وجع الحب

{البارت الرابع}
الشخص: زين ازيك وحشتني
زين: نورهان انتي ايه الي جابك هنا
نورهان: مفيش يا حبيبي كنت رايحة اشوف ابوك اصله وحشني جدا بس قولت اعدي امشي علي البحر شوية قبل ما اروح
زين: طيب يا حبيبتي روحي واحنا شوية وجايين
نورهان: طيب يا حبيبي باي يا لومة
سلمي: باي يا حبيتي
مشيت نورهان وبعد كدة بصت سلمي لزين تاني
سلمي: انا بحب اختك اووي يا زين عارف لية
زين: ليه
سلمي: بحسها اختي اووي عارف لما كنت بضايق من بابا كنت بكلمها وكانت بتخفف عني عاملة زي شهد بالظبط ياريت يبقي عندي اخوات والله
زين: انا هكون ليكي ابوكي واخوكي وصاحبك يا حبيبتي انا مش هحرمك من حاجة اوعدك اني هرجع علطول واتجوزك
سلمي: ربنا يجيبك ليا بالسلامة يا سيد الرجالة
زين: ربنا يخليكي ليا يا ست البنات يلا بقي عشان الوقت اتأخر عشان ابوكي مش يتكلم
سلمي بضعف: يلا يا حبيبي
مشيو هما الاتنين
عند صابر
صابر: عاملة اية مع جوزك يا بنتي
نورهان: والله يا بابا الحمد الله
صابر: ربنا معاكي دايما يا بنتي ويهدهولك
نورهان: اللهم امين تعرف شوفت مين قبل ما اجيلك
صابر: مين
نورهان: شوفت سلمي وزين قاعدين علي البحر
صابر: هو تلاقيه بيفسحها قبل ما يسافر
نورهان: اية دة هيسافر امتي وفين
صابر: هيسافر اخر الاسبوع رايح أمريكا عند واحد صاحبي هناك
نورهان: والله انا فرحنالو اوووي اهو عشان يتجوز سلمي ويبعدها عن ابوها الظالم دة
صابر: يارب يا بنتي كله خير
عند زين وسلمي
زين وصل سلمي ومشي راح علي بيتة
طلعت سلمي عند باباها ودخلت جوة
سلمي: السلام عليكم يا بابا
حسني: جبتي فلوس
سلمي: والله يا بابا ملقتش شغل ومحدش راضي ياخدني
حسني: انا مش قولتلك يا بت انتي متجيش غير وانتي معاكي فلوس ولا انتي مش بتفهمي عربي
سلمي: اعمل اية يا بابا طيب
حسني: طب امشي اطلعي برة يا حيوانة مانتيش بايتة انهردة عشان تبقي متجبيش فلوس تاني
سلمي ببكاء: عشان خاطري يا بابا سامحني اوعدك هصحي الصبح بكرة وهجبلك الفلوس الي انت عايزاها
حسني قام من مكانة ومسكها من شعرها كانت سلمي تصرخ من الالم وقام طردها برة
وقبل ما يقفل الباب
حسني: متجيش بكرة غير وانتي معاكي فلوس والا اخلي عيشتك سودة دة اقل عقاب ليكي يا عاقة
قفل الباب في وشها وهي كانت بتعيط ومقطعة نفسها لحد ما اتحاملت علي نفسها وراحت عند بيت زين لانو اقرب بيت ليها
بعد خمس دقايق كانت سلمي بتخبط علي الباب
زين بصدمة: اية دة في اية يا سلمي مين الي عمل فيكي كدة
سلمي كانت منهارة من العياط ومش عرفة تنطق وكانت شهاقتها بتزيد لحد ما دخلها زين جوة
نورهان: مالك يا سلمي يا حبيبتي بتعيطي لية
سلمي وهي بتعيط: بابا طردني عشان مجبتش فلوس ليه انهردة
زين بغضب: الراجل دة اية معندوش قلب معندوش احساس ازاي يعمل كدة في ضناه
سلمي: انتو دلوقتي اقرب ناس ليا ومش عرفة اروح فين
زين: مفيش حل غير انك تباتي هنا وانا هروح ابات عند نورهان
نورهان: لا يا زين خليك انت انا هاخدها تبات معايا انهردة
زين بص لسلمي عشان يشوف اي حاجة علي ملامحها لكن مش شاف اي حاجة
زين: سلمي انتي موافقة تباتي هناك
سلمي هزت راسها
= موافقة معلش انا تعباكو بمشاكلي
زين: بطلي هبل يا سلمي انتي خطيبتي يعني مشاكلك هي مشاكلي تمام
سلمي: تمام يا زين
عدي الوقت وذهبت سلمي ونورهان وزين قاعد بيفكر ازاي هيسبها كدة دة بيعمل فيها كدة وهو موجود اومال لو مش موجود هتدفنها حية
زين نام من كتر التفكير لانة خلاص تعب اوووي
عند نورهان وسلمي
جة جوز نورهان من الشغل وشاف سلمي
شهاب: اية دة مين الضيفة دي
نورهان بمرح: دي خطيبة اخويا يا شيبو
شهاب: منورانا يا انسة...
