السلام عليكم
...رحله غيرت حياتي...
عذراء. عفيه ربي يخليج بس اسمع صوت امي،
كلش نهاريت من البجي،
مشتاقه لمي، والكعداته الصبح وشلون جانت توكع قبلي اذا تمرضت،
وهسه هي مريضه بسببي، ياربي رحمت بعد ما اتحمل،
امير.كافي عذراء لاتخربين السالفه علينه،
عذراء.ما عليه امي بس اسمع صوتها والله مخنوكه بدونه ربي يخليك اريد امي،
امير.كافي عذراء انتي موطفله وتريدين امج كافي ادعي تطلع الحقيقه وتشوفينها وتشبعين منها ،
بقيت اني ابجي وخاله راسي بين رجليه ،
حنين بقت تتفهم من فاطمه ،
نهت الاطصال،
امير.ها حنين شكالت،
كالت اني ما اتاخر احتمال باجر ترجع علمود روضه اطفالها ،
هي هسه جاي ادور على المستمزكال وكلت الها شنو لازم اتجيب ،
امير.تمام ،
عذراء. كمت رحت الغرفه طلعت ملابس ودخلت للحمام فتحت المي جان دافي حسيت براحه لئن اعضامي جانن يوجعني هم بجيت جوه المي بس شيفيد طلعت من الحمام ماكو احد بالغرفه ،
مشطت شعري وكعدت بالعرفه هيج مر اليوم كئابه ثاني ويوم العصر حنين مخابره فاطمه وكالتلها اني اجيت وجبتهن وياي
حنين كيلتلها راح اجيج للبيت مالتكم
فاطمه منطتها العنوان راحت حنبن
جابتهن واجت
امير كلش فرح وهم ونزاح عن صدره
رجعنه من بغداد وصلنه للبيت
راح يصيرلي شهر واني بيت امير
امير كال راح اجيبلج كتب سادس واقري والسنه الجايه اداومين
اني كلش فرحت
احس الله دزلي امير خته يساعدني اني قبل سامعه من امي تكول من يوكع بنادم بمشكله جبيره الله يدزله بنادم حته يطلعه من مشكلته
جنت ما افهم كلام امي بس اكلها اي صدك
هسه يالله حسيت وعرفت شنو معنه كلام امي
مر شهر عادي ،
واني ما اطلع ولا اتحرك خطوه بره البيت
طك كلبي اريد اشتغل اريد اطلع فكلت افادح امير بهاذ الموضوع من يرجع من الدوام
رجع امير ،
امير. مساء الخير،
عذراء.مساء الخيرات ،
اصبلك غده ،
امير.اي والله جوعان،
صبيت لنه اكل اني ما اتغده انتضره ما احب، اكل لوحدي
اتغدينه شلت الصينه وغسلتها ،
رحتله هو متمدت على القنفه
عذراء.امير اريد اكلك على موضوع ،
خير كولي،
امير اريد اشوفلي شغل واشتغل ،
كعد امير وعدل كعته ،
شنو شكلتي
اريد اشتغل احسن من كعدت البيت،
ليش تشتغلين شنو اني مقصر عليج بشي ،
لا ما مقصر بس ،
لا بس ولاشي عذراء لا ما تشتغلين لئن خطر عليج الطلعه والطبه واني اخاف عليج اهنانه بالبيت ائمن وما بقه شي وتبدي المدرسه
امير اني ما اريد ابقه هيج انته بيتك وما ماخذ راحته و نومتك بالصاله ومتقيد مني
اشششش لا اني مرتاح هيج شنو شاكيلج اني
أنت تقرأ
رحله غيرت حياتي
عاطفيةقصه فتاه يتخلا عنها الجميع وتصبح غارقه بالخوف والهموم ♥♥ مااريد احرك عليكم القصه انزلو وشوفو
