الحب الثانى ( مكتمله )

البارت السابع 💕

(  ندى بتساول  ) :-  بتحبيه ؟!!!
(  ريم باارتباك ) :- هو مين ؟!!!!
ندى :- ياسر !!!!!
(  ريم باارتباك لا لا طبعا انتى بتقولى ايه انا وياسر لا مستحيل
(  ندى باابتسامه. ) :- يابنتى دا انا عارفاكى اكتر من نفسى وكل ماتيجى سيرة ياسر وشك بيقلب ألوان الطيف ههههه

(  ريم بخجل ) :- بصراحه ايوه بحبه قوى ياندى !!!
(   ندى بحماس )  :- اوبا بقى من امتى الكلام دا انشاء الله يالا اعترفى يابت ؟!!!

flach back.       

(   ريم تمشى فى الشارع بخوف شديد وثلاث شباب يلحقونها )
الشاب الاول ؛- شايف يااد البنت الموزه اللى هناك دى ؟
الشاب الثانى :- ينهارى هو فيه جمال كده !!
الشاب الثالث :- بس ياعم باين عليها من لبسها انى هى من البنات اللى بتعمل فيها محترمه
الشاب الثانى ؛- هههههههه محترمه كلهم بيبقو كده فى الاول

الشاب الاول :- ايه الحلوه دى ماتيجى ياموزه عايزك فى كلمتين
(  وكانو الثلاثه يحوطونها على شكل دائره وريم فى الوسط تبكى من خوفها الشديد )
ويظهر ياسر ويمسك ريم من يايدها ويجعلها خلفه

( الشاب الأول بلغه امر ) :- ابعد انت ياشاطر وسيبنا ناخدها وانت حى بدال مانموتك وناخدها
وفجاه تحول ياسر من شخص هادى لاسد مفترس فجعلهم يهربون بعد ان اخذو قدر كافى من الضرب

(  ياسر لى ريم ) :- ريم انتى كويسه حد عملك حاجه ؟؟
(  ريم بدموع ) ؛- انا كويسه الحمدلله انى انت انقذتنى منهم
(  ياسر وهو يضمها اليه )  :- ماتخافيش انا معاكى محدش هايقدر يعملك حاجه تعالى روحى معايا واقعدى مع ندى لغايه ماتهدى وبعدين اوصلك البيت

back.       

  ريم :- ومن ساعتها ياندى وانا كل يوم بحبه اكتر حسيت انى هو حمايتى وهايعوضنى عن الحنان اللى اهلى معرفوش يدهونى

(    ندى باابتسامه   ) :- ياجزمه بقى الفتره دى كلها وانتى بتحبيه وانا اخر من يعلم دا احنا اخوات ومتربين مع بعض ياواطيه

(  ريم بتبرير ) :- اعمل ايه ماانتى عارفانى بتكسف من اقل حاجه وخوفت اقولك تروحى تقوليله وساعتها ماكونتش هاقدر احط عينى فى عينه تانى
ندى :-  يابنتى انتى عبيطه انتى ليه محسسانى انك عامله جريمه وليه خايفه تقوليله

=  اقوله !! لالا طبعا مستحيل اوعى ياندى تقوليله بجد اوعدينى
ندى :- يابنتى ماينفعش تخبى حبك ليه
= معلش عشان خاطرى اوعى تقوليله
ندى :- اعمل ايه ياستى امرى لله

**************************

(  وفى منتصف اليلل يرن موبايل ندى )
تستيقظ ندى
= اف مين الرخم ابن الرخمه اللى بيتصل فى وقت زى دا ؟؟!!
ندى :- الووووو
معتز :- انسه ندى معايا  ؟؟
ندى :- ايوه مين حضرتك
معتز :- انا معتز اللى عمل معاكى مقابله الشغل انا اسف انى بكلمك فى وقت زى دا
(  ندى استاذ معتز وتنهض باارتباك  ) :- لا حضرتك تتصل فى اى وقت