الحــــارســــات المــــقــــدســــات📖✨️|🇲🇦

2

🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 11💜📖
الغرفة كانت غرفة مرتبة و أنيقة سرير لشخص واحد بالماريو و  و كوافوز صغير بالمراية و فواحد القنت كاينة فيترينة كبيرة فيها بزاف ديال الكتب و الديكورات سكينة واقفة تتمنضر حيت ناذرا متدير طليلة على بيت جداها بحكم ديما مسورتة عليها متتخلي حد يدخل ليها..
فطومة:اجي حدايا
سكينة تقدمات و جلسات حداها فوق الناموسية:نعام ا جدة هانا تنسمعك
فطومة جبدات كتاب كانت حاطاه حداها كان كتاب من شكلو و غلافو قديييم بزاااف كان فلون ذهبي و بنقوش و جوهرة زرقاء وسطو شافتو سكينة و هي تشوف ف فطومة:جدة هدا كتاب ديك القصة لا؟؟
فطومة:ايه هدا هو الكتاب لي كنت تنقرا ليك فيه القصة ديال كيتي نيكو القطة البرية لي لتاحقات بأكاديمية يوغموندل عقلتس عليها؟؟
سكينة:و علاه منعقلش عليها كنتي ديما تنعسيني بيها حتى حفظت كل سطر فيها كانت عندها صاحبتها شيشيتا و أوميرا و زيشار و بيلان و لوكريتيا و بزاف ديال الصحابات و الصحاب علاش جبدتيه ا جدة احمباك متقوليش ليا غتعاودي ليا قصة و الدريات تيتسناو فيا
فطومة:حطي يديك على الكتاب
سكينة:علاش؟؟
فطومة خنزرات فيها اما سكينة حطات يديها على الكتاب بلا متزيد حتاشي كلمة فجأة بدا تيخرج نور من الكتاب و سكينة حلات فمها فهادشي لي تتشوف الكتاب خرج منو ضو؟؟
سكينة شافت ف فطومة لي متحركات فيها شعرة باينة عليها ماشي أول مرة تشوف هكا يعني موالفة:ج جدة اش اش هادشي؟؟
فطومة شافت فيها:كنت عارفة هادشي و شكي فمحلو البارح كانت ليلة 1000سنة بنتي نتي حارسة مقدسة
سكينة حلات فمها ممصدقاش اش تتسمع بودنيها لا واش جداها يمكن تسطات ولا مشرباتش دواها؟؟ كيفاش حارسة مقدسة لا تدوي من نييتها
فطومة: عارفة هادشي غيجيك خيال و مكاينش واخا عارفة بلي فقرارة نفسك تتحاولي تصدقي هادشي
الكتاب زاد النور ديالو و تهز فالسما خارج من الغرفة فطومة ناضت بذعر:فين غااديي
خرجات تابعة الكتاب اما سكينة داك شويكوك ديال الاستيعاب لي بقا عندها خلاها تنوض تبع فطومة.. الكتاب بقا غادي حتى وقف على البنات فالصالون بقاو تيشوفو مستغربين كيفاش كتاب تيطير؟؟؟ بقاو مستغربين و تيحكو فعينيهوم واش هادشي لي تيشوفو بصاح حتى وقفات عليهوم فطومة و علامات التعجب على وجهها...
فطومة:ميمكنش
سكينة جات من موراها غير تتشوف بعينيها...