سلمي: سلمي اسمي سلمي
شهاب: منورانا يا سلمي اعتبريني اخوكي اي حاجة عايزاها قوليلي
سلمي برقة: ربنا يخليك
نورهان: طب خوش غير انت يا شهاب عقبال لما احضر العشا عشان ناكل
شهاب:طيب يا حبيبتي اومال فين ملوكة
نورهان: ملوكة كلت ونامت
شهاب:طيب هخش اشوفها عقبال لما تحضري العشا
دخلت نورهان وسلمي المطبخ
سلمي: بس شكلة بيحبك اوي يا نوني
نورهان: انا وهو متجوزين عن حب متعرفيش هو اغلي حد عندي ازاي
سلمي: ربنا يخليكو لبعض يا حبيبتي
نورهان: طب يلا عشان نحط الاكل علي السفرة وناكل
سلمي: يلا بينا
قعدو ياكلو كلهم
وبعد مرور ساعة كانت سلمي في اوضتها وقاعدة في البلكونة بتتفرج علي النجوم والقمر عشان عرفين مش هيطلعو سرها برة وهي سرحانة رن موبايلها
زين: عاملة اية يا حبيبتي دلوقتي
سلمي: كويسة يا زين
زين: هتكذبي علي زين حبيبك وانتي عرفة انة بيعرف نبرة صوتك اذا كانت سعيدة او حزينة متحاوليش تخبي عليا يا سلمي عشان مش توجعي قلبك
سلمي: تعرف يا زين انا اكتر واحدة ضعيفة مع اني مش ببين ضعفي ابدا بس اول مرة احس انكو حاسين بضعفي وانا صعبانة عليا نفسي اووي نفسي ارتاح من الدنيا كلها
زين: بعد الشر عليكي يا سلمي والله انا بضايق اوي لما بتزعلي او تقولي كلام يزعلني بحس اني قلبي بيتقطع عليكي كدة مش هعرف اسافر عشان مش اسيبك
سلمي: سافر يا زين سافر يا حبيبي وانا والله كويسة مش تقلق عليا
زين: ماشي يا حبيبتي تصبحي علي خير ولو عزتي اي حاجة كلميني
سلمي: حاضر يا حبيبي تصبح على خير
قفلت سلمي عليه وبعد شويةكلمتها شهد
شهد: عمري عامل اية دلوقتي
سلمي مش عرفت تبين حزنها
=كويسة يا شهدتي
شهد: علي شهد دة انتي باين عليكي خالص انك زعلانة
سلمي: دايما فهماني يا شوشو
شهد: طبعا يا لومة مش انتي اختي وصاحبتي طبعا لازم افهمك يلا احكيلي مالك بقا
سلمي حكت لها كل حاجة
سلمي ببكاء: وانا دلوقتي عند اختة وخايفة من بكرة اوي مش عايزى ارجعلة تاني بيخليني اكرهه
شهد: حسبي الله والله ربنا يبعدك عنة يا بنتي والله انتي مقطعة في قلبي
سلمي: مبقتش فارقة يا شهد انا نفسي انام مقومش تاني
شهد: انتي شكلك وحشك الشبشب مش كدة
سلمي بضحك: لا خلاص يا باشا انا اسف
شهد بضحك: اهو كدة محدش يستاهل دموعك وحزنك اضحكي وافرحي يا لومة
سلمي: ربنا يخليكي ليا يا شهدتي
شهد: ويخليكي ليا يا قلب شهدتك يلا بقا اسيبك تنامي وبكرة هرن عليكي
سلمي: اوكي يا روحي سلام
قفلت سلمي مع شهد وبعدين دخلت نامت
وبعد مرور نص ساعة
حست ان في ايدين بتحسس عليها بشهوة
سلمي....
