وجع الحب

الشخصيات
زين صابر المهدي: شاب في الثلاثون من عمرة شعرة بني عنية رمادية جسمة رياضي وهو يعشق سلمي

سلمي السباعي: بنت في الثلاثة وعشرين من عمرها شعرها اصفر عيونها عسلي وجسمها ممشوق

اسلام الحسيني: دة صديق زين من الصغر هو قد شهاب بشرتة خمرية عنية بني فاتح جسمة رياضي زي شهاب

شهد طارق: صاحبة سلمي من وهي في صغرها قد سلمي عنيها زرقاء وشعرها اسود طويل اووي

حسني السباعي: دة والد سلمي راجل ظالم بيكرة بنته اوي عايز يجوزها لاي حد معاه فلوس حتي لو عجوز

اسر السعدني: اسر شاب في الثلاثين من عمرة شعرة لونة بني يتميز بعيون زرقاء وطويل القامة يتميز بعضلات

اسيل محمود: بنت في الخامسة وعشرين من عمرها شعرها لونة اسود وبشرة بيضاء وعيون بني وجسمها ممشوق ومتوسطة القامة

{ البارت الاول}
في الاحياء الشعبية وبالتحديد في بيت بطلتنا سلمي
عند سلمي
ابوها دخل عليها وكان بيبصلها بصة احتقار كالعادة لانة مش بيحبها
حسني: ما تقومي يا وش الفقر انتي هتفضلي نايمالي كدة علطول دة انتي وش فقر
سلمي صحيت من النوم وهي تشعر بالالم في قلبها عشان باباها بيعاملها بالاسلوب الجشع دة
قامت من علي السرير ودخلت الحمام عشان تتوضا وتصلي وتشتكي لربنا من باباها
سلمي وهي تبكي: يارب انا تعبت اووي انا بابا بيقعد يعاملني كأني مش بنتة بيفضل يوجعني بكلامة انت الي عالم بحالي يارب اهدية
بعد ما خلصت صلاه طلعت برة وباباها كان بيبصلها بقرف
حسني: صحي النوم يا هانم مش المفروض تقومي عشان تحضري زفت الفطار
سلمي: يا بابا احنا لسة بدري حرام عليك ارحمني شوية دة انا بنتك
حسني: بنتي دي وش فقر انا مكنتش عايز بنات اصلا انا كنت نفسي في ولد يشيل من بعدي بس القدر انك جيتي
سلمي بدموع: ربنا يسامحك يا بابا
حسني بسخرية: طب بطلي دموع التماسيح دي واتفضلي حضري الفطار وانتي اصلا ملكيش لازمة في البيت دة
سلمي راحت المطبخ وكانت بتفكر في ماماتها الي سابتها لابوها الظالم
سلمي: ربنا يرحمك يا ماما وحشتيني اووووي اوي لية سيبتيني سيبتيني للوجع والهم لية انا محتجاكي جنبي اوووي
حضرت سلمي الفطار لباباها ودخلت اوضتها عشان تلبس
بعد مرور بعض الوقت
طلعت سلمي من الاوضة وراحت عشان تستأذن باباها عشان تنزل
سلمي: بابا انا هنزل عشان اجيب طلبات البيت الي حضرتك مبتدفعش فيها مليم
حسني: مش كفاية مصاريفك الي مستحملها بالعافية
سلمي: بابا حضرتك مبتصرفش عليا خالص انا يعتبر الي بصرف وحضرتك ولا حاسس بيا بالزفت الي بتشربة دة
حسني: انتي بتردي عليا يا حيوانة دة انا هربيكي تعالي هنا
جريت سلمي برة عشان مش يضربها وهي تبكي وتأن من الالم علي حالها معاه ومش بتخلص من اهاناتة وضربه ليها كل شوية
نزلت سلمي تحت وقابلت حبيبها ونور عنيها زين
زين: مالك يا سلمي يا حبيبتي انتي كنتي بتعيطي ابوكي عمل فيكي حاجة
سلمي: زين احنا مش هينفع نتكلم هنا عشان الناس وابويا مش يشوفنا ويحرمني من الشارع واني اشوفك
زين: طب استني هستأذن ونروح اي حتة عشان نتكلم
سلمي: طيب يا حبيبي
راح زين عشان يستأذن صاحب المحل ال بيشتغل فيه واخد سلمي وراحو مكان عشان يتكلمو ويعرف حبيبتة زعلانة ومهمومة لية
في الكافية
زين: ممكن بقا اعرف القمر دة زعلان لية وشايل الهم