فطومة قربات منهوم تتشوف فيهوم و تتمعن فيهوم و للحظة كأنها عاد عرفات الجواب:ن نتووما حااارسات مقدسااات
البنات تيشوفو فيها باستغراب اش تتخرف هادي؟؟
فطومة شافت ف شيماء :نتي شيشيتا وولف
شافت ف أميمة:نتي أوميرا دراكيلمو
شافت ف بيان:نتي بيلان فيرغ
شافت ف زهرة:نتي زيشار بينيه
شافت ف لارا:و نتي لوكريتيا مارغي
البنات متفاجئين:كيفاااش؟؟؟
فطومة تلفتات شافت ف سكينة: ونتي كيتين نيكو، ممصدقاش بلي تجمعتو دقة وحدة الحارسات المقدسات ديال هاد الجيل
فطومة هزات الكتاب و قرباتو من البنات:حطو يديكوم عليه
البنات مفاهمين والو مترددين
فطومة:متخافوش غير حطو يديكوم
البنات ب أيادي متوترة حطو يديهوم على الكتاب و حتى سكينة فهاد اللحظة تمتصو من قبل الكتاب و دخلو ل الداخل ديالو...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 12💜📖
من بعد ما تبتالعو البنات مع فطومة وسط من الكتاب تلاحو فواحد المكان فارغ كولو منور بقاو تيشوفو بعينيهوم فين كاينين تيبان ليهوم غير الضو فقط فجأة بدا تيشع ضو فالأجساد ديال البنات و خرجو منهوم أرواحهوم المقدسة لي هوما بطلاتنا و حارساتنا السابقات نعم!!! داوية عليهوم هومااا كيتين نيكو،شيشيتا وولف، أوميرا دراكيلمو، بيلان فيرغ، زيشار بينيه و لوكريتيا مارغي هوماا الأروااح لي سكنو هاد الحارسات البشريات لي قدامنا..خرجو من أجسادهوم و تقابلو معاهوم بابتسامة...
كيتي:متصورتش انه الجيل القادم من الحراس المقدسين يكون ف أيدي البشر مرحبا بيكوم لأول مرة نصادق فيها الجنس البشري بحكم الحقبة لي كنت فيها مكانش ليهوم وجود (شافت فسكينة) نتي هي حارستي المقدسة و انا روحك و كنزك المقدس البارح كانت ليلة 1000سنة و فهاد الليلة المباركة تيتم استدعاء الحراس المقدسين و نتوما هوما حارسات هاد الجيل سكينة عندك روحي روح القطة البرية شيماء عندك روح المستذئبة شيشيتا، أميمة عندك روح مصاصة الدماء أوميرا، بيان عندك روح جنية الشفاء بيلان و نتي ا لارا عندك روح الساحرة لوكريتيا و زهرة روح الشبحة زيشار حنا الحارسات المقدسات ديال الجيل السابق تنعهدو بأرواحنا ليكوم يا حارساتنا
شيشي شافت ف كيتي و فصحاباتها:شحال داز ديال الوقت على الموت ديالنا
لوكريتيا حركات يديها:ألاف السنين و ها حنا تستدعينا كأرواح مقدسة لهاد الحارسات الجديدات
أوميرا:شحال خايبة تستدعينا فعالم معندو حتاشي صلة بعالمنا
زيشار:متشوقة بزاف نستخدم القوى ديالي مرة خرى هه
بيلان:عندك الحق ا أوميرا عشنا حياتنا حنا و عائلاتنا و ولادنا و دابا تستدعينا لمهمتنا
شيشي:دويو على راسكوم انا معندي لا عائلة لا ولاد بايرة و أفتخر
فطومة تضحك:ههه باقي كيفما نتوما متبدلتوش كيفما مخلية ليا الجدة ديالي فالكتاب قصتكوم تداولات حتى وصلات هاد الجيل لي قدامكوم دابا
كيتي قربات منها و بدات تحقق فعينيها الخضرين:نتي؟! نتي من السلالة ديالي!
فطومة:ااه انا من السلالة ديالك وحدة من الجدات ديالي كانت قطة برية وقعات فحب مع بشري و تزوجو و ولدو و من تما العرق البشري دخل فالسلالة ديالك
كيتي شداتها فيديها:متصورتش نتلاقا بوحدة من حفايدي و تكون بشرية
فطومة بابتسامة:انا نص بشرية نص قطة برية
حطات يديها على نص وجهها غير حييداتها بان نص وجهها على شكل قطة سوداء
سكينة و البنات دهشرو و رجعو اللور اكثر من ما كانو مدهشرين من اش تيشوفو و اش تيسمعو فضلو يلزمو الصمت باش عقلهوم يتقبل هادشي لي خارج عن حدود المنطق و الواقع
كيتي:يعني العرق ديالي باقي (شافت فسكينة) و الحفيدة ديالك؟
سكينة:ج جدة هادشي متيدخلش ل الراس اش هادشي تنشووف البناات تسرط ليهوم لساانهوم مبقااو كاع تيتحركوو ديريي شي حاااجة..
