تَزوجُت يتِيمة

البارت الثالث عشر

- خيبو ظنيّ ريتني بيهُم ما تباهيت ☹️

امير/بعد مراحت رهف دخلت للغرفة شفت جوان كاعدة ع جرباية ومبين القلق والخوف ع وجهة
جوان روحي بدلي حتة نتعشة

جوان/بعد مراحت رهف ما عرفت شنو اسوي حسيت بجسمي كلياتة يرجف والقلق والخوف اكلني دخل امير حسيت نفسي نكطع.
رحت للحمام بدلت وحتاريت بالفستان كوه فتحتة فتحت التسريحة وسبحت حتاريت شنو ألبس رهف مخليتلي ملابس كولش فضيحة اووف منج رهف لبستهن ولبست روب الحمام فوكاهن وطلعت لكيت امير مبدل وكاعد يكلب بالفون

امير/بعد مراحت جوان للحمام بدلت وطلبت اكل وصل وكعدت أكلب
تعالي جوان ناكل

جوان/شكرا ممشتهية اكل انت ورحت للجرباية

امير/راحت للجرباية مكليت اصلن اني ممشتهي اكل رحت حتة أخذ مخدة من الجرباية دنكت داخذهة

جوان/كاعدة والبجية واصلة لطرف عيني أول مره هيج أصير قريبة من أمير تقربلي راستن بجيت
اممير(بدموع)

امير/خذيت المخده
ارتاحي
رحت ع القنفة ودرت وجهي عنهة وبقيت أفكر ليش هل كد كارهتني؟

جوان/اني شنو سويتة بنفسي أكيد غلط(بداخلهة)
نطرحت ع جرباية وبقيت ابجي بصوت خافت
اووف هسه أكيد كرهني بس مادري ليش سويت اني هيج
بقيت ابجي لحد منمت مدريت بنفسي

امير/الليل كولة واني أفكر اصلن من البداية زواجنة غلط بقيت كاعد للصبح مكدرت انام
باوعت عليهة اصلن هية طفلة مو مال زواج اخخخ راسي جينفجر من التفكير كمت سبحت وبدلت طلعت بالبلكون كعدت ع كرسي وبقيت أكلب بالفون

جوان/كعدت الصبح عبالي بغرفتي وبعدين تذكرت الي صار البارحة اوف باوعت امير ماكو

امير/شفت جوان كعدت رحت كولتلهة
جوان بدلي حتة نرجع للبيت

جوان/حجة هل كلام وهوة ميباوع بوجهي
مبين منايم البارحه شكلة تعبان
حملت نفسي السبب دمعت عيوني ورحت للحمام غسلت وبدلت وطلعت باوعت امير ماكو عزلت الغرفة ع سريع وبقيت أرتب بشعري
وره دقايق دخل امير وجايب ويا اكل

امير/تعالي ناكل

جوان/مار..

امير/اشش بدون كلام تعالي

جوان/رحت كعدت وبقينة ناكل اتصلوا ع امير

امير/رفعت الفون اتصلوا علي من المستشفى
هلا
بس
اوك اوك بعد ساعه اني يمكم
.....
جوان إذا كملتي خلي نرجع للبيت اتصلوا علي عندي حالة طارئة

جوان/اوك معندي شي بس الأغراض

امير/بعدين اني اجي اخذهن
نزلنة ورحنة للسياره الطريق كولة ساكتين وصلنة للبيت
جوان ماريد احد يعرف بلي صار بيناتنة اوك