#حب_وانتقام 11(حلقه اضافيه)
وسِام:واحمد ايش حيصير فيه
مراد:حنقبض عليه ونخليه يعفن في الحبوس💪🏻
نسمه:مصدومه😨
وسِام:باهي انت حتقبض علي بوها ومراتك ايش حيصير فيها حتطلقها ولا
مراد:تنهد...سهل سهل لما يجي وقته الموضوع هض...نمشي نشوف القهوه
وسِام:تمام
مراد:صبا وجا عند الباب لقى نسمه واقفه والدموع على خدها
مراد:انخلع وبصوت واطي...نسمه كنك تبكي
نسمه:تبكي...وربي انت مش انسان كيف داير في هكي💔
مراد:فاهم ان هي سمعت كل شي...خشي توه وحنجي نفهمك كل شي...كر منها السفره وخشى على وسِام
نسمه:كانت تبكي بطريقه غريبه اول مره تبكي هكي يمكن عشان راجلها يلي عشت معه شهور حتى لو كانت ماتحبش بس وجعتها منه ان هو يبي يحبس بوها...بوها يلي لا عمر حن عليها ولا عطف وكان ديما يهزب ويجبر فيها على حاجات هي ماتبيهمش💔بس في الاخير هذا بوها والدم عمره مايكون ميه❤️
_______________
سمر:كلمتي بابا في الموضوع يلي قتلك عليه
عزيزه:كلمته لكن رفض زي المره يلي فاتتخ
سمر:تعصبت...حنشتغل انا و ولدي نبو ناكلو من مال حلال مش من مال حرام
عزيزه:مصدومه في بنتها...تبي تخلفي كلام بوك هو ادر بي مصلحتك
سمر:انا كبيره مش صغيره وعارفه مصلحتي ومصلحة ولدي كويس ومن مصلحتنا نحن الاثنين اني نشتغل..ومشت وسيبتها
عزيزه:البنت ايش صارلها بسم الله الكريم...ماكنتش هكي الله يهديك يا احمد الله يهديك💔
أسمــــاء أشـــــــرف🔥❤️
روايـــات أســـــــــــماء أشـــــــــــرف
وسِام:سلام واي جديد كلمني
مراد:تمام...وصكر الباب
مراد:خشى الصاله وبصوت عالي...نسمهه نسمهه
نسمه:قاعده في الدار ومصكره الباب على روحها وتبكي😭
مراد:مشى شور الدار ويطق...نسمه افتحي عارفك جو افتحي خير مانكسر الباب افتحي قتلك
نسمه: قاعده على سرير وضمه راجليها لصدارها وتبكي...مانبيش مانبيش كنك ايش تبي مني اخرى
مراد:بعصبيه...باهي افتحي نحكو شوي
نسمه:خذت المُنبه وعزقته على الباب وبعيط...مانبيشششش قتلكك مانبيش نشوفككك💔
مراد:كسر الباب وخشى وبصوت عالي...كنككك انتيي انهبلتي ولا شنووو
نسمه:صبات واقفت قدامه وبعيط...مانبيش نشوفك قتلك اطلع اطلع
مراد:بصوت عالي...افهمي قبل كنك هكك انتي
نسمه:حطت ايديها على وذنها...مانبيش نسمع شي افهم افهم
مراد:رافع صوابعه بتهديد..حنسيبك ترتحي توه لكن لنا كلام ثاني مع بعضنا🔥وطلع وسيبها
نسمه:قعدت على الارض تبكي...ليش بس يصير هكي معي ليش...لا اب كويس ولا زوج كويس😭بس وربي يشوف حتى ولو بابا راجل مش كويس لكن مستحيل نخليه يمسكه ويعذبه مستحيل🔥
أسمــــاء أشـــــــرف🔥❤️
روايـــات أســـــــــــماء أشـــــــــــرف
عيسى:خلاص موعد التسليم قرب 4 ايام والخويه توصل
احمد:اخخخ واخيرا فديت وانا نراجي فيها
عيسى:الامور طيبه صحبي يلي يشتغل غادي معهم كلمني وقالي الصقور مشغوله بشي ثاني🔥
احمد:بضحكه خبيثه...كويس كويس
عيسى:انت عارف ان يلي ماسك قضيتك يكون راجل بنتك
احمد:انخلع..شنووو شنو تقول انت
عيسى:خط ايديها وراه راسه...ولله هض يلي نعرفه ومتاكد منه اخرى
احمد:عليك مصيبه😨
عيسى:تميت تقولي توه نكسبه الصافي توه ماني عارف شنو...لا كسبته ولا شي واهو هو يلي ماسك قضيتك توه
احمد:حتم الصفقه هذي حناخذ المراه وفواد وحنطلع برا البلاد
