حب هدم كيان المافيا

البارك الاول❤

نعيمة: اسمعي يابنت جيبيلي معاك كاس قهوة راسي راه يسطر عليا
سيرام: اوووكي ماما نعيمة ني جايبتلك
نعيمة: ها زربي روحك شبيك تقيلة هاك ماتفلحي في والو
سيرام: صبر ياربي صبر
نعيمة: سمعتتك راني
سيرام جات وجابت لقهوة وقعدت قدامها وحظنتها وعلاش انا واش قلت
نعيمة: ههه لبراءة زعما
سيرام: تعرفي نحبك ونموت عليك ونتي كلش في حياتي
نعيمة: نعرف ونتي تاني اغلى واثمن حاجة خرجت بيها من ها دنيا رخيسة
سيرام: انت احن ام واطيبهم
نعيمة: وانت اغلى بنت واحنهم ربي يحفظنا لبعضانا
سيرام : امين
كملو قهوتهم وكل وحدة طلعت لبيتها ترتاح قيلولة بيد ما يلحق وقت لعشاء ويهبطو يوجدوه مع بعض
هذا لكل في حي شعبي بإمتياز جيران كل واحد في واش لاتي نساء لي يغسل لي يمنشر ولي لاهي يتفرج وصغار يلعبو وكل واحد عندو هم مخبيه
وصل وقت لعصر ناضو بداو يوجدو فالعشاء مع بعض
وحكيو ويضحكو وسعادة باينة من عينيهم