آدم (سبع الجبال):دايما خليك واثق فى نفسك خليك ابن بلد خلى إلا يعرفك يتشرف بمعرفتك خليك ديما راجل جدع وقت الشدة فى ضهر صاحبك خليك راجل الرجوله مش انك تكلم بنات كتير لا يكفى أن واحدة بس تكون نصيبك خليك راجل يعتمد عليه أبوك أمك اخوك اختك يعتمدوا عليك دة شئ تفتخر بيه اوعى فى يوم تزعل أبوك أو أمك أو اخوك أو اختك وافتكر دايما أن الرجوله بتبان عند الراجل الصح والناس دايما بتبقا عرفاه مش بتجاملوا خليك ابن مصر
حياه:خليكى جميله أسعى دايما ورا طموحك حبى من كل قلبك مرة واحدة وبس خليكى صادقه مع نفسك ومع إلا حواليكى حبى نفسك
سوسن:دايما خليكى واثقه فى زوجك أو خطيبك لو بتحبيه أما لو لا يبقا من الأول سبيه حبى إلا حواليكى وخليكى فاكرة أن كل حاجه بتحصلك ليها سبب و مشيئة من عند ربنا قولى دايما الحمد لله
سليم:حب مراتك أو خطبتك عاملهم بالحسنى علشان الحياه تستمر ملوش داعى الزعيق والشتيمه ومد الايد على زوجتك أو أولادك خليك متفاهم عامل مراتك أو خطبتك بالمودة والرحمه دايما زكرها بفروضها صلاتها صيامها واوعى فى يوم من الأيام تكسر خطرها احظر يا ابن آدم من بنت حواء وهى مكسورة الخاطر
جميله:دايما خليكى حكيمه اوزنى الكلام دة انتى حته كبيرة العيله من النسوان خلى كلمتك تجبر الخاطر دايما خليكى الحضن الحنين إلا لما تجسى(تقسى) الدنيا على إلا حواليكى يلجأ ليكى متشليش هم حاجه واصل خليكى دايما جويه (قويه)و فى نفس الوجت حكيمه
حسناء:خلى قلبك طاهر ابيض متشليش من حد كرة وحقد مش هينفعوكى فى اخرتك خليكى طيبه بس مش ضعيفه وهينه
بدير:دايما خليك حكيم و جوى توزن كلام أو موجف (موقف)تبجى فيه وتجول رأيك من غير ما تخاف بس راعى مشاعر إلا حواليك خليك اه حكيم بس إلا حواليك عاملنلك الف حساب احتراما ليك مش خوف
احمد:خليك دمك خفيف متخفش من حاجه هو العمر مرة وهنعيشوا خليك قوى وفى نفس الوقت حنون حب من قلبك بس حب مرة واحدة بس ملهاش داعى تلعب بعواطف البنات
هدى: خليكى واثقه فى نفسك ارسمى الضحكه على وجه إلا حواليكى حبى واضحكى وخليكى قويه
جابر:اوعى تبيع بلدك وعرضك ممكن تتمتع فى الدنيا بس فى اخرتك هتدوج (هدوق)نار جهنم
ادهم:أبعد عن المخدرات والنسوان إلا مش سالكه الجنه ببلاش والنار بفلوس أبعد عن المحرمات مش هينوبك غير جهنم وبأس المصير
كوبرا:خليكى قويه جميله واثقه رومانسيه شرسة حنونه متتحنيش غير فى تلت مواضع قدام ربك وإمك ووطنك خلى دايما فى بالك الجمله دى اجعل كل من يراك يدعوا لمن رباك
ابن كوبرا:خلى بالك من نفسك واغسل سنانك قبل ما تنام واشرب البن وكل خضار علشان تكبر وحب مامتك وباباك كتير ودايما اسمع كلامهم😇
الراويه:شجاعه الرجل هى أمان المرأءه
أتمنى تكون روايتى نالت اعجابكم☆وخرجتوا منها بأى فايدة
أتمنى تكتبولى رأيكم فى الروايه كلها و متنسوش تعملولى متابعه أن شاء الله توصلكم روايتى الجديدة
الكاتبه Amany Ahmed
