الحوش كان له بابين يطلعن برة واحد من الأبواب يطلعك على سفرتح وجبل بعيد ومنظر خياال😍 عندهم سهى وسمية ومحمد وفارس قريبن منا في العمر وهما الي يلعبو وفرحانين بينا
ريم: هند تعالي شوفي من هنا في حاجة خشت في الحفرة
فارس: حي لفعة توا شفتها والله
أنا : ويين وين وروني
ومشيت وأول ما شفت المكان وعينك متشوف الا النور ونهرب خايفة تطلع علينا الحية .
سيبتهم وجيت نلعب مع سهى ومحمد هما اقربلي في العمر ونجارو ورا بعضنا وكل شوية يورو فيا حاجة غريبة مرة شجرة مليانة رسائل، نمل كبير، عش عصافير، وهكذا لعند شفت بير .
محمد: هيييييي هند راكي اطيحي مرة واحد طاح مات
سهى: هند تعاااالي نوريكي حاجة تحت الحيطة
أنا لأول مرة منسمعش ومنشوفش الا في حاجة وحدة ومنفكرش الا في حاجة وحدة
الحفرة هذي شنو؟ ومن الي حافرها؟ وشن نهايتها ؟ فيها ميه ولا لا وفجأة ومش عارفة كيف صار طحت محسيتش بروحي الا في مكان ضيق ونص جسمي في مية مصقعة مرة مرة حاجات يمشن نحس فيهن يتحركن صوت بعيد ينادي بأسمي وفجأة أختفى.
نبكي انادي ومحد يرد يابابا ، يامامااااا، ياااااريييييييم، مفيش الا صوتي يجاوب تخايلت اني هنموت خلاص صوتي مش ساعفني ، والنفس بدى يريح حاجة تخنق فيا خلاص مش متحملة فجأة نسمع اصوااات ينادو بأسمي صوتي راح مش قادرة نرد شفت حبل نزلي ونسمعهم امسكي يااااهند هند يابابا متخافيش انا هنا هنننننند مسكت الحبل ومش قادرة نحرك انقطع النفس الدنيا ظلام ولاصوات قريب يختفين قعدت ساعة الا ربع بالظبط على الوضع هذا لعند جاني الانقاض وأول ماطلعت وانا نبكي بابا خايف وواخدني في حضنة واول ما خشيت وماما تبكي وتجري وحضنتني وتقرى عليا قرآن وريم تبكي وكلهم منصدمين وخايفين
محمد: انتي بطلة
انا كيف؟!
محمد: مش قتلك واحد طاح مات انتي عشتي يعني بطلة🤷🏻♀️
أنا : ماصدق وقلتلا اها بطلة صدقتها وانا مرعوبه تصيرلي مرة اخرة، من يومها وانا نحس في روحي بطلة جديات، ومن يومها ومحمد يقولي يابطلة
ثاني يوم بنسافرو وعيت عمي زعلانين اننا هنمشو
وسافرنا مصر ، وكنا انا وريم مش مصدقييييين ارواحنا من الفرحة
مشينا لخالي واستقبلونا احلى استقبال واستكشفنا ولعبنا وكل يوم طلعات ودهواري
ومر شهر وبنروحو ورايفنا على حوشنا وحوش جدي
ونحن مروحين تكينا على طبرق وقعدنا عند عمي
انا ومحمد وسهى نلعبو في الجنان وريم وفارس وسمية يلعبو جهة الجبل
طبعاً انا مفكرتش بكل نعاودها المشية جهة الجبل وحتى ريم متمشيش شور البير من تعليمات بابا وكل شوية يطلع يتفقد فينا
محمد: هند جبتلك حاجة
انا شنو هيا، مان حاط يدة وراء ظهرة وانا بنموت ونعرف من الفضول نحسابها حاجة حلوة مستكة شوكلاطة يعني
محمد : غمضي عينك
غمضت هاااا شنووو نفتح
محمد : افتحي
وأول مافتحت😳 انصدمت هذي شنو وردة جديات ورة
محمد عطاها وطلع يجري ، كانت اول مرة في حياتي حط يعطيني وردة وحاجة قالتلي دسيها وفرحت بيها بكل، جتني ريم توري فيا وردة حطاها لها فارس عرفت انه القكرة سارقها😂
تاني يوم مروحين والكل زعلانين نقصد نحن العيال
من اول ما وصلنا لبنغازي وانا نقول لماما نحس بحاجة تخنق فيا بس مش عارفتها شنو
YOU ARE READING
وطن صغير
Krótkie Opowiadaniaقصة حقيقة لفتاه تُدعى هند، كبرت في سن الطفولة، وتجوزت في سن المراهقة وحياتها لم تكن فيها حياة تدور القصة حول كيف واجهة المصاعب ، وكيف غيرت قدرها إلى جهاد، لتصبح كفاح أمرآة بقلب وطن صغير.
