عشق الدنجوان

البارت الثامن

البارت الثامن ...❤

في قصر عاصم السيوفي .

ليان نزلت تحت وراحت على المطبخ في طريقها سمعت كلام ما بين الخدم اللي جوه بيباركو لواحده منهم ان خلاص هتتجوز ...

ليان دخلت بابتسامتها ورقتها المعهوده وسالتهم بكل حب : ايه ده انا سامعه مباركات ولا انا متهيالي مين هيتجوز هنا .

ردت عليها الداده فاطمه  :دي حنان فرحها اتحدد و هيكون بعد اسبوعين.

ليان بفرحه ايه ده بجد الف مبروك يا حبيبتى ربنا يتمملك على خير يا رب

حنان بأدب وعينيها في الارض : الله يبارك في حضرتك يا ليان هانم .

ليان : ايه يا بنتي ليان هانم دي انا قلت لكم قبل كده انا ما بحبش الالقاب التقيله دي يا ستي انا اصغر منك اصلا ... بصوا  خلوها مدام ليان بس انا ما بحبش ليان هانم والالقاب دي بحس ان انتم مكبرني  على الفاضي والله ... اتفقنا ... يا ريت اي حاجه هاتحتاجيهاا ماتتردديش خالص انك تطلبيها مني احنا اخوات هنا ما فيش حاجه اسمها انا بشتغل هنا وانا خدامه ... ما فيش حاجه اسمها كده ... البيت ده قبل ما يكون بيت بتاع عيلة السيوفي هو بيتكم انتم ... انتم هنا اللي بتحافظ على البيت دا  انتم هنا اللي بتشتغلوا فيه كانه بيتكم ... البيت بيتكم ومفتوح ليكم و بيكم انتم وياريت اعتبروني فعلا اختي ليكم واي حاجه تعوزيها ماتترددوش خالص ان انت تطلبوها... احنا كلنا اخوات زي ماقولت .... مش كده ولا ايه يا دادة .

داده فاطمه بفرحه لاخلاقها الحسنه : ربنا يحفظك ويصونك يا ست البنات ...ويخليك دائما فرحانه وسعيده زي ما بتفرحي غيرك كدا يا رب .

ليان : ويخليك يا داده يا قمر  ...يلا بقى يا جماعه انتم مش تاخدوني في دوكه يلا بقى اتجمعوا كده في مكان خلوا الشيف ليان اللي هي انا طبعا ...تعمل الكب كيك من اللي هي بتحبه ... يلا بقي بسرعه وسعولي كده .

داده فاطمه :يالههههووووي يا بنتي انت اللي هتعمل لي بنفسك طب قولي لنا واحنا اللي هنعملك اللي تأمري بيه .

ليان بجديه مصطنعة : الامر لله وحده يا داده ... وبعدين لا يا دادا انا اللي هاعمله بنفسي انا بحب اعمله وهيكون حلو اوووي كمان و هتشوفي دلوقت طبعا لان انا الشيف محترفه .

داده فاطمه  بخوف : بس يا بنتي ما ينفعش ست حكمه هانم لو دخلت هتبقى مشكله كبير .

ليان بحزم : داده ... لو سمحتي انا باقولك انا اللي هاعمله لو سمحتي يا داده انا ما ليش دعوه انا بحد انا هنا في بيتي اعمل اللي انا عايزاه .

داده فاطمه : طيب يا بنتي ربنا يستر .

ليان جهزت كل المكونات اللي هي عايزاها و بدات تعمل الكب كيك اللي هي عايزاه  ...فجاه ومره واحده وليان واقفه و بتهزر مع الخدمات حواليها و بتعملهم بكل لطف ورقه دخلت عليهم حكمت والكل خائف منها بسبب طريقتها المتعجرفه معاهم