#حب_محرم

حب محرم🔥💔
✨MaryOom.a_albakoOsh✨

الحـلقـه 8

احمد: خشي شغلتيني شن فيه
وعد: احمد اني جيتك و حبيت نقولك لأنك اكيد حتتفهم الموضوع
احمد: اي قولي
وعد: غلط انك تخطب بنت و هيا قلبها مع غيرك صح وله؟
احمد: اي كملي؟
وعد: وسن مش موافقه ع الموضوع بكل قلبها مع شخص تاني ره !!
احمد: من هوا؟
وعد: مش مهم منو المهم انك تفوت الموضوع لأنك ح اتدمر حبهم و جيت قتلك لأنك اكيد حتتفهم
احمد وقف: اني نبيها وسن و الموضوع اليوم بيتم و بتنكتب ليا و حتى العرس مش معطل فيه يعني معاش تقوليه الكلام هادا
وعد وقفت حتى هيا : لا ي عيوني هيا متحبكش و كل شي بالسيف الا حبني يا بنادماحمد: الحب يجي بعد الجواز عادي و بعدين انتي صغيره متعرفيش مصلحتها
وعد: لا صح صغيره بس نعرف مصلحت اختي اكتر منك و منها تمام و الغي الموضوع خير ميصير شي تاني و تندم بعدين و طلعت
احمد ضحك: هههه قلبها مع شخص تاني صار

✨MaryOom.a_albakoOsh✨
ــــــــــــــــــــــــــــــــــــــــــــــــــــــــــــــــــــــــــــــــ

وسن تبكي خشت عليها وعد و حكتلها كل شي
وعد: افففففف خلاص هلكتي روحك بالبكي ياسسر غيري جوك شويه تو ينحل الموضوع و صدقيني حتكوني لهاني
وسن بشهقه: هااني الي خاني مع وحده رخيصه
وعد: افففففف ببه اسكتي اسكتي و نوضي  نجوى بتجينا بعدين ره روحت من تونس
وسن : بهفات الوقت و وسن لبست قفطان قصير مع شعرها خلاته مفتوح و مكياج خفيف لانها ع طبيعتها احلا و احلا و بدو يجو العمات و الخلات و جت حتى نجوى سلمو عليها و يبكو و وسن ب الزايد لانه ليهم هلبا متلاقوش

نجوى: حليلي استحشتكم
وسن: حتى حني الليله بتقعدي معانا ره🥺
نجوى: اي اي بايته
وعد: ششنو درتي صاحبات اصحب منه وله
نجوى: مصحك لو نلف الدنيا كلها مستحيل نلقى زيكم انتم خوات مش صاحبات
وسن ابتسمت و عيونها دمعو و حضنتها
وعد: به ياسر من الدراما انتي وياها
نجوى: عديمة احساس من يومك
ترن ترن ترن
نجوى: لاا احاسيسك بدو يتحركو؟
وسن: شنو تليفونك مبطلش اليومين هادم
وعد: ننننننننننننن هادا صقرك ي ماما
وسن: هاني 🥺!!
نجوى: نوضي نخشو لدار ناضو خشو و طول وسن خدت من وعد التليفون وردت هياهاني: وعد ديري اي شي
وسن دموعها ينزلو ساكته
هاني بصوت متعصب: الوووو
وسن بصوت هادي و دموعها ينزلو: هاني💔
هاني: وسونتي متحرقينيش
وسن: ساكته تبكي بس
هاني: وربي يا وسن مستحيل نخونك اني وررربببيي
وسن : مصدقاتك بس خلاص اني اليوم بننكتب لغيرك و بكت بصوت عالي مع شهقه حطت ايدها ع فمها🔥
هاني سكر عيونه بغيض: لا لا انتي ليا و اسس معااش تبكي وراس وسونتي
وسن تبكي بصوت عالي: هاني استحشتك ره😭💔
هاني: خلاص انا اسكتي تعرفيني منحبش دموعك
وسن: نبيك هاني نننبييكك انيي
هاني: بنقولك كلمتين باهي انتي لهاني و اني لوسن غير الكلام هادا ميصيرش و سكر الخط🔥
نجوى تبكي جت لوسن حضنتها: وسن ي رويحتي خلاص !!
وسن تبكي: بس اني نحبهه و منقدرش من غيره من قبل يا بال توا؟!
نجوى شافت لوعد وعد : متشوفيليش🤷🏻‍♀️🤷🏻‍♀️
نجوى: نوضي وسن خليك قويه زي قبل شوفيلي جاي مش هادي وسن الي نعرفها خلااص هكي وليتي هادا كله من الحب خيرك هكي
وسن: سيورك تجربيه و تحسي بالنار الي ف قلبكنجوى: بس مستحيل يصيرلي زيك هكي
وسن: ءا........قاطعتها وعد
وعد: به خلاص انتي وياها بتقلوبها حوار هيا اطلعو وانتي شوفي خليقتك ساوي روحك و اطلعي
نجوى:😒😒

