#حب_وانتقام 2
تفاعلن بنات نبي تعلقات حلوه😫
صاحب المحل:ايش رايك في هذي تجي عليك سمحه خاشي شوفيها عليك😉
نسمه:قلبت عيونها
صاحب المحل:اخخخ من الفمه الوردي🤤
نسمه:ا
وفجأه يخش مراد
مراد:برافعت حاجب...نعم تبي حاجه يا استاذ
صاحب المحل:ارتكب من نظرات مراد...اء اء لا شي
مراد:اقلب وجك را نجي نخربه لك
صاحب المحل:ماشى من دون ولا كلمه🤫
نسمه:ومنو انت عدا بيش تدخل
مراد:انا
عزيزه:اهلا اهلا مراد كيف حالك ولدي
مراد:وعيوني في نسمه...تمام عمتي وانتي ايش اخبارك
عزيزه:بخير...ايش صدفه الحلوه هذي
مراد:كانت في كافى قريب هنا ولما خطمت من جانب المحل شفتك
عزيزه:ههه صدفه حلوه ولله
مراد:سلمك
صاحب المحل:الدبش واتي لو تحبي تدافعي توه
عزيزه:نسمه نا ماشيه ندافع وبعدها نروحو
نسمه:يكون احسن ماما
مشت عزيزه ونسمه ومراد واقفين جانب بعض
مراد:شنو عجبك الجو
نسمه:انو جو
مراد:بلا حركات فروخ نزبطك تحبي الجو هض
نسمه:بتحدي...اها نحبه ولو انت راجل ماتجوزنيش
مراد:مسكها من مرفقها ويحكي بغل...ماهو عشان انا راجل حنجوزك لان مافيش حد حكي معي بالاسلوب هض توه تشوفي عليها🔥
نسمه:تحاول تفك روحها...اعلى مافي خيالك اركبه
مراد:ينعن...
عزيزه:جايه من بعيد...شنو نسمه نمشو
مراد:لما شافها جايه من بعيد سيب نسمه
نسمه:تشوف المراد...اها يا ماما خلينا نمشو لاني انخنقت هنا😒
عزيزه:مع سلامه مراد سلملي على امك واجد هلبا
مراد:بضحكه خفيفه...يوصل سلمك
عزيزه:هي مع سلام
مراد:مع سلام
طلعن نسمه وعزيزه وراكبن في سياره وطبعا عيون مراد على نسمه شرار🔥
أسمــــاء أشـــــــرف🔥❤️
روايـــات أســـــــــــماء أشـــــــــــرف
احمد:شنو انشالله كملتو
عزيزه:بتوتر...اء اء يعني هو مم مزالن الحق
احمد:بصوت عالي...شنوووووووووو
عزيزه:اهد اهد انشالله حنكملو بكرى ماتخفش
احمد:وليش وليش ماكملتوش مش نا قالت اليوم تنهو وتجيبو الحاجات كلها
عزيزه:نسمه مافيش حاجه عجبتها السوق كله بضاعه قديمه
احمد:بصوت عالي...نا عارف نا عارف هي ادير هكي عشان ماتبيش الجوازه هذي لكن وربي وربي يانسمه نشوفو كلمة من يلي تمشي
عزيزه:اهد انت بس اهد...فواد يا فواد
فواد:جا...نعم ماما
عزيزه:امشي بسرعه جيب دواء ضغط بتع بوك
فواد:باه...وماشى فواد جاب الدواء وعطه الامه
عزيزه:بشفاء انشالله
احمد:يحكي وهو داهش...اسمعي عزيزه بكرى تاخذي بنتك وتمشي تشري كل حاجه ومانبيش نجي ونسالك ونقولك كملتو اتقوليلي لالا مزال سمعتي
عزيزه:تمام تمام
احمد:خلاص العرس معش مزال عليه حاولي تكملي بكرى
عزيزه:تنهدت...ولا يهمك
أسمــــاء أشـــــــرف🔥❤️
روايـــات أســـــــــــماء أشـــــــــــرف
سمر:باهي وشنو تبي اديري توه
نسمه:مش عارفه بس يلي متاكده منه ان لو اجوزته معش حنخليه يتهنى في حياته دقيقه
سمر:(اختها المتحوزه)لالا نسمه خليك عاقله هض ضابط مامعش لعب
نسمه:ضابط على روحه مش علي ولله نوريه🔥
خشت عزيزه على نسمه
عزيزه:في منو تكلمي
نسمه:في سمر
عزيزه:باهي صكري من عليها نبيك في كلمتين
نسمه:ماما تبيني سمر
سمر:تمام سلميلي عليها وزي ماقتلك خليك عاقله
نسمه:يصير خير باي
سمر:باي
وصكرت نسمه من سمر
نسمه:قعدت على سرير...ها ماما شنو في
عزيزه:اسمعي يا بنت سكتلك واجد راه بوك هزب امبدري نين ضغطه راق
نسمه:ببرود...اها سمعته ومابيتش نطلع عليه بيش ماتصيرش مشكله