كيتي:عارفة بلي صعيب هادشي يتقبلو عقلكوم ولكن هادشي كولو بصاح نتي عارفة قصتي مع أكاديمية يوغموندل نفس الشي لي وقع لينا انا و صحاباتي غيوقع ليك مع صحاباتك سكينة نتي من السلالة ديالي و تتفكريني ف أيامي محبة و عزاز عليها الناس و تتخلق الصداقات صحاباتك غيستوعبو كلشي الأهم هو نتي واش تايقة فيا انا و جداك؟؟
سكينة شافت ف فطومة و شافت تاني ف كيتي بتوتر:اا ااه تايقة فجدة
كيتي بتاسمات و شافت ف شيشي و لخرين و حركات راسها ديك الساعة دخلو ل عقل صحابات سكينة و تغلغلو فأعماق ذكرياتهوم...
فطومة:بنتي سكينة عارفة صعيب عليك تصدقي هادشي ولكن على الأقل تييقي ولو غير شوية
سكينة تلفتات شافت فصحاباتها لقاتهوم مليوحين فالأرض غايصين فنوم عميق:شنو درتو ل صحاباتي؟؟
كيتي:متخافيش غادي غير نوريوهوم لقطات من ذكرياتنا باش يقدرو يتقبلو هادشي
سكينة:انا مصدقاكوم حيت عييت منقرص فراسي مبغيتش نفيق يعني هادشي معقوول
كيتي شداتها فيديها:انا وياك واحد دابا نتي حارسة مقدسة و انا روحك و هدا(هزات الكتاب و مداتو ليها) هذا هو كنزك المقدس انا تنمررو ليك ا حفيدتي و حارستي سكينة
سكينة تتشوف فالكتاب المضوي بعيونها اللماعة شداتو من عندها و فهاد اللحظة المكان زاد شعل بالضو حتى مبقا تتبان ليها حتى حاجة فاش حلات عينيها لقات راسها فالشقة ديالهوم و فطومة حداها و صحاباتها فايقين...
شيماء:حنا حارسات مقدسات
أميمة:و عندنا أرواح مقدسة
بيان:و كنوز مقدسة
زهرة:و قوى و قدرات غير عادية
لارا:و خصنا نحميو العالم من الشر
سكينة:البناات مالكوم وليتو بحال شي روبووااات
شيماء:دواات معايا شيشيتا قاالت ليا كللشي
أميمة:دوااو معانا كلنااا و قالو لينا كلشي
فطومة:ايوا دابا عاد غندوي معاكوم جلسوو...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 13💜📖
فطومة:دابا البارح كانت الليلة ديال 1000سنة و فهاد الليلة تيتم استدعاء الحراس المقدسين متصورتش بلي غيكون من الجيل ديال حفيدتي الأهم هو عشت حتى قدرت نشوفهوم خصكوم تعرفو بلي نتوما ماشي بشر عاديين نتوما حارسات مقدسات و على العاتق ديالكوم مهمة ماشي بالساهلة خصكوم طوورو قدراتكم تواصلو مع أرواحكم و تعرفو ذاتكوم حيت كيفما بان النور ديال الخير مرة خرى أكيد غيبان ظلام الشر فكونو مستعدين لأي حاجة توقع ليكوم و ديرو فبالكوم بلي مداوياش على البشر داوية على كائنات عمركوم شفتو بحالها والا في احلامكم داكشي علاش خصكوم الشجااعة تم القوة باش تواجهو الصعااب و نتي ا سكينة هاد الكتاب كان ديال جدتنا كيتي هدا هو الكنز ديالها المقدس و دابا تتمررو ليك يكون كنزك المقدس نتي (شافت فالبنات) و نتوما فين كنوزكوم المقدسة؟؟
شيماء جبدات ساروت،أميمة سنسلة، زهرة براسلية، بيان طوينگة اما لارا خاتم..
