تَزوجُت يتِيمة

البارت السادس

- ‏هناك حالة أسوأ من العمى ، وهي رؤية شيء ليس له وجود!

نبدي☺

امير:بعد تفكير كولش مطول فكرت انو ارجع لبغداد صح ابوية ضايج منة اني بس مهما يصير يبقى ابوية
رحت من الصبح زرت انس ووعدتة كول اسبوع اجي ازورة بس هل مرة خذت البنات وايان وياية وجوان كلش انهارت تندمت لان جبتهة بس حقهة لازم تودعة لان راح اخذهه ويانة لبغداد رجعنة للبيت الكل منهار اني كول ما ازور انس يصير جسمي كلياتة يرجف من رجعت اخذت علاجي صرت احسن شوي نزلت حتة اكول لرهف تحضر نفسهة
*رهف

رهف:نعم

امير:كولي لجوان تحضر نفسهة ونتي هماتين

رهف:اوك والمدرسة

امير:خلي كولشي علي

رهف:اوك

جوان: بعد معرفت انو حيرجعون البغداد كلت اكيد حيعوفونة هنا اني وايان بقت الافكار تفتر براسي
صحتني رهف وهية تكولي

رهف:جوان خلي نحضر باجر نرجع لبغداد

جوان:بس

رهف:شششش لتكولين شي حضري حبابة لتكولين ابقة هنا اوك فحضري

جوان:عفت رهف ورحت لامير
امير

امير:نعم(بابتسامة جانبية)

جوان:اني مريد اروح

امير:شنو وليش

جوان:اريد ابقة هنا اني وايان

امير:الي تفكرين بي مستحيل اوك روحي حضري عيني انتي امانة عندي ماكدر اعوفج هنا ومدينة بعيدة وبالنسبة لانس لتخافين كول اسبوع نجي اني وياج اوك

جوان:قنعني بكلامة
اوك
رحت حضرت اغراضي واغراض ايان ونزلت الكل منتضرني ايان راح لامير

رهف:امير شلون نروح

امير:سويت جوازاتكم البارحه

رهف:صدوك يعني نروح بطيارة

امير:يي
يلة تاخرنة مستعدات(حبيت الطف الجو)

جوان:اني خايفة

امير:ههه انتي كعدي يمي ولتخافين

رهف:ههه خوافة
يله نروح

امير:وصلنة للمطار انتضرنة دقايق خليت الحقائب بالمكان المخصص الهة ورحنة كعدنة بالطيارة
خليت جوان يمي لان تخاف وايان هماتين يمي
ورهف حجزتلهة الكرسين حتة ترتاح ومتتقيد بشخص يمهة
طارت الطياره حسيت جوان لزمتني حيل من ادية صدك ضحكت
*ههه جوان ع كيفج مراح اطير

جوان:صعدت بصف امير حسيت الطيارة دتطير كلبي وكف لزمت دينات امير حييل من حسيت بالامان شوي عفتهة بس حسيت بالاحراج منة

امير:هذي اول مرة اصير قريب من جوان حسيت بشعور ماعرف شنو اوصفة باوعت ع رهف نايمة ولازمة ايان هم نايم وجوان هماتين نامت رجعت براسي ع الكرسي وبقيت اتأمل وجه جوان متنطي شبة لانس

-----بعد مرور دقايق------

امير:وصلنة لبغداد كعدت البنات نزلت الجنط واخذنة سياره ورحنة للبيت ترددت ادك الباب
استجمعت قواي ودكيتة طلعلي بابا
اول مشافني صار يبجي

ابو امير:اباوع عليهم كبرانين تحسرت ليش عفتهم من ورة زوجتني الي تريدلي الشر سلمت عليهم ودخلتهم جبتلهم مي

رهف:بابا اكعد لتعب نفسك اني اجيب

ابو امير:تعالي رهوفة بابا بقة يبوس بيهه ويسألهة ع المدرسة

امير:حسيت ب جوان ممرتاحة او مستغربة المكان كلت الرهف يصعن ايبدلن وبقيت اسولف ويا بابا

ابو امير:بابا مسولفتلي منو هاي البنوتة والطفل شنو متزوج انتة

امير:لا بابا (وبديت اشرح لبابا الي صار بأنس تأثر علي كولش لان جان بابا يعرفة)

ابو امير:بس بابا ميصير تبقون هيج

امير:ليش بابا

ابو امير:اي بابا اذا انتة تفكر ب ايان وتريد دير بالك عليهم زوجهة

امير:شنو(تصدمت من كلام بابا)

ابو امير:اي بابا احسن حتة الناس مياخذون عليهة نظرة محلوة انتة تعرف الناس هذي اولا
وثانيا البنية حلوة ومبينة مؤدبة
وبهل حالة راح دير بالك عليهم وتحفظ الامانة

امير:كلام بابا صح بس اني عقلي مديستوعب هل شي
بابا افكر

ابو امير:ولو هية ميحتاجلهة تفكير بس اخذ راحتك

امير:اي مسولفتلي ع زوجتك

ابو امير:ليش دتذكرني بيهة
وحدة خاينة جانت دتستغلني
وفرقتني عنكم بعد ماريد اكمل

امير:اوك اوك اهداء لعد شنو جنت اكولك بابا

ابو امير:امير كافي اني داحس بالذنب تجاهكم

امير:اوك بابا انسة تره احنة نسينة وشنو سويت بينة تبقى بابا الغالي(كمت بست راسة)

ابو امير:وين الكة مثلكم حبايبي

امير:ههه متلكة
اكول راح اجيب اكل من برة لان جعت

ابو امير:اوك ديربالك

--------
جوان:بعد مجينة لبيت ابو امير حسيت روحي غريبة بينهم كولش ضجت ودمعتي وصلت لطرف عيني بعدين صعدت وية رهف ودتني لغرفة كالت هذي غرفتج حلوة بس بعد ترتيبات تصير احلى بقيت اعزل غراضي وغراض ايان ونلعب اني وايان بس هوة الي يفرحني ويطلعني من حزني

❤____❤
بارت جديد
رأيكم بي
حلو لو لا
منتضرة رأيكم🌹