لكن مش تختارلي حجات تع صغار زي بكري😒
وتين: ببه هيي
ومشوء شرو لي ناقصهم وروحوا
ف الطريق
وتين: مهند!
مهند: عيون مهند
وتين: بنسالك
مهند: اسالي
وتين:اءء شن قصتهاا رواسي بنت خالتك
مهند: قصتها قصه
وتين: تبيش تحكي براتحتك!
مهند: انتي راحتي
وتين ابتسمت ب حب😊❤
مهند: امها تبيني نسيبها🙂
وتين: امها تبيك😂؟
مهند: اي كانو يبوني ليها كلهم
وتين: ههه اممم به
مهند: اي وانتي شن قصة محمد؟
وتين انصدمت:ققص قصة شن😐😳؟
________________________
________________________
سحر اتصلت بي الياس
الياس: نعم حبي؟
سحر: هي بالك
الياس: شويه بس
سحر: تعطليش
الياس: تم
بعد شويه وصل الياس
بدت سحر تكركر ف شناطيها😂😂 وحده من الشناطي طاحت دارت صوتت سمعت صوت امها
سحر: حيي ع اميي فتحت اكبر شنطه عندها ودخلت فاها وسكرت وحاسه النفس بينقطع علاها
امل: هادو شن اكيد سحر مطلعتهم تحسابني بنسخف علاها ورجعتهم لدار بس مركزتش انه سحر مهناش لانه حاطه مخدات ف مكانها
رجعت الشناطيي وولت ل دارها
سحر فتحت الشناطي: ووه بعد شويه ماتت وربي
وقعدت للن تاكدت انه امها رقدا وطلعت
الياس: واخيرا
سحر: ووه بعد شويه انتهيت
الياس: ههه خيرك
سحر: حسيت بشعور الموميااء🧟♀️
الياس:😂😂 هي هي بالك وقت
سحر: هي وركبت
#تعليقاتكم_تهمني🤞❤
باليزز بدون سميلات وملصقات♥️
توقعاتكممم💭💗 ف تعليق
ونعتـــذر لو فيــه اخطــاء املائيــه💓
عيــ✒ــوشه نــاصــر
يتبـــــع💗 》》》
أنت تقرأ
أكسجيني ( روايات ليبية )
Romansaرواية رومانسية ، قصة حب كبيرة و لكن تدخل فيها الغيرة ، فهل ستنتهي و ما مصير حبهم ؟ للكاتبة : عيوشة ناصر ،
