رحله غيرت حياتي

البارت5

السلام عليكم

الكاتبه.عذراء الركابي

.رحله غيرت حياتي.

صارت الساعه ب11 باليل واني افكر شنو حال امي هسه شلون الوضع بالبيت

اجتي الكهرباء
امير .اخذي راحتج عذراء اذا تريدين اتنامين
عذراء. لا ممنعسه والله اشتاقيت الماما ممتعوده هيج ابعد عنها خايفه عليها هسه شصاير بيها ذكرت اهلي كلهم نزلن ادموعي
وبجيت شتاقيتلهم كلهم اوووووف اكيد هسه يدورون عليه ومخبوصين ماجنت اعرف اهلي يدورون عليه حته يتخلصون من عارهم امير.من شفت عذراء بجت ماعرف شصار بيه حته ما اعرف شنو اكللها لئن لي يصير عن اهله بعيد ماكو كلمه اتواسي

امير.عذراء والله باجر ارجعج سالمه لهلج بس لتبجين

صار وقت اعرفكم على امير
اني استاذ جامعي عمري 35 مصارلي كم سنه من اتخرجت جان اغلا شي على كلبي هم اهلي بعد مفقدتهم فقدت السعاده والامان حسه عايش جسد بلا روح احس اهلي كسروني من راحو كلش اتئذيت بغيابهم اتخيلو وياي جان بيتي مملو بدعاء امي وبضحكت اختي وبشقه والدي وفجئه يختفون مره وحده كلش صعبه عشت لوحدي مواصفاتي اني ابيض ولحيتي كثيفه وجسمي مليان عندي شويه عضلات قبل جنت داخل جم بس تركت

احجي وي عذراء وكلها باجر ارجعج لبيتج وطمني واطمنها واهديها

عذراء. حسيت نفسي تعبت فكلت لامير وين انام

امير.عذراء انتي نامي بالغرفه واني انام اهنانه بلصاله هاج هاي المفتاج مال الغرفه

عذراء.خطيه كسر خاطري ينام بالصاله بارده بس يالله البيت ازغير هو اني باجر اروح رحت دخلت الغرفه وقفلت الباب عليه وخليت نفسي على المخده الساعه صارت ب12 اتاخر الوكت دخلت بالنومه

حلمت جن اني امشي بمكان ما اعرف شنو كلش غريب حلو ومو حلو مكان بي ورود بس الورود نصها يابسه اكو بير ما اعرف حفره بس يابس مابي مي بقيت امشي ما اعرف اشلون وكعت من وكعت فزين من النوم ماجني واكعه بحفر جني واكعه من وادي فزيت الساعه بل 3الفجر

اشويه عركانه وريكي يابس فتحت القفل مال الغرفه و طلعت مشيت اريد ادخل للمطبخ واشوف امير مغطه بس مكرفص نفسه بردان
رحت اجيبله بطانيه من الكنتور عالي وهو خالهن فوك كلش شيلوحه اليه يبوووه رحت للمطبخ جبت كرسي وخليته وصعدت جبت البطاتيه وغطيته بيها ورحت شربت مي رجعت الغرفتي كملت نومتي

كعدت الصبح باوعت للساعه 7 الصبح كمت لميت الغرغه وصفطت البطانيه ورتبت الغرفه كلها وعدلت شعري ولبست حجاب وطلعت
صباح الخير
امير.صباح النور
من شوكت كاعد
والله قبل اشويه
هاي انتي مغطيتني باليل

عذراء. اي
امير. اني كعدت من البرد بس مابيه حيل اغطي نفسي رجعت نمت بس هاي شنو مشلوع كلبج يالله كدرتي تنزلينها ههههههههههه

عذراء. ها فوكها تضحك موصوجك صوجي اني التعبت نفسي وشلت الكرسي من المطبخ للصاله حته اغطيك

