حكاية ميسم[ روايات ليبية]

آلَبًآرتٌ آلَخِآمًسِ عٌشُر

للكاتبة **وردة 🌷التسعينات **
#ĹỖЌÃ ÃĹĤÃŜŇÃŴẸ
السلام عليكم متابعين الاعزاء
سمحوني لو تاخرت عليكم 
****************
♥♥♥♥♥♥♥♥♥♥♥♥♥♥♥♥♥♥♥♥

بعد وصولو خوالي وعمامي
في الليل بعد العشاء كانه مقعمزين مع بعض البنات  بروحهن والنساوين بروحهم  
طبعا عيلة عمي بشير معانه
مقعمزات انا وميار وسندس وياسمين ويمني ومريم بنت عمي ونور بنت عمي وهبه وفاطمه والباقي
كان الوضع شبه مشحون يعني مرت عمي وبناتها جيات غصباً عنهن ومريم كانت تشبح في شبحات زي السم لي ياسمين 
ومرات عمي تشبح فيه في نفس شبحات بنتها ناضت ميار وسندس وهبه شويه وخشو وفي يديهم دربوكه
ميار:هيا ميسو مابنديرولها عرس ديما
ياسمين :عطيني الدربوكه انيبندربك
مدت ميار الدربوكه وقعمزو
ميار:مبروك افراحك ياعين والعقبال خوتك لتنين
رددوها شويه
ياسمين تبي تقهر مريم ب اي طريقه: يامولاي دوم زهاه لي اسمي اسجل باسماه
المهم  درنا جو من الاخير 
نا ضرب تلفوني  لقيته سند طلعت  من الدر ونا طالعه  نسمع  في اتنين  ايتكلمو 
: درتي كيف ماقوتلك
: عيب عليك نبدأ مش مريم واخت سالم 
سالم: تمام  خليهم لين يرقدو  وكملي باقي الخطه
مريم: تمام ولفت خشت داخل بينما سالم هوا طالع ضرب تليفونه
سالم: ها احمد شن تبي
احمد: انت  وين يادعوا
سالم: انا في سياج بيت عمك
احمد: باهي خاليك في مكانك توا نجيك
سالم: تمام ماطولش وصكر
اقل من عشر دقايق وكان احمد مقعمز جنبه
احمد: ياسالم تعود من الشيطان  ميسم مش ليك وعمرها مش حتكون ليك
سالم: تي والله العظيم مانيش مهنيهم واليوم بنبدا معاهم
احمد: باهي بالله قولي شن لي في رسك
سالم: بناخد صور ليها وبنبعتهم لي حبيب القلب 
احمد: تي صور شنو
سالم: تدكر بعد  مات عمي وجو باتو معنا هداك اليوم مريم صوررتها وهي رقده وفهمك كفيه
احمد  طارتله علي الاخر  شده مع رقبة سوريته: والله العظيم لو الديرها والله العظيم نقتلك
سالم: ههههههههههههههههههههههه تي وخر وخر  عقب الوقت توقف معاهم عليش بالك تحسابني مش عارف
احمد: شن عارف  حتي لو كنت عارف مش هامني ونا مادرت شي حرام  بنت عمي ونحبها ونبيها وبنكلم خوتها عليها  لكن يا سالم  وحق من حلقني ادير لي قولت عليه لما نقنلك بيدي هدي  ورفعله يده فوق 🖐
سالم: تي غير بري غادي تحسابهم بعطوك ولد عمك هدو طمعو في لفلوس قعدو يشبحو فوق معادش يشوفولك ولا ميار هههههههههههههه اكيد حطه عينها عليي ولدهم التاني
احمد: الزم الحدودك وعرف علي من تتكلم هدوم اولد عمك راهم  وطلع عنا وخلاه
كملت طرقي لي الدار وكلمت سند  هدرزنا شويه بعدين خطرت في بالي فكره
انا: حبيبي
سند: الله واكبر شن بيصير في الدنيا  كم ليا الكلمه هدي ماسمعتها وحارمتني منها
انا: باهي بشويه  غير اسمعني نبي منك طلب
سند: انا قولت مش هكي بالبلاش الكلمه هدي لكن انتي ماتطلبي انتي تامري امر
انا: نبيك تكلم عمي  يخالي البنات يباتو هنا
سند: باهي وانا ماتبينيش نبات معاك😘😜
انا: سند  بلا برده
سند: خلاص حبيبي توا نكلمه كم عندي ميمي انا
انا: يسلم حبيبي الغالي انا

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

.... يتبع**لَلَکْآتٌبًةّ **وٌردٍةّ 🌷آلَتٌسِعٌيَنِآتٌ **
♥♥♥♥♥🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹♥♥♥♥♥♥