فطومة:هادو هوما كنوزكوم المقدسة حتافظو بيها و عنداكوم تخالط ليكوم مع حاجات خرى اولا واحد من لي تتعرفو طيح بين يديه الى ضاع منكوم كنزكم المقدس راه مصييبة...
سكينة:متخاافيش ا جدة غنديروهوم فعينينا
فطومة:هادشي لي بغيت نسمعو المهم من بعد و نكملو غنوض نسخن الغدا دابا
سكينة:دابا دويتي ا جدة
ناضت فطومة سخنات الغدا اما البنات تخشاو فبعضياتهوم بحماس و فرحة من غير بيان لي كانت متوترة وسط منهوم مجرد فكرة انهم عندهوم قوى خارقة تتزيد تحمسهووم يستعملوها و يكتاشفو نفوسهوم الجديدة حطات فطومة الغدا و كلاو حتى شبعو و جمعو الميعنات..و بما انهم داخلين مع 4 فقررو يجلسو مزال عند سكينة مجمعين حتى تسمعو السوارت فالباب تمات داخلة امرأة كانت شابة لابسة عصري و طالقة شعرها البني ملامحها زوينة و عينيها خضرين..
سكينة ناضت لقاتها امها:ماماااا(مشات عنقاتها)
الأم بتاسمات و استقبلات بنتها فحضنها:لباس ا بنتي
سكينة:بيخير و نتيي جيتي ليوم بكري من الخدمة
الأم:ااه ههه لباس(طلات على الصالون) ااه معاك صحاباتك هه السلام
البنات:السلام خالتي
الأم شافت فبيان:هادي شي صاحبتك جديدة لا؟
سكينة:اه هادي صاحبتنا بيان غير اليوم انتاقلات عندنا ل القسم ههه
الأم:ااه مرحبا بيك ا بنتي
بيان:رر ربي خ خليك اخالتي
الأم:نخليكوم انا نمشي نشوف ماما
مشات مامات سكينة و رجعات هاد الأخيرة جلسات مع صحاباتها...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 14💜📖
بيان:م ما شاء الله متتبانش ف ماماك واش تكون عندها بنت قدك
سكينة:ههه كلشي تيقولها ليا يتصحاب ليهوم واش انا ختها
شيماء شافت فبيان:هاديك ا حبيبتي راه تزوجات على 16عام داكشي عندها بنت فداك العمر
بيان:و واش بصاح كيدارت ليها؟
سكينة:معرفتش اختي ههه ديك الساعة ماشي بحال دابا كاين سن قانوني و كدا
بيان:ااه و باباك فيناهو؟؟
البنات تيشوفو فبعضياتهوم عارفين هاد الموضوع قداش حساس و تيضر سكينة فخاطرها..
سكينة بابتسامة من موراها حزن عميق:بايا و ماما مطلقين
بيان بحزن و آسى:سم سمحي ليا مقصدتش
سكينة:لا لا مديريش فبالك داكشي فات و مات و انا فرحانة بزاف حيت تربيت على يد جدة و مع ماما بابا اصلا باني حياتو مع وحدة خرى
أميمة:احممم نبدلو الموضوع احسن الوقت قربات خصنا نمشيو لدارنا نبدلو لكتوب بعدا
شيماء:اه عندك الحق استحلينا الجلسة ههه
زهرة:عندك الحق انا نوض ليا وكان
لارا ناضت حتى هي:انا غنشد ليا طاكسي مافيا لي يمشي على رجلي
بيان بذعر:انا نسيت كاع معلمت ماما غتكون خايفة عليا
أميمة:متنضنش تيليفونك ماصوناش يعني مخلياك على راحتك
سكينة:يالاه ا البنات نتلاقاو فالمدرسة مع 4
توادعو البنات و مشاو كلهوم الا بيان لي بقات صونات على مها هو الأول طمئناتها عطات ليها العنوان لي خداتو من سكينة باش تسيفط ليها الشيفور يديها..