امير. على كيفج يمعوده ليطك بيج
عرج هههههههههه

برطمت

اشاقه وياج شبيج ضجتي شكرا لولاج جان كاعد مره ثانيه من البرد وكايم من نومتي العزيزه

عذراء.ضحكت ورحت للمطبخ سويت جاي وشويه صاح امير
امير.عذراء حطلع اجيب جبن وصمون
عذراء. لتتاخر بسرعه
اي اي

خليت الجاي على النار ورحت للصاله صفطت البطاطين وهمزين الكرسي بعده بمكانه صعدت خليتهن بمكانهن ورتبت الصاله وعدلتها ورحت للمطبخ الماعين البارحه اكلنه بيهن جنت تعبانه ومكترت اغسلهن
فغسلتهن هنه بس ماعونين وطاوه
بسرعه علا مايجي امير
اشويه ودخل امير جايب صمون وكيمر وكاهي انطاني العلاكه وراح للصاله حضرت الصينيه وي الجاي وطلعت للصاله خليت الصينيه
كعدنه ناكل سوه اكلت صونه وبقه منها وهو اكل 3 صمونات
اني كملت
تمير. لا بربج اكلي هو انتي شكلتي حته كملتي

عذراء. والله اصلا لئن جوعانه اكلت هيج كل مره اكل بس نص صمونه
امير. اي متشوفين نفسج معصعصه
عذراء.يااااااااا اني معصعصه اصلا وزني مثالي لطولي قابل مثلك مدرفس

امير.ههههههههههه شنو عليج الله عيديها
عذراء.مدرفس يعني سمين هههههههههه

بقينه نضحك سوه كمت جبت ملابسي البارحه شريتهن بالغرفه حته يبسن دخلت للغرفه ولبست ملابسي وعدلت نفسي ورتبت حجابي

صاح امير يالله عذراء كملتي هم يالله نوصل

عذراء. ايي بس لحضه

كعقوله اني حروح وبعد ما ارجه شي بداخلي يكلي انتي حبيتي هل المكان

طلعت كلت لمير اني جاهزه
امير.اوووووف والله احس اتعودت علا عذراء صح هسه بس ليله احسها ملتعليه البيت بيتي جان فارغ بس هي امانه عندي لازم ارجعها لهلها
عذراء. ركبت بل السياره وره وامير كال خو ممحتاجه بعد شي
عذراء. كفيت وفيت واحمد لله اني وكعت عند شاب شريف مثلك ربي يحفضك والله منسا فضلك عليه
امير.واجبي هاذ والفضل لله

ساق السياره ربع ساعه كال وين صايرين بالضبط بقيت اوصفله وصل امنطقتنه كتله هايه منطقتنه بس احنه كلش جوه بعد
ضل يسوق وشويه اشوي بقه يتقرب لبيتنه
اقترب اكتر ونشوف الناس مكلوبه وشيوخ وجادر وكاعده بي كومه من الزلم المعكله
يم بيتنه
اني خفت شنو الصاير دخيلك ياربي

امير. دخلت بالفرع وكالت عذراء هناك بيتنه اتقربت وشوف الدنيه مكلوبه خفتعلى عذراء

اني ما اعرف تقاليتهم اهوايه بس اسمع لئن اني مو مناه واني مسيحي يعني كلشي معرف على الحاي ايصير

نزلت وقفلت الباب على عذراء واسمع ناس اتصيح والله انموتها شفت ولد لابس دشداشه وخال الاسلاح على ضهره سئلت كتله يا ولد شنو شصاير اهناه كال عدنه عار وجاي ندور علي
اني كلبي راح على عذراء ركضت ليروح يشوفها احد وشيخلصهت من اديهم رجت للسياره وجان اشوف عذراء........يتبع

اتركو توقعاتكم ↓
ولتنسون اتصوتون للبارت احبكم يا احلا متابعين

تفاعلكم ايهمني
انتضروني بارت جديد

اسفه على الخطاء الاملائيه

☆☆☆☆☆