#فتى_القريه_وفتاة_المدينه

الحلقه الثانيه

#فتى_القريه_وفتاة_المدينه

الحلقه الثانيه

عدا ثاني يوم و ثالث يوم و الاسبوع الاول نفس النظام بعد اسبوع كنت قاعد ف الدار و ماسك صورة امي... جتني رساله مسكت تليفوني لقيتها رسالة ماسنجر فتحتها لقيتها من ايميل اسمه *waten al* عرفتها جارة عيت جدي وكانت اخر مره حكيت فبها معاها من 5 سنين فاتن...
لقيتها كاتبتلي *عظم الله اجرك والبقيه في حياتك*
رديت عليها
وتين: عظم الله اجرك البقيه في حياتك
اسلام: اجرنا واجرك على الله
وتين: كيف حالك توا شن داير
اسلام: والله اهو الحمدلله على كل حال

وقعدت تحكي معاي و تواسي في بالكلام ونا ف الوقت هذا بجد كنت محتاج نسمع الكلام اللي حكاته لي حسيت بروحي تريحت شوي.....

اسلام: مشكوره بجد كنت محتاج شخص نحكي له
وتين: ولو في اي وقت صديق الطفوله عاد😅
اسلام : ههههه صحيتي♥
وتين: سلمك تبي حاجه توا
اسلام: تبقي طيبه
وتين: سلام
اسلام: سلام

طفيت التليفون وحسيت براحه شوي تمددت ع السرير ونا حاضن صورة امي لين رقت
_____________________

#وتين

نحكي لكم شوي
انا اسمي وتين سالم ال....... من مدينة درنه نقرا سنه ثالثه ثانوي (قسم العلمي) وكانت امنيتة حياتي ان ندخل كلية الطب بس مانعلمش ان دخولي للكليه هذي ح يقلب حياتي 180 درجه
_________________

كنت قاعده ف الدار مع اختي شوي نسمع صوت عياط ف الشارع طلعت م الدار قالي بابا عيت...... بنتهم ماتت قلت له من قااي نرجس طول خطر في بالي اسلام و كنت عارفه انه متعلق واجد بأمه كيف داير توا بعد ماتت فكرت ندزله نعزيه بس تردت ف البدايه عرفتش كيف ح يفكر لو دزيتله خصوصا ان لي كم سنه معش حكيت معاه بس بعدين دزيت عزيته و حكيت معاه شوي حسيته كنه محتاج حد يشكي له حكينا شوي بعدين استاذنت وسكرت ورقدت.....
_______________

#اسلام

عدا الاسبوع الثاني والثالث كملت شهر عند عيت جدي وروحت لمنطقتي وقعدت نفس النظام كل يوم وفي يوم رن التليفون لقيته #وائل

اسلام: ايوه
وائل: هذي الوعيه
اسلام : هذي هي
وائل: قتلك نبي نخطم عليك بعدين شوي
اسلام: وين
وائل: والله اهو كساد
اسلام: فوتني ي راجل ما عندش جو
وائل: والله ما صارت لي زمان ما طلعت معاك يارا
اسلام: مره اخرى
وائل: لا توا هيا شوي و نوصلك

بعد اصرار من وائل سكرت و غيرت دبشي وصل وائل طلعت معاه مشينا لمطعم تلاقيت مع باقي الشباب كسدت معاهم شوي غيرت جوي و روحت خشيت لدار امي اللي قعدت نرقد فيها من اول ما روحت للحوش لاني نحس امي مازالت فيها...
تمددت ع السرير و فتحت النت لقيت وتين متصل دزيتلها *سلام*
ردت علي
وتين: وعليكم السلام
اسلام: شن جوك
وتين: الحمدلله وانت
اسلام: والله الحمدلله
وتين: في حاجه 😁؟
اسلام : لا غير قبل بنسألك كان تفهمي ف الفيزياء تشرحيها لي لان زي ما تعرفي من وفاة امي قعدت اسبوعين غايب وهلبني دروس

ما نعرفش عليش خطرلي الموضوع رغم اني كنت شاطر في الماده هذي لكن ما نعرفش عليش حبيت نطول الكلام معاها..... طولت ف الرد شوي بعدين قالت لي *انشاءالله توا نشرح لك* دزيتلها *مشكوره* استاذنت مني وسكرت
سكرت و رقدت ومرن الايام على نفس النظام و كنت كل مره نتحجج بسبله عشان نحكي مع وتين و نطول معاها ف الكلام لين علاقتنا قعدت اقوه وقعدنا نحكو ف كل وقت و صرنا اقرب لبعضنا تساع فيا ونساعد فيها ف الدراسه لين وصلنا لامتحانات اخر السنه امتحنا وقعدت نراجي في النتيجه......

