# أّنِتٌـ عٌمًريِّ #بًکْأّء أّلَروٌحً بنات قصة سارة قصة اجتماعية موجودة بهواي عوائل للأسف اكو بعض العوائل يتصورن اذا زوجوا بتهم خلصوا من همها ومايعرفون اذا اسائوا بأختيار الزوج المناسب البنتهم شنو يكون مصيرها وحياتها .... سارة بنت مرحه تحب الحياة مشاكسة بعض الاحيان كباقي المراهقات جربت الحب ودائما افشل ما اعرف السبب مني منهم 😔 المهم ماعندي حظ امده حظي حتى بالحب ما كاعد 😁 حياتي جانت حلوه مشاكسات وي اختي الاكبر مني جنت اخبلها وجانت تضوج من تصرفاتي هي اكبر مني بسنتين ونص من صرت بالمتوسطة بدت شخصيتي تتغير وجان عندي هواي صديقات بالمتوسطة اعز صديقة عندي جان اسمها سهى جنت كلش احبها وجنه صديقات مقربات بس للأسف طلعت متوهمه بصداقتنا هي جانت المفضلة عندي واني جنت بالنسبة الها صديقة كابقاي الصديقات من تركت الدراسة ظلت صداقتنا فترة نتواصل بس عرفت اني مو صديقة مفضلة عدها عموما ماكو صداقة بعد للاسف جنت كل يوم ابدل واكعد بالحديقة العصرية الجو حلو ومتعودة من يصير العصر اكعد بالحديقة تعرفون سوالف البنات بعد وجان هواي يحاولون يتقربون متي بس بالنهاية نفترق يمكن لان من احب احب بغيرة وجنون او يمكن جنت بعدني مراهقة يعني ما احب الولد يلعب عليه اكون اني وبس بحياته لهذا يصير ملل ونفترق بيوم جنت بالحديقة مال اهلي كاعدة وصافنه جان الجو كلش حلو وتوه اوراق الربيع دا تطلع والورد دايطك جان اشوف ورقة بالكاع شلتها قريتها طلع بيها رقم وباوعت لكيت ولد طويل واكف بعيد يباوع عليه نظرات يمكن اعجاب يمكن حب ولو حظي مصخم بالحب شلت الورقة شكيتها كدامه على اساس اني اتفيك 😁 لان ماعجبني شكله بصراحه جان اسمه عماد هو اكبر مني وره فترة مريت بتجارب المراهقة وفشلت بالحب ومن جان عمري 17 حبيت ابن جيرانه عمر وهو جان حبي الاول والاخير شفت عمر صدفة...... كبال بيتنا باوعلي بنظرة اعجاب وطبيت جوه اني فديوم من جنت بالمدرسة اداوم بالمتوسطة صديقتي اجتي عليه هي بغير شعبة كالت سارة اكو واحد يصير صديق اخوية انطاه هذا الرقم وكله انطية الاختك توديه السارة صديقتها اني معجب بيها من شفتها اول مرة حبيتها. سارة.....طبعا تفاجأة من صديقتي كتلها منو هو وشيريد مني وين شافني....ما جنت اعرف هو نفسه عمر جيرانه بس هي فهمتني واني عرفت تقصد عمر واني كأنما ما صدكت عرفت رقمه طرت من الفرح بداخلي بس كدام صديقتي ثكلت نفسي ههههه موه قنعتني واخذت الرقم بليل خابرت الو هو رد متت من سمعت صوته طبعا الي ماتعرفوا هذا عمر قبل كم سنه جنت صغيرة معجبة بيه جان مرة يتعارك وي صاحبة وتمالخوا اني انقهرت عليه لو بيدي املخ صاحبة وعمر اتعور بوكتها...وانقهرت عليه ومرت فترة وشال عمر قريب يم بيتنا صرنه جيران المهم خابرته واطورت علاقتنا وحبيته حب جنون وهو هم حبني بس جان ماعندة اخلاق هو حظي بعد مصخم عرفوا بعد 😁 ...... وضل حبنا اربع سنوات بعدها حاول يخطبني بس اهلي رفضوا والسبب اخلاقة وميحمل مسؤلية للآسف بس حبيته بجنون وره فترة خطبني ابن عم بابا واني رفضت لان كلبي بعده وي الانسان الي حبيته وره فترة عاود الكره اقاربي وخطبني وافقت بآلحاح من اهلي لكن كلبي كان وي عمر مانسيته قبل الخطوبة بيوم عمر انطاني رسالة من الشباك واني خفت لا احد يشوفنا ركعت الشباك على اصبعة قبل مايروح هههههههه وهو روحه فارت كلي بصوت ناصي بنت الكلب اصبعي طار هههههه شكد جنت احبه يالله بس القدر فرقنا عمر شال بغير منطقة وره خطوبتي وهو هم خطب بنت عمه واني تزوجت ابن عم بابا رغم ان قلبي مازال ينبض له وبآسمه لكن شاء القدر وفرقنا وبعد فترة من زواجي اجيت بيت اهلي ازورهم اني وزوجي جان اشوف عمر كبالي واكف ويه اصدقائة جاي يسلم عليهم لان هو شال من المنطقة راح البعقوبة وبحسن نية كلت الزوجي هذا عمر الي راد يخطبني ولا تآثر من كلامي تصورت راح يضوج او يغار لكن من شفت عمر احساس غريب انتابني مو مثل كل مره يمكن بديت انساه طبعا نسيت اعرفكم عن نفسي....... سارة عمري بوكتها 17 طولي وسط شعري اسود طويل رشيقة احب المطالعة والقراءة اني الوسطانية بخواتي احنه اربع اخوة 3 بنات ولد واحد اني اوكحهم ما اخاف من احد متمردة وعصبية بس قلبي طيب شكلي جميلة عيوني كبار بس جنت اتمنى اتزوج عن حب بس ما حالفني الحظ بنات هاي اول تجربة الي بالكتابة بعدني مبتدئة اريد رآيكم اكمل لا بنات حبايب اذا عجبتكم القصة صوتولي لطفا حتى اكملها بقلمي ...... بكاء الروح
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
