حكاية ميسم[ روايات ليبية]

أّلَبًأّرتٌ آلَسِآبًعٌ عٌشُر

**لَلَکْآتٌبًةّ **وٌردٍةّ 🌷آلَتٌسِعٌيَنِآتٌ **
#ĹỖЌÃ ÃĹĤÃŜŇÃŴẸ
وصلو الصور لي سند  وميسم بدي مفعول السحر اياتر عليها

في الصبح ناضو علي صوت ضجه  وضجه هدي كانت من سند يتعرك هوا ومنتصر واحمد
بس فيه شي صار خلي النساوين يارقو لي فوق  في دار ميسم وميار  بتحديد 
كانت ميار شادة اخته لي اتخبط في وجهها وتنتف في شعرها
هبه نزلت تبكي وتتكلم بعياط:جداي عمتي امي الحقو ميسم ابصر شن جاها
كلهم رقيو بيشوفو شن فيه
الجده:بسم لله الرحمن الرحيم شن جاها البنت
امي وهيا تبكي:بنتي خيرك تعودبي  من الشيطان
انا:اي شيطان هههههههههههههه اي شيطان وانا فيه شيطان في حياتي
اوووووووووووووك
ميار تبكي:ماما كلمي خوتي ايجو اوخيتي بتريح  من بين ايدينا
ياسمين وهي تبكي:توا نكلم سند
وتعيط ميسم عيطه لين كل لي م جودين خافو:واااااااااااااااااااااااااااااك لا متكلموش الشيطان لي دمر حياتي  وخشت في امها وهيا تبكي ماما نامنبيش متخليهم ايكلموه هوا قال لما نقتلك ماما مانحباش
امي:خلاص حبيبتي مس حنكلم حد اهدي ياعمري
بس كانت فيه اعيون اترقب وفرحانه ومتشمته في نفس الوقت وماتسحبش هيا لي خاسره في النهاية  وهالعيون كانو عيون مريم وامها
بس برا مازال ماهدي الجو بالعكس كبرت وطلعو لي في المربوعه كلهم ومن ضمنهم سالم واحمد وايوب والكل كان يشوف فيه لي مستغرب كيف علي ومحمد ويوسف وايمن وفي لي خايف يخسر شي غالي عليه زي احمد لي خايف على صديق عمره لو دار لي قال عليه وفي نفس الوقت خايف يخسر اولاد عمه وحب حياته وفي لي متشمت وفرحان ويرجي في نتيجةلي داره باسرع وقت زي سالم وفيه لي عارف بكل شي بس يراجي في نتيجة تخطيطه كيف تمشي زي سند ومنتصر واحمد وفارس وايوب  صح حتقولو ايوب  كيف عرف  👇👇👇👇
حنقوللكم كيف  ميسم من اول ماسمعت كلام لي دار بين سالم  ومريم  وسالم واحمد  كلمت ايوب ايجيها وقبل مايجي ايوب لقيت السحر  وفي نفس الوقت لي جاء فيه  ايوب  هيا كانت مكلمه احمد  وعطيته ليه رفعة لي  شيخ  وبعد ميسم  خبرت خالها بكل شي وخبرته عن فكرته هوا ايدها وزاد عليها
منتصر:تعرف اتصكر فمك ولا والله العظيم نقتلك
سند:تي من تقتل تي برا برا غير نضف عارك
يوسف وهوا يشد في خوه:سند استهدي بالله شن الكلام الي تقول
فيه
ايوب وهوا يدخل فيهم:فضحتو بينا حشمتونا قدام الناس خشو داخل خشو
وخشو كلهم وهما خشين ضرب تلفون سند وتلفون  ايوب في نفس الوقت
سند جبد تلفونه وهوا يقول:تعرفي نوصل في السيارةومانلقاكن فيها والله نقتلكن وصكر ماخلهش تتكلم
بس لما رد ايوب
ايوب:ايوا
هبه:عمي تعال بسرعه ميسم اشبح خيرها
ايوب:تكلمي يادعوا شن فيه
هبه:تخبط في روحها وتعيط ومش متحمله حديقول اسم سند جنبها وتقول هذا شيطان  وتعيط ياعمي تربح تعال بسرعه
ايوب:شويه بس هاني جاي وصكر
وخش علي اساس بيرفع المفاتيح 
بس مش مهمات المفاتيح كيف  ماهو مهم لي توا بديروه
ايوب: منتصر  وفارس تعالو معايا  وتلفت علي احمد  وقال انت خليك هنا احني بنرفعو ميسم للمستشفى  وتلفت لي سند وقال  عمري ماتوقعتك هكي  بدمر حياتها كان نحسبك هكي والله ماوفقت غليك وخليتهم عطوها لي سالم  خيرلها علي الاقل مهما صار  مش حيدير لي درتا انت وفات وخلاه
سند من كتر ماهو طايرتله من سالم وزاد تخيل ميسم  متزوجه سالم بالحق ويقدم ويجبدا من رقبة سوريته وقعد يخبط فيه: والله العظيم نقتله وجهك لما نخربلك دين امه