وتين: قالو النتيجه اليوم صاح
اسلام: والله مش عارف قالو
وتين: كلمتني صاحبتي بوها يعرف واحد ف الوزاره قاله اليوم
اسلام: باهي انشاءالله خير ربي يوفقنا انشاءالله
وتين: اهي البنت ترن علي شوي نشوفها و نرد عليك
اسلام: تمام
سكرت شوي وردت كلمتني قالت لي انها جابت ممتاز باركت لها وسكرت خشيت نشوف نتيجتي لقيت روحي جايب *جيد جدا* صارلي احباط ما كانش في فرق واجد ع الممتاز لكن ما قدرتش نحقق طلب امي و نخش الكليه اللي تبيها💔 ردت كلمتني وتين
وتين : شن صار معاك
اسلام: جيد جدا
وتين : باهي كويييس الف مبروك
اسلام: يبارك فيك
وتين: في حاجه ولا؟
اسلام: لا ما في شي غيرت ما قدرتش نجيب المعدل اللي يدخلني الكليه اللي نبيها
وتين : بس معدلك كويس شوف تقدر تخش هندسه حتى هو تخصص حلو
اسلام : الهندسه مش حلم امي قبل نبي نحققلها اللي تبيه بس يالله مش مشكله

وتين سكتت شوي بعدين قالت

وتين: خطيب اختي يشتغل ف الكليه توا نشوفها بلكي نقدر نساعدك
اسلام: لا فوتي خلاص حتى الهندسه كويسه
وتين : نجربو شن خاسرين كان قعدت ف الطب حتى نساعدو بعضنا اخرى 😃
اسلام: ههههه باهي بارك الله فيك ي ستي انشاءالله نخشها يبقى
سكرت منها ونا حاط شوي امل ان يقبلوني ف الطب اتصلت بوائل قلت له يخطم علي شوي و جاني

وائل: كيف انت اللي ران علي
اسلام : كيف ما تبينش ولا كيف 🤨
وائل: لا مش هكي غير قبل نكر فيك كر م الحوش
اسلام : اها لا رايق شوي اليوم قلت نطلغ نكسد معاك 🙄
وائل: معناها حصلت الممتاز 🤩
اسلام : لا لكن قول انشاءالله حصلت مكان ف الطب
وائل : والله انشاءالله ي نصي بيش نقعدو مع بعضنا
اسلام : و حبيبة القلب وين
وائل : حتى هي معاي
اسلام : اوووووو هذا وين خربتو الجامعه يا صايع🤣
وائل : عيب ي امسخ والله حبنا نظيف🙂
اها قبل ما ننسى انزل بنمشي نتلاقى معاها
اسلام: صار نظيف ها مش نازل ماشي معاك😉
وائل : انزل يرا ما تصدعنيش
اسلام : ع الطلاق ما نازل كراعي ع كراعك 🙃
وائل : مش كنت كملت اكتئابك اليوم ف الحوش وبكره كلمتني🙂
ولع السياره ومشا وقف ف المكان اللي يبي يتلاقى فيه مع صاحبته (نجوى) نزل هو و اسلام
وائل تلاقى مع صاحبته و اسلام وقف بعيد شوي يراجي فيه

وائل : هيا نمشو
اسلام : وين طولت يرا
وائل: اهو عاد هيا

خطمت نجوى من جنبنا بحتت في بنظرة غريبه بس ما دورتش ما حطيتش الموضوع في بالي
قعدت مكسد مع وائل روحت للحوش ع الساعه 12 خشيت رقدت طول مرن يومين ما حكيتش فيهن مع وتين بكل لين رنت علي بعد يومين
وتين: ايوه
اسلام : مرحبا شن جو
وتين : الحمدلله قتلك
اسلام : نعم
وتين : ع موضوع الطب
اسلام : بااهي!!!
وتين : نقولك بس تزعلش تمام
اسلام : ما صارش شي صاح🤦🏻‍♂
وتين: .........

#يتبع

لو عجبتكم الحلقه تفاعلو 😁💖