و طلعو مع بعض وسن قعمزت و معاها نجوى و بنات عماتها الا سوسن مقعمزه بروحها قعدو يهدرزو شويه و وعد تعول زي كل مناسبه و شويه خشت عائشة و بناتها مع شوط باهي داروه😂❤️

تقوى جت لوسن سلمت علاها: وسونتي سامحيني والله حاولت نقنعهم انهم يفوتو الموضوع بس قالو لا🥺💔
وسن ب ابتسامه ذابله: عادي ي عمري الي كاتبه ربي بيصير
تقوى: ي روحي عليكم
عائشه: بنيتي و سلمت عليها كنت متمنياتك تجيني كنه الحمد لله
وسن: سلمك ي عمتي ربي يعطيك طولت العمر
عائشه: تقوى تعالي معاي شويه و مشت هيا و تقوى

✨MaryOom.a_albakoOsh✨
ــــــــــــــــــــــــــــــــــــــــــــــــــــــــــــــــــــــــــــــــاحمد: اسمعي هي بنخش نلبسها
تقوى: مش لازم احني نلبسوها
احمد: قوليلهم شويه و بنخش
تقوى: به و سكرت و خشت قالتلهم
وسن: وعد تعالي شويه
وعد: نعم
وسن: منبيش حد يلبسني الخاتم غير هاني🥺
وعد: خليك عاديه و الموضوع عندي
وسن: به و خش احمد و جابو الخواتم
نجوى : وعد نوضي تحركي
وعد: اصبري و خدت البخاره و ناضت لين بيلبسها الخاتم تجي بسرعه قالتلهم اصبرو نبخركم و هيا تبخر خبطت ايد احمد طاح منها الخاتم احمد شافلها و نزل قام الخاتم و ابتسم
مفيده: ووووه خيرك اللطف زي المرعوشه
وعد: مرات الرعشه لازم منها بس مصار شي خساره
مفيده: ارفعيها غادي بري

لبس احمد الخاتم لوسن و باس يدها و بعدها هيا لبستله الخاتم و بسرعه جبدت ايديها بس هوا جبدها من خصرها و باس راسها و طبعا سوسن كل شي صوره بصوره و بدت الدربوكه و احمد طلع و مسك وسن معاه عشان تصور معاه ف الغرفه بروحهم

ترن ترن
نجوى: تليفونك من بكري يرن ردي
وعد: رقم شادها ف جرتي لما نفتح الخط ميرد حد
نجوى: ردي بالك و ديريه ف الحضر
وعد: افففففف خليني توا الخرا احمد الحركات الي يدير فيها
نجوى: مقهوره اكتر منك✨MaryOom.a_albakoOsh✨
ــــــــــــــــــــــــــــــــــــــــــــــــــــــــــــــــــــــــــــــــ

وسن: خلاص صورنا نبي نطلع توا
احمد جبدها اكتر لين قريب يبوسها: علاش تحبيه؟!
وسن غمضت عيونها لانه قريب منها: ما  ننحب ححد اني
احمد ايده ع خدها و يتلمس فيه: كدابه بس مش ح نحسابك توا عليها
وسن عيونها دموع: احمد ابعد عليا
احمد بعد عليها: تمام هي احكيلي علاش تحبيه؟
وسن ساكته
احمد: اني سألت توا وله؟!
وسن دموعها نزلو: اي نحبهه
احمد قرب منها: به و هادا الي واقف قدامك الي بعد شهور او ممكن شهرين يولي راجلك؟
وسن:مفيش شي يجي بسرعه او شي ينتسى بسرعه
احمد: مش ح نحسابك توا باهي و قرب باسها و مشي طلع بعدها بشوي وسن طلعت

هاني يفكر و يفكر و يحاول يحل الموضوع جبد تليفونه و شاف الصور الي مع البنت قعد يشوفلها لين لاحض شي نصدم قعد يشوف و يركز لين.......يتبع

✨MaryOom.a_albakoOsh✨
ــــــــــــــــــــــــــــــــــــــــــــــــــــــــــــــــــــــــــــــــ

رايكم ف تعليق🥺!! بنات غدوا منيش امنزله بعد غدوا حلقيتين باذن الله عندي طرف والله اليوم بسيف 💔