يتبع.....
{البارت الخامس}
سلمي حست ان في ايدين بتحسس علي اديها بشهوة
سلمي بشهقة وكانت هتتكلم بس هو كتم بوقها
شهاب: هششش اسكتي خالص عشان مش تفضحي نفسك يا قطة
سلمي ببكاء: انت شخص زبالة وقال اية نورهان بتقول عليك محترم اتاريك زبالة ورمرام
شهاب: تؤتؤ كدة تزعلي شهاب منك وبعدين انتي عجباني اوووي دة انتي كدة المفروض تفرحي
سلمي: امشي اطلع برة بدل اقسم بالله اصوت والم عليك الناس
شهاب وهو يضحك بسخرية عليها
= ما انتي لو صوتي هقول انك انتي الي بتحاولي تغريني وجبتيني لحد الاوضة ومعجبة بيا ساعتها نورهان هتصدقني لانها بتحبني زي العامية وزين هيرميكي رمية الكلاب ويسافر وساعتها مش هيبقي حد يقعد معاكي غير ابوكي الي بيكرهك
كانت سلمي بتسمعة بصدمة وبكاء
سلمي: شهاب عشان خاطري امشي انا مش عايزة فضايح حرام عليك امشي بقا
شهاب: مش همشي غير لما اخد الي عايزة الاول
سلمي بصدمة: لا يمكن افرط في نفسي انت اكيد شخص مجنون
شهاب: متخلنيش اوريكي المجنون دة
لاحظت سلمي ان في سكينة محطوطة علي التربيزة وقامت لحد عندها
سلمي: اقسم بالله يا شهاب لو مامشيت لاهقتلك هنا
شهاب بخوف: طب خلاص انا هطلع بس ارمي السكينة
سلمي بصريخ: اطلع برررررررررررة غور في ستين داهية
طلع شهاب برة وجريت سلمي عند الباب وقفلتة بالمفتاح واخذت تبكي بقوة وبعدين اغمي عليها وهي علي الارض
في صباح اليوم التالي
صحي زين من النوم وراح الحمام عشان ياخد دش ويلبس عشان يروح لاختة
زين: صباح الخير يا سيد الكل
صابر: صباح النور يا حبيبي مالك متشيك كدة ورايح علي فين
زين: هروح اعدي علي نورهان عشان اشوفهم وبعدين هروح اجيب الطلبات الي نقصاني عشان السفر بكرة ولو اني بس مش عايز اسافر والله
قرب صابر من زين ومسد علي كتفة
= معلش يبني يمكن لما تسافر يكون خير ليك
زين: ونعم بالله يا بابا المهم انت فطرت
صابر: نحمد الله شوف انت حالك وانا هكلم كرم عشان ااكد عليه
زين: طيب يا بابا انا همشي انا
مشي زين وكلم صابر كرم
صابر: اهلا بالغالي والله وحشني اوووي يا كرم
كرم: والله انت اكتر يا صابر يااه بقالي كتير منزلتش مصر
صابر: وانت ايه الي مانعك
كرم: منا لو نزلت مصر هكون وحيد برضو
صابر: لية بتقول كدة
كرم: انت عارف اني معنديش عيال وان مراتي الله يرحمها كانت مبتخلفش وسابتني لوحدي وكمان اتعودت علي القعاد عندي
صابر: اهو يا كرم يا اخويا زين هيجيلك بكرة وتعتبرة زي ابنك بالظبط
كرم: ينور دة ابن الغالي والله
صابر: تسلم يا كرم يا حبيبي انا هقفل بقي عشان تشوف وراك اية
كرم: باي يا صابر
قفل كرم مع صابر ودخل عشان يتوضا ويصلي
عند كرم
كرم: يا تري الي بعملة دة لية واية هي حكايتك يا زين يا بني
عند شهد
طارق: صباح الخير يا قلب بابا
