حكاية ميسم[ روايات ليبية]

البارت الرابع

للكاتبة **وردة 🌷التسعينات **
#ĹỖЌÃ ÃĹĤÃŜŇÃŴẸ
***************************
*****************
*********
*****
احمدكلم منتصر:الو شن الاخبار منتصر وين انت
منتصر:شوي وجيكم
احمد:باهي جيب معاك بشارتي
منتصر:بشارت شنو
احمد:ميسم فتحت عيونه وتكلمت
منتصر:الحمدلله الحمدلله الحمدلله هاني جاي
انا:قعدت نبكي لين عيوني انتفخو لكن الحمدلله اني قدرت نبكي قدرت انطلع الي في قلبي كله

          ******************
احمد رن علي امي بخبره
امي:الو
احمد:البشاره يامي لبشاره ميسم فتحت عيونه وتكلمت
امي من الفرحة لين بكت: الله ايبشرك بالجنه الله يفتحها في وجهك وين مشيت انت وخوتك
احمد:امي قوليله لفارس هي مع السلامه نبي نشوف الدكتور طلع منها وصكر التليفون

      ********************
في المستشفى  منتصر واحمد مع الدكتور
الدكتور: الحمدلله على سلامتها  حالتها كويسه بس تبي يومين تحت  الملاحظة
منتصر: الله يسلمك واللهي ماني عارف كيف  انكافيك
الدكتور: هذا واجبنا ومره  تانيه  الحمدلله على سلامتها
احمد  : عادي انخشو انشوفه
الدكتور:  ولو انخلوه اليوم ترتح وغدوا شوفه
احمد: تمام دكتور  وبركا الله فيك
الدكتور: فيك بركا الله
منتصر كلم ميار واحمد ومشو للبيت
بعد اربع ايام روحت من المستشفى وقعدت في البيت صح الحمدلله تريحت لكن قعدا نبكي
طبعا جي عمي بشير لم عرفني روحت من المستشفى وجو معه بناويته انتعرفو عليهن في بقي الروايه
منتصر : ميسم شن حالك اليوم
ميسم: الحمدلله يارب
منتصر: ميار ضمى الدبش  بانروحو
خش احمد: شنو وتيتو الدبش
منتصر: انا طالع انجيب شي نكلوه في الطريق لاني ما بنقف انجي نلقلكم  ضامين الدبش
وطلعنا من مصراته وما خبرنا امي  ولافارس وصلنا البيت فرحت امي وجو خوالي وعمامي  يتحمد بسلامه
لكن انا مش قدره انتحمل البيت بدون باتي كل زوية فيه ندكر باتي  لدرجة اني  نسمع صوته ينادي فيا وضحكتا وعصبيتا وكل شي فيه والبيت مليان بالناس

        **********************
تسريع الاحداث بعد كملت امي العدا منتصر اجر بيت في مصراته ومشينا كلنا سكنا غادي وبعد فترا البيت الي سكنين فيه صار ملك لانه باتي قبل ما ايموت عطا عمي بشير مبلغ كبير لانه خشو شركاء في شركة والشركةتو مسكه عمي بشير وخواتي يخدمو معاه بنص

     
        ******************
بعد سنتين2017
انا وتيت روحي عشان  بنمشي للجامعةاليوم اول بوم في سمستار التاني مشيت  انوض في منتصر عشان يوصلني
انا:انصوره نوض وقت عليا منتصر نوض 
منتصر يحك في عيونه:حتي اليوم الي ماعندي خدمة منوضتني
انا:نوض بلا ملاغه زيداة
منتصر:من اعيوني انا كم عندي ميسم نوضى ديريلي قهو  في ما غيرت ادبشي
انا:حضر   ومشيت اندير في القهو خشت الكوجينه القيت امي وميار فيه درت القهو ومشيت اناوميار لدار خوتي حطيت القهو علي الطوله وقفت فم الباب وقعدت اندربك علي الباب ونغني وميار اتغني معي
ياسلم دلل خواته طول عمره وزيد حياته
خشت امي علينا  وقعدت اتغني معانا
امي:يامولاي العين عطيه اتلبس بو قصه سافيه
فارس يحدف المخاد علينا يبنا نطلعو علشاان يرقد
طلعت انا ومنتصر مشينا للجامعة

     
....... يتبع للكاتبة وردة 🌷التسعينات