النهار داز عادي كيف ديما دخلو البنات لحصصهوم من بعد رجعو لديورهوم دارو نشاطاتهوم الروتينية و نعسو...
🌻فالغد ليه🌻صباح جديد بنشاط جديد حارساتنا فاقو و كل وحدة دارت روتينها الصباحي و توجهات لمدرستها شيماء طرگات سكينة و مشاو طرگو أميمة من بعد طرگو زهرة اما لارا جات بالطاكسي و بيان جابها الشيفور هاد المرة هازة صاكها فيه ادواتها و واجدة باش تبدا يومها الدراسي...
تلاقاو هاد السداسي قدام القسم ديالهوم بقاو مجمعين حتى وقف عليهوم الأستاذ كان باقي شاب و وسيم شعرو قهوي و عينين زرقين و المادة ديالو هي الانجليزية..
بنات القسم وحدة تغمز لوخرا كلهوم طايحين فيه الا رباعتنا أكيد هههه
دخلو ل القاعة و كل وحدة جلسات فبلاصتها أميمة مع زهرة فالقدامو موراهوم فالمقعد التاني بيان و لارا و شيماء و سكينة فاللور هادا هو ترتيبهوم المكلفة ناضت حطات ليه اللائحة ديال الغياب و مشات..
الأستاذ شاف فبيان:تيبان ليا معانا تلميذة جديدة هنا
بيان بخجل:ا ااه ا أستاذ
الأستاذ:مزيان شنو سميتك
بيان مهبطة عينيها الأرض:ب بياان الضاوي ا أستاذ
الأستاذ:مربحا بيك معانا بيان
بيان:ش شكرا ا استاذ
الأستاذ ناض ل السبورة:و دابا غنبداو الدرس ديال اليوم...
الحصة دازت فالدروس و التمارين..و دابا الجرس رن و التلاميذ جمعو ادواتهوم و خرجو و أولهم سكينة و شيماء الكسولات تبعاتهوم لارا عاد زهرة عاد القرايا ديال أميمة بيان جمعات أدواتها يالاه غتخرج عييط ليها الأستاذ...
بيان تلفتات بتوتر:ن نعام ا أستاذ
الأستاذ:اجي ندوي معاك
بيان مشات عندو بخوف خايفة تكون دارت شي حاجة بلا قصدها..
الأستاذ:هه متخافيش بغيت غير نقول ليك واش عندك الدروس لي فاتوك؟؟
بيان:ل لا
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان: ✨❄️الحارسات المقدسات❄️✨
للكاتبة✒️:Victoria kaelin
💜📖الجزء 15💜📖
الأستاذ:ااه مشديتيش الدفتر عند شي واحد ماشي مشكل(عطاها ورقة صغيرة) هادي النمرة ديالي غنسيفط ليك كلشي فالواتساب
بيان شداتها و شافت فيه بعويناتها البريئين:معنديش واتساب
الأستاذ يتصحابليه تضحك:ههه علاه كاين لي معندوش واتساب فهاد الزمن؟؟
بيان:و الله ا أستاذ معنديش
الأستاذ:واخا انسطاليه عندك باش نقدر نسيفطهوم ليك
بيان:و واخا
الأستاذ:يمكن ليك تفضلي
بيان مشات بخطوات متسارعة خارج القاعة لقات صحاباتها واقفين تيتسناو فيها..
لارا شداتها:اش قال ليك
بيان بتوتر:م م مقال والو
أميمة تتشوف فيها:عطاها نمرتو
البنات بالغوات:شنووووو!!!!
بيان حطات يديها على وجهها غارقة فخجلها...