شهد: صباح النور يا بابا
طارق: رايحة الشغل انهردة
شهد: ادعيلي يا بابا انهردة اول يوم ادعيلي ربنا يوفقني واثبت في المكان دة
طارق: يارب يا بنتي يوقفلك ولاد الحلال
شهد: انا همشي يا بابا بقي سلام
طارق: سلام يا قلب بابا
عند زين
زين جه وخبط علي الباب
نورهان بمرح: اخويا حبيبي جي عشاني ولا عشان حد تاني
زين: بطلي لماضة ودخليني يلا
ضحكت نورهان عليه ودخلته جوة
زين كان عمال يبص يمين وشمال ومش لاقي سلمي
زين بتوتر: اومال سلمي فين يا نورهان
نورهان: سلمي نايمة ومش صحيت لسة
زين: طب ما تخشي جوة وتشوفيها يا بنتي
نورهان: اهدي كدة سيبها براحتها هي هتصحي المهم خش البلكونة مع شهاب اقعدو سوا عقبال لما اخلص الفطار
زين: طيب
عند سلمي
قامت سلمي وكانت تأن من الالم
سلمي: اية دة انا اية الي منيمني كدة
افتكرت سلمي من الي حصل امبارح نزلت دموع من عنيها وقامت من علي الارض ودخلت عشان تاخد دش دافي يريح وجع جسمها
عند حسني
حسني: الو يا باشا
حنفي: جبت الفلوس الي عليك يا حسني ولا تتسجن انا عايز فلوسي وانا اديتك مهل كتيرر اووي
حسني: اعمل اية حنفي باشا منا مش معايا فلوس اول لما اجبهم اكيد مش هتأخر عليك في حاجة
حنفي: لا انا مش هديك مهلة تاني انا هحبسك يا حسني عشان تبقي تجيب حاجات انت مش قدها
حسني: انا خدام تحت رجليك يا حنفي باشا بس بلاش الحبس انا مش حملة
حنفي: يبقي مفيش غير واحد لو منفذتوش يبقي الحبس هو الحل الوحيد
حسني: واية هو الشرط يا حنفي باشا انا من ايدك دي لايدك دي
حنفي بشهوة: تجوزني بنتك يا حسني
حسني بصدمة.
عند سلمي
سلمي طلعت من الحمام وقعدت ادام المراية وبصت علي نفسها لقت انها بقت شبة العواجيز وبقت ضعيفة
سلمي: هتفضلي امتي ضعيفة هتفضلي امتي الناس يقعدو يكسرو فيكي ويدوسو عليكي وانتي مش بتعملي اي حاجة ولا حتي بتاخدي حقك واحد كلب زي شهاب دة سبتية يشوف ضعفك واكيد هيقعد يزلك
خبطت نورهان علي الباب
نورهان: سلمي انتي كويسة يا حبيبتي
سلمي بضعف: ايوة يا حبيبتي انا كويسة
نورهان: طب يلا يا قلبي عشان تفطري
سلمي: مش ليا نفس يا نورهان مش قادرة اكل
نورهان: انتي كدة عايزاني ازعل منك وبعدين زين برة اقول انا اية
سلمي بلهفة:هو زين جه
نورهان بأبتسامة: ايوة يا قلبي هو قاعد مع شهاب برا
سلمي لما سمعت اسم شهاب انكمشت علي نفسها وخافت
نورهان بخوف عليها
=سلمي متأكدة انك كويسة
سلمي بكذب: ايوة انا كويسة يا نورهان
نورهان: طب يلا بينا عشان نطلع
طلعو برة
عند شهد
شهد وصلت للشركة وهي متوترة وخايفة اووي
شهد: اية يا شهد اجمدي كدة دة شغل مش داخلة امتحان
دخلت شهد جوة وهي متوترة جدا بس التوتر دة خبطت في شخص
شهد قبل ما تعتذر كانت اتصدمت جدا من الي شافتة
شهد: انت