عزيزه:لا فالحه ولله بكرى نطلعو نا وانتي لسوق وتقولي مافيش حاجه عجبتني نهارك بعدها...وطلعت وصكرت الباب
نسمه:اووووف شكله مافيش حل تاني غير اني نتجوزه...ههه لكن عادي خلينا نتسلو شوي ونشوف كيف هي حياة المتجوزين🙄
_____________________
#ثاني_يوم_صباح🌤
طلعت نسمه وعزيزه لسوق وشران الدبش كله من بيجامات وكم لبسة جينزا وطبعا الارواب يلي كانت نسمه ماتبيهمش اساساً🙄
نسمه:خشت للحوش...اوووف كراعي خلاص
عزيزه:اهم شي كملنا
نسمه:هض يلي يهمكم😒
عزيزه:حاولي اتغيري من طبعك تبي تتجوزي وتكوني مرات راجل وام صغارك
نسمه:مستحيل نتغير عشان خاطر حد نا طبعي هك كان عجبه باه مش عجبه على كيفه
عزيزه:ربي يصبره عليك
نسمه:نا فوق في داري
______________________
الهام:ياوليدي شيلني انت خير هو فرحك ولا فرح خوك
مراد:يا امي مش فاضي نا اليوم عندي شغل
الهام:والشغل يخليك ماتفضليش ولو حتى يوم
مراد:تنهد...حاضر يا امي امرك بس مش اليوم
الهام:لالا اليوم خلاص العروس جهزت كل حاجه وجابت كل شي ونحن مزالن
مراد:تمام نراجى فيك برا
الهام:هي طالعه
مروان:يعني شنو نا مش حناخذك السوق
مراد:اها نا حنمشي معه
مروان:ضرب راسه في ساس...خساره قبل نبي نعكس شوي بالك نحصلو طرف كيف مراتك😂🤦🏼♀️
مراد:بصوت حد...مروان
مروان:تمام تمام...خلاص بدينا في جو الغيره من توه
الهام:هي نا واتيه
مراد:صبا...هي
أسمــــاء أشـــــــرف🔥❤️
روايـــات أســـــــــــماء أشـــــــــــرف
عدا اسبوع بضبط وجا اسبوع الفرح
العايله كلها ملتمه في حوش احمد من خالات نسمه وعامتها وبنات خالها واختها سمر وصغارها وطبعا كانت في عيون تشوفلها بحسده🔥
ونفس الشي الهام عزامه الدنيا كلها لان طبعا ولده الكبير يلي يبي يجوز مش حاجه سهله
والصبايا الكبار قعدين في الكوجينه ورايحه الطباخ تجنن وخصوصا البصل بتع الرشده😋❤️
أسمــــاء أشـــــــرف🔥❤️
روايـــات أســـــــــــماء أشـــــــــــرف
يوم الحنه بضبط في حوش نسمه
نسمه قعده بين خالات وعماتها وبنات العايله
نسمه:نبيهش واجد ديريلي ناقش صغير وخلاص
عمتها: لالا سلم بنت خوي كثريها انتي عروسه وصغيره لازام اتكثريها بيش ادلعي الراجل
الحنيه:عندها حق عمتك لازام نكثرها لك
عزيزه:اصلا هي بالغصب وافقت
عمتها(هاجر):هي نسومه حبيبتي عشان خاطرنا وخاطر راجل
نسمه:اوووف دايرو يلي اديروه
هاجر(عمت نسمه):تعالي كذا يا عزيزه نبيك
عزيزه:صبت...باهي تعالي
وصبت هي وهاجر وطلعن برا
هاجر:حسيت ان نسمه مش فرحانه كنها
عزيزه:بتوتر...ليش تقولي هكي😅
هاجر:مش بين عليها فرحانه والحق كلنا لاحظن الشي هض
عزيزه:ههه لالا بالعكس هي فرحانه بس كيف اي عروسه متوتره من جوازه والمسؤليه
هاجر:ولله معك حق مزالت صغيره عن زواج
عزيزه:بوها ادر بي مصلحتها
هاجر:ربي يوفقها
عزيزه:انشالله❤️
______________________
وسِام:بتوتر...اء اء انت عارف هي بنت من
مراد:باستغراب...اها بنت تجاره في سوق الحرير...ليش تسال
وسِام:😅ها لاشي
مراد:وسِام نزبطك نا قول ايش عندك عارفني ماعنديش خلوق
وسِام:....يتبع
أنت تقرأ
حب وانتقام
Aksiyon#اعلان_روايتي_الجديده🔥 ايش حيصير فيكِ لو جوزتي وحد لا تحبيه ولا يحبك ولا يعرف عنك حاجه لا واخرى ضابط في مكافحة المخدارت بس المفاجأه انك تلقى روحك بنت اكبر تاجر مخدارت في البلد!ايش ردات فعلك وايش حيكون ردات فعل راجلك،كله حنعرفوه في روايه #حب_وانتقام...
