#حب_وانتقام 9
ثاني يوم الصباح
مراد:راقد في صاله على صالون نفس دبشه يلي عليه امس...شوي وران تلفونه
مراد:يتكسل وفتح عين وحد...شاف لتلفون لقه لؤي
مراد:قعد كويس بيش يصحصح...الو سيدي
لؤي:يمشي في الممر و جانبه زحمه وهرجه ودنيا مقلوبه وهو راقيتله...العمليه التغيت...كله بسبب اهملكم...وياريت توه تكون قدمي انت والافندي وسِام
مراد:بصوت عالي...كيف...وامتي
لؤي:تعالى وتوه تعرف...وصكر
مراد:متعصب ومصبي في نص صاله وحط ايديه الاثنين وراه راسه...ليش ليش صار هكي...كان المفروض اليوم ينتهى كل شي...كان المفروض اليوم ينحبس...اكيد في شي غلط...نا متاكد ان في حد معنا بلغه ان اليوم في مداهمه...نا متاكده🔥
نسمه:طلعت من دار تشوف المراد كيف حايس في روحه
مراد:شافلها وبصوت عالي....امشششي اقلبيي وجك من هنا
نسمه:مش حنرد عليك عشان مش
مراد:جا ومسكها من فمها...تعرفي تسكتي ولا نسكتك
نسمه:تحاول تفك روحها
مراد:عزقها على صالون وشافلها بنضره تخوف وخذا مفاتيح سيارته وطلع
نسمه:تشوف للباب وتمسح على حنكها وخدودها...حقير واطي وربي نوريك عليها🔥
______________
مراد:في سياره ويجري بسرعه جنونيه شوي وران عليه وسِام
مراد:بصوت حاد...عرفت
وسِام:من 5دقايق
مراد:نتلاقو في المركز سلام
وسِام:تنهد...سلام
أسمــــاء أشـــــــرف🔥❤️
روايـــات أســـــــــــماء أشـــــــــــرف
مراد جي من بعيد ومقبلته سيارة وسِام جايه من بعيد
واقف مراد سيارته ونزل و وسِام حتى هو واقف سيارته مقابل سيارة مراد
وسِام:جا المراد...شكلها الدنيا مقلوبه جو
مراد:وصل الباب المركزه...الدنيا مقلوبه وحتنقلب علي وعليك لو مدخلنش توه🔥
وسِام:بتوتر...هي باه
خشو مراد و وسِام واول ماخشو قبلهم منير
منير:(من جماعة الاستخبارت)... بسرعه خشو على لؤي افندي..توه كانت عنده وكان متعصب
وسِام:يسترالله وانت ديما جيب الاخيار يلي زي وجك
مراد:يشوف الناس وبصوت حاد...وسِام الحقني
وسِام:سيب منير وماشى ورا مراد
____________
نسمه:قاعده تشرب في نسكافي...يعني هي اليوم كويسه
عزيزه:تشوف السمر وهي توكل في ايهم...يعني الحمدلله احسن من قبل
نسمه:ماما نبي نجيكم اليوم نشوفها
عزيزه:لا نسمه خليك في حوش راجلك واختك خليها ترتح كم يوم بروحها
نسمه:تنهدت بخاطر مكسور...تمام باه
عزيزه:بتوتر...اء ن نسمه ق قتلك
نسمه:كنك يا ماما ليش صوتك هكي وخايفه
عزيزه:ها لا مش خايفه بس نبي نسالك...مراد عارف حاجه يعني انتي حكيتيله
نسمه:ابتسمت على جانب...وتقول في عقلها....😏اصلا هو يلي قالي ان بوك تاجر مخدرات هو اول وحد يعرف فينا
عزيزه:نسمه الو انتي معي
نسمه:ها ماما لا مراد مش عارف نا ماحكيتش معه
عزيزه:تنهدت براحه
نسمه:بس مصيره يعرف ماتنسيش ان هو ضابط في مكافحة المخدرات
عزيزه:انشالله مايعرفش...ولو عارف انشالله يكون بوك
نسمه:مستحيل يتوب ماما بابا مستحيل يتوب ومراد مصيره عارف مني او من شغله
عزيزه:اخخخخ... يصير خير
أنت تقرأ
حب وانتقام
Action#اعلان_روايتي_الجديده🔥 ايش حيصير فيكِ لو جوزتي وحد لا تحبيه ولا يحبك ولا يعرف عنك حاجه لا واخرى ضابط في مكافحة المخدارت بس المفاجأه انك تلقى روحك بنت اكبر تاجر مخدارت في البلد!ايش ردات فعلك وايش حيكون ردات فعل راجلك،كله حنعرفوه في روايه #حب_وانتقام...