اسلام بضحك: شوفتي بقا صدفة حلوة اوووي اني اشتغل معاكي
شهد: شكرا ليك يا اسلام بيه عن اذنك
راحت شهد لمكتب المدير وخبطت علي الباب
اسر: اتفضل
شهد: ازيك يا استاذ اسر انا شهد الي هتشتغل مع حضرتك هنا
اسر اتصدم من جمالها وعيونها الزرقاء الي تاه فيها
شهد: استاذ اسر حضرتك معايا
اسر: اة يا انسة شهد استني هنادي السكرتيرة تيجي توريكي شغلك فين
شهد: تمام
كلم اسر السكرتيرة عشان تاخد شهد وفعلا خدتها وودتها للمكان الي هتشتغل فيه
السكرتيرة: دة المكان الشغل بتاعك ودول زمايلك الي هيشتغلو معاكي
اسيل: ازيك يا قمر انا اسيل وانتي
شهد: انا اسمي شهد
اسيل: اسمك جميل اووي يا شهد
شهد: شكرا
اسلام: انتي عرفاني اكيد
شهد وهي متوترة
= اكيد
اسيل: انا يا ستي اعتبريني اختك هنا وكمان لو عزتي حاجة أنا هساعدك
شهد: شكرا يا سيلا
اسلام كان بيبصلها نظرات كلها اعجاب بسبب شياكتها
شهد لاحظت ان اسلام بيبص عليها بس مش ادتله اهتمام وكملت شغل
عند اسر
كان اسر يفتكر شهد وقد اية هي كانت متوترة وعيونها الي خليتها تاه فيها
اسر: اية يا اسر ركز شوية مش حتة موظفة هتشغل بالك
كمل اسر شغل عشان يبعد تفكيرة عن شهد
عند حسني
حسني: بس انت كبير عليها اووي يا حنفي دة انت قد ابوها
حنفي: انا لو اتجوزتها هديك فلوس اكتررر ومش هاخد منك الديون الي عليك ها قولت اية
حسني وعنيه لمعت عشان سمع سيرة الفلوس وكان بيفكر هيعمل اية بالفلوس
حسني: انا موافق يا حنفي لما تيجي هبلغها انك هتتجوزها والدخلة الخميس الجاي
حنفي: كدة انت حسني حبيبي الي بيسمع الكلام اقفل معاك بقي
حسني: ولله وحظك بقا هيبقي حلو يا بت يا سلمي
عند الجماعة
سلمي جريت علي زين وحضنتة وهي مش حسة بحاجة خالص
سلمي ببكاء: زين اوعي تسبني تاني اوعي
زين خرجها برة حضنه وهو مش مرتاح
زين: في اية يا سلمي مين زعلك وبعدين انتي بتترعشي كدة لية
سلمي: لا مفيش بس انت كنت وحشني اووي
وبعدين بصت علي شهاب لقيته بيبصلها بخبث
زين بشك: متأكدة يا سلمي
سلمي بكذب: ايوة يا حبيبي بس يلا عشان نمشي
زين: حاضر نفطر ونمشي
سلمي: طيب ماشي
قعدو يفطرو
بعد مرور ساعة
خلصو فطار وخد زين سلمي ومشيو
في الطريق
زين: مش هتقوليلي مالك برضو انا مش مصدقك يا سلمي
سلمي: والله يا حبيبي كويسة يمكن بس زعلانة عشان انت مسافر وهتسبني
زين: والله يا عمري هاجي تاني مش هعيش بقيت عمري هناك يعني
سلمي: ربنا يرجعك بالسلامة
روحت سلمي علي البيت وهي خايفة من باباها اوي
طلعت سلمي فوق وخبطت علي الباب وحسني فتحلها
ولدهشتها انة مش عملها حاجة ودخلها
حسني: خشي يا سلمي
سلمي دخلت وهي قلقانة وخايفة ان في حاجة
حسني: عايزك تحضري نفسك الخميس الجاي
سلمي: لية يا بابا
حسني: عشان دخلتك يا عروسة
سلمي بصدمة.....
يتبع...