احببته صدفه❤️💫
الحلقة4
مروة:معليش اعطيني نسكافيه! وشافت ل عمر
عمر:ياحليليي اني نحب فعيونها هلبا
رواد:من هياا😒
عمر:مدخلكش نزل راسك وبرا اشرب قهوى اني بنمشي للبنت شوية
رواد:تي وينن اعطيني حق القهوة مفلس اني ره
عمر:زمر وانتا ديما مفلس
رواد:ايه وهادي الطرف من هيا؟
عمر:مش قتلك نزل راسك لوطه
رواد:متقوليش هادي البنت يلي قال عليها علي
عمر:اي هيا ونزل راسك بسرعة
رواد:باهي النم مش واكلها
عمر:ماشيلها اني وانتا اقعد اهني
رواد:😒😒
عمر:ياهلا بالحلو
مروة:انتا خيرك زي العفريت وين مانمشي نلقاك
عمر:عرفيت يركبك ان شاء الله
مروة:تقلد ف كلامه ... عفريتت يركبكك انننن
عمر:فرخة ....
مروة:وبالك مش عاجبك؟!
عمر:لاالامور طيبة ...ويفكر بينه وبين نفسه معقولة هادي متاع ولاد تي ديما تلزز فيا نم
مروة:شني
عمر:شي ...خيرك مش ف المحاضرة
مروة:ناصبة عركة مع الدكتور😒
عمر:حتى الدكتور مش سالم من لسانك😂
مروة:😒😒
عمر:هي ماشي اني
مروة:وين؟
عمر:بالوين😂
مروة:ها ها دمك خفيف😒
عمر:عارف .. المهم الولد يستنى فيا
**روايــــــــــــات بــــــقــــــــلــــــم**
لــــــــجـــــــيــــــن عــــــــــبــــــدو🔥❤️ ___________________________________
عمر:هياا نوض
رواد:شوية خلي نكمل قهوتي براحة
عمر:تي نوض ياحمار البنت أكيدة بتروح توا
رواد:مش محاضرة توا؟ هيا علاش طالعة اصلا
عمر:حاجة تخصها هيا لسيارة بسرعة
رواد:افففف به
___________________________________
نور:اخ محلاهااا بلادي
صهيب:ايه كان ماقلتيليش بعد يومين تبي تولي ل ايطاليا نديرلك يلي تبيه
نور:متخافش مش ح نقولك
صهيب:تو نشوفوا
نور:ايه بنخش ندوش اني
صهيب:باه
نور:خشت الحمام ....اتصلت ب رغد بس ماردتش! افففف هالخراا متردشش
تررن ترررن
علي:شن صار معاكم؟
رواد:قاعدين نستنوا فيها تطلع
علي:تمام
عمر:كان يطلع هالحمار يكدب بنصفيه ره
رواد:صلي ع نبي هذا كله ع خاطر هالبنت
عمر:اي ع خاطرها
رواد:اهيي طلعتت
عمر:به عيونك لوطه توا
رواد:زمر تحسابها مرتك؟
عمر:عن قريب
رواد:احلف
عمر:اسكتت اهياا
رواد:راكبه مع ولدد
عمر:ضم فمك هدا خوها
رواد:ومن قالك ..ينزل عليك الوحي متلآ
عمر:مرة شفته وهيا معاه قالي بنوصل اختي ونكلمك
رواد:ااااء به
عمر:طولل طريق وهوا وراهم لين شافها خشت للحوش هيا وخوها
رواد:هدا حوشهم
عمر:خيرك انتا غبي واضحة قصدي خش معاها خوها معناها حوشهم
رواد:قصدك بنقعدوا اهني لليل
عمر:اي بنشوفوها كان بتطلع ولالا
رواد:بهدلتني اليوم
عمر:مافيش حد تبهدل غيري وانتا زي لمراء يلي تتوحم ازح
تررن تررن
روان:خزي روحتي وماقلتيش
مروة:تي مليت بروحي ودكتور حاطني ف راسه الزفت
روان:ونبي؟ تناشبي فيه عيني عينك وتقولي حاطني ف راسه؟
مروة:ايه مرزن دمه
روان:اخخ منك🤦🏻♀️
مروة:اي حقا ريت عمر اليوم ف الكافتيريا متاع الجامعة
روان:من عمر؟
مروة:ياغبؤ يلي حكيتلك عليه طلع قريب بنت عمي ووو
روان:ااا ايي ماشاءالله حافظه اسمه😂
مروة:لاباالك تبيني ننساه؟
روان:اني نسيته😂😂
مروة:به المهم جي ف الكافتيريا وبعدين لما خالد روح بيا لقيته وراناا
روان:الله؟ علاش يلحق فيكم
مروة:مش عارفة حتى واني نازله شبحته هوا ومعاه ولد تاني وقفوا سيارة قدام حوش جيرانا
روان:اها شكله يلحق فيك واضحة زي عين الشمس
مروة:تحسابيني كنت نستنى فيك باش تقولهالي تي نقصد أكيدة في سبب علاش يلحق فيا؟!
مروان:مش عارفه الحق
مروة:اي حتى اني حمارة ف من نسأل🤦🏻♀️
روان:ومن وين بنعرف اني؟ 😒
مروة:كان بيقعد لليل بنطلع نشوف خيره
روان:متخافيش انتي؟
مروة:لا🙂
روان:بتحصلي ف مشكلة كان يشوفك خوك ولاحد من اقاربك اوو جيران
مروة:تو نتصرف ✊🏻😂
___________________________________
رغد:لقيتك متصلة بيا شن في روحتي؟
نور:اي علاش مترديشش؟؟
رغد:كنت ف المحاضرة
نور:باه قوليلي شافها اليوم
رغد:لا اليوم استغربت فيه ماباش ينزل طول وصلني وروح
نور:اها حلوو
رغد:ايه
نور:كل ماتعرفي حاجة اتصلي بياا
رغد:مش مجبورة اني!
نور:مجبوررة عندي صور ونوريهم لخوك ف اي لحظه!.. ديري يلي نقولك عليه وفمك ساكت!
رغد:حقيرة🙂
نور:مش مهم ع اساس انتي الملاك
رغد:طووططط ... لازم ناخد منها صورر بتشهدر بيا هادي😭💔
كريمة:رغدددد
رغد:تمسح ف دموعهاا .... نعممم
كريمة:تعااليي مرت عمك جتت
رغد:جااية
سامية:اهلين رغوده
رغد:اهلا بيك مرت عمي كيف حالك وحال عمي ووجدي وباقي العيلة
سامية:حمدالله كلهم بخير يسلم عليك فؤاد
رغد:قلبت وجهها ...هه الله يسلمه خلي نوض نجيبلك قهوى
كريمة:هههه تحشمت
سامية:ايه ههههه كلهم لبنات هكي
