عشق الدنجوان

البارت الثاني

البارت الثاني ❤

بعد عدة ساعات في الطائرة اعلنت عن انتهاء رحلتها .
توجه عاصم خارج المطار سريع ليجد رجل من رجالة الذي حدثه علي الهاتف ليحجز له بالطائرة بإنتظاره ومعه اسطول من سيارات الحراسة .
الرجل :حمدلله علي سلامتك ياعاصم بيه .
اكتفي عاصم بهز رايه له فقط ثم جلس بالسيارة .
الرجل :تحب نروح فين يافندم الاول .
عاصم:اطلع علي المستشفي اللي فيها فارس بيه .
تحركت السيارات من مكانها متوجهها الي المستشفي .
بعد فترة قصيرة وصلت السيارات امام المستشفي هبط عاصم مسرعا لموظف الاستقبال .
Asim:Faris Beek Al-Sioufi'nin odasını bilmek istiyorum.
عاصم:كنت اريد ان اعرف غرفة فارس بيه السيوفي.

Resepsiyonist: Tamam ... Faris Beck, dördüncü kat, oda 44
موظف الإستقبال:حسنا....فارس بيك الطابق الرابع غرفة ٤٤.

توجه عاصم الي المصعد وضغط علي زر الصعود الي الطابق الذي يوجد به عمه .

*ملحوظة*
عاصم بيحب عمه فارس جدا لانه تؤام ابوه وكانوا دايما بيتواصلوا ..عاصم بالنسباله ان عمه هو الشخص الوحيد اللي باقي له من العيله كان دايما بيقوية بكلامه بعد موت امه وابوه بس هو اضطر يسافر لاسباب هنعرفها من الاحداث .

طرق عاصم عل بابا الغرفة ثم دلف ليجد عمه ممتد علي الفراش وجهه شاحب ونفسه متسارع بشكل مخيف كانه يلتقط انفاسه الاخيره .
هرول اليه مسرعا بعيون خائفة من فراق اخر شخص له .
فارس بتعب :ع...عاا...عاااصم...
عاصم وهو يقبل يده :عمييي....بقي كدا دا اللي اتفقنا عليه ... مش اتفقنا نكون جمب بعض في اي وقت ....هو دا اتفقنا تكون مريض بالشكل دا ومتقوليش اكون جمبك .
فارس بتعب شديد :كح كح كح... مفيش وقت للكلام يابني ... ليا عندك طلب ياعاصم .... بس ف الاول عاوزك تركز معايا ي عاصم وتسمعني للاخر.

عاصم بحزن شديد.... :انتا تأمرني ياعمي وانا انفذ.
فارس بحب..:تسلم ياعاصم ....زي ماانتا عارف ياعاصم انا مخلفتش ولاد تشيل اسمي وتحافظ علي تعبي في سنين عمري كله ....ربنا مرزقنيش غير ليان ومن بعدها عشت علي ذكري مراتي الله يرحمها ...عشت عمري اكمل اللي انا وابوك بدءناه سخرت حياتي لتربية ليان لحد النهارده انا مش ابوها بس انا بالنسبه ليها ابوها وامها واخوها وصاحبها وحياتها كله ....ليان صغيره وبريئة متعرفش تعيش في الدنيا لوحدها ...مش هآمن عليها تكمل حياتها هنا لوحدها وخصوصا ان ليا اعداء في الشغل هنا ... ولو نزلت مصر لوحدها اهل امها مش هيسبوها الا لما ينتقموا مني فيها لان بنتهم فضلتني عنهم زمان برغم كدا انا مفهمها ان هما ناس كويسين علشان مخليهاش تكره حد ابدا ....كح كح كح.
عاصم بخوف شديد علي عمه :خلاص خلاص ياعمي متقلقش ليان في عنيا ... اوعدك محدش هيقدر يقرب منها .... بس انتا ارتاح علشان متتعبش اكتر من كدا .
فارس :لا مفيش وقت لازم اكمل .
عاصم :ماشي ي عمي كمل .
فارس : طلبي منك ي عاصم انك تجوز ليان لان انتا الوحيد اللي هتحافظ عليها وعلي تعبي .
عاصم بصدمة :ايييه ... بس ليان صغيره ياعمي واحنا كدا هنظلمها هي ليها الحق في اختيار شريك حياتها براحتها.... وبرضو انا ممكن احميها من غير مااتجوزها .
فارس بتعب : يابني ريح قلبي حرام عليك ليان لحمك ودمك مستحيل حد يحافظ علي بنت معاها التركه دي كلها من غير مايكون طمعان فيها ياعاصم وانتا ابن عمها وعمرك ماهتأذيها ...انا كتبت كل شئ املكه هنا وبره بأسمك انتا ي عاصم بمعني اصح ليان دلوقتي ملهاش اي شئ غيرك انتا هتكون واصي عليها وهتاخدها مصر تكتبوا الكتاب وهي تكمل دراستها تحت حمايتك تخلص دراستها ولو عاوز تطلقها طلقها بس لو طلقتها متخليش مسئوليتك منها الا لما تسلمها لابن الحلال وبعد كدا برضو متسلمهاش اي حاجه من ناصيبها الا لما تكون علي علم بكل شئ بتاخده وتأمن مستقبلها وبعد كدا اعمل اللي يريحك .
عاصم وهو ينحني ليقبل جبين عمه :حاااضر ياعمي ...اللي انتا عاوزة هعمله ...بس حوار انك كتبت كل شئ باسمي دا ممكن ليان تزعل منه .
فارس بإبتسامه :ليان ....ليان مفيش ارق منها ولا اطيب من قلبها اخر شئ بتفكر فيه هو الفلوس ...هي هتيجي دلوقتي وهفاتحها في الموضوع قدامك وهتتعرف عليها .
عاصم :حاضر ياعمي بس دلوقتي ارتاح انا جمبك اهوه .
فارس :ربنا يكرمك يارب يابني .
قبل عاصم يد عمك واتجه ليجلس علي مقعد بأحد زوايا الغرفه وهو يتصفح هاتفه .
دقائق ودلفت ليان ولم ترى ذلك الجالس علي المقعد لتردف بمرح:مساء الخير ياقلبي انتا ..
في تلك اللحظة رفع عاصم عينيه ليجد فتاه في قمة الجمال ويزيد جمالها حجابها الرقيق .
فارس :مساء النور ي حبيبتي .
ليان قبلت جبين والدها :ليان حبيبتي ...كنت عاوز أعرفك علي حد لاول مرة تشوفيه بس سمعتي عنه كتير .
ليان ببرأة:مين يا بابي .
الاب :اعرفك ياليان بعاصم ابن عمك .
نظرت ليان لذلك الذي يقترب منهم :ازيك ياليان .
ليان بإبتسامه بسيطه :الحمدلله ...
عاصم لعمه :بعد أذنك ياعمي ...انا هطلع دلوقتي اعمل مكالمه مهمه وهرجعلك تاني .
فهم فارس ان عاصم يريد ان يخرج ليتركهم يتكلموا في الموضوع دون احراج منها لوجوده.:ماشي يابني .