سلمي: في اني تعبت اووي يا زين تعبت من اهانات بابا ليا وانه بيقولها في وشي بيقولي انتي وش فقر انا كنت عايز ولد مش كنت عايز بنات بيجيبو العار بجد انا بتوجع من كلامة اووي يا زين
زين: طب اهدي يا حبيبتي وبطلي عياط عشان خطري انا انا بحس اني قلبي بيتقطع لما بتزعلي والله العظيم لهاجي لابوكي واتقدملك ونتجوز وابعدك عنة
سلمي بوجع: ما انت عارف يا زين ان كل لما بتيجي تتقدم بابا يرفضك عشان ظروفك بابا عايز يديني لاي حد معاه فلوس حتي لو مين
زين: هحاول مرة واتنين وتلاتة وعشرة بس تكوني ليا وبتاعتي ومحدش هيقدر يخدك مني يا حبيبتي انتي عرفة انا بشتغل عشان نبقي لبعض
سلمي: وانا والله مش هبقي غير ليك يا زين بس خايفة في يوم الظروف تبعدنا عن بعض او تفرقنا الاحساس دة كل لما بحسة بحس اني روحي طلعت مني
زين: بعد الشر عليكي يا حبيبتي انشاء الله محدش هيقدر يبعدنا عن بعض طول ما احنا متمسكين ببعض محدش هياخدني منك انتي وبعدين بقا عايز اشوف الضحكة علي وشك بتبقي منورة لما بتضحكي
ابتسمت سلمي بخجل وضحك زين بشدة عليه
زين: اهو كدة ضحكة سلومة القمر دي تساوي الدنيا كلها
سلمي: ربنا يخليك ليا يا زين بحبك اووي
زين: وانا بعشقك يا سلمي
سلمي:طب يلا بقا عشان نمشي عشان اتأخرت
زين: يلا يا حبيبتي
مشي زين وسلمي
عند شهد
طارق دخل عليها وشافها وهي سرحانة وكمان مش حست بوجودة
طارق: حبيبة بابا سرحانة في اية
شهد انتبهت لباباها
شهد: اية دة يا بابا انت دخلت امتي
طارق: لسة داخل دلوقتي يا حبيبتي وشوفتك سرحانة ممكن اعرف مين واخد عقلك كدة
شهد: الي واخد عقلي سلمي يا بابا هيكون مين
طارق: مالها سلمي يا حبييتي
شهد: سلمي تعبانة اووي يا بابا سلمي مش عرفة معني الام مش عرفة حنان الاب ابوها جابها يشقيها ويضربها ويستمتع بعذابها لما بتحكيلي قلبي بيتقطع عشانها اووي
طارق: حسبي الله ونعم الوكيل فيه ازاي اصلا يجيلة قلب يعمل في بنتة كدة
شهد: راجل ظالم والله لما بروح بيعاملني بكل قلة ادب
طارق: طب ما تخلي سلمي الي تجيلك طالما هو راجل قليل الادب كدة
شهد: باباها مش بينزلها غير لما تنزل تجيب طلبات لكن مش بيسبها تخرج خالص حابسها طول الوقت في البيت وتنظف وبيتعبها لحد ما خلاص شالت الهم بدري بدري
طارق: والله خير انشاء الله ربنا مش هيسيب حقها بس ادعيلها
شهد: بابا ممكن اطلب منك طلب
طارق: طبعا يا قلب بابا انتي تؤمري
شهد: انا عايزة اروحلها لما هو ينام يعني بليل خالص ممكن تبقي توصلني ليها اصل انا مليش غيرها في الدنيا دي
طارق: مع انة طلب صعب شوية بس حاضر يا حبيبتي انا ليا كام شهدتي
شهد: ربنا يخليك ليا يا بابا يا حبيبي
طارق: اسيبك بقي اروح الشغل ولما ارجع بليل هرن عليكي عشان تنزلي
شهد: طيب يا حبيبي ربنا يوفقك
مشي طارق وطبعا شهد خايفة تكلم سلمي لابوها يرد عليها ويكلمها بقرف
عند سلمي وزين
سلمي: شكرا يا حبيبي روح انت لشغلك
زين: استنوني انهردة انا جاي يا سلمي
سلمي: ربنا يسهل يا حبيبي
زين: هيبقي خير يا سلومتي يلا اطلعي بقي عشان بغير
سلمي بضحك: حاضر انا طالعة اهو
طلعت سلمي فوق وزين كان باصص عليها لحد ما طلع فوق
زين: ربنا ما يوريني فيكي حاجة وحشة يا سلمي
راح زين للشغل تاني وشاف صاحبة اسلام
زين: اسلام ازيك يا حبيبي
