السلام عليكم
الكاتبه.عذراء الركابي
.رحله غيرت حياتي.
دخلت وياه للبيت واني بكلبي الخوف .كاال
لتخافي والله مائذيج
اني ارجف ملابسي مبلله الجو بارد جماد
كال انتي من وين
اني مااكدر ارد علي من البرد طلعت كلمه
بلكوه كتله بردانه بردانه
كال شلون هسه ماعندي ملابس بناد راح
اجيبلج اتراك من اتراكاتي لازم اتبدلين ملابسج المبلله حتتمرضين
راح جاب اتراك من الكنتور وانطانياه كال
ادخلي بذيج الغرفه بدلي باوعت اكو غرفه معزوله
اخذت التراك منه رحت بتجاه الغرفه بالكوه
امشي كلي جمدت دخلت شفتها غرفه
بصيطه بيها كنتور ابو الخانتين وجربايه ومرتبه بصيطه
وحلوه نزعت ملابسي ولبست اتراكه صح التراك جبير بس حلو عليه اني محجبه شالي
مبلل بس بقيت لابسته طلعت واني بعدها بيه الرجفه
كال انتي جوعانه سكتت كال جوعانه يالله حجيب اكل
كتله منين اتجيب اكل كال من بره ما اتئخر
كتله لا متطلع وتعوفني اخاف ابقه لوحدي
كال لعد اشلون كتله متطلع بقه خلي يولي الاكل
كال مو اني جوعان
لعد ماعندك اكل بالبيت كالي اي عندي بس ما مطبوخ
ممم اصبر خلي اتروحمني الرجفه واني اروح اسوي شي ناكله
جابلي بطانيه اتغطيت بيها واحس اشويه اشويه ادفيت كال انتي شنو اسمج شنو قصتج ليش
لوحدج بالشارع كتله اني عذراه سولفتله قصتي
وكال ماحافضه رقم الاهل اتصل اطمنهم كتله لا ما حافضه
سهله اني باجر ارجعج لهلج كتله انته شنو اسمك كال امير كتله امير انته عايش لوحدك
امير. اي عايش الوحدي
مممم ليش
شفته ضاج من سئلته
كتله يالله براحتك
امير. اني عايش لوحدي صارلي سنه كامله جنت عايش بهاذ البيت اني وامي واختي وابويه اختي ازغر مني طالبه كليه
فمره ماما واختي رادو يروحون ايزورون الامه عليهم السلام بكربلا ردت اروح وياهم اني بس جان عندي محاضرات بالكليه اني استاذ جامعي
ماكدرت اروح وياهم فهم بالطريق
وسوو حادث
وكلهم ماتو واني من ماتو ولحد الان عايش لوحدي
عذراء.صدكه من سمعت قصته كلش اتئثرت وكعن ادموعي شكد اتحمل هاذه الرجل الله يساعده فقد عائلته كلها وبيوم واحد والله صعبه اقهرت علي بس اني ماجنت اعرف انو اني حاصير مثله وافقد عائتي بس هو احسن هم ماتو بس اني عايشين ما اعرف ليش نسيت الخوف من حجيت وياه وكنما اعرفه من زمان
كتله البقيه بحياتك
امير حياتج الباقيه
استمر الصمت بيناتنه لبضع دقاق
كسرت هاذ الصمت وانا انهض واقول
خلي اشوف شنو بالثلاجه راح اموت من الجوع
انرسمت ضحكه جذابي على شفته وكال اي ولج امكرش اني هم جوعان
رحت للمطبخ مو كلش نضيف بس ماشي حاله
فتحت الثلاجه بيها بيض وشفت اكو طماطه اخذت طماطه والبيض وكلت اسوي مخلمه صح هيه المخلمه الكثريه ياكلونها الصبح بس يالله على الماشي خليت الجاي على النار وبديت اسوي الطماطه استوت وطكيت البيش فوكها سويتها مثل البيض اعيون فوك الطماطه هاي الاكله طيبه جنت دائمن اسويها باي وقت لجوع اسوي هاي الاكله
كملت وخدر الجاي جبت صينيه وصبيت الجاي بكوابه ودرت المخلمه بماعون وطلعت مت المطبخ هليت الصينيه بالكاع
امير.امممم شنو هل الريحه
عذراء. علماشي سويت مخلمه
امير.هو اكو اطيب من المخلمه نزلي نزلي الصينيه
نزلت وبده ياكل واني هم اكلت اشويه لئن ميته من الجوع اشويه راحت العبان نفس مني من اكلت
كملت شلت الصينيه للمطبخ صارت رعده واني يمه يوكف كلبي من الرعد بعد الرعد طفت الاكهرباء واني بالمطبخ صحت امير امير
صاح امير ها عذراء شبيج جاب الضوه مال الفون وحاني كال شبيج
عذراء. لا مابيه شي متشوفني لوحدي بالمطبخ ورعيد وضلمه
امير. هههههههه خوش تعالي خلي ندخل للصاله والماعين اريد اغسلهن
امير.ولج عوفيهن انتي بيا حال
رحت وياه ضلمه اتخوف ورعيد صارت الساعه ب11باليل....يتبع
انشالله البارت عجبكم بس اريد دعم منكم حته انزل البارت الجاي باسرع وقت
لا تنسون اتصوتون للقصه
ذكروني بتعليق ↓↓ احبكم متابعيني
☆☆☆☆☆
أنت تقرأ
رحله غيرت حياتي
Romansaقصه فتاه يتخلا عنها الجميع وتصبح غارقه بالخوف والهموم ♥♥ مااريد احرك عليكم القصه انزلو وشوفو