شيماء:ايهايهاي على بيان مبقيتيش ساهلة وليتي تشدي النماري عند الأساتذة هههه
زهرة:هههه ياختي قريت عندو هاد 3 سنين ديال الليسي كاملين و عمرو شاف حتى فوجهي نتي شافك غير اليوم و عطاك النمرة
بيان:ر راه راه بغا يسيفط ليا الدروس
أميمة:امممم الدرووووس
لارا:حليهااا كاااع نشوفووو
بيان حلات الورقة لقات نمرتو مكتوبة و كاتب فوقها سمييتو:لؤي لي كاتب
زهرة:اححح على لؤيي
سكينة دفعاتهوم و جبدات بيان لعندها:خليو عليكوم البنت باااز
لارا:وراه هادشي مشكووك فيه هادشي عمروو تداار
شيماء:هههه صافي مييكو عليها خليها حتى نشوفو اش غيقول ملي تصوب الواتساب
زهرة:هااا عنداك مدخليناش ليه الى درتيه
لارا:هااا ودني منك انا اول وحدة طلبتو منك
بيان:غ غير كو كونو هانيين
أميمة:زيدو نمشيو ل الحصة تعطلنا هنا بالجماعة
دخلو لبنات لحصتهوم و كالعادة دروس و تمارين سالا اليوم و هاد النهار البنات عندهوم عشية خاوية داكشي علاش قررو يخرجو فهاد العشية يدورو و يستاراحو شوية من الجو المدرسي فقررو يخرجو لحدا البحر تما محلات و بوتيكات و قهاوي و مطاعم لبسو و تقادو و مشاو...
فالشقة ديال سكينة كانت جالسة فطومة مع بنتها ليندا..
فطومة:بنتي عندي ليك واحد الحاجة
ليندا:شنو ا ماما ياك لباس؟
فطومة:نتي عارفة كلشي على الحراس المقدسين
ليندا:هادشي قديم دويتي ليا عليه فاش كنت صغيرة
فطومة:الحراس بانو ول البارح كانت ليللة 1000سنة
ليندا مصدومة:كيفاش؟؟؟!!!
فطومة:ااه و لي غيزيد يصدمك هو...
ليندا:هو شنو؟؟؟
فطومة:هو بنتك سكينة و صحاباتها هوما الحارسات المقدسات
ليندا حطات يديها على فمها:ك كيفااااش؟؟؟
فطومة:ااه هادشي صحييح
ليندا:ميمكنش هادشي ا ماما حرام عليييك بنتي لي أمنتك عليها فغياابي تعرضييها ل الخطر حشوومة عليك ا ماماا واش باغية تشوييني فكبدتيي
فطومة شداتها:بنتيي بنتك معندها منااش تخااف علاش معمرة راسك بالأفكار السلبية البنت بلا قوى بنت قوية بشخصية قوية فارضة راسها فأي بلاصة محساك بالقوة لي غتكتاسبها دابا
ليندا:واخاا نيت ا ماماا نتي عاارفة بلي درت على قبلها العجب و ضحييت بشلاا حواايج مبغييتش تقااص منها شعرة وحدة الى وقعاات ليها شي حاجة غنمووت ا ماما😭😭😭
فطومة شادة راسها:وكوااااك معامن داوية اش داني نعاود ليك اصلا نوضي تگعدي لخدمتك
ليندا:ماااما سمعي...
فطومة هزات الصندلة:نووضي تگعدي و جمعي عليا خناينك يالاه خدمتك و بنتك واكلة شاربة لابسة مخاصها خيير عايشة فالهنا و الراحة نتي لي تتقلبي على السر ماحنا على فالك
ليندا ناضت تتمسح فدموعها:من حقي نكون هكا راني مها و دوك صحاباتها غيخبيو على مواتهوم يعني.....
فطومة خنزرات فيها:براكة من التفكير السلبي المعوج ديالك و سيري لخدمتك
ليندا هزات صاكها خارجة:واخا هاهيا خارجة...