#حب_محرم

حب محرم🔥💔
✨MaryOom.a_albakoOsh✨

الحـلقـه 5
وسن: اءء هاني هواا فيه!!
هاني قرن حواجبه: شن هوا
وسن: يعني فيه شويه مشاعر
وسن طبست راسها و غمضت عيونها
هاني بفرحه: يي يعني تحبيني
هاني: تحبيني وسن
وسن دارت ايديها ع وجها: مش حب اعجاب
هاني: من اعجاب يولي حب
وسن: اااء نعرفش
هاني ضحك: لا تعرفي تعرفي و قرب منها حضنها بقوا
هاني: نحبكك وسونتي ننحححببببككككك و باسها من راسها❤️
وسن تضحك: كسرت ضلوعي خلاص
هاني بعد عليها هياا نطلعو😂
وسن بابتسامه: اوك و شدت يده و طلعو

✨MaryOom.a_albakoOsh✨
ــــــــــــــــــــــــــــــــــــــــــــــــــــــــــــــــــــــــــــــــ

عند وعد و تقوى✨
وعد: تقوى رجليا بدو يوجعو فيا زي عمتي صالحه🙂
تقوى: حتني بس منبيش نتصل ب هاني
وعد: اي اي بس اني خلااص معاش نقدر نمشي بنقعمز
وعد قعمزت ف الشارع و الي يفوت يموت ضحك من منظرها
تقوى: حححي ع الحشمه ت نوضي بلا عار يضحكو عليك
وعد مدت رجلها القدام و كيف بتتكلم تجي سياره تجري بقوا وقفت قدامها تقوى حطت يديها ع فمها
وعد وقفت و خبطت السياره بيديها: انزل انزل
اسلام نزل و هوا متعصب: انتي كيف متربعه ع الرئيسيوعد: خيرك متربعه ف الطريق مش ف حوشكم
تقوى بصوت واطي: وعد اسكتي
اسلام ضغط ع يده: و قليلة ادب زياده تو كان ضربتك و حصلت فيك؟
وعد: متربيه و نعرف الصح و الغلط بس لو متعرفش عادي ي بروي جيب خواتك و نعلمك و غمزتله و ضحكت🔥
اسلام عصب ع الاخر قرب منها و قام صبعه بتهديد: خواتي متجيبيهمش ع لسانك و بعدين لو تعرفي الصح زي مقلتي راهو مطلعتيش هكي و ضحك بهزوه
وعد وخرت بشويه و تنفض ف جاكتها: اوووووبباا لا ي بيبي طالعه هكي و منديرش ف العار مش زي خواتك ههه ستار بس و ضحكت ع جنب و ع فكره نعرفهم وحده وحده و نعرفك انت منو يعني معاش تحشم روحك و توكل🙂🔥
تقوى: وعد خلاص شوفي الناس كيف تشوف
وعد شافت لناس : شنو نوزع ف حلوه
اسلام: انتي.......ترن ترن
اسلام رد ع التليفون و قام صبعه بتهديد نتلاقو وراك وراك
وعد قربت منه و دارت شعرها وراء ودنها بأبتسامه: هههه رد بالك بس
اسلام مشي و هوا يشوفلها و عيونه نار
تقوى: وووووه فضحتينا ي حليلنا هادو كلهم يعرفو هاني تو يعاودوله
وعد دارت ايديها ف جيوبها و هزت كتافها: عادي يلا نمشو جعت
تقوى تمشي وراء وعد و هيا تدعي ميعرفش هاني

✨MaryOom.a_albakoOsh✨ــــــــــــــــــــــــــــــــــــــــــــــــــــــــــــــــــــــــــــــــ

عند وسن و هاني اتدهورو و تغدو ف مطعم و غيرلها جوها و مع الساعه4 ركبو السياره و بيروحو

وسن: اءء هاني
هاني: عيونه❤️
وسن: شن صار ف موضوع احمد اني مش ح نوافق ره
هاني شد يدها و ابتسم: متخافيش و متفكريش بكل الموضوع عندي
وسن تنهدت براحه: تمام
هاني باس يدها: مش مخليك لغيري
وسن: ابتسمت