عيسى:اها يكون احسن
احمد:هزا راسه بخوف🔥
_______________
ثاني_يوم_الصباح🌤
مراد:قاعد في الكوجينه يداير في قهوه
نسمه:خشت لكوجينه
مراد:شافلها...صباح الخير
نسمه:😶ولا صوت
مراد:تنهد...افطري وتعالي نحكو بالعقل
نسمه:شافتله...مانبيش نحكي معك مش بالغصب
مراد:كلمه هيي
نسمه:ماردتش عليه
مراد:تلفونه ران
مراد:الو سيدي
لؤي:توه تكون عندي توه
مراد:طلع من الكوجينه...في حاجه صارت
لؤي:تعال وتوه تعرف
مراد:تمام سلام...وسكر
مراد:التفت على نسمه لقها تشرب في كاكاو😂ابتسم على براتها حتى وهي متعصبه شكلها سمحه الفرخه❤️
مراد:انا طلع بعد انجي لي كلام معك نسمه
نسمه:درب يسد مايرد😒
مراد:خذ نفس ومشى لبس وخذ مفاتيح سيارة وعلى طولل للمركز
____________
عزيزه:فجأه هكي تبي تسافر اول مره اديرها
احمد:لا فجأه لا شي بعد 4 ايام حنسفرو تركيا هكي نا نبي
عزيزه:بس
احمد:لا بس لا شي وكام على سمر توه تمشي معنا حتى هي تمام هكي
عزيزه:تنهدت...ربي يقدم يلي فيه الخير
احمد:ايوه هذا يلي نبيه انا خليك ادعي الادعيه السمحه هذين
عزيزه:شافتله بنضره كلها امل...ولله ديما ندعي ربي يهدي وربي يوفق وربي يقدم يلي فيه الخير وانشالله ربي حيستجيب مني❤️
احمد:انشالله انشالله
أسمــــاء أشـــــــرف🔥❤️
روايـــات أســـــــــــماء أشـــــــــــرف
مراد:يعني بعد 4ايام من اليوم حيتم التسليم
لؤي:بضبط...بس توه في مشكله
وسِام:شنو
لؤي:الخاين يلي بينا مزالن ماعرفنه
مراد:معنه المعلومات يلي عرفنهن توه مش لازام تطلع برا
لؤي:وهي هكي انت و وسِام و منير بس يلي عرفين
وسِام:احسن شي
مراد:بنسبه للمداهمه يوم التسليم حنكلم منتصر يجهزلي العناصر ومن الذي منهُ
لؤي:تمام موافقين يا شباب
مراد،وسِام:انشالله
______________
نسمه:ايش تبي اديري توه
سمر:نسمه انا نبي نشتغل نبي نوكل ولدي من مال حلال
نسمه:تنهدت...ولله معك حق لو انا مكنك كانت حندير هكي
سمر:ماتبيش اتجي انتي
نسمه:لالا منقدرش مراد عنده شغل واجد الايام هذي
سمر:ربي يعونه
نسمه:ربي ياخذه
سمر:ايش
نسمه:ها لا شي المهم توه شخبار ايهم❤️
سمر:تمام...وكملو كلامهم
____________
الهام:لي كم يوم على خوك نبي نمشيله وديني له
مروان:يا امي مراد ضابط واكيد مشغول
الهام:وانت ايش دخلك نا نبي نشوفه وانت لازام تمشي معي
مروان:على هكي انا غيرت رائي معش بنجوز
الهام:احسن
مروان:طبعا خايفه لاتسرق منك الانظار يا جميل😂
الهام:ولد عيب
مروان:تحشمتي ووك عليك ياامي خدودك حمر❤️😂
الهام:امتى تعقل بس
مروان:مستحيل حتى يلي نبي نجوزها نبيها هبله كيفي🥴😂
الهام:بدال مانقعد انعني في وحد انعني اثنين ولدي ومراته🤦🏻♂️
مروان:ربي يصبرك علينا الحق🙄
الهام:فعلا😂
____________________
مراد:خشى لشقه لقها كلها ظلام مفيش ولا ضي ولع
خاف على نسمه بذات انها مالهش صوت😨
مراد:ولع ضي تلفونه...نسمه نسمه وينك
وفجأه يجي الضي ومراد يشوف.....يتبع
أنت تقرأ
حب وانتقام
Action#اعلان_روايتي_الجديده🔥 ايش حيصير فيكِ لو جوزتي وحد لا تحبيه ولا يحبك ولا يعرف عنك حاجه لا واخرى ضابط في مكافحة المخدارت بس المفاجأه انك تلقى روحك بنت اكبر تاجر مخدارت في البلد!ايش ردات فعلك وايش حيكون ردات فعل راجلك،كله حنعرفوه في روايه #حب_وانتقام...
