الحــــارســــات المــــقــــدســــات📖✨️|🇲🇦

8

🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان:✨❄️الحارسات المقدسات✨❄️
للكاتبة✒️:Victoria kaelin
💜📖الجزء 71💜📖
من بعد هاد الحوار تفرقات الجوقة و كل واحد مشا لدارو و عندهوم أمل انه روزان تقبل طلب فطومة و يقدرو يحطو رجليهوم ف عالم يوغموندل فطومة دخلات لغرفتها و سكينة كذلك...
🌞الصباح التالي🌞
فاقت سكينة من نعاسها ناضت لطواليت من بعد مشات لكوزينة ملقاتش فطومة و هي تستغرب ولكن سرعان متفكرات اش قالت فطومة لبارح يعني غتكون فاقت بكري و مشات عند روزان مشات صوبات ليها فطورها فطرات و جمعات لكوزينة و وجدات حالتها فجأة بدا تيليفونها تيصوني هزاتو شافتو لقات نمرة متتعرفهاش جاوبات باستغراب:الوو
ياسين:سكينة لبااس
سكينة:لباس حمد الله نتا هدا كي درتي لقيتي نمرتي
ياسين:عطاتها ليا جدة واش كاينة فالدار؟
سكينة:اه علاش؟؟
ياسين:صونات عليا الوليدة فالصباح قالت ليا نخرجك حيت شحال هادي مخرجاتك
سكينة:كيفاش؟؟نتسناكوم نتوما تخرجوني وا تاا سير
ياسين:ياك راني خوك زعمة و نتي عارفة بلي معندي حتاشي ذنب
سكينة تنهدات:اففف واخا فين غنخرجو
ياسين فرح:انديك لبحر و نضورو و نتغداو برا المهم وجدي راسك دابا جاي
سكينة:واخااااا(قطعات)
مشات سكينة و لبسات حوايجها و طلقات شعرها كيف العادة و جلسات تتسنا فيه حتى جا كلاكصونا و هبطات عندو..
غير هبطات و شافت طونوبيل ديال لقمان و هو تيفرنس صايگ و هي تلقا الجواب علاش مجابش موطورو..
ياسين:يالاه واش غتبقاي ليا هنا
سكينة طلعات فلور و سدات الباب:ياك قلتي غتخرج ختك هدا اش تيدير معانا
ياسين:موطوري خليتو يتصوب كونما هو كون كاعما نمشي لخدمتي هاد الصباح
سكينة بالنفخة:بفف اوكي
لقمان:هدا هو السلام عندك
سكينة قلبات وجهها لزاج:مكنتش معولة عليك
لقمان:ههه ايوا غير عولي من هنا لقدام
ياسين خنزر فيه...
لقمان:احمم راه حنا حراس زعمة
ياسين صغر فيه عينيه زعمة ماشي عليا
لقمان:اوكي اوكي هاني
سكينة مداتهاش ف اش تيقول بقات تتشوف غير فليغادي و لي جاي حتى وصلو ل البحر بلاصاو و هبطو كان الجو زوين واخا عامر بالبشار ولكن احسن من الگعدة فالدار بقاو تيتمشاو و تيتمنضرو و مرة مرة تيدوي معاها لقمان ولكن هي مكايناش فهاد العالم بالها و عقلها كولو مع الجدة ديالها و شنو غتكون تدير دابا باينة مغتكونش نعسات الليل فاش عاودات لينا داكشي و باينة غتكون اول حاجة دارتها مشات عند روزان تنتمنا تقبل حيت هدا هو أملنا الوحيد...
🌟الجزء الثاني من الرواية الخيالية🌟
🎃🏰أكاديمية يوغموندل🎃🏰
بعنوان:✨❄️الحارسات المقدسات✨❄️
للكاتبة✒️:Victoria kaelin
💜📖الجزء 72💜📖
🎃فمملكة يوغموندل🎃
بالضبط فالأكاديمية كانت جالسة فطومة و قبالتها كانت جالسة روزان كانت فتاة شابة سمراء البشرية بنية العينين و شقراء الشعر لابسة فستان الساحرات الأسود و معاه قبعتو...
فطومة:باقة فشبابك كيفما خليتك اول مرة
روزان:ههه و علاش انا ساحرة اذن الى ملقيتش جرعة الشباب
فطومة:ههه بصاح جيت عندك لواحد الطلب
روزان:قولي حنا صحابات
فطومة:قبل غنطلب منك السماحة حيت معاودتش ليك المهم الحراس المقدسين كاينين فعالم البشر و من ضمنهوم حفيدتي البشرية
روزان بصدمة:ك كيفاااش؟؟؟ كيفاش وقع هادشي؟؟؟ اش وصل الحراس المقدسين لجيل البشر هادشي معمرو وقع قبل فالتاريخ
فطومة:يمكن هادشي بسبب داك الثقب فالزمن لي درت و تسربات الطاقة لعالم البشر
روزان:احتمال كبييير و دابا شنو المعموول؟
فطومة:جيت نطلبك تخليهوم يدخلو لأرض يوغموندل بصيفتك نتي الوريثة ديال هاد المملكة الشر تيقتارب فعالم البشر و هوما مجود بشر كتاسبو هاد القوى من الأرواح خصهوم خبرة و تدريب
روزان:ولكن هادشي مخالف لقوانين المملكة!!
فطومة:الى مدرناش هادشي الشر غيجي لهاد المملكة و يدمرها نسيتي لي وقع 1000سنة هادي مع كيتي و لوكريتيا و البقية
روزان:منسيتش ولكن و الشعب ديالي الى عرف؟؟
فطومة:متخاافيش على حسابي اصلا هوما تيتحولو لهيئة أرواحهوم بحال حفيدتي تتحول لقطة برية بحالي
روزان تنهدات:هادشي غيكون على رقبتك نتي و مسؤوليتك نتي(شدات جبهتها) افف يمكن ليهوم يدخلو للمملكة
فطومة فرحات بزااف ناضت تلاحت عليها بتعنيقة:شكرااا بزااف صاااحبتي
روزان:العفوو فالأخير هادشي فصالح كلا العالمين
فطومة:اه الليلة نجيبهوم للأكاديمية و غنديهوم للغرفة السرية لي فالمكتبة
روزان:واخا لكي كامل الصلاحيات غير ميبيبنوش الهوية ديالهوم الحقيقية او صافي
فطومة:شكرا برزاف
روزان:لا شكر على واجب عندك ميدار من بعد؟؟
فطومة:خصني نرجع خايفة غير تلاحظ ليندا غيابي؟؟
روزان:وياك تتقولي بلي خدامة؟
فطومة:احساس فشكل شادني داكشي علاش
روزان:واخا ونتي تعرفي
ستأذنات منها فطومة و رجعات لعالم البشر...فقدام السبيطار كانت خارجة بيان و شادة ليها الهام فيديها:بشوية عليك ابنتي
بيان:وراني بيخير اماما عفاك طلقي
الهام:لا خصك الراحة
بيان تنهدات و قررات تستسلم طلعو فالطونوبيل و ديمارا الشيفور فالجهة الأخرى كان لؤي جالس فطونوبيلتو و كان مراقب كلشي علماتو ديجا بيان امتى غتخرج و كدا قرر يبقا بعيد باش ميجبدش شي صداع مع مها و يتضرب ليه كلشي فالزيرو بقا جالس شحال و فراسو تدور غير بيان و كيفاش غيطييحها فالشبكة فجأة بتاسم ابتسامة شريرة و ديمارا