اسلام: ااحمد الله يا زين انت الي عامل اية
زين بكذب: كويس يا اسلام الحمد الله
اسلام بشك: انت متأكد يا زين
زين بتوتر كذب: ايوة يا اسلام
اسلام: مع اني مش مصدقك بس هسيبك لحد ما انت تحكيلي بنفسك
زين: طب بص انا رايح اتقدم اسلمي انهردة
اسلام: تاني يا زين انت كل لما تروح ابوها الظالم دة بيرفضك
زين: اعمل اية منا بحبها اووي ومش عايزها تكون لغيري
اسلام: طب انا هاجي معاك انهردة يا زين اما اشوف اخرتها اية مع ابوها دة
زين: طيب يا اسلام روح انت لشغلك عشان معاد الوردية بتاعتك دلوقتي عشان انا كمان شوية وماشي عشان اجهز وابقي عدي عليا بليل
اسلام: طيب يا زين ربنا يوفقك
زين: انا وانت يا رب
كمل زين شغلة طبعا عشان يلحق يخلص ويروح علي بيته
عند سلمي
طلعت سلمي لقت ابوها قاعد
حسني: ما لسة بدري يختي كنتي بتتسرمحي
سلمي ببرود: لا كنت بجيب طلبات زي ما انت شايف كدة
حسني: طب انجري اطبخي بقا عشان جعان
سلمي: من غير ما تقول اهانات انا كنت داخلة اصلا
حسني: طب يلا يا حنينة خشي
دخلت سلمي للمطبخ وقبل ما تطبخ رنت شهد عليها
شهد: لومة ازيك يا قلب شهد عاملة اية
سلمي ببكاء: تعبانة يا شهد اووي محدش حاسس بيا خالص نفسي اخلص من ظلم ابويا ليا
شهد: والله يا عمري انا بتقطع عشانك والله انا بعد ما ابوكي ينام انا هاجي اقعد معاكي شوية وتحكيلي الي مضايقك
سلمي: تنوريني يا قلبيي
شهد: انا هقفل بقا يا قلبي عشان اشوف ماما عايزة اية
سلمي:سلام يا حبيبتي ربنا يوفقك
طبخت سلمي الاكل لباباها وقعدو ياكلو هما الاتنين وطبعا سلمي مش رضيت تقول لباباها ان زين جاي انهردة عشان مش يتعصب ويضربها
بعد شوية
خلصو الاكل وراحت سلمي تنضف الحتة عشان حبيبها جاي انهردة وطبعا تخلي ريحة البيت حلوة عشان القرف الي ابوها بيشربو
في المساء
اتشيكت سلمي سلمي اقل حاجة بتبقي ليقا عليها وبتبقي زي القمر
خبط الباب وطلعت سلمي عشان تفتح الباب لقت اسلام وزين
سلمي بخجل: اتفضلو
دخلو هما الاتنين وقابلو حسني
حسني بسخرية: بقي انتي متشيكة كدة عشان الواد العرة دة
زين بغضب لكن مش فتح فمة عشان اليوم يعدي علي خير
حسني: اية الي جابك يا سعيد الحظ
اسلام: لو سمحت يا عمي خش عشان نقدر نتكلم وانتي يا سلمي روحي اعملي الشاي عشان نقدر نتكلم مع عمو حسني
وافقت سلمي بطاعة ودخلت المطبخ عشان تحضر الشاي ودخل الباقي الصالون
زين: عمي هو حضرتك ليه مش موافق علي جوازي من سلمي
حسني بسخرية: والله يا استاذ انا عايز اجوزها لراجل ملو هدومة معاه فلوس ومتريش مش زيك كحيان وبتدور علي القرش
زين بغضب: اقسم بالله لو متكلمتش عدل معايا متلومش الا نفسك
حسني: انت ولد قليل الادب ومتربتش امشي اطلع برة انا معنديش بنات للجواز
اسلام: اهدي يا عمي زين مكنش قصدة يقول لحضرتك كدة
حسني: ولا قصدة يا استاذ انت كمان حتي لو عملتو اية انا مش موافق علي الجواز لما يبقي معاك فلوس ابقي تعالي ويلا اتفضلو من غير مطرود
زين: انت راجل ناقص تبيع بنتك عشان الفلوس انا عمري ما شفت اب زيك كدة
حسني: والله انا عايز اعيش بنتي في مستوي فوق مش عايزها طول عمرها فقر كدة
سلمي كانت تستمع للصوت التي بينهم وكانت تبكي بقهر حتي اغمي عليها وسمع زين صوت بشدة وقلبه انقبض سلمي جت في بالة
زين بخوف:
يتبع.....