# آنِتٌ عٌمًريَ

البارت 4

ملاحظة بنات اتمنى تعذروني بعدني كاتبة في بداية الطريق 🌹🌹🌹...... #بكاء الروح. تزوجت من ابن عمي صالح وسكنت قريب يم اهلي مشتمل صغير يبعد مسافة عن اهلي وبدت حياتي من اول يوم مشاكل طبعا اني ماجنت اعرف اطبخ بصراحة هههههه رغم الخطوبة ظلت 9 اشهر بس ماحاولت اتعلم طبخ لان جانت نفسي مكسورة مافرحانه اول يوم من زواجي بنت خالتي طبختلي جانت يمي الصبح هي وبنت خالي كلش احبهم زوجي طلع بشغلة واستغلينا الفرصة وطبخنلي سناء تمن ومركة بتيتة باللحم طبخها لايعلى عليه وراحوا اجة زوجي صبيت الغدة وعجبة ههههههه طبعا مواني طابختة لو يدري 😁😜 ثاني يوم انكشفت جرايمي 🙈 طبخت تمن ومركة بدون ملح نسيت اخلي وموطيبة المركة ما ادري شلون صنعتها ههههههه مثل شيرين بمسرحية كدو حبنا يمكن خليت جص مثلها هههههه المهم اكل وانصدم واني اتهيئت للمعركة 🙈 كال هاي شنو الاكل مو مثل مال بارحة طيب كتله اي البارحة بنت خالتي سناء طبخت واليوم اني شبيه الاكل لا ابد مابيه بس يلعب النفس ههههههه خطية انظرب بوري. كال ليش ماحاولتي تتعلمين الطبخ شكله بالله اني اصلا كوه وافقت عليك هالمرة اتعلم طبخ طبعا حجيت بكلبي فشلت شجاوب من صخام وجهي مرت الايام وهو علمني الطبخ لان هو يعرف يطبخ بس باقي الطبخات اني تعلمتها كلنا تعلمنا محد انولد طباخ لو شيف بعدها صرت طباخة ماهرة اكلي طيب والله بشهادة الكل خصوصا حلويات طبعا هاي اني تعلمتها هم كولوا هو علمني ههههههه مرت الايام هو داوم الشغلة كاسب يشتغل واني بقيت بالبيت يرجع من الشغل يلكه الغدة حاضر طبعة ماحلو اذا اجه والغدة يتٱخر شوية يتخبل تعلمت اكعد من الصبح اطبخ وانظف وياريت عاجبه دائما يحسسني اني فاشلة زعطوطة رغم كلشي تعلمت بس حاجز جبير بيني وبينه هو جان يحب بنت عمته لا اني حبيته ولاهو حبني. بس اهلها ما وافقوا عليه من خطبها. المهم حياتي صارت بس مشاكل تفاهم ماكو بينا ابد دائما يضربني ويهيني واني كرامتي عندي بالدنيا ومن يضربني مايصالح ماينزل نفسة فوك ماضاربني مكضيتها بس بجي وقهر وكدام الناس سعيدة وبالحقيقة اتعس انسانة صار عندي ابنية نورهان وهم حياتنا نفس الجحيم يطلع ساعات يعوفني وحدي بليل مايكول خطية تضوج تخاف وره سنتين صار عندي علي هو يحب اطفالة يلعب وياهم يشاقيهم للامانة بس اني عبالك مو هذا الي جان يريدني كلمة حلوة يستكثر يكلي بحياتي ماكلي احبج ... والمرة صعب عليها تعيش بدون حب بدون كلام حلو تحس هي الها قيمة بحياته ...... ومرت السنين وصار عندي محمد وسيف يعني اربع اطفال عندي بنت وحدة وحياتهم صارت مثل حياة امهم بس مشاكل وعركات نفسيت اطفالي ادمرت بشكل 😔 بنات مو بس تشاهدون فدوه صوتوا حتى تصعد القصة واكملها شجعوني ❤❤